海洋食堂 (已結業)

尋日(9-3-2011 Wed)冇飯帶,公司姐姐蒸飯時見冇我o既飯盒就問我冇帶飯,我至記得係喎,自己冇飯帶,亦冇買o野食.但雖然唔肚餓,都要叫外賣o既.於是又睇外賣紙,睇o黎睇去,好似都係呢間o既OK啲,於是叫個$20.00午市麵餐,雞中翼腸仔麵,加$1.00要熱好立克,落單時都交帶聲我幾點食飯.亞姐好準時送到,夠鐘食飯lu,打開睇睇,雞中翼同腸仔各一,雞中翼冇煎過,唔知係咩味呢?食吓先,係咖哩味o黎,雞肉仍滑但已經好腍,而腸仔就屬正常,煎過o既.至於麵呢,又係太腍喎,唔係幾得.熱好立克都屬正常呢.服務:好好,聽電話同送o黎o既亞姐都好有禮貌,而且兩個都有講多謝.

尋日(2-7-2010 Fri)再o黎冇飯帶,就叫呢間,要茄汁什扒飯,今次飲湯,係老黃瓜湯.開飯前10分鐘送到,真窩心.夠鐘食飯喇,打開飯盒睇,午餐肉都當係什扒?茄汁係一pat pat o既蕃茄醬,飯有好多,再翻開啲餸睇,有一件雞中翼,一條腸仔,兩件扒,睇真啲,原來係一件豬扒分為兩件,冇雞扒同牛扒,好失望呀.而湯呢,唔係清o既,飲落覺得有小小冬瓜味.再食返飯,豬扒同腸仔冇乜味,午餐肉味道最搶,雞中翼似係豉油雞翼o個類,肉滑.而由於(汁)唔多,食飯幾乎係乾哽,撈埋一pat pat o既蕃茄醬o黎食係好難頂.今次真係麻麻地喎.

今日(30-6-2010 Wed)又冇飯帶,睇吓有邊幾間可以叫外賣,見呢間有輕型啲o既o野食,就試吓啦.叫o左個$20.00o既油雞麵餐,飲可樂.夠鐘送到o黎,麵裡面都有啲椰菜,油雞似有玫瑰露味,麵唔知係公仔麵定出前一丁,但都唔錯.