海上鮮海鮮和牛涮涮鍋

營業中

休息中

呢晚過咗嚟西灣河試吓呢間打邊爐，主打一人一鍋同埋和牛海鮮嘅放題☺️ 我哋揀咗嘅B餐，仲可以加一蚊要一碟A5嘅日本黑毛和牛🥰鍋底呢度係一人一鍋，所以可以揀兩種湯底，我同朋友揀咗日式海草美顏鍋同埋芝士湯番茄鍋🍅 用番茄鍋嚟淥牛肉真係好夾。肉類呢個套餐主打食A3嘅日本黑毛和牛同埋日本米豚肉，兩款肉類都幾嫩滑🥩 A3嘅日本黑毛和牛油花十足，望到已經知道佢可以入口即溶。另外日本嘅米豚肉夠晒薄身，所以就算佢唔算好多脂肪都唔會好韌🐷 食得呢個套餐，一定要加埋一蚊要一碟A5嘅日本黑毛和牛，比起A3嘅日本黑毛和牛，當然質素更加好啦，過嚟過下口癮都唔錯。海鮮生蠔、虎蝦、蟶子、蜆同埋帆立貝整成嘅拼盤都好豐富🦐 特別鍾意佢嘅蟶子，口感幾爽口。火鍋配料其他配料都可以係自助吧自己拎，多款丸類蔬菜都有提供🥬 一定要食呢度嘅炸魚皮，大塊又夠脆口，自助吧嘅食物睇到我地都花多眼亂🤪飲品呢度嘅飲品種類都算幾多，特別鍾意佢自家製嘅無糖涼茶🍵嚟得呢度打邊爐一定要食佢哋嘅海鮮，呢度嘅海鮮真係好正🤔

西灣河海旁新開嘅高質火鍋放題😍和牛肥美 唔會薄到透光！🐮任食區質素勁高 無限任食芝心丸 海鮮 雞肉！🫨自家製飲品超多選擇 玫瑰雪燕 竹蔗海底椰等等！🥤午巿$99起就食到😎今次我食咗A3十勝和牛/北海道豚肉/海鮮盛盆放題set，加$1仲可以加購300g A5和牛🐮超肥美入口即融🥹另外嘅A3和牛都幾肥美，又腍又有牛味，北海道產就是信心保證。而且餐廳一啲都唔小氣！任食嘅肉類份量多，又唔會切到薄sik sik。豬肉都好新鮮同腍。海鮮盛盆極度高質！隻蠔手賞咁大🦪全部都大大隻又鮮味。任食區選擇好多，有我最愛嘅芝心丸可以無限任食🧀另外連蝦，青口，八爪魚，雞，鵝腸etc都係無限任食，大食嘅真係cp值爆燈😀我打邊爐都會慣咗食啲菜，佢啲蔬菜十分新鮮！🥬飲品係另外一個大癲嘅位🥤超多自家製飲品like羅漢果菊花，無花果蘋果，雪梨玉竹百合，土茯苓茅根，全部都真材實料有晒材料係底，又清熱解渴啱晒打邊爐飲😙

我地揀左「日本黑毛A3和牛/日本米豚肉/海鮮盛盆」放題套餐，另外仲用$1 加購左A5 十勝和牛一份。麻辣仙鍋唔會太辣又有麻香。芝士湯鮮茄鍋一上台蕃茄湯味超香濃，真係好少食到蕃茄湯會咁濃味，通常用蕃茄湯淥完之後食物都唔會特別有蕃茄味，但呢度係錄完之後食落去仲有好濃郁嘅蕃茄味。海鮮盛盆睇個樣就知好新鮮！有蟹、魚、帶子、大大隻蠔、蝦、蜆。配上蕃茄湯一流。無論豬定牛肉都好嫩好滑，當然A5口感最好，而且冇好膩嘅感覺。每碟肉上面都有隻湯底公仔好可愛。A5 十勝和牛日本黑毛A3和牛日本米豚肉每碟肉仲附上一隻卡通造型嘅雞湯。配料種類超多，而且好多出面放題都冇嘅材料，例如青瓜花、豆苗、墨魚腸、鵝腸。丸類雖然都係嗰啲款，但食得出係同平時自己去街市買嘅唔同。仲有好多魚、蝦、青口、墨魚仔、青口等。飲品方面，有多款自家製零添加飲品。有豆漿、海底椰竹蔗水、土茯苓茶、酸梅湯。另外都有汽水提供。一入門口有個大魚缸裝晒啲龍蝦，蟹同魚，全部都仲游緊水架，食材真係好新鮮。如果食最貴個套餐，仲可以用$1加購龍蝦😱仲有即用即棄濕毛巾提供。

鐘意食和牛，又鐘意海鮮但兩樣食晒又怕貴？今日去左海上鮮和牛海鮮涮涮鍋一個價錢就可以滿足晒所有願望！我揀左全日套餐B可以任食A3級日本黑毛和牛同日本米豚肉同大量火鍋配料仲有一份每日唔同嘅海鮮盛盆再加$1 有A5和牛真係淨食和牛都食到飽🤭🤭先揀湯底共有五款湯底(泰式湯鍋、日本海草美顏鍋、芝士湯鮮茄鍋、咖喱湯鍋、麻辣鮮鍋)款款自家熬製一人一鍋夠晒衛生👍再出去火鍋配料區共有50款配料！多款菜蔬、冰鮮、肉類、丸類、粉麵應有盡有飲品區又有好多選擇雖然無汽水果汁但就全部都係自家製嘅涼茶非常貼心我勁buy❤️嘩！和牛上枱相當fancy仲有好可愛嘅招財貓造型清雞湯Cute❤️A3和牛油花靚到呢～分佈勻稱落鍋幾秒即熟肉味同脂香平衡超正！加$1 嘅A5和牛更加高質油脂更豐富入口豐腴是日海鮮拼盤有菲律賓直送海鮮大大隻帶子、花甲、羅氏蝦、海斑片，全部都勁新鮮！海斑片仲係即是魚缸撈上黎即切㗎！一啖咬落去啖啖鮮甜好幸福呀！海上鮮和牛海鮮涮涮鍋CP值極高🔥 食材新鮮有質素快啲去試啦！

嚟到呢間新開嘅一人一鍋任食火鍋，明顯見到當日佢哋係有啲混亂踢曬腳咁，但佢哋每一碟都要砌啲花花草草💐🌺🌹🌼嚟點綴🤣🤣🤣 幾有堅持主打北海道十勝和牛同千歲產米豚嘅放題~千歲產米豚口感柔軟🐽肉味清甜唔肥膩，好食但啲牛嘅質素勁飄忽，第一輪好似瘀瘀哋色咁好失望 但之後追加嘅又靚返喎好困擾呀~😵‍💫😵‍💫舖頭有解釋話第一輪解凍唔切所以先會咁樣，希望嚟緊佢哋會穩定返我哋食最基本嘅晚市放題都包咗一碟海鮮拼盤，啲海鮮質素唔錯，夠新鮮又多款式，咩都有啲夠豐富另外要讚佢哋嘅飲品有各式冷熱自家製涼茶，成件事即刻好養身~ 同埋佢哋個自取配料除咗日本大路嘅蔬菜同丸子之外仲有青口、海螺、鮮魚呢啲海鮮，同埋雞件、鵝腸~都幾多選擇夠曬豐富嘅！

港島新開火鍋放題店，專食日本和牛同米豚肉😍！啱曬我～～最中意食日本食材！今次食咗日本A3 黑毛和牛&日本米豚肉放題 $398 跟餐仲有海鮮盛盤💦加$1更食到一碟A5十勝和牛🐄黑毛和牛&米豚肉肉質柔軟，不過如有可以切大塊啲肉，口感會更豐富！海鮮好新鮮😋種類好多有：蝦、貝類和生蠔等🦪配埋我揀嘅泰式湯底，好惹味🙌🏻飲品以自家製涼茶，養生飲品為主。另外仲有唔同打邊爐食材可以係出邊夾，不過店舖比起一般打邊爐店細啲，所以出邊嘅食物選擇唔算好多，我今次主要都係食肉類海鮮為主～仲有如果餐廳可以用QR code落單，比起舉手落單就更方便啦！！如果平時係港島收工/住附近都可以一試，食完一岀去就係海邊可以行吓🤣🤣～我平時去西灣河都係食太安樓多，今次打邊爐🍲然後都發現海旁多咗好多新餐廳！📍海上鮮海鮮和牛涮涮鍋西灣河鯉景灣太康街45號蘇豪東B期地下02B-07GB號舖#kanteen香港 #kanteen西灣河 #kanteen打邊爐 #海上鮮海鮮和牛涮涮鍋 #香港美食 #西灣河美食$1就食到A5十勝和牛⁉️😋港島新開火鍋放題店，專食日本和牛同米豚肉😍！啱曬我～～最中意食日本食材！今次食咗日本A3 黑毛和牛&日本

見佢新開裝修幾靚就入去一試門口經過嗰陣啲職員好似好有禮咁 邀請我哋入去諗住一試點知大中伏 真係唔好貪平今次可以話係我食任食放題火鍋唔好嘅一次首先叫咗兩個湯底 湯底可以話 完全淡到補味應該係溝水溝到好淡 跟住叫咗298蚊放題日本和牛 加海鮮海鮮 同牛肉 嚟到嘅時候都有煙霧嘅效果好似好吸引但係全部海鮮都感覺唔係新鮮嘅牛肉第一盤 味道 可以 感覺 如果可以任食都叫做抵跟住我哋食完第一盤牛肉之後 諗住叫佢上多一碟追咗三次等咗半個鐘啲牛肉都未嚟心知一定係中咗伏跟住個職員話啲牛肉未解凍所以等咁耐咁好啦牛肉嚟到就同佢講我哋直接叫兩碟啦點知兩碟嚟到嘅牛肉一啲脂肪都冇 唔可以清得上係和牛 然平價牛涮鍋嘅牛肉質素都冇鞋到阿媽都唔認得 完全冇牛肉味我覺得如果你要畀啲咁嘅質素客人食其實你可以收返平啲我條氣都會順啲 放題火鍋嚟講佢嘅價錢係收得貴過其他舖頭冇諗過係咁嘅質素仲要叫一條牛肉可以等成半個鐘都未嚟 係咪食緊放題我都有少少懷疑自己我相信 就算唔係我發呢一篇食評所有食過呢間餐廳嘅人都一定唔會再返轉頭幫襯 嘥咗個裝修 啲食物質素真係前所未有咁底佢連任食嘅面都同我講可以冇貨唔會再refill我真係無言未食過有間咁

豐盛有機自助午餐，舌尖上的滿足盛宴‌。踏入餐廳，琳琅滿目的自助餐台立刻吸引目光。新鮮水靈的‌自家種植蔬菜‌整齊陳列，搭配特調醬汁，清爽開胃。和牛肉‌入口彈嫩多汁，蘸上秘制醬料，鮮香四溢。飲品區提供‌獨家釀製‌的冷泡果茶，酸甜解膩，風味獨特。從鮮嫩蔬菜到優質肉品，再到手工特飲，每一口都充滿誠意。從農場直達餐桌的新鮮食材，這場有機午餐不僅滿足味蕾，更是一場視覺與嗅覺的盛宴。離席時，唇齒間仍縈繞着食材本真的甘甜，讓人不禁開始期待下一次的味覺之旅。

聽朋友介紹黎左呢間火鍋店 性價比都真係好高😆😆😆我地揀左最平嗰個set $298/人 已經有牛肉豬肉任食 啲牛肉同豬肉好高質 😍😍 唔係話任食就比啲cheap野你 啲牛係睇到啲油脂分布得好平均好靚🤩🤩 肉質軟腍得黎肉味又好濃👍🏻👍🏻仲有個海鮮拼盤 有好多款海鮮🤤🤤 有魚有蟶子 帶子 蝦同埋蠔 蟶子有啲沙 蠔好肥不過蠔味就唔算濃 海鮮拼盤就正正常常啦火鍋配料同埋菜都有超級多款 啲菜係佢地喺東莞同埋上海嘅自家農場每日送落黎😍😍 好鮮甜 佢哋每日買唔晒就會送俾啲客🤣🤣🤣 唔會賣隔夜菜 嗰日我地都攞左一兜返屋企😆 真係又食又拎野飲都好多選題好特別 我飲左玫瑰紅豆同埋桂花雪燕都好飲👍🏻服務方面呢度嘅職員都好好 會係咁問我地要唔要加牛肉同豬肉👍🏻👍🏻 環境都好舒服 座位闊落 冷氣好夠味道❤️❤️❤️❤️💔抵食❤️❤️❤️❤️服務❤️❤️❤️❤️💔環境❤️❤️❤️❤️💰晚餐人均$328 (包括+1)

A4和牛第一盤非常有氣勢，往後的幾盤肉質都一樣可口嫩滑而不肥膩。蔬菜種類特別，非常新鮮，說是自家有機蔬菜，連䊢料生薑蒜蓉芹菜芫荽樣樣都新鮮。環境衛生整潔，服務態度有善良好。

最近試咗西灣河🚇新開嘅「海上鮮海鮮和牛涮涮鍋」，🤩真心高質到嚇親！佢哋主打高質🌊海鮮同埋日本和牛放題🥩，火鍋配料同飲品都幾有驚喜，👍真係好值得推介！呢度係一人一鍋🍲嘅形式，我哋揀左日式🇯🇵海草美顏鍋同埋🍛咖喱湯鍋，味道都幾香濃。新鮮嘅😍海鮮拼盤擺到靚一靚✨，大頭蝦🦐彈牙爆膏、蟶子爽脆無沙、🦪生蠔肥美 creamy、大蜆鮮甜到好似啱啱喺🌊海度撈上嚟咁！任食嘅🇯🇵日本黑毛A3和牛油花均勻，輕輕一灼🥢入口即溶，牛香爆燈！🏯日本米豚肉都唔輸蝕，🐖肉質軟嫩香甜，食落又唔會太肥膩。我哋食呢個餐加$1💰就有一碟 300g A5十勝和牛（原價$298）！🤯 油脂分佈靚到癡線，入口真係有強烈嘅🤤「融化感」，呢個優惠抵到爛👏，唔加對唔住自己！自助區除咗😋普通火鍋料，居然有多款豬內臟🐖任拎！豬膶、豬肚、豬腸同埋豬肺😊洗得乾淨，淥完爽口無異味，🥰內臟控必衝！佢哋仲有多款🤩自家製養生零添加飲品，例如🌹玫瑰雪燕、茯苓薏米、玉竹百合雪梨、🍎蘋果無花果、鮮土茯苓茅根、枇杷百合茶、羅漢果🌼菊花同埋黃桃汁等，🍹清甜解膩，打邊爐飲一流呀！甜品就有🍨雪米滋任食，凍冰冰咬落去❄️ ，打完邊爐食就☺️啱曬喇。

近排發現西灣河開了一間全新的火鍋放題店😆，餐廳主打黑毛和牛 + 米豚肉火鍋放題，時令活海鮮由菲律賓直送，即撈即涮，咁啱屋企人生日就請佢哋食下～🤭我們選了120 分鐘全日放題套餐B (成人: $398)，可以任食日本黑毛A3和牛 + 日本米豚肉，另外還包括1份每日精選海鮮盛盆，設有火鍋自助區有多達50款精選火鍋配料，例如有自家農場新鮮蔬菜 / 菇菌類 / 青口 / 鮮魚 / 丸類 / 麵等等，很多選擇～👍🏻另外飲品櫃有多款自家製零添加飲品，有豆漿、海底椰竹蔗水、土茯苓茶、酸梅湯等等，養生又健康☺️ 都有汽水供應。5 款特色湯底: 泰式湯鍋 / 日本海草美顏鍋 / 芝士湯鮮茄鍋 / 咖喱湯鍋 / 麻辣鮮鍋，我們選了芝士湯鮮茄鍋 + 泰式湯鍋，芝士湯鮮茄鍋幾鮮甜又開胃，泰式湯鍋酸酸辣辣又好惹味！😋而加惠顧日本黑毛 A3 和牛、日本米豚肉放題套餐B，仲可以 $1 加購 300g A5 十勝和牛一份，幾正！😆👍🏻🐮日本 A3 黑毛和牛A3 黑毛和牛的肉質軟嫩，牛味濃郁，快涮鍋十幾秒就食得，油花分布均勻，入口即化！🥰🐷日本米豚肉米豚肉質地柔軟，脂肪分佈均勻，入口滑嫩！👍🏻🦐海鮮盛盤🦪海鮮盛盤包含了各

夜晚7點去到 夾埋自己都係得3枱一上湯底已經覺得伏味濃 叫咗2個湯 包括日式海帶豆腐 同埋 麻辣湯底 2個都有陣up味 麻辣湯仲要好酸醙味濃海鮮極唔新鮮 有陣腥臭味 啲大頭蝦係死蝦好腥 蜆同蟶子都好似死咗好耐咁叫咗A餐$298/head + 1 啲牛同豬都係好唔新鮮 切到好厚 但又鞋又靭 好似預製菜 食食下都lur返出嚟🤢🤢衞生環境都麻麻 自助區好多蚊螆 啲食材好多用水浸住 變咗滋生更多蚊螆 都已經唔想夾嚟食。。。埋單差唔多700 都無甜品 唯一可以接受係飲品充足

日本黑毛A3和牛/日本米豚肉/海鮮盛盆 $398/位最正一定係佢哋嘅和牛😍！啲牛肉嘅油花分布靚到不得了，輕輕涮幾秒就食得👅，入口真係即溶，牛味香濃得嚟又唔會太膩😋海鮮方面都絕不失禮😜，個海鮮拼盤有齊小龍蝦、蜆、蟶子、生蠔😍，全部都好新鮮。特別係啲蝦，爽口彈牙，鮮味十足🤪自助區嘅選擇都幾多💯，除咗基本嘅蔬菜、丸類之外，仲有啲比較特別嘅配料，好似雞腎羊腩豬紅，質素都唔錯👍最驚喜係佢哋嘅自家製飲品🌟，款式非常多，特別欣賞佢地嘅蘋果無花果水，打邊爐飲真係一流😛

店名: 海上鮮海鮮和牛涮涮鍋 地址：西灣河鯉景灣太康街45號蘇豪東B期地下02B-07GB號舖西灣河站A出口，行10分鐘環境: 4/5價錢: 4/5味道: 4/5海上鮮海鮮和牛涮涮鍋係一間主打一人火鍋放題既餐廳，餐廳主打和牛加海鮮組合既一人火鍋套餐，而位置出面亦設有自助吧，可供大家攞丸類、蔬菜，肉類、同埋飲品等🤩全日放題套餐 B 餐：日本黑毛A3和牛 /日本米豚肉|海鮮盛盆 加$1 即可品嘗A5和牛$398自助吧 ❤️❤️❤️❤️❤️餐廳既自助吧提供多款蔬菜，食物及飲品，包括各式丸類，海鮮，而飲品方面，餐廳有幾種自家製既不同飲品，都係以清新，解膩為主，令大家可以一邊食一邊解膩，愈食愈多😆泰式湯鍋❤️❤️❤️❤️哩款泰式湯鍋，聽名好似好辣，但其實調味適中，配搭肉類，頗為入味🤩日式海草美顏鍋❤️❤️❤️❤️哩款日式海草美顏鍋，則係傳統日式湯底既味道，簡單而入味，適合用黎煮蔬菜類，可以令食物更加入味😍肉類 ：A5和牛 ❤️❤️❤️❤️❤️+$1A5和牛肉質非常細嫰，而且紋理非常漂亮，食落去有濃厚既牛香味湧入口腔😍日本黑毛A3和牛 ❤️❤️❤️❤️A3和牛肉質較上面個款A5較為結實，有咬口，肉味依然香濃，係口感一派既好選擇😆日本米豚肉