海底撈火鍋 (利舞臺廣場)

營業中

休息中

在海底撈用膳，心情真的很快樂，今次是第三次食了，決定要寫返篇食評！雖然小編未曾在深圳食過，不知味道會否有差別，但在香港的服務態度、食物質素和環境都算不錯，感覺乾淨，不會很大油煙。最欣賞其積分能換食物，令我每次都能換一兩款食物，免費的東西，就是讓人高興點喔！上次來是男友生日，他們會幫他慶生，播生日歌，送上小蛋糕和番茄包湯底作禮物！我們走的時候，還在外面的列印機印了生日照作記念。每次來都是叫四宮格，可照顧不同人的口味，通常麻辣（有料）同番茄湯係主打，胡椒豬肚都是不錯的選擇。鴨血是必食的！海底撈有特別的食法。滾後再沾上辣椒粉和花生碎，非常香口！怕辣的朋友，就要好好控制辣粉的份量了！手打墨魚滑都好好味！它加入了綠色素，就不會分不到其他丸。蛋餃，沒想過是好食的！入而只有少少肉，所以好快會熟，蛋皮好滑流。鮮蝦最正係睇佢表演剝蝦，兩秒就搞掂一隻！吾洗自己剝，咩都好食呀！出面仲有多款醬料自己選擇調配，好多出面少見的醬料呀。環境令人很愉快，周圍能見到工作人員表演變臉、拉面，替客人慶祝生日。

聽同事話呢度有lunch set，而我又未食過海底撈所以就黎試下咁一入去waiter 就問我地食邊個set Lunch set menu 係咁既午餐set 係揀一款肉，一個拼盤同一個主食野飲例如豆漿係要另外加錢湯底都另外加錢，我地叫左個1/4 麻辣湯底$34 , 兩人除返所以一人加$17 . 如果要多幾款湯底就另外再加~所以今餐就一人$98+ $17 再加一 雖然唔係任食但係份量係好夠飽的我同朋友都叫左精品肥牛一人一大碟唔係得幾塊架喎1/4 格係麻辣湯其他三格係水 XD 因為唔想加咁多錢lol再黎多兩個拼盤，有丸有菇有菜咁，食哂已經飽到上心口.. 本身仲有啲前菜咁食完仲有粒雪米糍食物都唔錯，而麻辣湯真係幾辣下有lunch set 其實真係可以encore 同埋都唔使點排隊就有得食了~ 啲牛係幾好味既，切得好薄，跟返指示煮三十秒食落去岩岩好，配埋麻辣湯底好正。

今日同女朋友同團友們食飯，估唔到我哋都冇問啲乜嘢，就有好多好多驚喜準備俾我哋。由於我哋係book咗房，有designated嘅侍應幫助我哋。非常專業嘅服務呢！先唔講食物先，我哋點咗蝦佢都幫我哋去蝦殼！而今次係為小弟嘅女友慶祝生日，佢哋團隊都悉心設計個生日蛋糕/雪米糍/豬仔包（特別用芋頭味，因為連顏色要求都兼顧到！）臨走前仲有榴槤雪米糍同生果，我哋所有團友都好開心。自己比較推介冬蔭功湯底（可能因為啱啱去完泰國旅行，比較懷念），當然比泰國本土辣度輕少少，但味道仍然認得。當然，放多啲蝦同魚去自製Tom yam gung/pla 啦。

男友之前喺油麻地分店食過一次，都話正，話要帶我食海底撈試下。我地湊岩時間，諗住bk枱，不過都話full哂，唯有walk in啦！一去到攞飛，要等幾十張枱，職員話要等9個字至1個鐘，本身仲諗緊等唔等好，點知職員好貼心咁話我地知，可以用微信qr code查看目前枱號，可以行下街先，又唔洗驚冇左張枱，所以我地就照等，去左行街..邊行邊等。不過掛住行，我地發覺好似過哂時間，就去返舖頭問可以點安排，職員就好快幫我地拎個新飛號再等，仲安排我地坐低，介紹有修甲地方同免費水同小食無限量提供，好窩心。唔洗5-10分鐘，就可以入座喇，職員主動問洗唔洗幫我拎野，仲帶我地入座，途中..仲清楚介紹佢地醬汁區和其他可試用設施，非常細心！坐底左，我地用pad睇有咩野食，侍應們都好好服務，又介紹，又推介佢地野飲個promo，唔洗我地慢慢搵。隔左陣，我地點完餐，好快就有湯底同野食，侍應就好詳細教我地某d野食嘅烹煮時間，同埋某d野食用唔同醬料，而且勁主動幫我地refill野飲，好勤力、好有禮貌。食食下野，見到有人著到好戲劇化去表演換面，另一邊見隔離枱有人表演拉麵，十分有趣，好難忘。另外最有趣的事，很多枱（包括我地枱）都有

海底撈朋友話未試過香港既海底撈，所以我地宵夜走左上去食😂好瘋狂。相信大家都知道哩間係一間賣服務多過野食既餐廳，國內甚至全球都好有多分店。有小食，生果，花生，青瓜，蕃茄仔，中湯，糖水等等都係免費提供既。手切牛小排半份$84，好嫩滑，顏色都好靚好新鮮。和牛好新鮮，同日本食到既有得輝，雪花油脂充分，幾秒已經食得😋😋價錢偏貴，建議可以有更好既火鍋選擇。其他無咩特別就吾介紹，女士仲有美甲服務添呀，可以食前book💕又可以慳得200蚊😋

終於俾我等到佢黎香港開分店，真係聞名不如見面呀之前成日都聽朋友講去大陸食要等好耐，但餐廳又會安排好多野令客人唔怕要等，估唔到香港分店都一樣，係等候大堂有湯有小食任食。我哋叫做個大骨湯和胡椒猪肚湯，猪肚彈牙，十分有水準！來自湄公河的巴沙魚身體有90%都是脂肪，入口即溶！魚蝦滑十分濃郁，蝦味充斥口腔，十分滿足！所有食物都非常美味特別是巴西豬肉、巴沙魚和蝦滑。那裏的服務員的態度真的真的真的非常好！他們會非常友善地幫你添加飲品和湯底。下次都會來。

服务太赞了。很贴心。看到我家宝宝一岁还特地送了生日礼物和拍照的照片。一定会再来！开心的经历！very happy with the performance of Si China 变脸和捞面！完全没想到这么棒 high recommend for any families and those who celebrate birthday! Will definitely visit again! Food environment service all first class!

等待期間已經準備好水果同、水同零食。手提物品會主動幫客人拎住。坐底後就會俾熱毛巾客人清潔雙手。手提物品仲會用布蓋好，避免湯計沾上。店內用iPad 點菜，上菜速度非常快，店員會主動幫客人撿查菜單上齊未，未常貼心。湯底方面最推介係蕃茄湯，同所有配料都好夾。不過如果想一次過試品同口味，就可以一次過叫四個品同嘅湯底。食物單品方面必食紅薯粉、菇併盤同蝦滑。

海底撈嚟左香港都一段時間啦，最近仲喺銅鑼灣開左分店，我地諗住冇咁多人，可以去試試佢🤤🤤 利伸: 第一次食，咩都寫一餐🙈🙈 本身早2日想打去book位，但已經full左，於是拎左排隊飛，咁到時唔洗排咁耐😌 點知去到直情唔洗等😭😭 冇得食爆谷同查指甲啦😭😭 飲品任飲就$15一位，有柑桔蜜🍹 檸檬茶☕️ 熱豆漿🥛(不過我地去嗰晚冇晒豆漿)，飲品都比較甜🙈 服務好細心，有圍裙、札頭橡筋、抹眼鏡濕紙巾、熱毛巾抹手☺️ 火鍋揀左四宮格，可以試多啲味🤤 要左麻辣、冬陰功、蕃茄同大骨湯🙂🙂 麻辣我地減麻減辣左，感覺都仲有譚仔三小辣🙈 冬陰功完全唔辣，椰奶味重，仲有2隻蝦😂 蕃茄湯唔錯，幾濃幾香😌 大骨湯感覺就比較養生，有啲紅棗、粟米咁😌😌 第一次食鴨血，感覺好似豬紅😂 粟米包心丸幾特別，個餡好似忌廉要米湯咁😆 叫拉麵會喺你面前拉😂 啲麵食落都好食架😋 其他冇咩特別，野食幾多選擇，有啲比較少見嘅內臟🤔🤔 同埋野食可以叫半份😌 細食都可以試多幾樣😇

端午節想同屋企人食餐好，諗起打邊爐，係銅鑼灣區一於初試［海底撈］。當天早上先打去問訂枱情況，因端午節假期關係已訂滿，但可以walk-in，於是聽服務員建議5點幾上到去等位。一早聽聞［海底撈］賣點是服務，起登記等位時就可感受得到：迎門員先遞上一客茶及小菜，再講解介紹食品種類。另外女朋友亦先登記美甲服務，稍後會電話通知可到門口旁邊弄。等了幾個字時間服務員就帶位入座，可能時間較早所以有窗口位坐。一坐低服務員連忙遞上圍裙、濕手巾、電話膠套等，並講解介紹一連串服務及餸菜，服務夠哂貼心。入座後開始點火鍋湯底及餸菜，餐廳用平板電腦點餐。我點了平時其他餐廳較少供應的四宮鍋，可以一次過試4種口味。叫菜特色係每款餸都可以選半份，可以試多款餸大家一齊食，我們叫了幾款不同肉類及海鮮拼盤，十分滿足。另外，叫拉麵會有師父進行拉麵表演；大約晚上7時會有一輪勁歌及變臉大師進行變臉表演（大師的變臉專業技術真的快得過女朋友變臉呢）

雖然個人覺得香港嘅服務仲未去到深圳個啲咁“誇張”，但係香港來講，銅鑼灣分店嘅服務的確較好。第一係同同事收工後來，個時凌晨一兩點，都仲有好多人打邊爐。個次可能因為叫咗比較多貴價食材（例如和牛，但個人覺得和牛真係唔適合打邊爐），所以當時個侍應送咗幾支啤酒（好似兩支）。而當晚個侍應仲主動幫我哋攞來唔同醬汁，解釋返邊啲醬汁搭配唔同嘅食物。值得推薦嘅係鴨血配海椒乾碟，真心正。👍🏻👍🏻👍🏻而之後有次同朋友來，服務依然，仲送咗好得意嘅豬仔包。有時候覺得來尼度食，有一半可能都係因為佢嘅服務。價錢方面當然係貴啲，不過服務同食物質素都算唔錯！👍🏻

深圳食過海底撈，香港終於開咗，唔需要長途跋涉上深圳服務依舊一流，在香港好難找到一間餐廳，每一位服務員都滿面笑容，甚至連傳菜的服務員都每次滿面笑容地說聲「你好☺️」，感覺好窩心星期日黃昏5:30，已經有九成滿，行慢一步都無位，服務員好貼心，推介食物、免費小吃、解釋如何落單，提醒我哋，如果一個半小時買單及離坐，可享八八折麻辣鍋好夠辣，大骨湯幾鮮味，最喜歡是現場拉麵表演，肥牛、蛋餃、自製豆腐都唔錯，唯獨香菜牛肉丸不夠彈牙全塲好有氣氛，耐不耐就見到服務員為顧客慶祝生日，有心思

聞名已久的海底撈，終於有機會去試。由於太受歡迎，我都不敢怠慢，預先訂座。到食飯時間，一踏出lift門，已經有員工主動提供協助，重點係主動呀！由於預先訂左位，所以職員話好快可以安排入座，叫我先坐低休息一下，轉個頭就比左水、生果同小食，又係主動呀！正如職員所講，幾分鐘後就入座，一坐底，立刻有職員主動介紹食品同飲品，仲介紹湯底。由於用iPad點菜，完全無壓力下慢慢睇，一送出菜單，1分鐘都無就送上食物，真係快到呢！首先試左麻辣湯底，堅辣！好味！牛肉切得好整齊！食品很新鮮！最重要係，職員長期站在我枱附近，有任何需要，佢就即刻出手，今時今日難見！全場水果、小食同糖水任食，除左海底撈，邊度搵？我個人10分推介海底撈！服務食物都達到世界級水準

海底撈聽就聽得多，但因為我無歡樂卡既關係，所以我只可以從朋友口中知道有幾犀利有幾吸引，終於俾我等到佢黎香港開分店，真係聞名不如見面呀之前成日都聽朋友講去大陸食要等好耐，但餐廳又會安排好多野令客人唔怕要等，估唔到香港分店都一樣，係等候大堂有湯有小食任食，唔怕餓住個肚等入到去見到唔少檯整左裝飾，原來特別日子例如生日，就可以叫餐廳做番佈置，費用全免，又真係幾好落單用PAD PAD就可以，圖文並茂，簡單直接，唔洗店員慢慢抄，減少出錯機會成日聽朋友話呢間野有幾好講到好誇張我都半信半疑，當晚我終於知道無作大，有好多位好都貼心，每人都有一條圍裙，大頭蝦就唔怕整污糟自己，而家D人最鐘意手機不離手，但打邊就最易整污糟，有濕紙巾抹電話同膠套俾客人袋住，細心到呢坐低就再有前菜食，另外每位加$15就有任添飲品，仲有三款味道揀，我就最鐘意無糖豆漿，夠曬健康清油麻辣湯底、蕃茄湯底 ($128)一辣一唔辣，麻辣湯底又唔算太辣，但就好香，蕃茄湯底超級濃，打邊爐之前我都飲左一小碗蕃茄湯先活蝦 - 半份 ($138)第一次係餐廳食蝦，竟然有店員剥埋殼俾我地食，我真係有少少嚇親，我地仲學識左快速剥蝦方法，長知識呀手切牛小排

大陸嘅海底撈就食得多，都係第一次嚟香港嘅海底撈，食物質素就一般， 佢哋最好就係有半份叫，可以試多幾款嘢食。 大陸嘅海底撈比香港嘅多嘢食好多。服務態度就非常之好，值得一讚今次凌晨12點後嚟食，冇乜客，坐得好舒服。嘢食就冇乜好講，冇乜特別嘅嘢食。 但係佢哋嘅清潔做得好好， 見到佢哋不停用毛巾抹牆、櫈、 屏風等等。嘢食唔係難食，佢哋嘅服務又好好，都會再嚟。如果你一個人嚟食，佢哋會搵一隻啤啤熊嚟陪你😂😂 今日同媽咪嚟食佢哋送咗個兒童餐比我媽咪🤣， 佢哋話我媽咪係小朋友。