海底撈火鍋 (海之戀商場)

營業中

休息中

原本無OpenRice ac都特登申請一個數臭依間海底撈，早兩日同幾個朋友去食，夜晚11:30入場，間鋪又冇冷氣通風，又暗，唔知係慳電定點，都算。全場幾枱客得兩三個侍應，完全唔似係海底撈，重要嗰幾個侍應係唔理人，口音又唔正，意為去左譚仔，舉手搵佢都要等佢幾分鐘。問佢攞隻匙羹，佢叫我自己出去調味料區攞。嗌嘢食嗌一份，佢就黎半份，唔止係我依枱，隔籬枱嗌咗三個一份，黎左三個半份，道歉態度Hea到爆，好似我差佢好多咁，趕客咩大佬。嗌個拉麵無人表演拉，一碗拉好左嘅面直接放低就走，朋友生日唱生日歌，無人埋黎，無人唱。嗌三支可樂，就黎一支，過左十分鐘都無再黎，舉手吹佢，佢先懶懶閒拎黎。係人都知，去海底撈係食佢個服務，咁嘅服務質素，我屋企樓下間茶記都好過佢啦。海底撈嘅價錢，澳牛嘅服務態度，唔會再去，希望唔好再有人做下一個受害者。

食過無數次海底撈，服務態度最差一定係呢間！對住客人講粗口！職員調戲客戶！工作態度超級散漫！希望貴公司認真處理問題！另外，有職員不停在公眾場合粗言穢語，令到客戶極感尷尬！非常離譜！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

好耐冇同班friend食飯，今次第一次黎海底撈度食，期間服務人員不斷出巡，為生日嘅朋友播生日歌同發放小禮物，當然包括我哋呢一枱，只要你唔尷尬，尷尬嘅就係人哋。叫咗麻辣鍋同蕃茄鍋，麻辣鍋越煲越辣，啱曬鍾意食辣嘅人。番茄鍋清清地帶有酸味，夠曬開胃。呢度食到平時食唔到嘅火鍋食材，毛肚、黃喉、鴨血等等我都好少食，味道口感不俗，鴨血最為出色。另外仲有各個種肉類、丸類同魚片類，任君選擇。仲有熟食嘅小食可以叫，首推脆皮奶卷。飲品叫咗水果綠茶，飲落口果糖味都唔錯，茶都唔會太澀，當然有其他汽水同酒類可以選擇。

📍海底撈火鍋 (海之戀商場) (荃灣)荃灣大河道100號海之戀商場地下G07-G08號舖平時返大6先會食海底撈，但太耐無食，決定試下香港版既海底撈😍⋯⋯今次中午去食，人流唔太多，雖則話食2小時，不過都未追過我交枱🤭所以印象都唔錯👍🏻食物方面都幾多選擇，電子落單幾方面，另外出面有冷盤生果等，都係任食，醬料就加18蚊任fill🤩西瓜汁可以選常溫，都比較貼心👏總括黎講都從拾到大6海底撈既風味🤩係未返到大6食之前都可以再去食😝😝

話說呢日去荃灣西工作，五點幾收工搵嘢食，去到海之戀商場，見到海底撈，都有一排冇食過囉，於是食個 Early Dinner。除咗肥牛、羊肉卷、滑牛、萵筍之外，最鍾意食嘅就係鵝腸，好爽！另外仲有魚柳，非常滑溜！呢兩樣都係要 Encore 嘅，至於牛柏葉同鴨血就麻麻，唔點都冇壞。整體嚟講食物味道就 OK 啦，同其他國內火煱品牌相比，係就係爭少少，不過食得海底撈都知，最重要係食得開心，之前食過好幾次，生日又有人唱歌送禮物，又有人表演拉麵，一個人去食又會俾個大公仔陪你，係幾貼心嘅，今次我哋五點幾嚟食，呢個時間冇乜人，朋友今次終於可以整到指甲，正！

收工收得晏 好想打邊爐…醒起海底撈營業時間較長 服務周到 就同啲同事嚟食晚飯點咗四格火鍋湯底 有辣有唔辣任君選擇🤣-清油冇渣麻辣 👈🏽可能因為冇渣 加咗辣都唔辣-大骨湯火鍋 👈🏽無乜特別驚喜-老壇酸菜 👈🏽呢個第一次食 勁多酸菜-清水-10秒腐竹 真係唔可以滾得耐 有名你叫10秒腐竹口感滑溜 入口即溶-清筍 冇渣 碧綠爽脆-鴨血必須配埋呢三寶👉🏽辣粉 花生 芝麻-烏冬原來而家無咗拉麵嗌 無拉麵表演睇💔唯有叫個烏冬 填補返心靈上嘅空虛-精品翼板肉 -四川酥肉 酥肉多汁 好惹味 炸得啱啱好 前後叫咗兩碟-紅糖糍粑口感軟糯煙韌 尾聲唔少得甜品作總結

海底撈係我最愛的打邊爐餐廳之一，由服務到食物都是我喜歡的。我首先他的麻辣湯底麻香和辣到恰到好處，兩者平衡得很好。叫了些牛肉和丸類，牛柏葉，還有最愛的鴨血，鴨血都幾滑身和入味。服務上，見你有小朋友，會送你一份兒童餐，入面有一個包和一些生果，仲有一個企鵝的玩具，我小朋友超喜歡。出面自助的小食和水果都好好食很新鮮。他的會員制有幾抵玩的，基本上吃完一餐後，第二餐就換到份小食，很吸引再次光臨。

今日黎到海之戀試一試個海底撈，之前都有食開個茄牛粉杯面都非常正，所以今次入去試試。下午4點30分左右到達，人流不多都可以叫直入。坐好後點左個番茄湯併豬骨湯，點左碟牛肉，味道不太突出都係食開既一般咁，不過黎到都知主菜係個湯底，番茄味道濃郁有厚厚既番茄蓉填滿每一個味蕾，活蝦同蝦滑非常彈牙爽口，員工還有提供剝蝦殼服務，芝士牛肉丸爽口同有濃厚的牛肉味，雞片切到薄薄放入鍋內很短時間已經可以食而且滑得黎沒有一點渣，最值得推介火鍋寬粉，軟綿綿吸收晒番茄湯既精華，最後也推介醃蘿蔔可以清清味蕾。3人埋單750左右，都可以說物有所值的，期待下次再來。

平均每一個月最少都會嚟一次海底撈打邊爐最鍾意就係佢嗰個蕃茄湯底🍅另外就係麻辣燙🌶湯底 今日嚟呢度係食宵夜所以份量都冇咁多 嗌咗安格斯牛肉 魚塊 蟹柳 鵪鶉蛋 芋絲 響鈴 當然最唔少得嘅梗係招牌嘅芝士牛丸🤤🤤🤤呢個真係每一次都必嗌 嗌得蕃茄湯🍅又點少得嗌多一碗白飯🍚因為我真係好鍾意食飯撈湯🤣🤣再加多舊牛肉 簡直係完美嘅蕃茄牛肉湯飯😍😍最近仲新出左個炸鮮奶🥛味道都唔錯 好酥脆不過掛住食都係冇影到相🫢🫢🤣🤣

之前停咗幾個月冇得出去食飯，亦都可以話唔敢出去食啦，呢排所有嘢都放寬咗亦都緩和咗少少，尋晚慶祝母親節，一家人就去咗荃灣海之戀行街，我哋4:30去海底路攞飛，其實真係好誇張門口已經坐滿晒人，不過知道母親節正日一定多人㗎啦，但係又好想食個喎，等到六點終於有得食啦，限時兩個鐘，感覺合理，最鍾意食佢嘅鴨血，精品牛肉，同埋好鍾意食佢小食吧！糖水熱辣辣，仲有南瓜粥，不過今日就冇魚皮小食，但係好似海帶嗰啲我都好鍾意，整體好滿足😃

出名服務態度好、食得舒服嘅海底撈。每次經過荃灣海之戀分店都見到好多人排隊。由於疫情關係，今日終於唔使排隊。叫咗個午餐。揀咗老壇酸菜鍋同清油唔渣麻辣鍋。清油無渣麻辣鍋係每次都必食嘅湯底之一。不過下次會點返有渣，因為有渣比較濃味啲冇渣比較淡。老壇酸菜鍋好有驚喜嘅一個湯底，真係好似食緊酸菜魚咁。所有配料扔落去煮，煮完都會有一浸濃烈嘅酸菜味。下次會叫埋魚一齊煮就可以係打邊爐嘅同時又可以食到酸菜魚套餐包括：肥牛、白飯、拼盤而另一份套餐就揀咗：羊肉、白飯、拼盤每份拼盤入面嘅材料都唔同。可以揀返自己鍾意食嘅拼盤。肉嘅味道不過不失。芝士手打牛肉丸$88寫住手打牛肉遠但係食落去唔覺得係手打，同我哋期待中嘅不一樣，似係溝咗好多雜質嘅牛肉丸，雖然味道都OK，咬落去有芝士餡。但其實係普通嘅芝士牛肉丸唔應該叫手打牛肉丸半份響鈴卷$17響鈴好新鮮夠脆最後encore叫多半份！另外小食區種類不多，但味道都幾好。雪耳糖水麻麻哋小米粥幾好味自助區水果有哈密瓜同橙選擇食到最尾服務員會送兩粒維基記糯米糍由始至終服務員都冇特別提供良好的服務，對比之前喺廣州同深圳提供的服務差好遠。再加上自助式落單，全程都唔使點同服務員接觸，就

係荃灣想打邊爐，又唔洗趕時間，諗黎諗去都係黎左海底撈疫情時間唔比食夜晚，唯有中午來啦，唔駛等位，一來就入得入座有服務員黎介紹自己同介紹鍋底食物。建議我地嗌四宮格，揀兩格湯底都夠食，揀左蕃茄湯底及麻辣。嗌左2個套餐：沙巴魚，連拼盤：冬瓜、蘿蔔、冰豆腐、大白菜同午餐肉，撈麵，$66好抵食！另一個肥牛套餐，連拼盤沙巴魚片好滑，而且都好厚肉午餐肉依舊係打邊爐必備肥牛就正常另外出面仲有好多小食及醬料攞，真係滿載而歸

冬至打算同家人去食野，呢排天氣凍決定食火鍋。打電話到海底撈訂坐，只能訂到5：00 pm的時間，好在太太冬至收四點，收工趕到時間岩岩好。需然知道海底撈服務好好，帶BB去應該有玩具送。但收到玩具時都有驚喜，唔知係咪個仔可愛，今次收到兩份玩具，一個玩具飛機同搖鼓。全程飲食都有人跟進，加飲品同落墨魚滑都有人幫，又會同個仔玩下，。而味道方面都十分滿意，生蠔好大隻新鮮，牛小排好香牛味，係新鮮牛肉，雞肉同滑牛調味都唔錯又滑。美中不足係響鈴應該唔係即炸，唔夠香脆。最後埋單四個人食一千八百幾，價錢唔平，但服務同食物質素都好，都算係物有所值。

海底撈食過好多次，以往黎食，最大賣點，係佢親切到有點離譜既好服務。但今次再食，發現呢個賣點越黎越賣唔到點了。打邊爐時，仍舊可book 修甲。整體侍應數目減少得太多，無法做到以前體貼入微般只坐著，就會幫你弄好所有食材，杯永遠都是裝滿飲料的。現在只是比普通店舖好少少既服務。食物方面，用ipad點菜，可點半份呢啲都幾好，但食品種類不夠多，但味道都keep到水準。蝦滑墨魚滑是推介的。最後，還好有小朋友，會送一份蒸熊仔包，還是很貼心的。

第一次食海底撈聽聞服務好味道好，一次試試佢，前一日打嚟訂座都有位，中午準時去到，見到無乜人。我地個侍應叫小林，係幾有禮貌，好用心服務，見到我大肚仲送左禮物比我地，係一對鞋仔同埋D零食，都幾好。湯底我揀左麻辣、酸菜、蕃茄同清湯，用來煮麵（我嗌左寬粉條同麵）好好食，但我覺得其他食物質素真係唔得啦，芝士腸居然係雜嘜牌，唔係金妹牌，好難食，牛肉丸咬落都係粉，唔係潮州牛丸，係得炸魚皮好少少，最滿意居然係呢樣。至於牛肉同豬肉，質素都係不過不失，響鈴係最普通街市都買到一PACK PACK嗰種，其實同D任食質素差唔多，不過價錢就收你貴好多，埋單$647。我覺得要揀服務既話可以去，因為真係令我覺得好舒服，侍應不斷幫手FILL 湯底、FILL 野飲咁，但要好食呢，就唔使去啦。