海底撈火鍋 (利舞臺廣場)

營業中

休息中

朋友揀衣度慶祝生日，貪佢好坐。首先服務一流，一坐低就比小吃我地，不用自己攞。正如其他食評，食材選擇唔多，但勝在可以叫半份，就算少人都可試多幾樣。湯底我地揀咗蕃茄湯同胡椒豬肚雞湯。前者放肉類，後者本身幾多料，放麵就啱。牛肉叫左牛排，牛肉味濃但唔夠軟，黑豚肉反而好食好多，魚滑有D唔新鮮，鴨血同鴨腸都好味。拉麵係即場拉，味道都可以。

買了好幾次海底撈自取 都很好這次就沒怎麼點菜 看小哥點了兩次 但拿回家還是少了份鴨血 打客服電話一直沒人接不過也不是什麼事 就少了點想吃的東西沒吃到 下次一定要點仔細了再取走

此店出名做到極致的服務，平常長期常滿，但由於目前疫情下，變得凋零冷清，還有好幾台捧場客，實屬不錯。此店防備措施充足，首先進店前台先幫客人量度體溫，不過這次就沒有記錄負責該區服務員的《服務員體溫卡》，可能遺忘了。湯底的份量夠彈性，2人同行可算四宮格但要2款湯底，另外2款選清水不花錢，劃算。青椒火鍋，不麻辣度剛好，夠香；明星蕃茄湯加真蕃茄，不算很濃郁，可當湯喝。毛肚，應是此店的招牌之一，爽脆。鮑魚，單價高但物有所值。西班牙梅豚肉，油脂不多，不韌。羊肉卷，油脂也不多，口感不錯，不膻。桂花蚌，算鮮，夠爽脆。2人光顧，點餐如下：（1）四宮格 青椒火鍋 蕃茄火鍋（明星鍋底） 清水火鍋 清水火鍋（2）撈派毛肚（半）（3）桂花蚌（半）（4）西班牙梅豚肉（半）（5）羊肉卷（半）（6）鮑魚（半）x2（7）黑魚片（半）（8）老油條（半）（9）竹筍（半）（10）山藥（半）（11）服務員睇臺（施雯雯）（12）藍妹640ml（13）椰汁聽裝（245ml）（14）自選小料 x2 加一後，合共HK$716。

疫情陰霾持續的情況下，此店防備措施充足，首先進店前台先幫客人量度體溫，待客人安坐後，該區負責的服務員會將其所有的體溫記錄在《服務員體溫卡》內，確保你我不發燒。湯底可算一款或合併四款，適合一伙人的不同口味或想嘗試多款的。清油麻辣湯底，標準較溫和，嗜辣人士需加麻加辣。若麻辣太悶，青椒湯底是另一辣類選擇，精神為之一振。毛肚，應是此店的招牌之一，爽脆。羊肉卷，油脂不多，口感不錯，不膻。鴨血，不會結實，算滑嫩，但還是台灣本地的更滑更嫩更彈性。桂花蚌，算鮮，夠爽脆。總體服務不多說，無法挑剔。4人光顧，點餐如下：（1）四宫格 清油麻辣火鍋 菌湯火鍋 胡椒豬肚雞火鍋 青椒火鍋（2）撈派毛肚（半）（3）精品肥牛（半）（4）羊肉卷（半）（5）午餐肉（半）（6）鴨血（半）（7）桂花蚌（半）（8）香菜牛肉丸（半）（9）鵪鶉蛋（半）（10）手切牛板腱（半）（11）青筍（半）（12）菠菜（半）（13）大白菜（半）（14）老油條 （半）（15）服務員睇臺（16）青島啤酒 x4（17）自選小料 x4 加一後，合共HK$1,192。

店員服務水準一流, 服務真的好好, 特別一提是那晚用餐剛剛是在38婦女節的晚上, 當時坐在83號桌, 姓陳的女店員給我了我們一些驚喜, 非常意外, 這份心意已經超越她們的職責了, 真心感謝當晚的陳姓女服務擔檔, 因此特意來讚美, 再次謝謝該店員的服務!

試過幾次打電話訂座都不成功，服務員說有三份之二的枱會留給walk in 人士，因今日早放工，決定一試。終於感受到這裡的熱情款待。因為入座限時兩個小時，我們想等齊人才入座，於等待期間，有小吃個水供應！近來新派的火鍋店使用多格的火鍋爐，可以試多幾種湯底。食物可點半份，我們樣樣都想試，大多點半份。牛肉可以說是打邊爐的主角，我們點了和牛，很好、很滑！小朋友最開心！店員會有小玩具送給小朋友之餘，還會送上甜品，小豬造型的奶黃包和布甸，看見也開心。驚喜的是期間有變面表演，娛樂性極高。總的來說，服務真的很好，座位大多是卡位型式，所以極受歡迎！

我們一行9位同事一同來食下午茶慶祝一位同事升職，選了這間海底火鍋。下午茶有套餐選擇，好抵食又吸引。之前黎過一次，好好的服務態度！先送上熱毛巾抹手，有前菜：幼身腐皮條及海帶、生果（橙、西柚、青瓜），更添飲品（可選檸茶、柚子蜜或熱無糖豆漿）。我們點了牛、豬、蝦滑套餐；另點了3份人手拉麵、丸（芝士牛丸、粟米丸）、冬瓜、魚皮餃、腐皮條、淮山等等，湯底選了2個（麻辣配豬骨湯；胡椒豬肚配南瓜湯底），好好味又足料，好滿足！推介牛肉、蝦滑、腐皮條、手拉拉麵、粟米丸； 更送上小食（脆脆小食、南瓜籽、熱菊花茶、凍雪糕糯米糍、薄荷糖）。知道我們喜歡脆見小食，走時更送上滿滿一袋零食，100分的服務態度！

雖然未到正日，但也要慶祝一番🤣終於一嘗海底撈，服務員熱情有禮、招呼週到，食品好吃，湯底一流。麻辣的選了正常辣也好夠辣，番茄湯底好夠味，另外也叫了豬骨及胡椒豬肚湯底，四格湯。食物新鮮，蝦上台時仍會動呢。服務員用竹簽剝蝦勁快勁👍🏻由於不知道訂台時要說明預留蛋糕，所以是日沒蛋糕，但服務員特意送上用炸曼頭及糯米滋弄的另類蛋糕🎂（太開心太感動，忘了拍照😜）。此外，有gel甲丶變臉、拉面表演，好熱閙、好開心的一餐飯呢🥰🥰

中午去 #打邊爐 我都係第一次，不過想特別啲為我呢位 #食素嘅朋友 #慶祝生日，就揀咗「海底撈」。因為我印象記得佢嘅 #素食 款式都比較多，而且湯底可以分開四格唔同口味，唔使迫佢食我口水尾💦 雖然佢話唔介意我將啲肉放埋落去啫，但係都唔係咁好嘅😅 加上佢坐嘅位置比較舒服，又可以免費修指甲，我諗我朋友一定會鍾意㗎！我哋呢日揀咗 #蕃茄🍅、#菇菌🍄、#冬陰公🌶、#豬骨🐽 四個湯底，我就比較鍾意 #冬陰公 口味喇，辣辣地再浸埋啲 #響鈴 、#腐竹 ... 落去索哂啲湯，好味呀！唔覺唔覺原來我都儲咗幾千分係個戶口入邊，啲積分可以用嚟換食物㗎，師奶仔心態.. 抵喎！臨走我仲飲咗碗 #烏雞湯 + (極濃)#雪耳紅棗糖水 嚟補吓身... 好飽呀🤣

大陸嘅海底撈就食得多，香港嘅分店真係第一次食，我地早一日book油麻地同尖沙咀星期日都無位，但銅鑼灣就話任何時段都有位。可能銅鑼灣果邊比較靜啲。我地雖然Book咗12點，但11點已經到達，個場真係好靜，可能無咩人咁早打邊爐。侍應都好似大陸一樣好熱情，好積極招呼我地，比咗個窗口位我地（好好view)，又會幫你攞小菜，比熱毛巾你，問你飲咩，比圍裙同橡筋你。兩個人都係坐卡位，坐得好闊落，好舒服。服務都係一樣咁貼心。但嘢食我就覺得無大陸咁好味，首先番茄湯底，今次嚟就係專登食番茄湯底嘅，有聽過朋友話香港嘅番茄湯底無大陸咁好食，我都同感，但又好難講邊度唔同，感覺上就係香港嘅偏甜啲，番茄味無咁濃郁。配料方面呢，我覺得海鮮同肉類都會感覺唔夠新鮮，特別係我地叫嘅毛肚，味道無大陸食嘅脆爽嘅口感。小插曲：當侍應見到我要撈麵佢就過嚟幫我手，但佢夾起啲麵擺係我隻碗嘅途中，有一條麵嘅尾端跌咗係枱到，佢溫柔咁同我講：唔好意思，然後緩緩地將果條跌咗係枱嘅麵夾返係我嘅碗到。我見到呢一幕，同我朋友對視，然後兩人爆笑咗幾分鐘……感覺像是溫柔的整蠱，我又很難拒絕說不吃……我們都頗欣賞她的冷靜和沉穩。整體嚟講，價格稍貴，味道一

在海底撈用膳，心情真的很快樂，今次是第三次食了，決定要寫返篇食評！雖然小編未曾在深圳食過，不知味道會否有差別，但在香港的服務態度、食物質素和環境都算不錯，感覺乾淨，不會很大油煙。最欣賞其積分能換食物，令我每次都能換一兩款食物，免費的東西，就是讓人高興點喔！上次來是男友生日，他們會幫他慶生，播生日歌，送上小蛋糕和番茄包湯底作禮物！我們走的時候，還在外面的列印機印了生日照作記念。每次來都是叫四宮格，可照顧不同人的口味，通常麻辣（有料）同番茄湯係主打，胡椒豬肚都是不錯的選擇。鴨血是必食的！海底撈有特別的食法。滾後再沾上辣椒粉和花生碎，非常香口！怕辣的朋友，就要好好控制辣粉的份量了！手打墨魚滑都好好味！它加入了綠色素，就不會分不到其他丸。蛋餃，沒想過是好食的！入而只有少少肉，所以好快會熟，蛋皮好滑流。鮮蝦最正係睇佢表演剝蝦，兩秒就搞掂一隻！吾洗自己剝，咩都好食呀！出面仲有多款醬料自己選擇調配，好多出面少見的醬料呀。環境令人很愉快，周圍能見到工作人員表演變臉、拉面，替客人慶祝生日。

聽同事話呢度有lunch set，而我又未食過海底撈所以就黎試下咁一入去waiter 就問我地食邊個set Lunch set menu 係咁既午餐set 係揀一款肉，一個拼盤同一個主食野飲例如豆漿係要另外加錢湯底都另外加錢，我地叫左個1/4 麻辣湯底$34 , 兩人除返所以一人加$17 . 如果要多幾款湯底就另外再加~所以今餐就一人$98+ $17 再加一 雖然唔係任食但係份量係好夠飽的我同朋友都叫左精品肥牛一人一大碟唔係得幾塊架喎1/4 格係麻辣湯其他三格係水 XD 因為唔想加咁多錢lol再黎多兩個拼盤，有丸有菇有菜咁，食哂已經飽到上心口.. 本身仲有啲前菜咁食完仲有粒雪米糍食物都唔錯，而麻辣湯真係幾辣下有lunch set 其實真係可以encore 同埋都唔使點排隊就有得食了~ 啲牛係幾好味既，切得好薄，跟返指示煮三十秒食落去岩岩好，配埋麻辣湯底好正。

今日同女朋友同團友們食飯，估唔到我哋都冇問啲乜嘢，就有好多好多驚喜準備俾我哋。由於我哋係book咗房，有designated嘅侍應幫助我哋。非常專業嘅服務呢！先唔講食物先，我哋點咗蝦佢都幫我哋去蝦殼！而今次係為小弟嘅女友慶祝生日，佢哋團隊都悉心設計個生日蛋糕/雪米糍/豬仔包（特別用芋頭味，因為連顏色要求都兼顧到！）臨走前仲有榴槤雪米糍同生果，我哋所有團友都好開心。自己比較推介冬蔭功湯底（可能因為啱啱去完泰國旅行，比較懷念），當然比泰國本土辣度輕少少，但味道仍然認得。當然，放多啲蝦同魚去自製Tom yam gung/pla 啦。

男友之前喺油麻地分店食過一次，都話正，話要帶我食海底撈試下。我地湊岩時間，諗住bk枱，不過都話full哂，唯有walk in啦！一去到攞飛，要等幾十張枱，職員話要等9個字至1個鐘，本身仲諗緊等唔等好，點知職員好貼心咁話我地知，可以用微信qr code查看目前枱號，可以行下街先，又唔洗驚冇左張枱，所以我地就照等，去左行街..邊行邊等。不過掛住行，我地發覺好似過哂時間，就去返舖頭問可以點安排，職員就好快幫我地拎個新飛號再等，仲安排我地坐低，介紹有修甲地方同免費水同小食無限量提供，好窩心。唔洗5-10分鐘，就可以入座喇，職員主動問洗唔洗幫我拎野，仲帶我地入座，途中..仲清楚介紹佢地醬汁區和其他可試用設施，非常細心！坐底左，我地用pad睇有咩野食，侍應們都好好服務，又介紹，又推介佢地野飲個promo，唔洗我地慢慢搵。隔左陣，我地點完餐，好快就有湯底同野食，侍應就好詳細教我地某d野食嘅烹煮時間，同埋某d野食用唔同醬料，而且勁主動幫我地refill野飲，好勤力、好有禮貌。食食下野，見到有人著到好戲劇化去表演換面，另一邊見隔離枱有人表演拉麵，十分有趣，好難忘。另外最有趣的事，很多枱（包括我地枱）都有

海底撈朋友話未試過香港既海底撈，所以我地宵夜走左上去食😂好瘋狂。相信大家都知道哩間係一間賣服務多過野食既餐廳，國內甚至全球都好有多分店。有小食，生果，花生，青瓜，蕃茄仔，中湯，糖水等等都係免費提供既。手切牛小排半份$84，好嫩滑，顏色都好靚好新鮮。和牛好新鮮，同日本食到既有得輝，雪花油脂充分，幾秒已經食得😋😋價錢偏貴，建議可以有更好既火鍋選擇。其他無咩特別就吾介紹，女士仲有美甲服務添呀，可以食前book💕又可以慳得200蚊😋