影片
港鐵觀塘站 A2 出口, 步行約6分鐘
繼續閱讀
電話號碼
98479707
附加資料
敬請提早預訂
營業時間
今日營業
11:30 - 17:00
17:30 - 21:30
星期一至日
11:30 - 17:00
17:30 - 21:30
*不定時營業
以上資料只供參考, 請與餐廳確認詳情
觀塘熟食市場「海悠」非常幾人氣，日日午市晚市超爆場，相信好多朋友都食過，本來由三個舖位而家擴充到七個，遲啲唔知會唔會成層都係佢，已經食過好幾次，最愛當然係佢嘅炸子雞，最近腦細仲推出咗超特價海鮮，超巨型開邊龍蝦只係由 $68 起一隻，其他地方真係用呢個價錢絕對食唔到咁高質素，咁抵食我相信又會引起一輪排隊熱潮👍👍今日同朋友嚟食晚飯，除咗一早訂咗炸子雞之外，就來一場龍蝦、瀨尿蝦大放題，仲有發掘到一道菜，我認為係港女必食嘅「避風塘瀨尿蝦」有咩咁特別？就係幫你剝埋殼，完全唔需要動用到你雙玉手，我哋又點可以唔食😂😂▪️避風塘AAA級瀨尿蝦 （港女系列）一份一共有12件瀨尿蝦，已經幫你剝晒殼，你話有幾正，瀨尿蝦大大隻入口啖啖肉，而且用避風塘爆炒超級惹味，身為正宗老港女嘅我表示非常喜歡▪️椒鹽龍蝦▪️蒜蓉粉絲蒸龍蝦 ▪️蒜蓉粉絲蒸龍蝦加脆米我哋兩個女人總共食咗四份龍蝦，真係唔知以為黎食放題，抵食到咁梗係要食返夠本，三款口味各有特色，首先係龍蝦用上澳洲南澳龍蝦，肉質超級新鮮彈牙，椒鹽口味超惹味，蒜蓉粉絲清蒸夠晒鮮味，加咗脆米口感就更豐富，總之全部都正🦞▪️原隻AAA級椒鹽瀨尿蝦食完成碟瀨尿蝦都係唔夠喉，再整多一隻原隻嘅，雖然要剝殼，但係又有另外一番風味，用椒鹽爆炒，帶出瀨尿蝦鹹香鮮味▪️招牌炸子雞炸子雞我相信都唔需要多介紹，淨係見到食唔到嘅客人嘅樣子有多失望，唔預訂基本係一定食唔到，保持一貫水準皮脆肉嫩，只係$68半隻，我搵唔到其他地方有呢個水準▪️黑松露芝士焗霸王蝦球伊麵好邪惡，但係黐線咁好食，超濃流心拉絲芝士包住每一條伊麵，濃郁到飛起，面層嘅芝士燒過之後更加焦香，大蝦爽口又彈牙，再加埋脆米更加香口▪️蟹黃醬蝦仁炒福花想食菜一定係食呢個招牌炒福花，同椰菜花差唔多品種嘅蔬菜，用蟹黃醬和蝦仁爆炒，滿滿蒜蓉蟹黃香，超惹味▪️蟲草花鮑魚燉雞湯呢個都係大癲，燉湯足料無極限，睇到上枱嘅時候啲雞多到滿瀉，原盅清燉味道超級清甜，滋潤又潤喉，呢盅湯老細唔知會唔會蝕本
繼續閱讀
真心觀塘好食到黐__線嘅一間 就係熟食市場嘅海悠。呢間其實lunch平日係超級爆多人，今日禮拜日2:00去到唔使等位係爽嘅。 呢度食鑊氣嘢一流，求其叫一個炒飯都好食。今日叫嘅🤍蟹黃醬海皇炒飯鹹香味好正，炒飯粒粒分明，好食過出面好多大排檔。我個fd就話平時食開粟米肉粒飯都好正。🤍黑松露滑蛋炒蝦仁炒得勁香勁滑，佢用嘅係黑松露粉，但係黑松露味好出。只能堂食嘅🤍清蒸瀨尿蝦都係呢度嘅招牌。又真係敢乜調味料都唔加，蝦肉鮮甜好食。
繼續閱讀
觀塘熟食中心臥虎藏龍呢間餐廳每日都有特價海鮮 午飯時間真係超多人清蒸3A瀨尿蝦$68就食到手臂咁長瀨尿蝦 真係抵到爛瀨尿蝦新鮮爽甜 肉質飽滿清蒸嘅做法保留咗海鮮嘅鮮味 啖啖都係精華呢個價錢真係冇得輸秘製蟹黃醬海皇炒飯粒粒金黃嘅炒飯 充滿咗蟹黃嘅香味海鮮份量十足 有蝦仁、魷魚、帶子等等每一啖都充滿海鮮嘅鮮味 亦加入脆米 口感豐富秘製蟹黃醬更加係畫龍點睛 令成個炒飯更加惹味黑松露滑蛋炒蝦仁黑松露嘅香氣撲鼻 滑蛋嫩滑可口 蝦仁爽口彈牙三者嘅味道完美融合 真係好滋味呢個菜式送飯真係一流 脆米金沙炒翠玉瓜呢個係一個比較少有嘅配搭翠玉瓜爽脆 配上鹹香嘅金沙 味道出奇地夾脆米除左令成個菜式更加有口感更可以中和番咸蛋黃無咁膩 真係好有驚喜
繼續閱讀
✨觀塘鬧市駿業熟食市場好多食店，當中「海悠」喺呢度應該係數一數二最熱鬧嘅一間，平日人流很多，因為價錢公道，食物有水準。***** ***** ***** ***** ***** 黑松露滑蛋蝦炒蝦仁🦐松露蛋相當吸引，呢次炒蝦仁香味十足，賣相好靚，每一口都是滑滑的而且充滿松露香氣。秘製蟹黃醬海皇炒飯🍛這裏的小炒非常出名，鑊氣充足，師傅手勢了得，炒飯上面有蟹黃醬，撈埋一起吃，淡淡蟹肉香，而且炒飯裏頭有好多材料，包括瓜菜、還有魷魚。清蒸三A瀨尿蝦🍤手肘咁大隻瀨尿蝦，選擇清蒸最緊要係瀨尿蝦夠新鮮，食到原汁原味，價錢只是$68/隻。
繼續閱讀
平時聽人講觀塘熟食市場有間大排檔好好味，今日終於黎朝聖，星期六非常之人多，上菜非常之慢，等左一個鐘先上第一碟，但係都可以理解，一直無催到。本身叫左出名的炸子雞，老闆話唔夠所以要同隔離枱一人半隻，結果比我地遲一個鐘先入座，兼無訂座和無預留炸子雞的客人、比我地先上半隻炸子雞，到最後賣曬無得試，事實證明催佢先有得食，唔係就會比左其他人。食物味道無問題，但係呢個服務唔會有下次。
繼續閱讀
您可能會有興趣的...