流記香港仔艇仔粉 (已搬遷) 新店位置

流叔👨🏻‍🍳會開艇仔係海岸邊🌊🏝(香港仔 / 鴨脷洲)開檔🚢⛴賣既係一碗一碗足料既艇仔粉⛴🍜好有特式💕買完可以坐係海邊公園仔🪑到食黎個海景Lunch🌊🍽~•~•~•~•~•~•~•~•~•~•~•~•~•~•~•~•~•~•~•▪ 艇仔粉 ($30) ⛴🚢🍜第1️⃣次食，唔識嗌餸😬所以黎左碗雜錦🤓揀左河粉，流叔仲問左句加唔加雞髀🍗不過見雜錦都應該夠食，我就冇加😌碗粉係即叫即煮🔥再由船上面遞上黎😍拎上手個下係熱辣辣，好足料，乜都有d😝😛切雞🐔 • 雞腎 • 叉燒🐷 • 燒鴨🦆 • 大魚蛋 • 菜🥬面仲有少少🤏🏻蔥花。湯底味道都唔差🥣係用大地魚🐟熬出黎，唔係🙅🏻‍♀️味精。整體黎講 味道唔算話好特別🤨但係真係好有特色 • 有風味❣️💁🏻‍♀️因為假期好多人排緊隊🚶🏻‍♀️🚶🏻🚶🏻‍♂️🚶🏻‍♀️🚶🏻🚶🏻‍♂️流叔行唔開，所以教我搭舢舨($2.2)過對面岸⛴🚢第☝🏻次搭 & 第☝🏻次食，真係一個好特別既體驗✨~•~•~•~•~•~•~•~•~•~•~•~•~•~•~•~•~•~•~•🔺建議大家出發前可先打電話俾流叔☎️📞Confirm營業時間⏰🔺去到又可以打個電話俾流叔📱問下佢個位置📍係邊先，如果唔係太多人買緊

去完蒲台島搭船出返嚟，已經過咗四點，網上見到營業時間係10至4，於是就打電話📲話我哋啱啱到咗碼頭，可唔可以做埋我哋先收工啊，叔叔二話不說就問你哋而家喺邊個位置，佢即刻揸隻船過嚟🤭感動呀，即刻煮俾我哋，三兩下手勢就煮完啦，艇仔粉係一碗好普通嘅野，有叉燒，燒鴨同魚片，雖然係普通野但望住過海食，又覺得幾好味喎，湯底唔差😋如果可以喺艇上面食就更加好啦，我哋其實有啲狼狽，因為揸住碗粉喺公園度搵個位坐低食😅另一番風味，下次去開香港仔一定會再食😆

喺香港仔長大住咗幾廿年最近先知道呢度嘅艇仔河，今日特登嚟試吓，你之前諗住打電話俾流叔，不過去咗留言，諗住去到海邊撞下彩，好在冇失望而回，嗌咗碗艇仔米粉，喺艇上面煮，設備簡陋，亦都唔好期望食物嘅質素和衛生，但係流叔嘅友善，從船上面遞上碗艇仔河，感受到一份特別嘅心意，雖然質素只算係一般，不過夠份量，都幾多料，有叉燒白切雞燒鴨雞腎生菜一粒魚蛋再配上蔥花，魚蛋都幾爽滑彈牙冇雪藏味，$30一碗算係幾抵，雖然要痞喺街邊食，不過對住香港仔避風塘，別有一番風味，湯底比較偏鹹同埋驚佢有味精，所以冇飲到，食完棄置嘅時候，就要行過幾步附近馬路坑渠，先倒走啲湯，然後再放入垃圾桶⋯⋯ 但整個體驗幾特別，喺香港已經難得一件絕無僅有，希望流叔會堅持下去！

如果食物界都有非文化遺產，艇粉一定可佔一席位，以前繁盛的香港仔避風塘，現在只剩流叔一架艇守住呢個風味的艇粉！只怕一天他退休便會成為歷史陳跡呢！呢碗粉一直只靠口耳相傳，前年有次想試，特登喺香港仔海濱搜索，問咗途人先知原來隻艇會泊幾個不同位置，要食到佢真係可遇不可求，但有個電話可call流叔過嚟的！前年call佢打咗幾次先有人接聽，但不巧的是他說今日休息唔開工呢！心情插落谷底。直到今日先有機會再前往幫襯，海濱找不到他踪影，再打佢電話，好快接通，但佢喺另一邊賣緊，要過15-20分鐘先過倒嚟！咁梗係等佢啦！今次終於願望達成！見流叔一個人一腳踢，揸船、落單、斬料、淥麵、收銀、傳菜！果種不經意，感受到佢係做得開心的，我同佢終於對倒話，唔知有咩可叫，就同佢講要碗雜錦河粉啦！他說河、米、瀨都有，推介瀨粉！見佢三扒兩撥，一碗熱騰騰的艇粉送到岸邊，只收我$30一碗，我當然覺得抵啦！湯頭都係鮮甜的，接受得到，配料有鴨、雞、腎及魚旦等！已經比好多粉麵店整得好食，大滿足。流叔仲問我好唔好食，我話正呀！佢賣咗幾碗之後就揚長而去了。真係有啲神鵰大俠feel呀！😁😁😁😁😁😁😁😁真心希望下一次嚟仲可以食到呢個粉啦！電話

“艇仔粉”($30)住香港仔/鴨脷洲嘅朋友對流記應該都好熟悉香港碩果僅存嘅艇仔粉可以喺呢道搵到🥰船家揸住仔艇仔來回穿梭香港仔/鴨脷洲喺海濱公園見到人龍就知隻艇喺邊🤣想食又唔見隻艇仲可以打電話比船家叫佢過嚟🤣一碗艇仔粉只賣$30入面嘅餸通常有燒鴨,雞,叉燒,魚蛋,雞腎等等配上河粉同大地魚湯🐟魚湯飲落果然幾鮮甜☺坐喺公園望住個海食真係別有一番風味要注意嘅係啲餸賣完就冇!想多啲料就要早啲去買啦😆

終於終於都找到機會可以試到充滿住香港🇭🇰惜日風情嘅「🚤艇仔粉」。碩果僅存嘅艇仔粉每日穿梭於鴨脷洲同香港仔兩邊嘅海旁碼頭位置，可以先打電話📲問吓會係邊度同埋仲有無粉賣先好去，掃興就唔好啦😃———————————————————————————🍜艇仔粉（$30）💬雖然唔可以喺船度食，而家要買上岸對住個海食，記得分開坐唔好違反限聚令！碗粉好好餸，有鴨肉、叉燒、雞腎、魚蛋、菜，幾抵食又夠風味，好味到飲埋啲湯🤣（早啲去可能有機會食到鴨髀/雞髀🍗㗎！）

只要你打一個電話就會有個男人坐住大飛，9秒9衝過黎煮麵俾你食好似好浪漫咁，其實講緊嘅係艇仔粉🤣香港碩果僅存嘅艇仔粉叔叔會問你要啲乜嘢餸先煮一碗係勁多料魚蛋、叉燒、豬腸、雞腎、腸仔、燒鴨，etc.只係賣$30，抵到驚👏🏻味道唔錯，湯底好似燒鴨瀨粉會落個種湯如果去香港仔玩，可以一試！

香港仔係一個歷史悠久嘅漁村，以前亦曾經係一個轉口港🛶有好多水上人喺香港仔同鴨脷洲之間嘅 香港仔避風塘 度住，而架有啲會喺自己個艇度賣下啲海鮮、艇仔粉等等🚤🐟🍜以前賣艇仔粉嘅艇(粉艇)最多有成20架咁多，但而架全港只係淨返2架咋！所以喺佢未消失之前，真係要好好珍惜啊～👆🏻流叔就係堅持保留漁民文化嘅人，嗰日打電話問佢係邊度，佢反而問返我係邊，之後開船黎搵我😹🥰😭其實佢會喺鴨脷洲街渡碼頭附近、香港仔海濱公園(亦都係碼頭附近)徘徊，見唔到佢打一打電話就得👌🏻👆🏻正常一碗艇仔粉賣30蚊👇🏻有菜、魚蛋、叉燒、雞肉，可以配瀨粉或者河粉👍🏻加埋雞髀/鴨髀嘅話每碗50蚊，值唔值得加錢就見仁見智，不過加咗就可以豐富啲🥰😹有人可能覺得就係一碗普通嘅燒味粉，不過賣嘅都係一份本土情懷，亦係香港漁民文化之一，所以點都好係值得試下架！由於新鮮熱辣攞上黎，食落特別好味，瀨粉同燒味當然係最好嘅配搭👍🏻雖然只係用大地魚做湯底，但已經好香甜～手打魚蛋好彈牙，雞肉都唔算鞋，雞髀仲幾滑添😹😹鴨髀亦都幾多肉而且juicy👍🏻不過叉燒就普通，但整體係唔錯架啦～有機會去南區記住試😋👍🏻

大雜麵湯底只用上大地魚敖煮 跟雲吞麵湯底類同 湯底夠清夠鮮 雖然冇拉麵湯底咁有層次 但都令人有一飲而盡既衝動 $30/碗 大雜麵 份量多得驚人 燒鴨 叉燒 切雞 豬肚 魚蛋 ... 可配上米粉 瀬粉 河粉 睇住流叔係艇上即叫即煮 別具風味流叔1981年買下艇仔後開始賣艇仔粉 香港現只剩下2間艇仔粉幫襯流叔前 記得先致電91402628 問下流叔有冇開檔到達香港仔海傍後 再致電流叔告知所在碼頭位置佢就會話俾你聽到達時間 跟住好快就有得食 流程特別

Came to Aberdeen for the “boat noodles”. I called to the boat owner (流記艇仔粉: 91402628) when I arrive in Aberdeen Promenade (香港仔海濱公園). He then came to the pier in around 10 minutes. The normal boat noodles cost $30( the noodles comes with Char Siu, fishballs, Chinese sausage,etc.) we paid for extra $20 to add the duck thigh😋 It was pretty good and fulfilling, the soup base is rich and yum. A very special experience👍 One downside is that there isn’t any tables nearby

放假去唔到外地今次就去左搵呢間香港特色艇仔粉，去之前都好驚搵唔到流叔，因為上網睇好多都話佢係會周圍走，但今次我都好好彩去到鴨脷洲碼頭諗住搭船遊下呢個避風塘，係旁邊見到幾多人排就去望下，咁就比我搵到流叔😆😆即刻排隊買番一碗黎食下先😋😋因為佢無牌比我睇可以食咩，我見前面既人大概叫咩我就跟住叫，上網都有話佢係賣燒味既粉為主，咁我就叫左叉燒燒鴨瀨粉，可能我晏既關係當日得番瀨粉😝買完就係岸邊即刻搵個位食下😆佢呢隻瀨粉比較幼，整到岩岩好👍🏻而個湯底比較清加埋啲胡椒粉，一啖粉加一啖湯好好食😍😍叉燒佢切到好薄所以食落唔好硬，燒鴨都好食👍🏻

今日突登經香港仔碼頭入南丫島，因為想一嘗艇仔粉！打完電話比艇家就等佢過黎，好快就到左！我地叫左2碗雜錦米粉（$30），一碗加雞肶(+$20)，一碗加鴨肶(+$20)米粉份量好多，雞肶好滑，燒鴨皮鴨肉都好味！好滿足😋

來到鴨脷洲海濱長廊，一邊欣賞香港仔避風塘兩岸景色，一邊等侍預約的舢舨船！登上 「大享」遊覽漁港後，另一個環節是參觀「香港仔住家艇」。久聞魚湯艇仔粉大名，據知現存兩家艇仔粉，流記香港仔艇仔粉是其中之一，唯「流記」除在固地岸邊停泊外，也樂意往不同位置提供服務，故安排在住家艇上享用艇仔粉，順理成章讓我們再進一步體驗漁家風味的環節， 流叔、流叔，您到了沒有？千呼萬喚，流叔終於來了，穩定艇身後，第一時間端出燒鵝放於砧板上！艇仔粉選用的是河粉，流叔一雙摩打手灼燙河粉。一呷，魚湯鮮美，滿滿大地魚香，比想像更有層次，怪不得曾品嚐流叔手勢的友人稱：「今天的湯底特別滋味！」。燒鵝，魚蛋、叉燒跟湯底互相協調，結合出最親切的漁家味道！河粉粗厚，不過我讚同老公所言，這樣才配合艇仔粉實而不華的印象！三十元左右的一碗艇仔粉，絕對是難忘的體驗，吃得我們滿心暖意！有流叔的魚家艇仔粉，我們要比大麻鷹幸福多了！

唔講大家可能唔知，鴨脷洲面積大約1.32平方公里，2011年時住有約86,000人，人口密度每平方公里達66,000人係全球居住人密度最高嘅島嶼。要食流記要有技巧～「首先」1）打定個電話☎️9140 2628畀老闆睇下有冇開工。（ 因為只有一個人做，隨時老闆嗰日冇開工，賣曬啲嘢又會提早收工，如果你唔係住附近，山長水遠仆入去鴨脷洲白走一趟，就真係🤭）「跟住」 2）同老闆講留定？碗雜錦湯河， （如果唔係賣曬啲餸，就唔好喊呀😭！）「再記住」 3）認清喺邊個位置，或者碼頭嘅編號，我當日就揀咗6號碼頭 ＜鴨脷洲市政大樓 & 洪聖古廟對開碼頭>每個碼頭都有一個甩甩地色嘅地圖到咗之後通知流記，老闆就會親自揸架餐廳過嚟招呼你。 能夠咁樣食已經買少見少，呢份香港情懷，唔係經過順路過來試下，而應該趁仲有機會，專程過嚟感受一下。老闆會好細心問你：什錦湯可會唔會有嘢唔食呀？我就當然唔會有啦！我直情親自跳埋上船睇住老闆煮😊都講到咁樣你唔係介意，老闆連啲湯粉都未撈勻就畀你吖嘛！不過如果夏天過嚟，要喺公園仔食真係有啲……🥵如果有揸車嘅朋友就拎上車食，就比較舒服。當你以為這款什錦湯河，只係因為佢嘅歷史、風味、

一說香港仔傳統特色美食一定是艇仔粉🍜，以前是在艇上煮好賣給水上人，亦會賣給本地人及遊客💁🏻‍♀️但因為準備工夫繁複辛勞，再加上政府停了發牌😔，艇仔粉家買少見少，大家有機會一定要來試下這款傳統風味美食🥺當天我們沒有預先確認其停泊位置， 只是剛剛有緣遇上流叔的艇🛶在海濱公園碼頭， 所以建議大家想吃就一定要打電話去確認啦😉👉🏻 艇仔粉配雞髀（$50）湯底用上大地魚非常鮮甜清爽，雖然炎炎夏天🔥， 但都忍不住飲了半碗湯😂 另外再加上叉燒、 魚丸、章魚丸、燒鴨及大雞腿🍗，超級足料👍值得一提的是雞腿非常嫩滑，有好重雞味， 好正😍👉🏻 雜錦艇仔粉（$30）配料跟上面那碗差不多，就係少了隻雞髀， 但味道都是很好😋， 少了雞腿放湯的雞油味道， 顯得更加清爽🙆🏻‍♀️備註： 這種僅存的艇上風味的確加了好好好多分⭕️，建議大家有機會一定要來試試😜