海悠

營業中

休息中

中午食飯 好多人但其實人手唔夠 個女員工做得好辛苦 我左右枱既客追左幾次先原來漏單 好彩我哋冇但係今次隻雞好唔熟 所以員工話唔好意思 就主動唔收一罐可樂錢不過當俾錢時 個老闆話要收可樂錢 我地咪話他員工主動免收因為隻雞仍有血而雞肉唔熟同透明 個老板仲話雞肉有血系正常 要冇血 D肉就唔滑 (下 佢真係當我冇食過炸子雞）好彩我有影相俾佢睇 佢先唔出聲其實佢哋要數量 而放棄品質都算 生意一場 我明的 我哋唔滿意系佢唔認錯 仲話雞有血系正常丫理

去到職員就話要Apps落單，落完單見職員經過，就同佢講我已經落咗單，但職員冇任何表示。等咗15分鐘後，見唔對路就再問職員我的外賣單情況，點知職員話要付款先。付完款，等咗30分鐘，問職員我的外賣有未。職員先回覆尚欠炒粉絲。眼見其他餸菜已齊又入袋了，唯有再等一下。點知，再等10分鐘都重未有得攞。問職員炒粉絲有未，如果沒有就取消。職員就話炒緊了，但佢再問後面廚房就話未炒，退番現金俾我。等職員退完現金再俾袋外賣我又要再等差唔多10分鐘。未試過等外賣要等差不多1小時。回家只需10分鐘，叫了6個飯餸，但食物都冷了。就算味道唔錯，但出餐有問題，職員愛理不理，都唔值得再食。

今日心血來潮去試吓依間好多人讚嘅「大排擋」。海悠初初俾我的感覺有點簡陋，職員嘅服務態度亦不太殷勤。不過，令我驚喜係依度嘅食物質素出乎意料地高。首先，必試的炸子雞係我印象最深刻。雞皮薄脆，肉質柔嫩多汁，而且比想像中大隻，配埋脆米整體口感一流，成個組合簡直是絕配。另外我再點咗一碗米粉。依度嘅米粉同市面上常見的米粉大相逕庭，質地相當煙韌，煮得剛好，湯底亦相當鮮甜，有驚喜。最後，我仲點咗一份秘製蟹黃醬海鮮炒飯。這個炒飯嘅蟹黃醬味道相當惹味，而且炒飯粒粒分明。$58一碟炒飯性價比實在太高。總體而言，海悠飯店雖然在環境和服務上有所欠缺，但食物好味加上實惠價格絕對值得一試。如果你重視食物的質素又唔介意環境同服務質素，我覺得真係可以一試。

偶然發現喺觀塘駿業街有個熟食中心，入面仲有一兩間人氣比較高嘅食肆。夜晚上嚟見到海悠入面都有幾台客，決定試吓。佢出名食炸子雞同埋海膽炒飯，兩個都叫咗嚟試，仲叫咗個蝦干勝瓜。佢哋嘅炸子雞真係冇得輸，個皮好脆，有驚喜 👍海膽炒飯都唔錯，有唔同嘅海鮮。下次可以嗌個雙重海膽炒飯試吓。個蝦米勝瓜就不過不失，不過都睇得出佢啲蝦干都夠大隻價錢嚟講好抵食，會再嚟encore

荒廢咗好耐嘅Openrice，為咗海悠要出個post次次嚟親都一定係食炸子雞唔使講！每次食炸子雞都唔記得影相，但我相信唔需要我多講每一個喺觀塘返工嘅人都應該要試吓呢個炸子雞。我哋成個Office嘅同事一致認為暫時冇$250以內嘅雞，好食得過佢。今次有機會俾我嗌外賣，原來要買夠五舊水先可以外賣炸子雞，招牌果然係招牌！不過唔緊要，佢其他嘢食都好正，嗌咗平日啲friend必點嘅秘製海皇炒飯同埋桂花翅炒粉絲，冇得輸，一路食一路讚！必殺絕技係手臂咁長嘅瀨尿蝦，唔講咁多大家睇圖環境同衛生比三粒星，冇辦法始終係熟食中心，但係佢嘅美味就係令我一而再再而三出現嘅原因！

要人用App落外賣單，但又無清晰指示。職員工作繁忙且敷洐。之前曾經光顧，食物質素不錯。今次原本想外賣自取，去到店鋪可能生意好的關係，站了一會沒人理會。後來問職員叫我自己掃外賣QR Code落單。落單後等20分鐘都沒出餐，後來再問職員先回答要跟他們確認訂單才會真正落單。但無論app或者職員沒有提過這點。最後職員指示重新落單再等20分鐘，即刻拒絕前後需要等40分鐘的外賣單。真心無咁大本事唔好開咁多店面，服務真係差劣。

呢個價錢可以食到高質中菜，真係非常之抵。特登為咗炸子雞過嚟，皮脆肉嫩，超水準炒飯都好抵食，炒到粒粒分明但又唔會太乾，夠惹味，份量大。如果係茶樓食應該要三倍價錢先食到，真係好值得推介

海悠 @hoiyou_food 📍：觀塘駿業街67號駿業熟食市場1樓52-53, 56號舖🚗：觀塘地鐵出口 步行8分鐘📞：+852 9847-9707💲：~HKD40-70/head for lunch Food quality✔️：炸子雞半隻、秘製蟹黃醬海皇炒飯、川味魚香茄子炆鴛鴦米、黑松露鮑螺片炒飯總結：😋熟食🍲市場馳名炸子雞 非常有鑊氣同埋好抵食 但繁忙時段非常爆場 建議非peak嚟就唔需要等咁耐😋完全冇諗過熟食中心都有咁高質素嘅炸子雞 表皮脆 雞又嫩 $73only仲要大份 果然係招牌👍🏼😋佢啲炒飯都係超有鑊氣 蟹黃醬海皇炒飯同黑松露鮑螺片炒飯都好食 同埋炒到好乾身 粒粒分明 正🤤😋炆鴛鴦米都係足料好豐富好食😨趕時間嘅朋友就唔好繁忙時段嚟 喺區內都好出名但管理有改善空間 首先book咗位準時去到發現冇位 所以都係等咗10分鐘🥲😨然後點完菜 又要等15分鐘先上菜 尤其係碟海皇炒飯等咗30分鐘先上 同事搭正要返office 好彩我食得快😪😨因為係熟食中心 所以衛生有待改善 如果坐正房都好啲 當日被安排坐側房坐得超逼

今日游完水同女女&爸爸去食海悠之前已經帶過女女去食過一次因為太好食所以要帶爸爸去試🐔紅顏炸子雞（半隻） $68記得要預早一日訂定上次冇訂到賣晒冇得食今次終於食到炸子雞皮脆肉嫩又多汁💦配埋個甜酸醬好惹味🧀芝心咕嚕肉 $128我本身超鍾意食咕嚕肉見到餐牌有芝心呢兩個字更加要試吓豬肉入面加左芝士再炸咬落去好酥脆之後有芝士流出來配埋酸酸甜甜既汁成個口感好有層次🦐黑松露滑蛋蝦仁 $58炒蛋超嫩滑蝦仁爽口彈牙加埋黑松露醬真係一流爸爸平時唔鍾意食黑松露都食左半碟😋🦀秘制蟹黃醬海皇炒飯 $58一上枱就已經聞到好香炒飯炒到粒粒分明海鮮都好彈牙唔加蟹黃醬已經好好食加埋個秘制蟹皇醬味道提升左好幾倍📈🥥印度椰子鮑魚燉雞湯燉湯超足料完全冇加任何味精女女自己一個差啲飲晒

一年前我哋已經食過海悠 已經好出色今次再去 店舖更大 味道更上一層樓 💯海悠老闆 不斷求進步 會落手落腳自己做 會問取食客意見再改進 挑戰自己嘅人👍🏻✅而且價錢超貼地 每樣都好足料 完全係打工仔飯堂 早已係觀塘區小有名氣‼️招牌 紅顏炸子雞🐓半隻 $𝟔𝟖皮脆肉滑真係無形容錯 雞皮薄‼️脆‼️雞肉唔會有厚脂肪 肉質滑👍🏻秘製🦀蟹黃醬海皇炒飯 $𝟓𝟖炒飯上面加咗脆米 每啖都有脆口感 粒粒分明口感更明顯炒飯非常足料份量足夠𝟐-𝟑人食用黑松露滑蛋蝦仁🍤 $𝟓𝟖炒蛋超嫩滑🥚濃濃黑松露味湧入口腔🤩黑松露愛好者必試‼️🥥印度椰子鮑魚燉雞湯 $𝟔𝟖完全無味精 燉完湯湯肉原碗上我哋搵番真係有一隻鮑魚係入面真材實料👍🏻🙆🏻‍♀️

午餐時段用QR code落單，隔咗半個鐘頭去自取，去到老細居然話我哋落單後沒有打電話confirm，冇打電話就係冇落單，佢唔得閒mon住d order ，宜家多左好多鋪位坐客做大左，做哂網紅店咁，勁大牌！😡😡😡 佢嘅態度勁差，怪我哋冇打嚟，仲話宜家要就等20分鐘，叫我哋唔好等🙄呢啲餐廳幾好食都冇用 👎🏻一紅就差 💩👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

海悠食品2024.9.4(星期三）Dinner中秋節 🎉今晚 7 個人去食Dinner👭其中有 2 位第一次去 @海悠🤓一去到就話雖然係熟食市場， 但有間開一間間房， 環境都唔錯😍🎈行動成員有 7️⃣ 位，但叫咗8️⃣款食物🥘🍲🥢🥢 每碟餸一上枱， 大家食完第一 啖之後都讚不絕口⭐🌟⭐🌟😍大家個樣都陶醉係食物之中 😍✨好味好味✨😻食物有驚喜😻 😋性價比高喎👍👍👍👍👍🎊我對今晚嘅食物，可以比到💯🤭但要再攞高d分， 老闆動動腦筋， 尋求突破， 能夠再次衝擊我 味蕾嘅食物😂😂😋美食😁笑聲🤭講不完的話題😁開心的一個晚上🥰🏮大家都話期待我下一次再搞聚會🥰

真的一個字形容：混亂，點外賣叫服務員落單，就要求一定要app落單，落完單問了好幾個服務員落咗單未，一個推過一個。等咗半個小時，全身汗，先話我知，佢哋未確認訂單，而家先落單。咁樣擺明玩野姐

係因為睇左YouTube TalkFood段訪問之後勁想試，不過個廚已經係附近自立門户，不過我都想試下呢間咁平質素如何🥹環境就真係絕對唔好有期望喇~ 有幾間堂食位鋪～呢日就安排左遠黎廚房小小既鋪位，有小小殘舊，不過冷氣好足❄️▪️秘製蟹皇醬海皇炒飯$58蟹皇醬比得好慷慨，米飯炒到粒粒分明唔係碎米，材料有翠玉瓜 、魷魚、蟹柳、蝦仁就係咁多，好夠味又唔會過咸，要襯熱食冷氣大，放耐左米飯開始硬～▪️黑松露滑蛋蝦仁$58真係好滑 (•͈˽•͈) 黑松露味好激烈，有大量蟹柳蝦仁，可以配飯，一定好好餸飯但會飽到反肚▪️紅顏炸子雞(半隻)$68黎既目的係呢隻雞！外皮好脆唔油，大部分雞肉都係滑有汁，骨位微微紅但無血水滲，無overcook時間控制得好好~埋單個陣老闆會問下意見，睇得出佢係有heart想keep住進步！講真呢個價三樣野都真係物超所值(⑉･̆༥･̆⑉)汽水$5 And 呢到既隨便用紙巾係Tempo 🍑總結係係好食，令我想試埋廚師開個間xx小廚🤭

喺啟德嗰邊商場行完街，唔知食咩好跟住醒起之前mark低咗呢一間個炸子雞，咁就同兩老一齊過嚟食晚飯。表示坐落嘅時候佢話炸子雞已經沽清係有少少失望，但坐落咗又費事叫兩老動身咁就繼續嗌嘢食啦。嘢食味道先講一講個環境，頭頂個冷氣機係咁滴水成晚係咁避無可避。個雞軟骨都幾油，個牛肋條超多汁諗住好好送飯，點知夾上一舊嘅時候係凍嘅，同個侍應講，個侍應就拎咗入廚房隔咗幾套餸先至再拎返出嚟，今次啲汁就少咗，但係都係常溫，好大機會都係用微波爐叮一叮去就算。炒飯係冇味嘅，個炒粉絲上邊啲蟹肉碎超腥。因為冇炸子雞，咁就嗌咗佢個霸王雞，個霸王雞都係冇味。個西蘭花華金沙炒，但個蛋黃醬係甜嘅，我完全理解唔到點解個鹹蛋黃係咁甜。成晚剩係得一個乳鴿尚算可以，但係如果淨係靠炸子雞一味，應該好難留得住食客嘅心。同埋兩個侍應一個有心做，另一個就飛碟，如果有幸該店老闆見到呢個食評都希望佢認真了解如何改善。