海港酒家

營業中

休息中

留意到兩大酒家做緊蟹大特價。。。同朋友商量後決定海港，預早訂枱八點，諗住收工行過去差唔多喇！訂枱時店員講到當日要再打電話去問有有無蟹返，到當日下午致電confirm了蟹嘅大細，我地留咗兩隻約四斤去到未夠八點，店員叫我地等等，望見全場爆哂，海鮮檔幾箱蟹，友人叫魚王揀咗兩隻靚蟹我地就入座，之後再話可以蒸蟹，我地再揀其他小菜。我地食食吓發現只落了一隻多，但我地已經等了差唔多一個鍾，問店員之後佢話依家即刻蒸唔洗等咁耐，都無計照等，果然好快就上埋第二隻，我地仲叫咗兩碗白飯撈蟹膏。。。嘩！真係人間極品，蟹膏香濃食落回甘。。。啖啖蟹肉，鮮甜多汁。。。新鮮度簡直100。。。五個人埋單二千多，但值門票價！咁嘅價錢可以食到一流嘅蟹，真係物超所值

土瓜灣區真係好多酒樓，而翔龍灣海港直情係我飯堂一樣甘，其他別的，我一間都無興趣去... 無法啦。係度食得開心；不少了正/靚/正。 講酒樓裝飾，要豪華有豪華；要亮麗有亮麗；總之就一點都唔失禮；論價錢；最平一籠點心只係$6.8咋！！！仲要係蟹籽燒賣；唔講呢款，仲有大把呢孖寶$20.8選擇：平均都係大概$10/籠，抵食過自己煮啦⋯⋯ 可能你會對質素有懷疑🤨，甘我好肯定同你講，唔洗擔心，呢度唔會因為你叫特價點心而縮水，以下燒賣同茄子就係一個好例子。茄子🍆：比我平時自己煮的更大件，魚肉釀得好，唔會一咬就分離：煎得炸度拿捏得好，沒有過老。燒賣：大大粒，有豬肉有蟹籽又有蝦；$6.8有三粒wooo ; 賣相係比正價差一點；但仲係可接受範圍內，抵食之選

等了很久，終於裝修完了。當然第一時間去試一試下午茶。環境改變不是太大，好像細了點。但食物質素仍然維持在高水平。今次點了一個煲仔飯他真的是燒的！不像平時酒樓的煲仔飯是蒸的！所以有飯焦！非常夠誠意！因為本人非常喜歡吃飯焦！

以前呢間酒樓好大，又好多人，裝潢左之後細左一半都有，但反而一叫人就有人見到，唔會好似以前咁叫極都無人來。平時嚟飲開茶，今次嚟食晚餐。一行六個人，叫半圍又唔洗咁多，唯有叫小菜。呢個雜菜煲，就真係好一般，無咩味。條魚就唔錯，d肉都幾白滑。。。🤣🤪呢個值得一贊，唔太肥又唔係乾。。。雖然無太留意係咩龍蝦🦞，但我覺d肉都幾彈牙，之前食過乾到死又無肉嗰d🤔🤔呢個都算ok!!!呀。。忘記左個雞。。唔記得影，但好好食。。係白切雞。。。真係好食。。。唔老又有少少雞味。。。同出面好大陣雪藏味嗰d無得比。👍🏻👍🏻👍🏻

夜麻麻只想叫個套餐加個菜食完早回家, 侍應亞姨話套餐未能入電腦,話要等一陣走開了,之後問都未恢復,再問時佢一手搶了套餐紙然後揸埋一團,跟著冇套餐... 咁即係點呢！？魚，普通菜，豆苗有點老

香港從前是個小漁港，今日來到翔龍灣重新裝修後的海港，為了多做自由行生意，我地七人居然被安排坐一張小圓枱，大家只好將就一下肩並肩排排坐，今日的「海港」又回復到昔日的小漁港。黑松露蝦仁炒蛋黑松露炒蛋真的很香，蝦仁也爽口彈牙，無得彈！乳豬半隻乳豬皮夠脆，雖雞得半隻，已經無怨無悔！一啖沙糖，一啖乳豬醬，正呀喂！大班兩味大班腩用蜜豆炒，另一味清蒸，沒有最好只有更好！啫啫芥蘭煲芥蘭用蝦米同馬拉盞，以啫啫方法烹調，味道出奇地好！呢間海港味道可以話係上品，服務就...要將就下。

今晚同家人提早慶中秋! 哥哥揀左呢個套餐, 再另加6斤蟹!$188斤, 見到好興奮, 不過聽到係酒煮, 又覺得吾會好味, 但原來都夾, 好有酒香, 又啖啖肉!!!蟹跟個炒飯, 但料少, 得飯, 飯亦淡而無味!乳豬很脆, 亦份量很大!龍躉球很新鮮!呢個松露軟殼蟹聽落又係慼覺吾夾, 但果醬很好味!燒雞而吾覺有雞味, 可能係雪雞關係! 有某些位都仍有血紅!欖豉蒸龍躉頭腩都不錯, 吾會太咸!這個蒜容粉絲蒸龍蚸最遲到, 但都很多肉吃!雖然套餐沒有粉面類, 但都吃得好飽, 份量很足! 宜加酒樓很多時都不夠侍應, 見佢地都好忙, 但叫佢地執枱加水, 都未有黑面情形!

那日是老豆生日，我地成家去咗海港酒家整番圍全包宴，盛惠$1598，有成十樣菜式，包兩支啤酒，兩渣橙汁，可謂勝價比高。先講下隻乳豬，唔算大隻，皮好脆，但好肥，燒得幾香，合格吧。鮑片扣鵝掌，鮑魚是普通貨色，算食得過，反而鵝掌扣到好腍，D鮑汁索晒入面，食落好有膠質，好唔錯。碧綠炒龍䠢球，龍䠢肉帶爽兼彈牙，有魚味，但份量少，加埋D蜜糖豆炒，好清新。松露花姿球咪即係炸墨魚丸，加左D松露醬，炸起好香口彈牙，送啤酒最正。個上湯蝦球伊麵都OK，個汁好濃，D伊麵好吸汁。燒雞好吃皮脆肉滑，還有阿爸最愛吃的酸羗蒸躉頭腩，好鮮，D皮有充滿膠質，好食過D養嘅青班，因為養班無魚味又腥，龍䠢就算養都有鮮味又唔腥。炒飯好吃夠乾身夠鑊氣，最後要讚下D壽包好好食，蓮蓉饀清甜起沙。D橙汁酸酸甜甜好開胃，送兩渣，好抵。

一如既往的老實(這對愛食海鮮的我來說非常重要)，價錢公道。 以往(包括我與親友)在海港偶會碰上沒禮貌、態度不佳的招待人員，但不愛投訴的我通常會包容。 哈，今次給我遇上一位男經理(西服沒有別上名字，見圖) & 一位李姓的大家姊(見圖)，他倆有禮、親切、勤快、以客為本的服務態度卻一定要表揚！ 例如經理見我們揀海鮮遇上困難便立即主動的協助，以半跑的方式陪我太太去魚缸，而李姓的大家姊則一眼關七，多次親切的主動提供服務。 哈，假如我是開酒樓的一定挖角！ 

It’s time to have a whole family dinner during grandma’s birthday!We selected this restaurant to have dinner as they got very valuable set dinner. The lobster was cooked quite well. The lobster meat is very tender and very fresh ! The garlic smells so good. Marinated with the lobster meat taste really yummy !Other food are not bad . But the service are really mama here. As the number of waitress are not enough, so quite hard to find a waitress !

叫左隻6斤重既阿拉斯加蟹蛋白蒸，個部長不停推介加錢做多個蟹膏抄飯，咁大隻蟹，用蟹膏抄飯一得正啦，點好晒所有菜後，吾夠幾分鐘，個蟹膏抄飯超快就上左台，望一望吾對路，點解見吾到有膏既，試一談，完全無任何蟹膏味😰，同返個部長講，佢又死撐話係用蟹膏抄，之後仲走埋消失左。當日係慶祝飯，吾想攪到大家尷尬唔開心，所以無同佢地嘈落去。隻蟹二千蚊，一粒膏都無，之後諗返起吾怪得不停叫我地加多個蟹膏抄飯，真係好嬲，大家小心

今天諗起想食龍蝦，海港酒家的海鮮10分有水準，所以我們去了吃龍蝦不二之選的海港酒家。👍👍👍👍👍一行三人捉咗一隻三斤二両嘅野生波士頓龍蝦，現在做特價，每兩只要＄8，吃龍蝦我會揀上湯焗是最新鮮嘅做法，另外加左＄70 蚊伊麵底。如果要芝士另加$30。l廚師手藝一流，龍蝦肉軟滑、鮮甜，另外蟹膏燴伊麪，真係食到停唔到口㗎。😋😋😋😋😋臨走看到👀阿拉斯加長腳蟹做＄288蚊一斤，在我心中就決定下次一定要來食蟹啦。

這個海港酒家，以前我經常光顧，不過已經一段時間忘記了，今晚想吃龍蝦，便又想起要來。之前電話查詢過，知道西澳龍蝦做緊$33両，比較去年貴了$10，加幅達百分之五十，平均一只要$1000以上。不過現在做另一優惠，野生波士頓龍蝦$8両，所以便叫師傅揀了一只三斤多少少的，共$400。龍蝦以上湯烹煮，加伊麵$70。我見到還有更大的，約有七斤以上，不過人少，下次多些再吃大只的。龍蝦肉質比想像中嬌嫩鮮甜，沒有過火，廚師處理得非常好，至於伊麵，我們非常愛吃，因為吸收了龍蝦汁和糕，味道簡直一流，大大碟的伊麵很快就吃光了。下次再來吃另一只龍蝦，芝士連伊麵$399。😋😋😋

天氣炎熱，最岩去茶樓嘆冷氣，飲個茶食個包。土瓜灣好食既茶樓已經愈黎愈小，好多都敵不過旅行團，專做旅行團生意，搞到自己愈黎愈差散客都唔再去。好彩仲有間海港未被侵入，逢星期六日都好旺生意，要早啲黎到等位～呢個包我地每次黎到都必叫入面真係流心，好香奶黃味。真心推介糯米煙煙韌韌，唔會好油，有臘味味由細都大都鍾意食薄餐，點埋辣椒醬一流媽媽最愛蜆介醬，但我就麻麻地啦，各人口味不同。不過食到有魚骨，係證明真係用魚肉整？哈！呢碟就無咩特別，炸得唔夠金黃，外層再脆啲就好燒賣啖啖蝦肉同豬肉。呢碟雞翼都係每次黎到必點，夠味香口。同埋我地一家都係雞翼控其實比起以時已經無咁好食，不過希望之後都起碼可以keep住水準啦。服務方面，員工可能不足，舉手遞紙都無人應。可能咁岩係員工食飯時間。

今日去到土瓜灣探一個朋友，佢就帶咗我去佢屋企附近嘅酒家食個下午茶！ 可能係下午茶時間冇乜客人，更加冇乜員工，去到門口完全冇人問冇人理我地，有個員工經過匆匆走咗叫我地等一陣，點知等左好耐失咗蹤，已經開始嬲嬲地，之後就有一個阿姐終於理我地問我地幾多位，本身就係想走，不過因為食少少野費事走來走去！我哋就叫咗個炒飯同埋燒腩肉食，已經冇乜客人，但係呢兩樣完全係一個唔使煮一個炒得好快嘅食物足足等左20分鐘，真係唔知佢哋搞乜鬼首先來一個燒腩肉，皮燒得很脆，肉同脂肪比例多均勻不錯炒飯，來都已經凍哂，唔知係咪因為又係唔夠人。因為凍嘅關係完全覺得唔好食 對呢間酒家真係有啲失望，相信食物唔差但係服務就10分差，真係要好好改善下