海天一色燒烤場 (已結業)

MOTHER'S DAY同媽媽燒野食慶祝呢度環境幾好 唔會好似大欖燒烤樂園咁迫靜D清幽D 食物的質素幾好 墨魚丸真係有墨魚好彈牙唔會得一PAT粉既感覺醃肉好入味 味道幾好不過食物既款式唔係太多蕃薯都要外加$5一磅(不過勁好味)而且每次去拎野食都係俾好少(不是自取的)但我明白佢地都係唔想浪費食物 因為自取的話有時會拎得太多食唔哂佢又蝕又浪費食物 所以我覺得都好既唯有自己行出去多幾次叫佢夾多D是日我地露天燒野食 突然傾盆大雨職員們立即衝出來擔遮遮我地佢地個個講野都好有禮貌 笑容十足有個職員仲走過黎問我地D雞排醃得好唔好 有冇咩要改善好細心我下次燒野食都會再黎 VERY GOOD!!

之前上網睇過呢間海天一色燒烤場有單車同滑梯比小朋友玩, 仲要有BB玩果D摟摟車. (之前去過元朗一間燒烤場, 因為無野比小朋友玩, 攪到百厭仔去攞炭食)所以就決定去呢間. 咁大人就可燒野食, D靚仔就可在大人視線範圍自己玩今日我地一行五大人, 一小童加兩個識行識走o既BB, 由老公揸車兩點鐘到達, 呢度有個幾好o既停車場比人泊車, 起碼唔係爛泥地呢間最好就係全日任燒, 唔會限時, 大人 $78.00, 小童 $50.00 兩個識行識走o既BB當然免費啦, 包一支水及一罐飲品/水 (另外買飲品$8.00一罐/ 支裝飲品$11.00)入到去有尊人開爐, 雖然用手撥比較古舊, 但總之整得著個爐就得啦講番D野食---都好多種類最好味係叉燒 (唔係細細粒, 係一舊舊, 方便叉住, ) 味道唔錯豬扒--夠大塊, 幾好味雞翼--有兩款味 (咖哩同香茅), 我鐘意香茅多D腎--黑椒味, 辣辣地, 幾好食墨魚丸--幾彈牙, 唔錯茄子都幾新鮮其他都係一般野食--牛丸,火腿丸, 獅子狗, 魚肉燒賣, 豆腐卜, 大紅腸, 小紅腸, 芝士腸, 廚師腸, 司華力腸, 咖哩魷魚, 多春魚, 方包/蒜蓉包.....但

尋日星期六，嗰女去咗宿營，兩公婆諗港諗住去燒嘢食，過吓二人世界。無乜心水燒烤場，上網睇到呢間唔太貴，又有免費泊車，去到係夜晚九點。唔算太多人，坐得幾寛闊，服務都ok，去到攞嘢食處一睇，就覺得種頪少，腎已經無哂，粟米、番薯同菇頪都要另外俾錢，無咩好揀，求其要咗D普通嘢嚟燒，全部都好難食，芝士腸啲皮好靭，雞肉腸啲肉腍啤啤，多春魚好腥，豬頸肉又係好靭，雞翼同肉丸裏面啲雪味好重，一句講哂勁難食，環境一般，得個細細嘅遊樂場可以踩單車，同小朋友嚟都無乜嘢玩。燒嘢食最過癮就係好心急咁，等自己快D燒好啲好美味嘅嘢嚟食，但係啲食物一D都唔好食，有鬼心機燒咩，總之一定唔會再嚟。

Part 2 – 海天一色燒烤場不屑小欖燒烤樂園盛氣凌人的黑社會招呼之後, 我地去到大欖, 省起大欖同小欖同一老細, 於是唔入大欖, 行左去隔離的 “ 海天一色燒烤場 ”, 一玩就係5-6個鍾, 盡興而歸, 以下是推介 :1)食物好味, 尤其是尤魚,雞腎,雞亦,小紅腸….青椒/茄瓜又新鮮, 我地nonstop地燒左4-5個鍾, 不知不覺咁食到好飽2)小童單車免費 / 兒童樂園免費, 位置當眼, 父母視線範圍內睇得到3)夾公仔$2/次, 超抵夾, 我老公用左$60, 夾左6-7隻公仔, 隻隻都成隻手臂長4)整個場不太大, 但檯與檯之間很闊落, 一d都唔逼, 我地20幾人, 用左4張檯擺野, 2張檯放食物5)服務態度好, 由入門口的阿哥, 到攞食物的阿姐, 個個都幾好禮貌, 客客氣氣的, 唔會黑口黑面咁。佢d員工見多左幾檯客入來, 仲主動開左另一邊俾小朋友踩單車, 唔使d細路係通道上踩咁危險, 呢點好細心總括而言, 我地不去小欖, 而去了呢度, 反而更開心, 最後個個拎卡片先走, 好累呀~~~~

今個月好多同事都七月生日,我就更加係今晚後正日生日。一行幾區同事共31人同行,開三個圓形燒烤爐,所謂【蜜糖】三十一人先俾得一杯,認真豈有此理! 食物得兩個細小長方形銻盤,每人拮兩件都冇埋,下下要來回添加甚麻煩,而且選擇性又少,好唔掂!但食物味道講真又唔差,食落都幾鮮甜幾入味。最搞笑開爐仲人手拎紙皮猛撥,咁做認真落後,我相信冇邊間燒烤場會咁做。用火鎗或用把手提式電風扇,仲好過用手撥啦...唉...失敗! 交通又唔多方便,有駕車都唔覺有免費停車場!?可能我第一次去唔熟環境卦??? 搭公共交通工具就更加唔方便,由路口青山公路落車,行成十五至廿分鐘先到,講真真係行到有少少腳軟。環境真係一般,電視機又舊式又細部,坐正電視機底都睇唔清楚,又冇咩其他戶外活動,悶場!有得揀我唔會再幫襯,同元朗【偉記元朗BBQ樂園】比,真係牌脾同牛脾~

星期六, 陽光普照.. 超熱!我突然想bbq, 係yahoo search 度海天一色~ 問過價錢, 飲品數量, 交通, 營業時間之後就約左幾個朋友一齊去, 計埋我5 個人, 2:30 - 3:30 到齊~~ (訂左3:00)係荃灣撘61M, 15 mins 到站, 行左約5mins.我同我老公2:30 到左, 都可以照燒. 去到得我地一食物味道ok, 種類就好似唔夠... (果日d 雞扒咸左d)1水1汽水唔夠飯, 好似飲極都渴, 最後要另外買野飲, d 飲品仲貴過7仔... (可能天氣太熱)蜜糖好"傑", 唔多似平時係超市買個d.. 好黏牙.. (唔知算好定唔好喇!)洗手間乾淨企理, 有廁紙提供, 不過好焗& 唔夠光(女廁)環境唔錯, 開揚, 乾淨, 有藍球架, 細單車, 細遊樂場.服務ok, 當我地要去取食物時, 佢地見到會即刻返崗位.差唔多由頭到尾包場, 呵呵~ 感覺輕鬆舒服, 唔錯唔錯(7點先有第2客)額外收費:開一個爐$10飲品$7+ (罐裝), $11+ (樽裝)其他不詳...

今日天氣很凍（１３度），我想ｂｂｑ，唔知去龍鼓灘定大欖好，諗諗下都係去返大欖燒。原因：食物款多有很多瓜菜送的水是大支地方大４點燒到８點，上次唔夠６點就ｆｕｌｌ哂場，今次到我地走都係得７成人度，可能天氣凍ｄ人唔想出街卦（哈）