3
1
0
電話號碼
23282444
付款方式
現金
食評 (4)
等級4 2010-04-06
648 瀏覽
是日也!出西貢約朋友遠足,之後搭7小巴出老虎騎石,點知條路太多霧而且行得太快,結果遲左落車,要行多15分鐘才到老虎騎石路口,之後沿路經山火暸望台路標(沿途有好多蜘蛛網!) ,加上聽到很多行雷聲,唯有折返改往海下行灣仔自然教育徑(期間路經食海下灣茶座阿婆的雞屎籐$5! 沿途聽到很多燒槍的聲音,好驚!^o^) ,之後折返便食阿婆推介的豆角炒帶子,村長雞翼和可樂(結果埋單$214! 好貴,事後發現原來現在雞翼賣$100碟,而碟帶子都係$100! 莫非多d人食價錢會平d!) ! 繼續閱讀
(以上食評乃用戶個人意見 , 並不代表OpenRice之觀點。)
等級4 2010-01-20
397 瀏覽
是日也! 是試行大灘-海下遠足日子,行完便往海下灣茶座食lunch,我們試左超多野食,先試個煎蠔餅(但賣相似奄列! 好好食,內有大大粒蠔和蜆! 之後還order多份) ,村長雞翼、菜、炒飯、雞肉炒米、火腿荷蘭豆炒面、雞屎籐和可樂,食得飽飽,每人都係食左$69,又好食又好味!抵(不過如果d 食物size大d會好d! 好貪心呀!^v^村長和婆婆好親切和好友善,但她們養隻狗好惡,條尾成日搖動,好驚!^o^)! 繼續閱讀
(以上食評乃用戶個人意見 , 並不代表OpenRice之觀點。)
(非會員) 2009-04-23
268 瀏覽
我食過啲蠔餅,真係好好味,啲蠔餅真係好大粒呀!下次去可以去試下 繼續閱讀
(以上食評乃用戶個人意見 , 並不代表OpenRice之觀點。)
等級1 2009-04-22
185 瀏覽
上星期六,與朋友一起重遊海下灣,可惜天公不造美,落雨仲越落越大,於是搵個地方避雨,嗰度有幾間食嘢嘅士多,有一位婆婆,每見到遊人經過,總會很快由屋裏走出來嚷著她自家製造的鹹甜茶果、海胆炒飯、帶子炒飯、蠔餅,查實嗰度所有都係食呢啲嘢;而我哋一心都係諗住搵個地方避雨,且上次行完山幚襯過前面間叫好景嘅,覺得啲食物認真麻麻地,公仔麵太稔而且啲午餐肉入面係凍、蠔餅又太油;所以今次決定幚襯阿婆的海下灣茶座。我哋個個都食咗嘢先出發所以都好飽,我哋一行12人只敷衍的叫了一個蠔餅和一碟海胆炒飯,阿婆不但冇嫌棄,仲二話不說衝入廚房準備,過咗一陣蠔餅便奉上,蠔餅同一般簿簿一片唔同,佢好似奄列咁返了一返、金黃色令令哋,一上枱就已經聞到好香嘅蛋味,食落裏面除咗有一粒粒蠔肉之外,仲加咗一些螺肉一起煎,豐富了咬口;我哋每人只分得一小件,大家都覺得唔夠喉,於是叫多一碟,味道依然,阿婆仲話佢要俾百幾蚊租船費出海攞嗰啲蠔螺,所以十分新鮮。海胆炒飯上場,炒飯好香,米炒到一粒粒分開嘅,可見炒功非凡,用料只有海胆,我食落有點腥,可能係由於我對腥味太過敏,但同行食過海胆嘅朋友都覺得好新鮮。之後,我哋仲叫咗一碟村長雞翼,今次就由阿婆女兒(村長)主理,我睇住佢係雪櫃攞出一包急凍雞翼入廚房,過了約十分鐘,一隻隻外表煎得金黃嘅雞翼就奉上,本來心想急凍雞翼沒有什麼特別,但食落口外層香脆,而最出奇嘅係十分入味,好似醃咗好耐咁,好好味!最後,我哋仲食埋阿婆極力推介嘅鹹甜茶果,簿簿一塊,鹹的入面有兩三粒花生,甜的係中藥雞屎滕,阿婆話藥雞屎可以清熱喎,果烟烟韌韌,味道適中,我自己喜歡鹹的。價錢方面,蠔餅、海胆炒飯各$80,村長雞翼就$100十二隻,茶果每個$5,我認為蠔餅、海胆炒飯、茶果值物有所值,但雞翼略貴!茶座前鋪後居,坐係屋前嘅空地面臨綠蔭和海下灣景色,環境都可以;由於海下灣地方唔大,只有海灘,水十分清澈,村長話每逢初一、十五前後就可以係水裏見到海星、海胆等,除此之外就沒有太多可遊覽地方,所以建議若果想消磨一整天時間,可以好似我第一次咁先作行山活動,假期可由鑽石山鐵路站坐96R係高塘站下車,然後展開約3小時行程至海下灣村為目的地,暢食一番,跟住坐7號小巴返西貢碼頭。 繼續閱讀
(以上食評乃用戶個人意見 , 並不代表OpenRice之觀點。)