活著啡花 (已結業)

中午同朋友搵間靜少少，新既咖啡店食飯，店內人少私隱度又高，可以傾計傾耐啲。 今次點左份全日早餐同埋煙三文魚沙律牛角包。總體質素唔錯， 牛角包高質有bakehouse 感覺，牛油果鮮甜同埋份量足。但係隻碟有啲細啲野好似迫埋一齊咁睇落好似好少，但食落男仔絕對夠飽加埋咖啡岩岩好。煙三文魚牛角包女仔食都好足夠。咖啡水準同各大牌咖啡廳絕對可以比得上。總體性價比高，最緊要呢個價位可以喺中環遠離塵囂咁靜靜地食個午餐，絕對係超值。

對咖啡有要求,同埋日日都要飲咖啡嘅我,知道有新Cafe一定要去試吓啦！記得十月頭第一次去Viva Life 仲係試業期間,cafe 環境寧靜,舒適。咖啡同食物都係極高水準, 所以今次已經係第四次去cafe 嘞。試過鮮奶咖啡、抹茶鮮奶、朱古力、dirty 、四色芝士、熱帶風情、辣肉腸pizza 、車仔包同埋培茶芝士蛋糕。咖啡師仲親自出嚟問我哋對咖啡同食物嘅意見，真係睇得出佢好重視每一個嚟幫襯嘅客人。咖啡唔單止拉花靚而且好香濃, 會經常約朋友嚟Viva Life, 等多啲人可以享受一下, 咁高質素嘅食物同咖啡。

返工之前去食個大早餐開心下，一見到個All day breakfast，顏色好豐富即時個人醒左1/3！本身對牛角包無咩興趣，但佢個牛角包外脆內軟又吾油膩。除左有基本既炒蛋、茄汁豆、炒菇、烘蕃茄之外，仲有特別有super food牛油果，成個All day breakfast好好食又唔油，大食既我啱啱好。食完再嘆埋杯咖啡，咁靚既早餐加埋杯拉花Mocha，杯Mocha咖啡味同朱古力味好balance，又吾會好甜。成份早餐，好滿足！同場加映佢杯"可啡可樂”，作為可樂控，一定唔可以miss，一入口有可樂甜味同氣泡既感覺，after taste有好香濃咖啡香，外賣一杯返工飲，可以開心上班去。。。

係繁華多人既中環，難得搵到一間可以靜靜嘆coffee既小店, 真係好難得👍🏻☕️Coffee 款式多，拉花靚，有心思又好飲食物選擇多 🥗沙律夠新鮮，岩晒健康飲食既人；🍕pizzza份量剛好，餅底夠薄，有少少脆，好食； All bay breakfast有牛油果🥑我至愛，牛角包正，非常滿足；🍰蛋糕有驚喜，吾會太甜, 好好味😋食得出小店都有用心準備，食材新鮮服務態度良好，我同朋友都飲得食得好開心而且老闆十分nice，值得再幫襯

正，終於約到班朋友食飯，見到附近有間新開咖啡店，環境清靜，就揀咗佢去食啦！見到餐牌都幾吸引，有車仔飽，可以自由配搭餡料，有pizza，有健康沙律，仲有我最鍾意食嘅all day breakfast，人多嘅好處就係可以開心share 😋😋咩都有得食😌可能大家都肚餓，食物一到就狂風掃落葉咁食晒🤣餓過相機呀🤣🤣all day 個牛油果好好食，落咗啲甜甜哋嘅醬汁，估唔到又夾喎，沙律份量都好多，pizza新鮮即製，我叫咗杯啡花綿綿，原來係花蜜溝咖啡🌺☕️，唔係好甜，但又飲得出花蜜味道，感覺又滋潤又提神🤩朋友嘅熱咖啡拉花都好靚，絕對有下次😁😆

我今次選擇早上來到這間中環咖啡店，享受早晨時光🌞我看到不少其他客人前來買早餐，這咖啡室為在繁忙都市生活的人，提供一個寧靜舒適的環境享受早餐。這cafe在中午時段也能為上班午膳的工作人士，提供良好舒適的享受美食環境🥐蛋黃醬煙三文魚莎樂美腸生菜牛角包：看到食物名字那麼長，就知道牛角包的餡料十分豐富。早晨起這個就最適合，牛角包烘得熱脆，蛋黃醬令包的味道更香甜，莎樂美腸是意大利香腸，是歐洲一種風乾豬肉或牛肉香腸，肉味特別香濃。（必飲）薄荷朱古力咖啡：我很喜歡薄荷清新的口味，涼涼的薄荷能消除夏日的火氣，趁現在天氣未算很冷，喝完可以享受清爽的感覺。薄荷能夠除煩止嘔，健脾消食，美白養顏，是有益身心的飲品。這令我回憶起小時候我吃薄荷朱古力那種味道和情懷。咖啡的拉花圖案像飛天的馬匹，有種令人充滿希望的感覺！😁巴馬臣火腿牛油果炒蛋貝果：這種火腿是出產於意大利的火腿，經醃漬風乾，一般是切成薄片生食。炒蛋香滑，貝果微燻的效果更香脆，夾著牛油果，吃完得得精神奕奕。煙三文魚凱撒沙律🥗：這沙律的擺盤設計得太精緻，煙三文魚擺放得像花朵般模樣。還有飽吐的薯仔伴碟，加上把切成粒狀的麵包弄成微焦的效果，令我咬時脆到發出聲音

一直都對小店情有獨鍾，他們可能冇驚天嘅食物，但他們的獨特在心思與細節上，他們非常用心為每一位客人提供最好嘅食物。最近在西環一楝商業大廈底層發現一間開業不久嘅小店，提供上班族早餐午餐好選擇。4款此店推介嘅有牛角包、吐司、貝果，各有特色，小編同朋友點了一款牛角包一款貝果，食物簡單但質素高，在小小嘅店內享受食物，加上播放嘅輕音樂，真心喜歡，非常羨慕附近返工嘅上班族。-🌹蛋黃醬煙三文魚莎樂美腸蛋生菜牛角包一嚟見到咁用心放咁多食材喺一個小小牛角包內，讚歎，牛角包脆到不得了，店主話係因為焗咗兩次，煙三文魚好香，又有蛋又有菜，混合蛋黃醬，口感豐富，絕對抵食，讚。-🌹巴馬臣火腿牛油果炒蛋貝果Size剛好嘅貝果，夾了炒蛋牛油果火腿，又香又健康又唔會太飽，而發覺牛油果又特別多，炒蛋又炒得剛好，火腿薄薄一片，早上嚟一個這樣美食，返工都醒神啲，讚。-🌹煙三文魚凱撒沙律小編與朋友食完牛角包同貝果，有點唔夠喉，再點了一個凱撒沙律，心諗沙律大部份係菜唔會太飽。這個沙律三文魚有好多片，片片煙香，生菜又新鮮又多，擺盤亦美觀，讚。-🌹薄荷朱古力咖啡薄荷朱古力，又提醒又唔太甜，喜歡。-🌹蜜桃橙汁梳打小編喜歡蜜桃同橙，凍飲加

新開嘅cafe！有啲難搵，但絕對有驚喜！😋😋😋除咗嘢食好食之外，餐具同碗碟都幾靚，post IG 呃like一流∼🤣我試咗牛角包同熱朱古力。首先係牛角包，真係好驚艷😆！外面好酥脆嘅口感，入面係軟綿綿嘅，牛油香氣好重，食落好平衡，唔會淡茂茂，又唔會濟，返工前食個最正！如果覺得淨食牛角包太單調，佢哋鋪頭有賣“車仔包”可以自己揀配菜😎！至於熱朱古力，真係啱晒OL。唔同其他鋪頭嘅甜膩朱古力，呢杯除咗有靚靚拉花之外😝，而且味道好適合香港人，唔會太甜，但又好香嘅可可味同牛奶味，飲落完全無負擔∼個人唔飲咖啡所以無試到咖啡，但我個friend試咗話幾高質，唔識品嚐咖啡，交俾大家嚟試！😁

中上環的朋友們有多一家咖啡店選擇了！最近來到尚在試業中的 《活著啡花》Cafe看到他們的店名 有讓你想起哪首歌嗎？🎵小店除了提供咖啡 還有自選配料的車仔包和Pizza等來這裡吃早餐或lunch都不錯✨▪️蛋黃醬煙三文魚莎樂美腸蛋生菜牛角包 $48看到名字便知道餡料很豐富！賣相滿分 味道同樣出色 多款餡料味道和質感都很豐富牛角包亦十分香脆 夠牛油香🥐作為小店的特別推介 果然出色👍⁡▪️熱抹茶鮮奶🍵最近天氣涼了一點 喝杯熱飲就最適合了抹茶頗香濃 口感順滑如果甜度稍為低一點就更對我的口味～另外還有脫脂奶或豆奶選擇份量大杯 加上牛角包真的很飽腹！

10月份新開既咖啡小店對於上環返工既我又多一間選擇好舒服既小小咖啡室午餐有幾多choice 下，一般既基本野都齊兩個人既小店黎講算係咁最驚喜竟然有pizza 食可以填飽個肚不過價錢方面比同區咖啡店平同埋食物質素都係好味道。多一個選擇唔錯的👍咖啡方面咖啡師會用心拉花同問客人意見用料都係比較貴既食材睇得出店主用心咖啡師好好客同埋得閒時都會同客人交流下沖咖啡心得係愛啡之人不過地點方面係有少少難搵同埋付款都有d 麻煩店主希望盡快有八達通la !

👍🏻熱帶風情薄餅 $69面頭鋪上火腿同大大塊莎樂美腸，焗到邊位脆卜卜好香口🤤加上菠蘿既甜中和返，整體唔會太鹹岩岩好🥳芝士份量好多，不過唔算好濃芝士味，有淡淡鹹香，食落唔會太漏批底質地鬆軟，邊位微脆因為厚批，兩個女仔share一份已經好夠飽😙味道：7/10性價比：7/10-👍🏻全日早餐 $89牛角包好有驚喜😍！口感好酥脆，食落索索聲外脆內軟，牛油味好香好突出，就算凍咗都好好食夾埋牛油果落去食超級夾😋！牛油果綿滑好新鮮，唔會過生過熟，甜甜地炒雜菇都好好食，好香香草味，濕潤又唔太油👍🏻味道：7/10性價比：7/10-👍🏻可啡可樂 $50小店特製既special coffee😎用cold brew coffee溝可樂、梳打水同糖水而成可樂既甜中和左cold brew既苦澀好似飲緊咖啡味可樂咁，幾新奇🤪！味道：8/10性價比：6/10-👍🏻雲呢拿Latte (跟餐) +$23無乜飲到雲呢拿味，但咖啡味香濃，比奶味更重口感順滑，仲有靚靚拉花😆味道：7/10性價比：7/10-📍#活著啡花中環德輔道中141號中保集團大廈地下C2A-C2B號舖

唔想日日喺公司canteen食頹早餐，無意中發現附近新開咖啡店☕️於是外賣左個醒神早餐番公司食。之前試過堂食樣樣野都好唔錯，估唔到外賣都一樣高質外賣咖啡都有拉花真係好有驚喜咖啡夠香濃有朱古力味，唔會過甜。外賣杯有兩個尺寸選擇，想飲大杯啲可以揀16安士杯～車仔包可以自選包款同餸菜，自己配搭，豐儉由人多士烘到卜卜脆，麵包味斯道帶少少甜，配埋煙三文魚嘅咸味同生菜食落好refreshing ，而且份量都好夠

我估返中環嘅OL都好似我咁，lunch出去食最怕同人迫，但我最近發現左呢個好地方，新開張的，我去過兩次了。第一次試左Dirty加培茶cheese cake, 杯Dirty好甘好滑，培茶cheese cake是少甜口味，啱晒我。第二次試左薄荷咖啡和 four cheeses pizza. 薄荷咖啡超好味，pizza是有點邪惡，但滿足感爆燈的！哈！除了食物，我更喜歡是環境，聽住店裡播的歌，飲住杯拉花咖啡，趁lunch忙偷閒一陣間，悠閒地、優雅地嘆個lunch，咁先係OL應該過嘅生活吖嘛！

上網睇到中環有間新開咖啡店☕️主打拉花咖啡❤️特登去試下😆雖然係中環既鬧市但係入店既感覺都好放鬆聽住輕音樂🎵嗌左一杯latte☕️好有驚喜🤗拉左個心形圖案❤️奶香啡濃 咖啡既感覺好strong💪🏽老闆表示遲啲重會整多啲小食🥗到時一定會再支持🤗

上禮拜同同事見新開黎食，環境唔錯，新開人唔多成個環境又有音樂傾計好開心。四個女仔共點左一個4 Cheeses Pizza同Tropic Style Pizza, 好新鮮味道真心唔錯，再一人一杯野飲。我特別鐘意4 Cheeses Pizza, 唔同芝士入口口感好豐富🧀🧀🧀🧀。啲啡拉花都唔錯，我同事貪得意叫人拉🌹佢地都實現到佢願望😅。我自己就點左杯Dirty, 好滑入口好舒服，唔特別識飲啡但鐘意飲凍奶茶既人必選。另一位飲Latte既同事話啡都唔錯！總結係大家一定會再黎食飯傾計！順帶一提，如果男仔黎食適宜一人一個批, 佢係8吋批，比男仔就岩岩好，女仔就share冇咁heavy。