海南小廚 (已搬遷) 新店位置

重慶拌麵(中麻辣)$28手撕雞$10麵及雞嘅份量都足夠好油、好油，味道又唔夠淡，但係亦都唔夠咸！硬係差少少、怪怪咁啦！我叫中辣，食完有一段時間過後仲有少少麻麻感覺，但真係唔夠辣，有麻冇辣下次我要叫大辣試下！

因为去屏山文物径旅游，便搜索附近餐厅。这家店虽叫海南，但川菜做的相当美味，最重要是很便宜。牙签牛肉很香，酸菜鱼用的是黑鱼肉质很结实，弹牙。周末用餐人数较多。推荐！

餐廳環境雖然唔係話好好，又不算坐得好舒服，但性價比好高，所以仍然好喜歡黎呢到食飯！這裡的手撕雞是招牌菜，份量很多！很怕再外叫手撕雞，因份量太小，這裡完全相反。其他的餸菜也很好吃，小辣不太辣，建議可叫中辣！

同朋友都好鍾意食辣，特別係四川菜。又係新北江商場，一流嘅川菜。雖然地方細少，坐得唔算舒服，而且衛生都一般，但完全冇影響我同朋友定期過黎食川菜嘅心情！手撕雞係必點，食落啖啖肉，而且例牌嘅份量都唔少，用黎餸飯一流。

係香港搵間抵食又好味的川菜都唔係易海南小廚已經食過好多次😍真係好正😋最喜歡的一定係酸菜魚！！👍🏻雖然先50幾蚊 但係一樣都係咁大盤咁足料！不過d魚都要預左多小小骨 好似可以轉生魚 但我未試過 好怕骨的人可以試下😋牙簽雞👍🏻好好味！好快已經可以清哂成盤😂手撕雞👍🏻每次都係必叫！正到不得了份量都足夠 唔嗇色蒜泥白肉👍🏻好多蒜泥☺️☺️☺️如果肉可以薄小小仲perfect酸辣土豆絲，泡椒肥牛👌🏻覺得呢2個一般般，酸辣土豆絲唔太夠味 泡椒肥牛既牛得好小，唔太抵食唯一唔喜歡的只有跟餐的薯粉 湯底似水🤢不過平均都係30-60一碟餸 真係好抵食👍🏻👍🏻

香港酸菜魚,多數都是用鯇魚,但有時間會偏(醒),這間小店算煮得有鮮味,今次是一個人食,叫不到太多菜式. 下次再試水煮魚. 另外加幾蚊可以配米線或飯,當然選米線啦. 但冷氣不夠,如果有極d 的冷氣再滿足些.

新北江敢多間美食 我媽咪特別鐘意食呢一間😛😛佢既水煮魚辣辣地好開胃🐟價錢唔算貴所以份量中等！我自己就比較鍾意食手撕雞🐣🐣覺得佢整得啱啱好唔會好重口味！好好食😜😜

有位朋友話有間水煮肥牛好好食，所以今日就走左去試下係天水圍新北江，入到個商場就好似番左大陸咁，每間鋪都好細間，又有好多小食既鋪頭，整甲駁髮都有呢間鋪位置都唔難搵既，4個人叫左4個菜手撕雞小辣（唔會好辣，雞都算多味道唔錯，雞肉都‘林’上面既花生好香好好食）水煮肥牛小辣（肥牛唔會‘鞋’剛剛好味道都好食，入面仲會有薯粉同木耳）酸菜生魚小辣（叫生魚就係無乜骨，就咁叫酸菜魚會多骨d魚好滑，唔會有魚腥味，酸菜都好酸，佢個湯底好好飲送飯一流）手撕包菜小辣（一d都唔辣，但味道非常好食同普通嘅炒菜係有分別但油比較多）叫完餸可以加6蚊配飯/薯粉/小麵，薯粉就唔建議大家叫

呢間商場有好多餐廳，而呢間比較隱閉。但次次經過都見到有好多人食，今日就黎試一試。先叫左呢款水煮魚，呢個係小($58)的份量。可以見到小的份量都好大兜，而佢另外仲有大($128)其實叫一個小，都已經夠兩個人食！可以加飯(每碗$6)。先講呢個水煮魚，湯底超香超濃！拎黎送飯真係一流！配料超級多，有莞西、大豆芽、薯粉、辣椒！而魚都有好多舊，有8舊以上，都算滑！而且啖啖都充滿油香、辣香！其實兩個人食的話，叫一碗飯都可以，因為水煮魚入面都有好多薯粉。另外我地仲叫左一碟炒酸辣土豆絲($48)，份量都好多！如果中意食薯仔真係推介呢個，食落超級超級香！有少少辣同好少好少的酸味。普通食到的土豆絲都唔會好濃味。但呢種炒法完全可以帶出薯仔的香味。加埋配料的香口，配飯好正！總括，兩個餸都好香，好夠味！不過就比較油！同埋環境就差少少，比較逼同埋污糟少少。不過老闆超級好客，好好禮貌！值得一試！

叫左個蒜泥白肉同重慶乾拌麵重慶乾拌麵: 叫左手撕雞同腩肉做送。一食, 嘩, 咸到痴線.... 都唔知係佢D 汁咸, 定係D 肉碎咸...總之咸到唔想食.... 手撕雞真是一絲絲, 又幼又少.. ...腩肉係一小塊一小塊,又係好少.... 唔店!!!蒜泥白肉: 幾大碟, D肉唔算好肥, , 油多左D LAW, 叫左小辣就真是唔太辣, , 呢個OK。

是日約左一班朋友入天水圍聚賭，再忙也需要良朋共聚，印象中天水圍新北江唔多地方既可以住十零人, 又可以傾下計, 而且味道又可以的, 好似整個新北江唔多呢類食店,感覺新北江都係來去急步居多,因為朋友在附近上班的關係, 佢介紹左呢一間試下，口味係對辦的，席間布朋友完全食唔到辣, 於是就問可否選最少少少辣, 店員話辣度可濃可淡，甚至辣油另上亦得，得左。臨走時據店員說, 店家稍後會有有自製辣油開賣，佢隻辣油既香而且惹味,而且仲帶點麻椒香, 食辣的同好要多加留意了。 @天水圍，新北江，海南小廚

第一次去天水圍，特意來到這個商場吃東西，見到這件餐廳有水煮魚，價錢只是55元，極度吸引！座位算不上舒服，始終是舊商場。本人很喜歡吃水煮魚，但在香港吃個水煮魚起碼超過100元，在這間小店，一個平凡的水煮魚只需要55元，本來以為很小碟，但竟然夠2個人吃！很驚喜！還有夫妻肺片，35元，但份量足夠2個人吃！在市區一定食唔到！不過略微咸！但這個價錢，這個份量，這個味道，已經沒可能在市區吃到！所以我極度推薦！～

新北江多野食，好多人都知，今次試下呢間先，佢呢間野都有好多野食，由其辣既食物，我今次叫左炸雞亦撈米線，雞亦多左炸少粉，但味道ok，其實碗面都大碗，有酸豆撈花生，正到冇朋友啦，加埋個惹味肉碎 ，直情有下次啦，因平時晚上經過真係都好多人架，例如佢地有水煮魚、小煮牛肉、辣子雞、炒窩筍等等等...我晚上經過都見到好多人叫黎食，我估都應該有咁上下水準，嘿嘿，要試辣野一定要搵班朋友去啦，因為一個人好難叫到幾樣辣野一齊食

工作關係，多數要在新北江食外賣~新北江多野食好多人都知~不過就唔係樣樣岩食~本人比較喜歡食辣~這家食四川菜的~有水煮魚，辣子雞，水煮牛好多好多款~因為自己一個食午餐，所以唔睇咁多~我點左個炸豬扒撈米線~配料有花生，酸豆，京葱，芽菜，肉碎炸豬扒炸粉比較少，不會厚粉，肉比較乾拎開左豬扒見到好多配料，撈左幾下，已經可以每一啖都有配料入口，米線份量好多~平時我都會特別肚餓先叫這個~這個撈米線有很多款，可選雞絲，雞翼，仲有好多~辣味可選大，中，小辣~我要的是小辣已經好好味~外賣加凍飲$36這個價錢也很便宜~

好友愛食辣，尤其川辣，經常大胆試食即使其貌不揚的食店。今次聽佢介紹，來幫襯一間隱世川菜。呢間小店位於天水圍新北江，一小食街入小小，平時應該只有女人同學生先會係度打滾，冇人介紹應該唔會過來。舖頭裝修簡約，略帶中國風，很有內地地道小店味道。朋友說這裏的菜式做得不錯，貼近大陸口味。酸菜魚，酸酸辣辣，好味得我連湯都飲左一大碗。可能因為份量大，我地未趕得切趁熱食哂，此餸如能用火窩盛載，保持著溫度會更好。乾鍋肥胆 , 朝煸四季豆，都做得好，炸得乾身麻辣有咸香。雞煲就比較普通，似普通炒雞球。老闆娘說店內的手工麵是店家自制，麵線做得幼細彈牙，加上麻辣湯底，好食!總括呢個小店價錢比連鎖大店便宜，又更好味，我應該會多來幫襯下。