流口水

營業中

休息中

經朋友介紹葵涌有間家庭式小店，食物不落味精，又有足料老火靚湯，所以今天走去試吓！我們點了海蝦仁韭黃炒蛋、清湯蘿蔔牛腩生菜、清蒸黃花魚、黑椒牛仔骨茄子脆肉瓜及番茄薯仔排骨湯，老闆還送了我們很美味的馬豆糕及清甜的桑梅水。「海蝦仁韭黃炒蛋」 是鮮蝦仁(都幾大隻)，蛋炒得微微香口，但調味不會太咸，食到雞蛋香味。「清湯蘿蔔牛腩生菜」 本人最喜愛的菜色！白蘿蔔、湯頭都很清甜，牛腩雖然瘦瘦哋，但燜得很軟淋，也沒有渣，配埋鮮嫩生菜，非常可口！「清蒸黃花魚」 黄花魚鮮嫩，配上微微甜的醬油，更能有提鮮作用。「黑椒牛仔骨茄子脆肉瓜」 不是用黑椒酱炒，而是用黑椒粒炒的牛仔骨。大大片炒香的脆肉瓜，加上煮得軟硬適中的茄子，再配上可口的牛仔骨，是另一種黑椒牛仔骨的製作方法。 「番茄薯仔排骨湯」 足料無味精靚湯，有濃郁番茄味，有很多薯仔粒和排骨。 「桑梅水」 初時誤以為桑梅水會很酸，但喝了一口就很有驚喜，原來是很清甜，而且解渴。

呢間小店無味精，但係都好好味！湯都有兩款揀，煲兩款老火湯真係第一次見！今日有老黃瓜同蕃茄薯仔。老黃瓜好甜夠味！大大碗！我鍾意飲湯，平時啲例湯話無味精都係偏淡，呢碗湯出面賣都唔平～叫咗兩餸，黑椒牛仔骨同煎青根，全部即炒即煎，連墊底嘅菜都炒過😋仲要係唔同菜都有，份量好多！見好多人晏晝都嗌炒小菜。最後仲有甜品送～有茶飲～滿足好味～飯仲係用象印電飯煲煮，好味～聽講老闆會不定期釣魚，今日就將漁獲整咗燻魚～雖然只可坐外面，無冷氣，不過開齊風扇都好涼。

每日中午飯都唔知食乜好，今天有一個重大發現，見到一間家庭式經營的小店。一入去婆婆端上一杯精緻的花茶，味道很清新。然後再看牆上的Menu好想食呀。有和牛粒炒脆肉瓜，黑椒牛仔骨炒茄子，燒秋刀魚，蒸大馬友魚，種類繁多-幾個同事可叫幾個小菜食下住家飯即叫即煮不落味精😊可惜今天自己一個來，也不太肚餓及想減肥。最後婆婆提議叫他們一個番茄薯仔牛肉湯做湯底加上銀針粉，真材實料好味到極。可以成碗食晒平、靚、正，$26,今時今日去邊度搵呀👍🏼婆婆還叫我夜晚黑過來，飲住啤酒嘆番幾個小菜好寫意，搵日一定要過來吹下水流下口水

我其實想讚佢好耐 今日先的起心肝寫評語今日叫左碗紫菜鯪魚球粥走蔥佢嘅粥好綿 唔水 入口滿足感好大 唔似一其他店 多水少米另加油菜 唔係就咁白灼 係有適度嘅咸味 仲有蔴油香最後一塊薯餅 大塊 足料 香脆 總結 大家都要黎食