浦和日本料理 (已結業)

係or見到都ok多好評 以為呢間都制得過 點知不出所料~希望愈大失望愈大~首先,你一黎到坐低,佢就會以9秒9既速度放低碟剌身(無冰底,and唔夠凍的,仲要得幾片)之後落單....10張單有4張溜嫁啦~(廢事咁誇張)想食野要落2次單囉~而剌身呢佢就會事但切個數目比你 唔會跟盡你order的無既食物又唔會同你講~要追問先知道無貨(eg.dessert 有3款,竟然得1款有又唔出聲)唉~唔打咁多喇~總括黎講~優點:1.無限時2.任飲3.價錢唔算貴缺點:1.野食永遠唔會熱既~叮多陣都懶2.剌身唔夠凍,又黎唔齊數目3.食物款式偏少我諗應該無下次嫁喇~除非有人請我去啦~

同fd去食放題,聽講浦和都幾多野食,同冇限時間既,so就來試下了~!一入去,就會送一碟刺身,都幾多款式,三文魚同甜蝦都幾新鮮,唔錯,其他既刺身就一般,有d乾爭爭既feel~!追加三文魚,試下白豚肉,冇乜味,少少鮮,口感滑~!芝士焗蠔~蠔都幾細粒既,芝士有點似沙律醬不過味道唔錯~!一口和牛肉粒,喱個幾好味,肉味濃口感鬆化~!清酒煮藍青口~唔太有酒味,不過青口都ok~!雞軟骨~幾惹味~!雞肉串~急凍果d來既~味道可以~!饅魚壽司~唔多似呀個賣相,冇饅魚汁,又薄身,唔太好食呀~!芝士蠔卷~芝士味偏淡,帙細粒,唔太好食呀~!芝士脆龍卷~少少芝士味,入面係蟹柳,味道普通~!軟殼蟹手卷~想食軟殼蟹so叫左,味道ok~!鹽燒鯖魚~食落香口惹味~!鹽燒三文魚頭骨腩~冇乜肉,不過味道幾鮮~!海老天婦羅~炸得唔太夠脆,有d粉,同淡味~!日式火鍋豬骨湯底~個湯底普通啦~!雞肉,豆腐,花枝丸~!肥牛~係鞋鞋地既~!燒粟米~本身鐘意食粟米~都ok~!炸香蕉~外脆,入面係熱辣辣既溶溶地既香蕉,幾好味~!吉列帶子~急凍炸帶子~普通啦~!朱古力芭芙條~推介之一既美食,估唔到係好味呀,凍食的,外層朱古力面既芭芙條,入面

記得第一次黎浦和好似已經係上年既事。以我印象，個陣好似多野食過依家，而且我記得個陣好似係有個甜品counter,又雪糕又勁多cake咁好吸引,食得好開心咁今日朋友話想食放題,咁我就介紹佢地黎依到,反正我自己都好耐冇黎。點知我一入到黎,就已經發覺唔見左個counter,而且見到餐牌上得4種唔係算得上好好味既dessert,仲要有一款已經賣晒l0l跟住我又拎起餐點紙睇,心諗點解少左咁多食物既- -以前好似有好多炸物揀.不過其實都有d唔錯既野食既.就好似cheese焗蠔 真係好好食.好香濃同埋creamy連我食個怕cheese既人都食到lam lam利.雞軟骨串好唔錯有咬感又辣辣地.幾過癮刺身就一般般咁啦.都擺得入口既.但係最唔滿意既係叫甜品個陣叫個個唔知咩冬甩竟然可以食到washabi既味.而唔係甜味.仲要係唔係脆又唔係鬆軟而係好似香蕉個d口感好多粉既feel而叫puff個陣.落左勁多次order都唔黎.佢到好耐先話賣晒l0l好能忙得制卦.

放暑假 正好一大班朋友仔一齊出來飲飲食食;-)今次的地點就系我之前推介既浦和啦！都有一段好長既時間冇來幫襯啦...因為出咗去旺角同尖沙咀搵食..但喺心頭好始終都系呢間..我中意呢間既人情味<37點30準時到達，好彩一早book定咗10位，如果唔喺有排等位！真系估唔到7點半已經爆場！好誇張呀！！！門口仲有好多人等位= =''有侍應居然同我講'' hi,好耐冇見喔''..簡直令我受寵若驚..咁都記得@@一大段時間冇來，食物水準都提升咗唔少，依然有我最中意既芝士焗蠔！賣相都越來越討好..連芥末都擠花！GOOD!NICE!!!!成班fd狂攻刺身..食番夠本！刺身都好新鮮，要幾多俾幾多，冇cut到單，仲有條用刺身砌既刺身橋不得不讃的系服務態度，因為清酒任飲，所以成班人人地出酒佢地出命，仲飲到嘔= =''真喺失禮= =''好彩d侍應都冇黑面，仲好快清理咗現場..反而叫我地唔使唔好意思，用心服務既態度簡直1000000個讃！！！侍應仲同我地講，遲d會有雪條推出，叫我地遲d齊齊來舔雪條;-)咩半個鐘內舔完20支雪條，會有一位免費..當場笑到肚疼xdd 個場面都幾咁壯觀下.....哈哈哈

有張優惠卷只需$138 , 就可以吃放題 , 仲可以吃4個鐘 所以就去左不過如果要$168 去吃 , 我就覺得唔抵 , 服務幾好 , 不等幫你加野飲 , 不過好少員工 第一次叫野吃 , 上得比較慢 野食方面 - 刺身 - 壽司 - 仲有卷物吃左一 兩件 OK 火煱 - 炸物 - 燒物 - 雞軟骨- 好硬 同冇咩味 - 燒栗米- BBQ咁 - 一口和牛 - 家中吃的抄牛肉 - 豆腐 - 我覺得幾好 但冇咩味 - 雞翼 - 好味 - 一口芝士 - 熱啲好味啲 - 蠔 - 沙津好多甜品 - 有4種吃左2種 巴芺幾好味 總結 - 好少食物選擇 , 如果有其他選擇都唔吃宜家 , $168 加一 有少少灟單 , 叫清酒都冇比

之前的食評說魚生很新鮮, 但又唔覺得, 但ok既。燒物及火煱一般的水準, 同快餐店買的差不多, ok啦, 但唔好抱有太大的期望。芝士焗蠔d芝士同沙律醬係主角, 爭d見唔到隻蠔。服務很好, 但人手唔夠。埋單每人(4人)平均hk$190元, 我覺得以食物質素來說偏貴, 以這價錢在荃灣的其他日本小店,可以吃得好d。最後我的評語是: 一試無妨。

(必須表揚職員之細心&精神)睇OPENRICE荃灣區呢間放題食評唔錯,同D朋友試下喇,講真~力生廣場真係未聽過,去到之下都幾方便,聽到朋友話清酒啤酒任飲,真係有D驚訝,可惜去到居然冇位,星期日嘛!???.~唯有耐心等後,係炎熱既天氣之下居然有個男仔問我地使唔使飲住D氣水等!!!!真係估唔到有d咁既SERVICE!!!!驚訝~15-20分鐘之後好快就安排左入去坐,見到全間餐廳都滿,相信都應該唔差~坐低唔夠幾分鐘待應就俾左盤刺身我地食,非常精緻~我同朋友仲叫了很多天婦羅&刺身,每樣食物都到齊,真係難以想像既滿足!讚!!!最值得一讚係食飯期間,有飲醉酒人吐了在地上,員工毫不猶疑地立刻穿上手套清理現場!!!!!!!!!!!!好有經驗!!!同一時間即刻有員工向我們道歉!!哇...好有水平既餐廳!!!連串既事件令我特意為他們給予獎聲!!!!事次事件我學會到什麼是(敬業和樂業)既精髓~

食開嗰間結束營業, 上OR找找, 又在其他網頁找找, 發覺這間無限時任飲任食, 逐打電話訂位。上到去烏燈黑火, 我未試過去咁黑嘅場, 我聽到鄰座客人對他的女伴說:「乜好似去咗旺角d場咁嫁！」不過侍應們的服務真算不錯, 主動收碟, 主動倒茶等等。 還主動送上刺身拼盤, 等我們邊食邊畫紙。刺身方面, 全部都切得厚薄適中, 件數也出齊。 當中最美味的是白玉豚, 入口有溶化感, 粒粒膏脂香。任飲的飲品有汽水、啤酒、果汁, 不過最正的是冷/熱清酒 及 冰凍梅酒也是任飲的食物方面熱盤類唔係太多選擇, 食過幾款都好普通。壽司和手卷就不敢恭維, 因為飯是暖, 黏性太強, 同埋醋味唔夠, 一大嚿暖嘅黏飯放入口......rrrrrr...嘔天婦蘿, 芝士焗蠔多美味。 天婦羅炸完都無油滴出, 入口也毫不油膩。 焗蠔雖然細細粒, 但是被芝士沙律醬蓋着也能發揮蠔味。這是我從沒吃過的香蕉天婦羅, 外面無油滴也乾脆, 咬入口發現原來香蕉呈半溶狀態, 還要很有果甜, 多吃也不膩就是這樣狂叫刺身、焗蠔及香蕉天婦羅, 還有sake和梅酒, 看來再沒有不吃的道理了。

同男友食放題，好味道! 招呼真係好好，好耐都無去過中價餐廳但啲侍應個個都好有HEART成日問我哋要唔要ＲＥＦＩＬＬ，　又成日幫我哋執枱面啲垃圾。刺身好新鮮，反叫咗幾次！燒粟米好好味！！天婦羅都唔錯！地獄火煱一般可接受最好都係啲服務，令我哋食得好開心！一定會再嚟！

有一日因為心情唔好，好想大食一餐，之後上openrice睇到呢間野麵ok，價錢又ok，又唔限時，所以就去左試試。上到去，先黎一個刺身拼盤，男友話咁既價錢同以放題黎講，質素ｏｋ，而且新鮮，不過我唔食刺身，所以只好眼白白睇住男友食晒成個剌身拼盤。之後我們陸陸續續點左：除左剌身拼盤，仲有叫其他刺身，不過男友食，其中白肉豚刺身最好味。炸帶子：普通芝士蠔卷：因本人喜歡吃芝士，覺得好正好好味芝士焗蠔：男友話ok一口和牛粒：OK天婦羅（南瓜同蕃薯）：ok，不過怕濟，不敢吃太多，炸蝦最正串燒雞翼：普通串燒雞軟骨：好正．ORDER左２次．共叫了四串鹽燒靖魚：好正．ORDER左２次鹽燒三文魚頭：我麻麻，男友鐘意金菇牛肉卷：好味豬骨湯湯底打邊爐：加左雪花肥牛，Ｄ肥牛靚過平時打邊爐果Ｄ～仲有架，不過醒唔起＠＠甜品：雲呢拿泡芙：ＯＫ紅豆芝麻球：熱辣辣，都ＯＫ飲品：啤酒清酒汽水任飲服務方面：好好，招呼殷勤，一見我地飲完野問我地洗唔洗REFILL飲品。而我同男友自拍緊，男侍應見到仲主動話幫我地影相～加上每份食物份量唔多，咁樣可以試下唔同同埋多款食物！我會再幫襯呢～

今晚幾支公想搵地方坐下拆餐勁既見附近D放題爆哂唯有黎呢間試試啦一行到門口 幾多人下波 唔知係咪又冇位呢好彩仲剩一張台 四個大男人逼逼地坐張卡位都勉強OK一坐底乜都未洛單 侍應已經拎左盤刺身拼盤上黎話食住先慢慢點 咁細心 真係抵讚望一望個MENU 選擇唔算多 不過咁既價又冇限時無謂要求太多啦刺身方面唔錯 幾鮮甜 最重要係 三文魚切到好厚 食洛去好滿足壽司方面OK 身型唔會太細 夾起黎D飯唔會散 款式都OK多手卷冇叫好多 正係叫左鰻魚同軟殼蟹 軟殼蟹超正! 必食!火鍋 有三種湯底 我就食豬骨 湯味夠濃 但係火鍋配料就真係冇乜野食 肥肉 花枝丸 金菇 津白等 本人為肉食獸 有肥牛就OK好似叫泰醬炒豬頸肉 麻麻地 豬頸肉乾左少少 唔太推薦一口牛粒 呢個店 食洛去淡淡肉汁 加埋洋蔥 忍唔住食左幾碟 個肚腩越黎越大喇串燒 燒到岩岩好 雞肉幾嫩有好多既飯同拉麵叫 仲要係迷你版 食洛去又唔會太飽 一人一碗 我自己就食左個迷你咖哩吉列豬扒飯 咖哩好香 豬扒就不過不失黃金花枝丸 姐係炸既花枝丸啦 幾香口 送啤酒一流 天花羅 款式多 青椒 茄子 大蝦 秋刀魚等等 最出奇既係有香蕉天婦羅 唔係幾敢試最後叫左

今日同屋企人食飯"其實日本大地震過後對日本食材都大失信心"但到餐廳後一問之下發現大部份食材都來自唔同國家"服務員細心講解值得令我們表揚"另外他們亦介紹最受歡迎之食物"例如:三文魚刺身,象拔蚌刺身,榮螺刺身,最值得一試就係雜綿天婦羅...環境方面,坐位寬敞,值得我再次幫襯"是次收費:$168不限時完全坐夠本"!!!支持!!!下次我會預約的"!謝謝!

今日同我男朋友行完街之後揀左呢間浦和日本料理放題好多都系限時2小時 但呢間系不限時 我地可以慢慢食 大讚一入到去待應同我地講話準備個剌身拼盤比我地先 等我地可以食住黎落單 真貼心剌身好新鮮又肥美,除左刺身外,我地order左天婦羅 系我既最愛^^味道唔錯 亦都叫左多款手卷,日式串燒,金茹肥牛卷,炒雜菜,都幾好食仲有和牛粒,芝士焗蠔 超好味 值得推介落完單d野出得好快 我地吾洗餓住等之後我地仲打邊爐添 佢呢到系包埋火鍋 真系超抵!!清酒啤酒都系任飲,其他有柑桔檸蜜芒果橙汁等.最後仲有好好味既甜品 有泡芙 仲有個朱古力條 好食到系甘order待應超nice超好人 又識講下笑夠哂親切而且服務態度1流 招呼殷勤 不停同我地換碟加茶呢餐食得好開心 最後待應仲幫我同男朋友影左幅相添啊 真系吾該哂佢地^^呢個價錢仲要不限時既 真系超級抵食!如果有機會我會帶埋我d朋友再去試下

今次我地又去咗荃灣食嘢，今次係去食放題，男友之前同佢d 朋友去食話ok，所以佢今次帶我去試下。 入面環境有d 暗黑，營造氣氛，我因為遲到，男友係0個度叫咗少少嘢，我食咗d 刺身，新鮮，厚身肥美，壽司冇偏細(始終價錢都有返咁上下)，但係炸物同埋熱食都唔得，我地叫咗海老天婦羅，俾起旺角0個幾間差好遠，人地價錢平少少，但係炸出黎似模似樣。雞串既棒係有汁ga，一d 都唔講究。一口芝士唔溶，唔好食。金菇肥牛係稍為既一樣……加上男友去洗手間期間，個個係到望住，好似趕客咁，買氣受……

同BF提前慶祝情人節大約6 點幾到左。不限時放題, 所以慢慢叫慢慢食。三文魚刺身真係幾新鮮下，有個叫鯨龍魚, 很新鮮口感又幾得意，希靈魚就比較酸。等燒物炸物果陣, 又打下邊爐牛吳鞋但分量少。 金菇, 粟米係最好。炸物: 雞軟骨好好味,七味雞翼燒, 鹽燒鯖魚:燒得剛剛好, 鯖魚肥美,油多. 大蝦天婦羅: 個脆皮好脆。燒物: 局蠔: 酸酸甜甜,好食, 但好多牛油!我食左3隻, 之後一定要減肥一口芝士: 好好味, 多油左D...窩物: 清酒藍青口: 濃濃清酒味，肉質好。一口和牛粒: OK.咖喱牛肉飯: 咖喱好香壽司類鰻魚: 花之戀,劍魚腩壽司係最好芝士蠔卷, 香芒海中寶卷OK香蔥吞拿魚腩手卷, 有料, 好!橙汁,啤酒清酒任飲甜品都唔錯, 除了雪糕,仲有朱古力巴芙條, 迷你糖衣冬甩服務OK。總括＄178一位不限時都會再幫襯！