海南村餐廳 (已結業)

2005年10月24日記不起來過多少次,只記得每次也會來一客海南雞飯,本來是次也是要這個的,但當打開餐牌時,瞥見有印尼茶式供應,憶起8月份和openrice食友在峇里進食那些美味的菜式,不由自主地垂涎三呎起來,雖不知這裡的水準如何,但未食過就不可能作比較,於是在大人同意之下,叫了印尼食品作為是夜的晚餐.加多加多:印尼版沙律,平時食沙拉是用沙拉醬或意大利醋加橄欖油,不過印尼的就是用好似沙嗲醬既汁料,而配菜方面亦與別不同,印象中有芽菜,豆卜,蛋等等,淡口的配菜加惹味的醬汁,簡直是絕配,是品嚐過的印尼菜式中,我最喜愛的一道菜.黃薑飯:除了印度,西班牙等地用saffron令飯變黃色外,這個飯也是黃色的,不過處理手法是否相同,就不得而知,飯本身和我們吃開的一樣,也是無味的,配料方面和峇里的也大同小異,不過論味道就輸了一截.牛尾湯:很濃味的一個湯水,牛尾煲得骨肉分離,肉裊淋,不需太費功夫就可吃到,適合無牙如我的人仕享用.串燒沙爹(雞):是夜表現較遜色的一道小吃,肉質偏硬,咀嚼了一會兒才可吞下,是必須改善的菜式.綜觀是夜的菜式不過不失,比峇里是水準低的,消費也好像高過峇里,但若路經此地又想一嚐印尼風

到澳門公幹，埋岸巳經八點半。今天早上趕出門時，因某些事情激嬲老爸，…。知衰，買他至愛的杧果甜品，逗他老人家。外賣甜品，選了「杧果黑糯米」和「鮮雜果西米撈」各一客。店家即點即製，故乾等五分鐘，店家有禮。之後，到樓下總站，乘公車回家。近四十分鐘車程，回到家巳經不凍，賣相仍然漂亮。杧果黑糯米（$22）：見老爸吃光，沒抱怨。大抵杧果不酸，黑糯米不過硬。鮮雜果西米撈（$20）：老媽吃得津津有味，水果甘甜，西米軟硬適中，拌入椰汁，口感新鮮，味道不俗。雜果有西瓜、木瓜、草莓、杧果、蜜瓜…等。算足料。大概有下次。

自從雞發生問題後,都好柰無食雞.老友介紹食海南雞飯一定要去中港城既海南村.終於的起心肝去.....叫了一客海南雞飯:有雞味,所以一定係新鮮雞.雞皮下面有一層透明o者o里,已經無物地方可以食得到,油飯有蒜油香味,又五會油腍腍,又五會太咸...煎膠魚:五會腥又夠香,又新鮮,火候岩岩好,五會煎到干憎憎,總之好味道....還有酸辣米,酸辣味道控制得好好.食完一啖後即刻想第二啖.如果行開海港城可以直行到中港城海南村試下.

早陣子常常回祖國，大清早就要在中港城等船，還未食早餐的我就自自然然去最多人的食店嘆咖啡。皆因太早的關係(七時)，胃口未開，就點了白粥早餐，粥底好綿，有少少米粒口感，既綿但不失嚼勁；沒有其他調味，要鹽與否適隨尊便。其他配料($5/份)包括豆腐乾，炸菜，鹹蛋等。貴是貴點，但勝在份量夠，用料鮮及配菜選擇多。最後杯熱啡亦尚算可以。清清地，下午在祖國在無選擇的情況下食漏一些都可以。

睇過報導話此處的海南雞飯好正, 於是前日就同女友去試試, 價錢勁貴, 海南雞飯成$56, 凍檸茶竟然要$21 !!!! 不過一場來到都試下啦, 於是我食海南雞飯, 女友就食三味煎魚飯. 海南雞飯d雞無雞味, 又得5件, 油飯又乾又硬, 無乜味. 至於那三味煎魚飯, 那2小塊煎魚乾、鞋、噥、冇味, 我女友食左一啖就無食. 奉勸大家都係唔好去呢度食野………

海南村朝早有飽點早餐賣﹐都幾抵食﹐所以返工前的半個小時經常排長龍。腸粉﹑燒賣﹑馬拉糕﹑糯米卷﹑奶皇包等等多款小點都係$5 一款﹐買兩款就已經夠飽肚。平時早餐我多數只係飲咖啡﹐甚少食野﹐今日經過諗住試下﹐買左腸粉同奶皇包﹐共$10。腸粉算軟滑﹐不過其實都係工場大量生產貨色﹐加上豉油甜醬麻醬﹐味道同其他地方都係差唔多。而家大部份地方賣腸粉都係配麻醬﹐但係我記得細細個時去街邊食的腸粉﹐所加的醬似係花生醬溝芝麻醬﹐正過而家食到的多多聲。唔通記憶中的食物真係特別美味難忘﹖另外個奶皇包就真係失敗﹐唔係味道唔好﹐而係奶皇餡少得可憐﹐咬左大半個先食到少少奶皇醬﹐有相為證。$5一個真係絕對唔值﹗

D 野食好貴....野飲仲貴....無睇餐牌就叫左杯可樂....飲完先知十九蚊一罐...唔知罐可樂係邊入貨?搵笨!之後仲見到D椰青都要十九蚊一個....之後有骨同無骨既分別:有骨既會係雞脾雞翼位...無骨既會係雞背,雞胸位...好鞋口!

一直以來, 有三間餐館的海南雞飯是我很喜歡, 分別係已結業的Planet Holleywood, Dining Area同海南村.而海南村更是我的最愛. 而且一直以來, 我嚮網上都見唔少人話海南村的海南雞飯係全港最好.只是早兩日再去, 水準有點下跌, 尤其係隻雞, 好似冇乜味道.希望只是偶然的水準下跌, 如果唔係, 全城No.1海南雞飯的稱號就值得商確了.

早前在某地方報了海南雞飯示範課程,席間講師指中港城某店的海南雞飯,較為正宗,在不虞有詐的情況下,到中港城找尋食店,終於找出此店,此店座落於中港地,地下上一層行人扶手電梯,再轉右手邊,應該不難找到,先說此店格局,較為平實,不過近期翻新了,想來可能是最近上一層開設了金牌美食坊,因此不得不作出一點改變吧~~說回該店出品,海南雞飯有兩種選擇,分有骨和無骨,兩款都試過,無論選擇有還是無骨,也不會直接影響雞味,只需選擇個人喜好便行了~~雞~~不是太肥那種,皮與肉之間,有一層0者喱狀的皮下脂肪,好此道者,不容錯過,而雞肉,尚算嫩滑,只是雞味稍為欠奉酸菜~~略嫌較少,不過酸酸甜甜,可以中和此餐的一點油膩雞飯~~不是熱辣辣的上檯,只屬和暖,而軟硬適中,雞油香味雖濃但不會覺得膩,醬料~~分別有酸辣醬,薑蓉,以及據說是來自星加坡的黑醬油,之三款醬料,基乎是食海南雞飯必備醬料,前兩款不用多說,只因與其他食肆的沒什麼分別,反而後者,黑醬油,筆者較少接觸,醬油本身杰得很,質地像蠔油,並略帶甜味,本人覺得與蘸點雞件進食,都幾好味,但接受與否,見仁見智湯~只有大荳芽為材料,有時會有少許雞內臟,喝完整碗,都不覺有味精,

上星期六和男朋友吃海南雞飯,我選了無骨那一款.雞的味道和肉質算可以,但實在太肥,除去雞皮後好像沒甚麼下肚.飯很深色而且有點硬,味道有點怪怪的,不知這算不算是正宗口味.

星期日我都黎過呢度食晏. 男友order左set海南雞飯.成$56一set. 講下呢味先:飯唔夠雞油香.又唔熱.而雞嫩滑尚可.裝雞個兜就超細,所以裝住4-5件細雞.望落好似好大份咁.其實絕對係假象. 墊底得兩三條生菜同青瓜.其他舖頭好好醜醜都有小碟炒菜伴下, 所以$56得一碗飯同一碟雞比較貴. 例湯算係全set中最ok的~我就order左個叻沙湯面.椰味太勁而蓋過了湯底應有的惹味. 只係得椰汁味~!面質幾煙刃. 蝦同魚片尚算幾好. Well, 其實o係其他地方都可以用比佢較平的價錢和更好的Quality. 所以本人唔會去第二次喇~!!

首先請Openrice editor update D資料先；呢度個地址係：尖沙咀廣東道33號中港城商場高層52號舖。唔該晒！見到門口大大隻字寫住「全城至正海南雞飯」，身為雞癡o既小妹又點可以錯過呢~~入到去，即時俾個價錢嚇o左一跳；一客海南雞飯要$51(有骨)同$56(冇骨)，貴過晒好多地方。叫o左客冇骨海南雞飯，咁o既價錢當然有D期望。首先，雞唔算嫩滑，可能跟部位有關，但都食得出係用新鮮雞；醬汁係用正宗星洲黑醬油，椒醬同薑蓉，唔錯。至於飯方面就幾失望，呢度claim用泰國米、洋蔥、蒜頭同雞湯整成o既雞飯，完全食唔到雞香味；而且D米望落去幾深色，好似好粗o既米咁，唔香又唔軟，失望啊！男友叫o既係紅咖喱飯，味道反而唔錯，但都要成$50。加埋個$29椰青，咁就食o左$150喇。嚮呢個茶記格局同冇乜service既環境之下，咁o既價錢真係唔多值~~