流水蝦 (已結業)

第一次去食流水蝦 感覺好新奇我6:30入座無乜人的全部都係闊落嘅卡位坐得非常舒服 成間舖頭10張枱 好快就坐滿晒人 所以記住要預約啊 你到之後佢就會放啲新鮮嘅蝦入去 每一隻都好生猛有啲流水聲音 播著流行音樂 舒適親切嘅環境入坐已經為你準備好 紙巾 濕紙巾 酒精潔手液 牙籤 手套放在枱上的仲有燒烤嘅孜然粉 黑椒 海鹽之外 另外出面有唔同嘅醬料俾你揀 仲有泰式青醬 豉油蒜頭辣椒等配料 非常之細心 成間餐廳面積唔算好大嘢食非常之方便就攞得到 方便 ~ 除咗食流水蝦之外 佢仲有唔同嘅海鮮 生蠔 蜆肉 非常新鮮 仲好大粒 墨魚仔 大魷魚 青口 唔同嘅魚種類都有肉類 丸 蔬菜 菠蘿 冬菇 錫紙包食物 樣樣亦都有 有熟食 炸雞翼 炸洋蔥圈 薯餅 薯角 麥樂雞仲有印尼炸蝦片 又大塊又好食 唔少得生果甜品 一盒盒切好哂嘅生果俾你嘢飲方面有好多選擇王老吉 清熱氣楊協成 韓國忌廉溝鮮奶 sammi包裝水果茶 冰紅茶 道地提子飲品 可樂七喜汽水都有如果你想飲啖湯嘅仲有粟米忌廉湯 根本就多到食唔晒 😍 整體嚟講好滿意！呢度慶祝生日仲有優惠 生日再嚟食～

近年香港開咗好多流水蝦放題，但係喺香港都係第一次食，之前都只在泰國有食過。呢度啲大頭蝦好活潑，都唔容易捉，一夾便彈走，非常新鮮蝦量好充足，最正係大頭蝦好多糕，完全滿足到我呢啲愛糕人士。行去雪櫃都好多嘢食，有蜆，生蠔，仲有金菇牛肉卷，有原條菁魚同其他魚類，愛魚人士必吃。唔洗獨孤一味剩食蝦。海鮮久不久會換款，次次出去拎都有點變化。不得不提是入座送的海鮮船和美國prime級牛肉拼盤，有大大隻扇貝和鮑魚，牛肉拼盤質素也很不錯。飲品和甜品都有大大個雪櫃選擇，提供的雪糕是本地制造的coco，除了平時見到一杯杯的，仲有一球一包的包裝，一口一粒，味道選擇有榴蓮，朱古力，芋頭，曲奇忌廉等，口味都算豐富。整體來講都算食得過。

好耐之前香港都流行過釣蝦場，我玩左大半日係一隻蝦都釣唔到嘅🥲。。。但依家越來越多流水蝦放題燒烤，包你夾到蝦，試到新鮮燒烤大頭蝦仲可以食到飽！每枱會包一隻海鮮船，牛肉拼盤。海鮮類有鮑魚，青口，大扇貝，蜆，鱔片，青花魚，秋刀魚，多春魚，墨魚仔，魷魚等等。肉類有自家醃製嘅牛仔骨，牛柳，BBQ豬扒，雞翼，雞腎，雞軟骨，雞肉串，蜜味雞扒，仲有冇醃製嘅豬肉片，牛肉卷等等。蔬菜類及丸類，大部份諗到嘅都有。飲品特別有清熱飲，等你燒完野食都冇咁熱氣。一次過就食到流水蝦+燒肉放題。其中流水蝦好乾淨，D蝦夠大隻又有蝦膏，蝦子。燒肉肉質及調味都不錯，而且地點方便，未試過食流水蝦燒烤可以一試。鍾意佢嘅甜品，其中有榴槤雪糕，仲有馬卡龍，Brownies，cream puffs。

一直都想帶阿女去玩燒🦐🦐， 原來官塘都有得燒。 店鋪位於官塘工廠區內，地方都幾寬落， d位又闊， 坐得幾舒服。 每張枱邊旁就有個水池可以夾蝦蝦。 一邊夾一邊燒，好方便阿女好興奮， 黎到已急不及待要夾蝦啦第一次唔太識夾， d蝦係咁跳， 差d跳左去隔離枱， 隔離姐姐教我地要用力夾實隻蝦， 唔好俾佢走呀夾到既蝦太生猛，要放落冰水，等佢凍暈左先可以拎去燒架。除左夾蝦， 每枱仲有一盤已調左味既蝦， 可以即燒。 呢盤野太多，我地2個人都食唔哂🙈 建議人少既俾一半就夠。 因為呢度好多野食。除左蝦之外， 每個仲送呢個海鮮同靚牛set。 超高質，鮑魚，扇貝都超大隻牛柳粒入口即溶食完呢set 野都飽左一半。 除左每人一set 限定， 呢度仲有2個凍櫃， 入面有超多肉啦， 丸啦，菜啦， 連蠔都係任攞除左要燒既食物， 仲有唔少熟食同甜品特別要推介馬卡龍， 有好多種味道， 阿女食左6個，話好 飲品櫃都ok 架， 有好多特別飲品， 可以嚐新本黎仲驚成晚燒蝦咪好悶， 估唔到呢度既食物超多選擇， 成晚無重覆都試唔哂。而且又可以坐2.5小時， 個爐又夠力， 燒物好快熟，絕對夠哂時間又食又玩呀

任食游水蝦🦐有朋友提議去觀塘工業區附近嘅流水蝦餐廳聚餐，雖然我哋二個人都並不大食，但都係點了個人氣海鮮餐放題嚟食，個放題餐嘅食物選擇非常之多😋餐廳送了個海鮮拼盤比我們先，有日本元貝、鮑魚及蟮片，還有一些白沙蜆🌊另外又有一盤不同部位的牛拼盤，有安格斯牛肉粒及牛脊肉等，用嚟燒烤而言，非常滋味而且有風味，啲肉貿非常肥美嫩滑🐂又有本地生蠔、新鮮大頭蝦、沙白、花甲及蜆，還有豬扒、金沙骨，牛排仔等任飲任食，時蔬丸子任食，又有甜品🦪🥬🍨啲蜆在烤爐上看著它的殻打開，新鮮而有趣味。而且店員不停加添食物，佢嘅份量都好充足🤩最特別係大頭蝦龍蝦係自已旁邊嘅魚池自取的，這個好好玩，可以挑戰自己眼光去選大隻啲嘅大頭蝦，食客又可以互相互動，好有趣味🤪整體來講，啲海鮮真係好新鮮，根本就原存吾使加調味料，都可以食到海鮮的鮮味，始終係生生猛猛在魚池捉上嚟，一定新鮮甜美，值得大讃🥳而且侍應嘅服務非常好，態度親切有禮，令人食得好舒服，食物嘅質素及份量都好好👏餐廳安排我哋坐喺魚池旁，坐位不算擠逼，設施好完善貼心，與鄰枱距離都有空間，並不嘈雜，我地可以閑適傾計，四圍環境也很舒服，這餐食得好開心😃下次再來一定要留啲時間去行下APM

好日都唔會出觀塘，因為塞車又塞人。自從辭職後都好少踏足呢個地方， 難得今晚約朋友食飯地點要就佢，就發掘咗呢個地方。餐廳座落開源道嘅工廈， 就喺駱駝漆大廈對面所以都幾易搵，上一層樓梯左轉就到。美國Prime牛肉拼盤隨餐會附有一碟USDA Prime 牛肉粒同燒肉， 油花均勻食起嚟好重牛味。海鮮船有扇貝，鮑魚，蜆同埋膳片， 每樣只供應一份。海鮮好生猛唔會輸俾跳跳紮嘅大頭蝦， 鮮味好夠仲要有海水鹹香，唔洗點調味都好正。大頭蝦餐廳清一水供應大頭蝦， 唔好睇佢細細隻好易捉， 生猛起上嚟真係夾都夾唔住。好考你反應同埋膽量。有男士陪同就最好😂夾起上嚟記住唔好咁快就燒， 一定要放入冰桶凍暈佢先。燒到兩邊呈燈紅色就食得。唔好睇佢蝦仔細細就以為佢冇肉食， 實情就係新鮮蝦一定肉質彈牙， 大頭蝦嘅蝦頭有好rich 好 creamy 嘅蝦膏， 記住唔好淨係食身唔食頭！

大家成日都話成 #流水蝦 究竟有咩咁吸引呢？！今日我知道啦🤣🤣原來又有得食 又有得玩🥳🥳枱與枱之間又魚缸間隔 兩旁嘅食客就可以知道捉🦐啦～邊食仲可以邊睇著啲蝦游嚟游去😂😂入坐後 先嚟 #海鮮船 及 一盤 #美國prime級牛肉海鮮船有四款海鮮～ 扇貝、鮑魚、沙白、海魚件另外，出面仲有雪櫃 有多款任食配料肥牛、蠔、墨魚、雞翼。。。等等另一邊就有熟食同小食～芝士焗西蘭花、炸雞翼、炸魷魚圈、麥樂雞。。。等等主角當雞然係🦐🦐🦐🦐🦐佢地採用 #大頭蝦 所以蝦頭好多膏若你揀中蝦乸 蝦膏仲多 蝦身都有雖然啲蝦唔係好大隻 🤔屬中size啦所以剛剛好一啖一隻😋而且好新鮮 肉質好彈牙飲品櫃任飲 比較特別嘅有呢四款～小編就偏好 #白桃烏龍 甜品就主要係雪糕🍦當中呢款 #雪糕球 唔錯喎～有四隻味💁🏻‍♀️榴槤 朱古力 豆腐 芋頭款款都咁正 記得要留quota🤭依家佢地做緊8️⃣5️⃣折優惠 晚上有早鳥同黃金時段 折後💁🏻‍♀️星期一至四早鳥 1700-1930 成人$274 小童 $179黃金1800-2200 成人 $312 小童 $208星期五、六、日、公眾假期及前夕早鳥 1700-1930 成人$322 小童 $2

2個半鐘可以慢慢食慢慢坐 位置唔算多 記得book定位先一開始就會有一碟整好嘅大頭蝦比我哋燒住先之後可以慢慢喺側邊夾蝦 注意‼️夾下嘅時候一定要大力😂啲蝦勁生猛 差啲俾佢嚇死 好彩我朋友幫手夾 夾起即刻擺落冰水入邊凍死佢 再燒🤓 仲有一盤牛肉拼盤同海鮮拼盤 質素超高 不過就無得refill出面自助區有肥牛、金菇牛肉卷嗰啲 都唔錯但一定係一開始呢盤牛最正🤣行入少少仲有炸物區自己夾嘅大頭蝦 蝦膏超多😍食幾隻已經超滿足🤩最後有甜品、生果、雪糕等等 2.5小時絕對夠食😚

一早聽講「流水蝦」呢個大名襯住暑假尾一於帶仔仔去試下餐廳係觀塘工廈，唔算難搵，全部卡位設計，都坐得幾舒服！一入場職員就送上海鮮船同美國prime牛肉盤不過重點緊係冰桶啦因為係食流水蝦必備嘅用品一去已經餓啦，所以快燒左d丸類燒嘅同時出面仲有一堆熟食之後就緊係開始燒流水蝦啦每枱旁邊都有魚缸，入面係滿滿嘅新鮮蝦，夾到起之後就放入冰桶裏凍暈再燒蝦嘅肉質有彈性，唔霉，好運嘅仲有幾隻係有膏同蝦子架添！漏左講，呢度採用放題形式，蔬菜﹑肉類﹑丸類﹑甜品﹑飲品全部都係任飲全食兩個半鐘，時間非常充俗講番海鮮，扇貝超甜美，配上少少海水味，蜆肉隻隻都開口，絕沒死蜆又冇沙，鮑魚燒完煙煙韌韌，配上椒鹽食超惹味！枱面除左有黑椒同鹽，仲有五香粉，嫌唔夠味出面仲有醬料吧！最後緊係唔少得食甜品，全部一件一份，最驚喜係有馬卡龍😍雪糕款式都好多，仲有比較少見嘅芋頭同榴槤味添！流水蝦 📍地址：觀塘開源道47號凱源工業大廈1樓B號舖

近年新興流水蝦餐廳，原來觀塘都有！流水蝦沿自泰國，餐廳內設有多個蝦缸，就在座位旁邊 場內既蝦相當之大只 裝修頗別緻，打卡一流！抽氣系統做得好，一點氣味也沒有！除了流水蝦外，也有其他食物提供！就座後不一會店員便奉上海鮮拼盤。放題形式，幾十款款食物，包括燒烤、海鮮、小食和水果...重點在流水蝦上，每枱亦有獨立燒烤爐，大家可即夾即燒即食新鮮流水蝦 桌面各式各樣的調味料 一開始店員為我們送上的椒鹽蝦，頗惹味的 我數不到究竟自己食了多少只蝦，就是見到新鮮，就不其然地多吃了 放題區的生蠔，頗大隻口味. 味道鮮美！可自行加蒜蓉香料去燒蠔增添美味 ～ 帶子連殼燒才能保存最好的風味！加點牛油一起燒，待牛油全都溶掉，牛油的鹹香和鮮甜帶子超配，令人回味 店員也為我們送上安格斯牛肉，把黑椒粒灑在剛剛好燒好的嫩牛柳上面，再加點海鹽作為調味，非常惹味！牛肉肥廋適中，不肥不廋但肉味好濃郁 放題區其他的食材，雖然款式不算很多，但每一款都很靠得住 ！串燒，金沙骨最為推介 手工雪糕也是任食，食了一球豆腐雪糕美

未試過食流水蝦，見到網上介紹這個放題，可以任食燒烤，又有海鮮船和肉類送，價錢跟其他韓式放題差不多，就來試試。餐廳有十多枱座位，空間很足夠，裝修則比較舊。以韓式燒烤的爐自助燒。食物選擇頗多，有中式熟食﹑炸物﹑蔬菜﹑肉類﹑丸類﹑甜品﹑飲品，很豐富！職員先介紹每枱座位旁邊都有魚缸，夾到的蝦要先放進冰桶裏凍暈才燒，然後便送上海鮮船﹑美國prime牛肉和椒鹽蝦，教我們先燒椒鹽蝦，再吃海鮮和肉類，講解得很清楚，服務不錯。椒鹽蝦很快便熟透，留意火候，避免椒鹽燒焦。椒鹽蝦很香很惹味，但要多喝飲品，這裏的飲品選擇很多，清熱消滯的都有。開了胃口，急不及待就要燒海鮮。看著扇貝的汁液慢慢流出，滾起小泡泡，很治癒哦！還有蜆肉隻隻開口，吃著鮮甜又爽；鮑魚size也不小，燒過煙煙韌韌的。由於夠新鮮，可以不用調味料也很好吃。美國prime牛肉，脂肪分佈均勻，鮮紅的色澤看下去很新鮮！吃下更加有牛肉香，品質很好，沒想到吃流水蝦的餐廳也能兼顧到海鮮和肉類的品質。等候燒烤的期間，還可以吃炸物小食。椒鹽炸雞翼，炸得很不錯，雞皮很脆，裏面肉質嫩滑又多汁，椒鹽味道不會太鹹。大大塊蝦片也非常好吃，很脆又香口。流水蝦，都是活的，放進冰

放咗一排暑假，終於要返返嚟啦哈哈！近排見到有新開嘅流水蝦，就約埋老虎🐯去試試入到去見到個環境都幾乾淨同舒服，每張枱都有一缸流水蝦喺隔離，入邊好多生猛大頭蝦游嚟游去，隨時都可以夾，都幾盞鬼一坐低侍應會比一盤大頭蝦、一碟牛肉、同埋一盤海鮮船，上面有扇貝、蜆、鱔同埋鮑魚，款式都幾多，整低嚟講都好唔錯(順帶一提，侍應哥哥服務好好)至於主角大頭蝦，好生猛同埋新鮮，同埋個蝦頭啲蝦膏好香，非常好味比較推薦用鹽燒會更加好味，不過記住要凍暈啲蝦先好燒啊餐廳仲有其他海鮮、肉同蔬菜都係俾你任燒嘅：雞翼、雞腎、生蠔、魚、魷魚、金菇 … 等等，應有盡有，另外仲有一啲熟食、飲品任飲、生果、甜品同埋雪糕，基本上都一應俱全對於我嚟講，嚟呢度就緊係最主要食新鮮大頭蝦啦，2.5小時專攻大頭蝦基本上都回晒本啦哈哈哈

燒蝦放題又好玩又好食😆 夾蝦蝦真係要啲技巧先夾到，因為啲蝦蝦極生猛，一夾即彈走🙈 有啲夾咗落冰桶到仲識郁，要搵個夾壓住防止佢彈出嚟🙊 坐低咗之後會有一碟椒鹽大頭蝦，已經幫我哋剪晒蝦尖嘅部位，見到啲蝦喺個鐵板上係咁彈下彈下就知有幾新鮮😉 每隻大頭蝦都大大隻，蝦肉結實彈牙，蝦膏鮮甜，椒鹽味食落更加惹味～除咗大頭蝦，餐廳仲有好多海鮮，肉類，丸類等等2.5小時無限任食😍 生蠔，沙白蜆，元貝，章魚仔都好新鮮～ 雞翼，雞軟骨，雞肉串，牛肉都好好味😋 調味料都好多選擇，燒烤粉，鹽，豉油，燒烤必用，燒出嚟嘅食物一定好食～ 最後甜品推薦食榴槤雪糕球，榴槤味好濃郁而且好幼滑😆

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️即夾即燒流水大頭蝦 5/5夾既過程超級好玩😍 一邊夾d 蝦一邊逃跑😆特別係頭大，而且呈橙色嘅蝦！蝦膏好多好好食☺️非常幸運，捕捉到抱卵既蝦😎😎有蝦籽食😆每隻大約燒5 分鐘，中途反一反轉就熟度岩岩好😍唔洗加調味料，鮮味滿分！海鮮船 4.5/5船上有大鮑魚，扇貝，沙白，鱔！扇貝配上牛油蒜蓉燒～ 美味非常！沙白鮮甜☺️鮑魚彈牙！prime 頂級美國牛肉拼盤5/5牛柳粒入口即化😍果然係頂級！在場仲有青口、生蠔、馬友等各種海鮮😍雪糕口味好多！有榴連味、芋頭、芒果、乳酪、朱古力等等☺️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

𖦥𖡆𖥧..流水蝦🎐觀塘 ..𖥧𖡆𖦥ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧觀塘竟然有間流水蝦！叫咩名？就係叫「流水蝦」咁鍾意食海鮮嘅我又點會放過！放工即刻衝去食🔥放工唔想走咁遠，唔想出去油尖旺竟然比我發現喺觀塘位於工廈裡都有流水蝦食✌🏻呢度勝在地方闊落，個爐亦都好猛火🔥𓆸 ॱଳॱ ⸜ ̠ꌇི͚̠⸝ 𓌉◯𓇋 ‎⸝⸝⸝ 𓎩 ⸝⸝ 𓌈˒˒* ⸜ ̠ꌈྀ͚̠⸝店員會比一盤牛肉你💯 牛肉有幾種都係肉汁鮮嫩😋好吃的牛牛然後再有一盤海鮮船🛳 有鮑魚、扇貝、魚🐟雖然牛肉同海鮮船得一盤🔥但係出邊都有好多款唔同嘅肉類、蜆、蠔、青口丸類、腸類、水果類等等，住拎🔥旁邊亦都有蝦蝦任你夾～而且最近應該係蝦嘅季節😍好多時都充滿爆膏嘅畫面👍🏻༶•┈┈┈┈୨♡୧┈┈┈┈•༶˒˒✩⃝̣⃝̣⃝̣⃝̣⃝̣⃝ͯ⃝ 🔖觀塘流水蝦 @流水蝦≋ ≋ 觀塘開源道47號凱源工業大廈1樓B號舖₊˚· ७── ⁼³₌₃ (⁎⚈᷀᷁ᴗ⚈᷀᷁⁎)如果鍾意我嘅分享記得fσℓℓσω me ◡̈ ‎ ༘