活

營業中

休息中

第一次嚟到呢間北角嘅餐廳食嘢，我覺得無論係環境、員工定係食物質素都係好滿意嘅！下次一定會再嚟過😍❤️韓式辣醬椰菜花$68椰菜花以韓式辣醬烹調，微辣帶甜，更加開胃。❤️煙三文魚忌廉檸檬扁意粉$128煙三文魚肥美又新鮮，而扁意粉彈牙有嚼勁，香濃creamy的醬汁內加有檸檬，更加清新。❤️蜆肉白酒蒜片橄欖油炒扁意粉$128蜆肉新鮮又大粒，粒粒蜆肉以蒜片及橄欖油烹煮，再加入清爽蘑菇片，啖啖鮮甜滋味😍必食指數：5/5

同男朋友睇完戲覺得肚餓😚即興去咗呢間新開嘅Cafe，一入到去，環境光猛☀️，裝修都好靚！再睇下個menu，選擇都幾多，有all day breakfast，海鮮/牛扒，都係可以選配意粉飯薯蓉果d，cafe嚟講都算多選擇！🍽試左白酒蒜片橄欖油蜆肉炒意粉，本身都好鍾意食呢一款意粉，穩陣之選🤣🤣🤣估唔到呢個意粉既蒜片好配合到蜆肉鮮味，D蜆都幾大隻，厚肉無沙，好新鮮🤤🤤🤤 紐西蘭有機青口配扁意粉🍝入面，用馬來西亞叻沙嚟煮，兼具甜、鹹且微辣的濃濃南洋味。韓式辣醬椰菜花🥦辣中帶甜，不能吃食辣的都可以入口。熱朱古力🍫味濃郁，配上甜甜嘅棉花糖味道剛剛好！

呢間餐廳係表姐帶我嚟試，表姐係北角嘅街坊，咁啱去探佢就話帶我去食啲好嘢👏🏻入到嚟見到環境都已經好靚，即係有加分！食物方面嘅味道都唔錯，我叫左荷蘭大啡菇西西里意大利飯，咁啱嗰日想食素唔想食咁多肉，估唔到素嘅情況底下都煮得咁好味，冇肉嘅情況底下令到菇味同埋蕃茄味更加鮮，好食！而熔岩蝦球，呢個都炸到好香口，仲要係熱辣辣上枱，細細粒一啖一粒😆雖然係炸嘢但係都唔會好油。蜆肉白酒蒜片橄欖油炒扁意粉，蜆肉加入了白酒製作，令鮮味更突出！

相係每一個時刻嘅回憶，好欣賞呢間餐廳貼左好多唔同客人影低嘅相，呢個概念好好👍🏻。另外餐廳都好舒適闊落，食物選擇款式又多，大家都不妨試一試。首先軟殼蟹龍蝦汁意大利飯，呢個真係俾五粒星！因為性價比好高，個軟殼蟹炸到脆身，然後龍蝦汁濃郁有creamy，撈埋意大利飯一齊食，冇得輸！之後就係法國無激素烤雞半隻，佢係會配左薯蓉一齊，烤雞烤至表面金黃色嘅外皮賣相好吸引，另外一咬落去外皮脆之餘內裏肉汁滿滿，呢個都一定要叫！最後叫左個韓式辣醬椰菜花，惹味十足嘅韓式甜辣將連椰菜花食，令到成個菜式更加滋味。

今日和同事去這間Cafe食下lunch下午去室內環境彩光度高，望出窗外又有海景。呢度set lunch都抵食！跟餐配嘢飲，飲品減$10。所以都嗌嚟飲下！首先係All the breakfast 😊味道：⭐️⭐️⭐️⭐️味道尚可，窩夫有點硬荷蘭大啡菇.西西里意大利飯味道：⭐️⭐️⭐️⭐️大啡菇大件有好濃香草味，意大利飯芝士蕃茄味濃蜆肉白酒蒜片扁意粉味道：⭐️⭐️⭐️⭐️擺盆精美，蒜香味很濃很香軟殼蟹龍蝦汁意大利飯味道：⭐️⭐️⭐️⭐️⭐️⭐️軟殼蟹鬆脆，好龍嘅龍蝦汁意大利飯，推介食呢個—————————————————————Dirty招牌飲品之一推介！伯爵茶Latte

位於北角海旁嘅「活LITM」，餐廳嘅環境舒服又開揚，店內仲分左兩個用餐區，一邊係比有帶寵物嘅客人去享用午餐😆，另一邊就比冇寵物嘅客人，好貼心。呢個慢煮西班牙有機黑毛豬，口感肉質好嫩，而且又好香嘅黑醋味道，配埋好有口感嘅薯蓉，實在係高質。而紐西蘭有機青口馬來西亞叻沙扁意粉，採用嘅青口都係上盛又新鮮，一啲沙同埋腥味道都冇，而且每一隻都好肥美。另外用咗馬來西亞喇沙做配料，令到青口同扁意粉嘅味道更加惹味。最後飲品方面叫左Espresso Martini，一杯咖啡味雞尾酒，好正😍。而熱朱古力棉花糖都好甜，朱古力味都好濃，朱古力熱愛人士必叫。

比較少嚟北角食飯，喺OpenRice度揀咗呢間餐廳，平日夜晚book咗枱有85折～🦞原隻龍蝦溶岩芝士伊麵 $238呢個係呢度最signature嘅菜式，而且每台限叫一份，因為係原隻龍蝦連埋殼上菜，餐廳會俾埋個鉗去拆肉 龍蝦肉質好彈牙，最驚喜係有超多膏😍 將啲膏拆哂出嚟同個伊麵撈埋一齊，個伊麵即刻充滿龍蝦味🥰 伊麵個芝士汁唔係好濃，所以撈埋啲蟹膏龍蝦味都唔會被冚住🤣 啲麵都唔會太淋，同埋個調味係同中式嘅龍蝦伊麵唔同，食落會再creamy啲，呢個真係有驚喜！🐷 慢煮西班牙有機黑毛豬•非一般黑醋•薯蓉 (晚市套餐) $158黑毛豬有兩大嚿，有啲位硬咗少少😣，黑醋汁唔會太酸😬 薯蓉好creamy，配菜有啲炸芋頭絲，食落好脆，連埋啲豬食可以增加口感，另外仲有蘆筍同大啡菇😆🍹晚市套餐配 凍西柚果茶杯茶好重西柚味但係一啲都唔苦😄 唔會好甜，好解渴，但size略嫌細杯咗啲🍗 脆炸雞翼•椒絲腐乳醬 $68雞翼擺盤好靚，下面有啲沙律墊底，個醬係腐乳再溝咗啲沙律醬，估唔到又幾夾😙 雞翼都炸得好脆，不過擺咗一陣就會出少少油 🥛鹿兒島紫薯鮮奶（熱) $50 紫薯味好出，上面仲有啲紫薯粉，本身以為會有拉花但係冇🤣

今次介紹嘅呢間「活LITM」，我已經多次回訪，佢係一間無論環境同食物都好高質嘅餐廳，位於北角海旁附近，仲係一間寵物友善嘅餐廳，可以帶埋心愛嘅寵物一齊過個舒適嘅一日。🐷慢煮西班牙有機黑毛豬 非一般黑醋 薯蓉$148慢煮比起傳統中式快炒，更加可以鎖住肉汁💦但就需要用更多嘅心思同時間去烹調，而黑毛豬又有幼細的肉紋，口感更加令人回味無窮。🥑煙三文魚牛油果醬蛋窩夫$88香脆嘅窩夫配上新香牛油果醬可以中和煙三文魚嘅鹹味，令到整個配搭更清新，而流心蛋、牛油果、煙三文魚三者都好match。🐔脆炸雞翼 椒絲腐乳醬 $68雞翼炸到酥酥脆脆的，腐乳醬味道咸咸香香，惹味十足。

呢間係北角嘅多國菜餐廳好高質，所以想同大家介紹一下👍🏻環境光線充足，陽光好好！而且環境好闊落，加埋白色簡單嘅配色，好舒服。佢仲係一個可以帶埋寵物嘅餐廳😆，下次叫埋我朋友帶埋隻狗狗一齊嚟先。朋友本身係食素，所以佢叫左呢個荷蘭大啡菇意大利飯，佢係配左西西里醬，酸酸甜甜咁。佢話香濃厚身嘅大啡菇配埋濕潤嘅意大利飯，兩種食材味道好夾。而我叫左個煎比目魚配薯蓉，比目魚新鮮，佢係用左番茄沙沙調味，好清新。而薯蓉口感都好好，綿密得嚟又好香薯仔味。最後飲杯清香嘅伯爵茶，正呀🥰

第一次去呢間北角近海邊既餐廳，環境好好，有個落地玻璃窗令到好光猛，同埋雲石枱面、白色主調嘅顏色，真係好岩係呢個咁舒服嘅環境食下嘢休息下第一個嚟到嘅就係紐西蘭有機青口 馬來西亞叻沙 扁意粉，新鮮青口已經夠鮮味，再加埋喇沙嘅味道更加正！超有風味😆第二個就係除渣日本蠔 他他醬，有他他醬嘅加持下日本蠔更加之惹味，炸完都仲要一啲都唔會油膩，咬到入面仲唔會有腥味。第三個就係煙三文魚牛油果醬蛋窩夫，呢個同頭先嗰兩個就好唔同，因為呢個係好清新嘅感覺！不過我覺得都好好食喎，因為個煙三文魚真係超級正，勁大塊又肥美，啖啖抵係三文魚嘅香味。仲有牛油果醬更加令到三文魚嘅味道出晒嚟，窩夫都好香甜又脆。

同朋友好耐冇見啦，今次約咗去呢間多國菜餐廳食飯。呢間餐廳環境有種文青優雅嘅感覺，位置好闊落，又安靜，店員服務態度都好好，成餐飯都食得好舒服又開心。首先呢個脆炸雞翼幾推介大家試吓，好有港式風味，佢哋整咗一個椒絲腐乳醬，呢排好興腐乳嘅Fusion菜式，不過我自己就第一次試，我覺得同雞翼嘅味道都好夾。跟住呢個煎比目魚配薯蓉都幾好食，煎到比目魚香脆又細嫩，仲要啖啖肉，配埋蕃茄莎莎同薯蓉好滋味😆而慢煮西班牙有機黑毛豬配薯蓉都係好好食，因為慢煮方式嘅黑毛豬煮到肉衝質更加細嫩，而且點左黑醋味道更加昇華。

上星期同朋友經過呢間多國菜餐廳，見到裝修好有心思，環境設計好文青，俾人一種好舒適嘅感覺。咁岩又未食嘢，之後決定入嚟食個LUNCH先。首先係煎比目魚 蕃茄莎莎 薯蓉，酸酸甜甜、微辣嘅蕃茄莎莎，加上皮脆肉滑嘅比目魚，而又色彩繽紛嘅賣相，真係流哂口水🤤而呢個超有港式style 嘅椒絲腐乳醬脆炸雞翼又係強力推介！特別之餘腐乳醬嘅香味夾埋雞翼真係好喚然一新，好似仲好食過咸蛋黃雞翼🤣👍🏻最後就係慢煮西班牙有機黑毛豬，呢個黑毛豬肉質嫩滑多汁，油脂分佈均勻，肉味仲香濃！估唔到全部都咁好食呀😆大家真係可以嚟試下bo～

呢間北角嘅餐廳我已經嚟咗好多次，不過每次嚟都唔會令我失望，由於佢哋有好多唔同款式，所以我每次都會揀啲我未食過嘅嚟試吓，但係成日都會有好多唔同嘅新款菜式，所以食極都唔會厭，今次試呢三款都係好值得向大家推介嘅！✨除渣日本蠔 他他醬$78我係啲好鍾意食炸野同海鮮嘅人，所以見到有呢一個除渣日本蠔點他他醬我就一定要試！不過個味道真係好好，外脆內軟嘅日本蠔，令人回味無窮。✨荷蘭大啡菇西西里意大利飯$118而呢個意大利飯都有好香嘅蕃茄同大啡菇味道，意大利飯粒嘅口感亦都掌握得啱啱好，唔會太濕或者太乾，係我最鍾意食嘅口感。✨軟殼蟹龍蝦汁意大利飯$148最後呢一個係有我好鍾意嘅軟殼蟹，以為呢個價錢都唔好抱太大期望，但物超所值啊！因為個軟殼蟹嘅size都幾大，而且炸到脆脆地咁，再配埋佢哋嘅龍蝦汁連飯食真係食完一次都想encore！

今天姊妹推介就去左呢間CAFE HEA下食飯💓上網都有好多人介紹呢一間CAFE，所以就去左食嘢！而且成個環境都好舒服，好有心思嘅裝飾同設計，岩哂我哋係到傾心事😘呢到主打多國菜，選擇都好多下，搞到諗左勁耐先做到決定！因為太吸引啦😆我叫左一個煙三文魚忌廉檸檬扁意粉，主角煙三文魚超肥美厚切🤩而且一啲腥味都冇，只有鮮味👍🏻再配上檸檬忌廉汁，令到成個味道更加清新怡人，令人有喚然一新的感覺。 而另款就係紐西蘭有機青口馬來西亞叻沙扁意粉，呢個比起頭先個個就更濃味，因為係叻沙所以會有有小小辣辣地，但反而更加吊起左青口嘅鮮味😆又幾盛鬼嘅味道，都係好食嘅！

Happy Friday 我決定一個人都要搵間靚餐廳食飯✨成日行過都見到呢間餐廳，一直都好想搵機會試下，見評價好多好評，今日終於係時候試下好唔好食啦🤩一個人都不忘要叫返杯Latte飲下先得，佢地嘅Latte咖啡同奶嘅份量調整得岩岩好，而且有個好靚嘅拉花圖案，為我一日帶來一個更美好嘅心情⛅️我就揀左個佢地嘅煙三文魚忌廉檸檬扁意粉做我嘅LUNCH🍝，賣相擺碟呢啲都整得好靚，食物味道重要，但都要好睇嫁嘛🤩！不過佢又真係做到好睇又好食，扁意粉每條都好掛汁，有好清新輕營嘅忌廉檸檬汁，仲要大大塊三文魚，我好滿意🙌🏻。