海港燒鵝海鮮酒家 (已結業)

家住大埔，經常去呢度食晚飯。但係近年水準每況愈下！上個星期五一家七口去呢度慶祝父親節，敗興而回！d set 唔啱食，所以我地散叫。1. 半邊燒鵝 ---> d 皮燒到好黑，叫佢地換過一碟。d 肉好韌！無鵝味！2. 花膠魚湯娃娃菜 ---> d 花膠好硬，唔好食！3. 雜菌炒駝鳥肉 ---> 幾夠鑊氣！4. 一魚兩味 (唔記得咩魚) ---> 一般！5. 鮑魚啫啫雞煲 ---> 求其放d鮑魚落去，無咩味！d 雞好咸！6. 炒通菜 ---> d 菜好老！7. 上湯龍蝦伊麵底 (兩斤幾) ---> 最激氣果味！勁耐先上菜！係食晒全部餸都仲要催先到！d 龍蝦肉整到熟到韌，無羔，近蝦頭個位d肉係又實又霉嫁！仲要$9xx！俾d咁既嘢人！埋單$1752....咁既質素.....唔得囉！大埔咁多食肆，去第二度好過！** 廁所勁烏糟！男女廁仲係踎廁！難以想像呢間係"酒家" **

年初二，到婆婆家拜年，她買了好靚嘅五花腩。真係見到一層層，一層肥一層瘦，非常均勻。食一舊更加有令人回味無窮嘅口感。咸淡得宜，即使是近嘅位置都唔會咸得過份。好香口，d肉好嫩，真係好得！大家都已極速食咗好多舊！

我淨係黎飲過早餐果度既地方其實都幾迫下果度其實D點心都係麻麻地最好食應該係粟米墨魚餅煎得幾香又幾好咬口不過D流沙奶黃包就遠遠不及稻香稻香既流沙奶黃包可算是大埔第一海港既鳳抓同排骨亦唔見好食不過O係果度飲荼成日會有人問你試唔試下D 咩咩咩咁次數都幾多,幾煩下架都!!

之前寫過話佢D"一圍圍"ge菜唔好食，不過佢d小菜好好多喎！一行13人，叫咗D小菜。燒鵝(半隻): 招牌菜，燒得好香口，唔會好肥膩，口感唔錯！白切雞(半隻): 好瘦，亦夠熟，不過唔夠熱...燒腩仔：幾好，唔太un涼瓜斑腩煲：涼瓜好正，切得厚度適中，好吸味，又夠苦，正，如果涼瓜再多D就好喇！斑腩我無食，不過親友都無彈，應該ok吧！蒜茸白菜仔：等咗好耐先黎，好清好淡肘子雜菌煲：肘子即金華火腿，唔太咸，可能已煲晒落D湯度，所以湯好咸。份量大方。冬瓜盅：好大盅，好清，無味精，不過唔夠多料灼海蝦：無蝦味，肉地ok腐乳炒通菜: 夠味又夠熱

http://www.pbasehk.com/DebbieLam/20070519b平民洒樓，味道一流

the staff are really really rude...............the mark is pulled down because of that would be a shame...........I hope that the management group can realise the problem......................

13人，叫咗個餐\。魚翅—前所未有咁難食ge翅，好似BB食o個d糊仔咁，生粉落得太多，好核突，望見已經唔想食！一\"buc\"，哇，好嘔心，一pat pat, 係\"傑\"到會\"擎\"ge！唯一可取之處係材料足，有好多翅、帶子、竹笙！燒鵝—話係招牌菜，但都唔好食。太瘦啦，一D都食唔到甘香。帶子魷片炒西蘭花—算係咁多樣裡面最好架啦，西蘭花好味，魷片唔\"un\"。龍蝦蕎麥面—上枱先知係蕎麥面唔係伊面，本諗住應該都唔錯，但始終都係伊面配龍蝦最好味。蕎麥面煮得過火，太淋，份量又少。香芒炸蝦蟹肉—個樣唔好睇，不過味道幾好，真材實料。燒豬—呢個又肥得滯，又好\"loan\"，唔掂！花膠鮑片生菜—另一難食之作，賣相唔得，食落仲噎嚇人。D花膠真係膠黎架，無味，質感奇怪！鮑片一睇就知食唔過！蒸魚—一般貨色，蒸魚豉油唔夠香，帶唔出魚ge鮮味！楊州炒飯—叫做ok，不過太咸！壽包(另叫)—大大個，即叫即整，新鮮夠熱！有蓮蓉同奶黃餡。物非所值的一餐\！

要推介海港最佳食品,我一定推薦外賣部o既外賣燒肉飯!不過要下午去買, 唔好夜晚先去買如果唔係d燒肉就係凍o既同埋d皮唔脆嫁喇仲要下午買左即食唔好攤一排先食要即食先好食!!!真係好好食嫁!!!同埋$14一個大飯盒食到飽飽!!!

一個由細玩到大既fd 生日，所以一定會慶祝。但佢mummy 今日又o係屋企，所以就去左探auntie。佢地搵埋位食住等我，個fd 去左bus stop 接我。由於佢地等我果陣都食左d，所以我點左小籠飽、炸墨魚餅、鳳爪、蒸腸粉。蒸腸粉- 個粉醬稀左d ，所以較淋。小籠飽- 唔及上海舖，但都過得去。鳳爪- 麻麻地。炸墨魚餅- 可能係岩岩炸起既關係、很香脆味美。朋友搶左張單，所以都唔爭了。加埋佢地之前叫果d 好似$180。

超ＤＩＲＴＹ的酒樓、成間酒樓Ｄ油煙都好勁、地下都好ＤＩＲＴＹ、只係價錢平、Ｄ野食都将貨就價、好差。

去親飲茶就要去海港,因為有我最最最喜愛既流汁奶黃包!!!之前食過無數咁多次都要食!!!閒日去食好似$3.8/3大隻,抵!!!流汁奶黃包真係識得流汁!!!我去過好多其他茶樓,d奶黃包d奶黃唔識得流出來嫁~!其他點心都ok,仲有個馬拉卷,用馬拉糕既外層包住薄薄既花生醬,好似瑞士卷咁樣!妙呀~!係d服務差d,因為太多人,要自己倒水囉~

阿暖暖講得勁啱!上次食到玻璃後，唔係一塊，一碟蒸聖子可以有兩塊玻璃分別o係兩隻聖子度，次次食都梗有問題，所以無去成年，早兩日有朋友生日，壽星話去，算~比次機會佢，點知...唉!又失望...可能就快收工啦，話收兩點，十二點前去到點齊菜都要睇面色，尢其是經理狀o既物體，眼啤啤...又算!壽星要食呢間無所謂，渣渣淋食完咪算lor，點知有隻屎坑烏蠅(金頭o個種)撞落o左碟黑柏葉到，經理狀物體話只可換另一碟，無所謂啦，壽星鍾意食，但佢收走唔夠十秒原封不動比番我o地(但烏蠅已不知所蹤)，係耍我o地都做得好d Ar...去廚房都唔只十秒啩?以後打死都唔去呀! >~<

對呀!佢打邊爐既手打蝦丸同墨魚丸真係好彈牙好正ga!>< 重有佢既綾魚球都好好食!

消夜打邊爐哩講，Lee間算唔錯，Do野好抵食，其中有兩款湯底只係＄１蚊咋，分別：香茜皮旦湯底同魚頭湯底．仲有三十款美食每碟＄１２蚊，都有番咁上下，（＄１２蚊當然係例排o野：美國牛肉，餓腸，豬下青，雲吞水餃，棻．．．．等等）我最鍾意就係o果D手打蝦丸同墨魚丸，細細粒，好彈牙．精美小棻都係＄２８蚊至＄３８蚊到．椒鹽豆腐，燒餓，煲仔飯一定要試．飲品方面，我最欣賞就係海底棷皇水，打邊爐咁熱氣，飲一柸潤番下都唔錯，楊枝金露都好好味．三五知己去食，埋單每人都唔駛＄５０蚊．

我0係呢間食晏食過几次,次次都覺得好好食~但真係好多人食,等位等勁耐...仲要好多人0係拎哂報紙去睇,又唔係食..生人霸死地咁...我試過等個几鐘,真係下午冇事做先等到咁耐佢d蜜汁雞翼好好食架!!!隻隻雞翼都好大隻,上面有好多蜜糖同黑椒,而家講起都想食!!!另外,佢個燒鵝好多人都叫,我食過都覺好好食~但唔知而家仲有冇,因為禽流感唔知有冇影響.佢d點心都唔錯,燒賣勁大粒~用料都好足.但佢d野點好食都有d小插曲,我見過佢d waiter拎d小菜出黎食,整跌左有碟鴨掌其中一掌,個waiter竟然若無其事執起放番落個碟到...唔知邊個唔好彩食左...其實佢d waiter都好有問題,一隻掌污糟咪唔要囉,仲要眾目睽睽下放番落個碟到..