活漁火鍋館

每位$88 , 任食兩小時 , 地方不大 , 但感覺乾淨企理剌身 5 款 (有相) , 如叫的話, 同行每位都要俾 $20 , 但質素可以接受 ,但要明白, 我來是想打邊爐的 ; 今次第一次來, 只叫了清湯底 , 呢款是免費的, 其他的要收錢 (有相)可以任食的款式不算多 (有相)可讚的食物 :栗米油麥菜蟹籽丸金菇有待改善的食物 :雲吞, 有好重油'溢' 了的麻油味豬皮, 落水之後夾起, 似鮮腐竹炸魚皮, 好重油'溢' 味我去了洗手間, 出來之後先知埋了單, 出到門口友人先同我講, 係收我 $20 茶芥囉 ..... 我埋單先知呢個價錢 , 感覺就好差 , 因為食物質素真係唔得唔會再有下一次.…查看更多

落雨天, 氣溫又突然跌番落十幾度, 凍凍地邊爐癮起~~ 其實成日都會行過呢間有好多海鮮游黎游去既火鍋店, 尋晚終於比佢張寫住78蚊任點任食既poster吸引左入去~地方唔算好大, 加埋唔夠10張枱, 不過感覺乾淨企理。78蚊任食限時兩個鐘, 星期一至四供應 (其他日子加10蚊), 另加一及茶芥每位20, 不包飲品~我同男友兩個一坐低即刻點菜, 選擇唔算特別多不過整體食物都幾新鮮。丸類有差唔多10款(牛筋丸, 魚旦, 蟹籽丸, 芝士丸, 四寶, 海膽丸, 花枝丸, 流心蟹籽丸...等等)肉類有滑牛, 肥牛, 羊肉, 雞肉...海鮮有鱔, 鯇魚片, 蝦, 鮮魷...瓜菜有翠肉瓜, 冬瓜, 西洋菜, 娃娃菜, 油麥菜, 鮮冬菇, 金菇... (不過無西/唐生菜)其他仲有炸魚皮, 芋絲, 牛柏業, 粉腸, 雞子, 豬潤, 出前一丁, 烏冬...*要留意佢張點菜紙只可以揀食物唔可以填數量, 因為佢會預番你每枱人數執~湯底我地叫左豬骨煲, 都幾足料有4件大豬骨, 紅白蘿蔔, 粟米, 大大鍋不過略嫌d豬骨太大舊, 阻左d位 我本身仲驚兩個人佢會俾個細鍋, 但好彩唔係呢~~男朋友話鐘意佢地用大平鍋, 唔駛下下企係身夾野食, good~ 最正食物首推花枝丸, 要encore! 另外佢d支裝汽水雪得o岩o岩好夠凍, 一路打邊爐一邊飲冰凍汽水真係爽! 另外如果你對海鮮或者和牛有興趣, 佢都有好多另外收費既食物例如象拔蚌, 桶蠔, A4級和牛...等等。仲有佢地有加20蚊任食剌身, 不過好似得4-5款, 而且一加就要全枱加~~當晚隔離枱一家3口加左三文魚剌身, 睇落都ok新鮮不過我同男友就無試lu~唔講唔知既係活漁火鍋館同金水壽司其實係屬同一集團，所以跟據網上d報導佢地d海鮮係空運到港 咁唔知d剌身係唔係又係空運既呢???兩個人密密食唔覺唔覺就個幾鐘, d侍應收野加茶加湯都好快手, 環境舒服又有得睇電視(有兩部LCD tv), 食都食得開胃d~ 但要留意佢有寫如超過兩個鐘就要收附加費(35蚊/30分鐘)! 不過我地兩個鐘之內已經食到捧住個肚, 所以唔知佢會唔會真係計得咁足呢~~最後埋單230, 我同男友都覺得唔錯!…查看更多

呢 度 店 如 其 名 ，主 打 游 水 海 鮮 ，睇 得 出 魚 缸 水 質 相 當 唔 錯 ，海 蝦 、海 魚 游 得 好 醒 神。店 內 大 黑 板 上 清 一 色 係 點 菜 紙 無 嘅 當 日 新 鮮 供 應 靚 海 鮮 ，有 唔 少 稀 有 嘅 魚 類 ，價 錢 都 幾 貴 ，但 唔 算 搶 錢。跟 老 友 嚟 試 吓 呢 度 嘅 招 牌 火 焰 海 鮮 龍 蝦 湯 底 ，此 店 新 開 張 唔 夠 2 個 星 期 ，我 都 係 之 前 喺 附 近 食 甜 品 時 無 意 中 發 現 佢 咋！活 漁 地 方 比 較 細 ，似 茶 餐 廳 嘅 格 局 但 裝 修 走 中 高 檔 路 線 ，卡 位 尚 算 闊 落 ，但 靠 背 皮 位 太 硬 身 唔 太 好 坐。火 鍋 湯 底 及 配 料 嘅 價 錢 比 同 區 貴 ，款 式 亦 比 較 少 ，就 連 豆 腐 、芋 絲 呢 啲 基 本 火 鍋 料 都 無？但 又 竟 然 有 超 過 10 款 刺 身？仲 有 椒 鹽 瀨 尿 蝦 、脆 炸 雞 軟 骨 呢 類 小 菜？都 幾 騎 呢 吓！店 太 新 ，客 唔 算 多 ，但 上 菜 比 較 慢 兼 有 漏 單 情 況 ，服 務 水 準 亦 有 待 改 善 ，想 招 呼 好 啲？叫 男 店 員 吧！今 次 姑 且 俾 個 笑 面 ，希 望 佢 哋 嘅 服 務 盡 快 改 善 吧！活 漁 招 牌 火 焰 海 鮮 龍 蝦 湯 ($168) 話 明 係 招 牌 湯 底 ，比 一 般 湯 底 貴 一 倍 ，點 解 咁 貴？因 為 當 中 有 幾 隻 花 竹 蝦 及 蜆 等 配 料 ，而 湯 底 係 勁 香 濃 嘅 龍 蝦 蕃 茄 湯。窩 底 仲 加 咗 拔 蘭 地 ，侍 應 會 喺 你 面 前 點 火 ，先 將 海 鮮 稍 為 燒 熟 ，火 光 熊 熊 好 feel 到 極！收 得 咁 貴 ，全 程 添 加 湯 底 當 然 都 係 用 龍 蝦 蕃 茄 湯 啦！ 龍 蝦 味 香 濃 到 不 得 了 ，即 刻 taek action！鯇 魚 腩 ($38) 份 量 十 足 ，而 且 切 得 頗 厚 身 ，鮮 味 到 極！花 雕 醉 雞 件 ($48) 酒 香 夠 濃 ，雞 肉 肥 美 ，肉 質 好 嫩 滑。黑 豚 肉 片 ($38) 落 咗 單 超 過 20 分 鐘 都 無 嚟！同 疑 似 經 理 反 映 ，轉 個 頭 至 話 今 日 無 貨 . . . 吓？唔 早 講？經 理 見 我 哋 有 啲 黑 面 ，即 時 補 鑊 ，話 有 黑 豚 腩 肉 ，問 我 哋 試 唔 試。我 問 幾 錢 先？佢 即 時 跟 其 他 店 員 商 量 後 ，答 案 係 同 價。我 相 信 原 價 應 該 唔 只 $38 吧！黑 豚 腩 肉 勁 肥 美 ，灼 熟 後 入 口 鬆 化 到 極 ，未 食 完 已 經 忍 唔 住 encore 多 一 碟。日 本 魚 形 餅 魚 蛋 ($28) 解 凍 功 夫 未 做 足 ，明 顯 見 到 魚 蛋 有 層 冰 面 ，即 時 唔 敢 落 湯 住 ，無 益 嘛！但 熟 咗 嘅 魚 蛋 又 幾 彈 牙 ，仲 索 滿 龍 蝦 汁 ，好 好 味 噃！秀 珍 菇 ($28) 份 量 相 當 多 ，淥 到 軟 腍 腍 ，味 道 鮮 甜。自 家 製 手 打 四 寶 丸 ($68) 係 即 叫 即 新 鮮 手 打，點 解 咁 講？因 為 等 咗 好 耐 都 未 到 ，經 理 用 以 上 嘅 原 因 解 釋 . . . Anyway, 牛 肉 丸 、鯪 魚 肉 丸 、蝦 丸 及 墨 魚 丸 又 確 係 非 常 新 鮮 ，味 道 一 流 ，即 時 消 咗 啖 氣。油 麥 菜 ($18) 夠 嫩 綠 ，味 道 爽 甜。唔 好 睇 佢 咁 大 盤 ，其 實 一 淥 就 會 縮 晒 水 ，2 個 人 分 分 鐘 唔 夠 食 架！埋 單 差 唔 多 $600 ，以 2 個 人 計 都 幾 貴 ，但 值 得 一 試 嘅！…查看更多