活一鮮 (已結業)

🍙活一鮮🍣身為一個港女一定最鐘意食Sushi Uni同salad呢d生冷野架啦well(⁎⁍̴̆Ɛ⁍̴̆⁎)所以成日俾媽咪話唔怪得成日嚟period都痛到死～但睇到板海膽靚成咁、d三文魚又咁肥美真係忍唔住囉好無有後果就等果幾日黎承受啦嚟自北海道嘅海膽真係鮮甜到一個點勁Fresh 勁有海水味識食一定唔會食加拿大海膽得罪講句都唔知同食💩有乜分別呀個色已經差勁遠同埋個價錢仲要差勁遠一分錢一分貨總之識食一定食日本北海道海膽重有識食一定食左口魚真係食壽司必食之選不過個燒雞翼真係不完美可改善燒到乾柴咁咬唔開(¬_¬)如果大家stay at home又想食壽司不妨考慮下活一鮮！佢喺西環都有分店！Support!

朋友小聚會今次選擇來到北角性價比高的日式料理店-活一鮮，店舖地方不大，Walk-in需要等待時間頗長，建議如果朋友聚會預先致電留座。 魚生拼盤味道鮮甜，海膽完全沒有腥臭味，配搭紫菜簡直一絕～ 熟食方面串燒燒得恰到好處，推薦燒雞皮，一口咬下去油香滿嘴～ 店員服務親切，會推介是日精選什麼魚生，還有隱藏餐牌，用餐完畢還送了小甜品。

北角《活一鮮》午飯時間，因為店舖地方不大，要等一陣間就入到去。鰻魚飯（附前菜、沙律、麵豉湯）$102鰻魚肉屬於厚切，肉質軟熟而香滑👍🏻牛肉豆腐七味燒定食（附前菜、、白飯沙律、麵豉湯）$74Menu上面打星星是廚師推介，當然要試一試，牛肉煮得剛剛好，不會太un，豆腐香滑，撈飯一流🤪辣味螺肉小食 +$15帶子裙邊小食 +$15小食黎講，$15真係好抵❤️係平民日式飯堂，經過可以去試下

北角嘅日式餐廳唔多，所以想食壽司就會諗起 #活一鮮 。是日想食好啲，所以都係選擇去這裡。餐牌勁多選擇，不食刺身都有很多熟食選擇，而且價錢親民，所以吸引好多街坊客捧場。️鮮壽司 $162朋友唔食三文魚，師傅就換了另外兩款款壽司，有黑村露油甘魚、京蔥醬鱆紅魚、形寶甜蝦、紫蘇墨魚、蔥吞拿魚腩、蟹膏、海膽、三文魚子、帆立貝等等，加兩件玉子，甜蝦又黏又甜、三文魚子圓圓鮮甜、蟹膏濃郁，味道有驚喜。活壽司 $142有12款壽司，包括：挪威三文魚腩、油甘魚、鱆紅魚、甜蝦、虎蝦、八爪魚、帆立貝、馬刀貝、蟹棒、蟹籽、三文魚子、 海膽，加上兩件玉子，超滿足。特別係油甘魚肥美、帆立貝帶鮮咪、海膽又鮮甜，這個價格來說真的CP值高！粒粒魚生飯 $74有三文魚、八爪魚、玉子、青瓜、蟹子等等，顏色繽紛之餘，口感仲好豐富。飯式都唔少，細食的朋友仔可以叫少飯。飲埋杯啤酒，麥味重又香，滿足！

好耐之前已經聽過個名超多人係門口得外賣同排隊咁岩今次岩岩開門去 唔洗等就有位👍🏻無理由唔試😋活一鮮丼 $112 (5/5)海膽同帶子非常鮮甜 直湧味蕾慳住食唔捨得食晒🥲蟹籽同魚籽份量多 餸醋飯一流連平時唔會食晒飯嘅我都清咗成碗🥰蔥花吞拿魚同三文魚都好有魚味👍🏻無咩可以挑剔😋活壽司🍣 $128 (4/5)魚生款式比丼飯多少少🤏🏻個人就無咁愛偏甜嘅玉子🤫蟹柳都唔係打邊爐啲假蟹柳😍魚生每一件都厚切又新鮮👍🏻👍🏻最愛油甘魚 海膽同三文魚腩🤤另外見每枱都嗌蠔 真心大隻🦪而且見到擺盤都好用心 十足日本居酒屋叫嘅🤤但今次太飽了 下次再試！*☼*―――――*☼*―――――*☼*📍 活一鮮 (北角)北角錦屏街21號東發大廈A座地下🚇 北角站B2出口步行2分鐘💲～130/🕴🏻

餐廳挑選最新鮮時令食材 提供刺身壽司及多款日式料理出品用心製作希望為客人奉上非一般的味覺體驗北角區搵食打開地圖搵食,搵到呢間活一鮮日式料理專門店壽司加刺身共35種,部份食材由日本新鮮直送,絕對係新鮮待客另外仲有共40款定食選擇 和風定食丼飯 或拉麵或烏冬套餐 包前菜沙律麵豉油先黎2件 $25松葉蟹腳 鮮味十足非常 蟹肉夠大隻!焗扇貝,上層放了芝士焗至微焦,芝士與扇貝既鮮味2者結合混合別有一番風味最後仲追加了三文魚壽司八件加2隻玉子壽司三文魚夠油香,夠肥美夠厚切,一件都係$16!!鐘意食海膽就要睇下當天返貨喇!玉子壽司好大件,見唔到飯出奇地好食,食落夠蛋香夠汁,唔會乾巴巴~另外最後加左個串燒雞翼和蜆肉麵豉湯 ,十分滿足!雞翼一串有2隻,只用鹽燒用上日本雞翼,肉味更甘甜,本身已經好美味 又燒得外脆內嫩!麵豉湯加了蜆肉更濃更鮮味,非常好飲相當之推介比大家平均消費$300評分8/10北角錦屏街21號東發大廈A座地下G/F, Block A, Tung Fat Building, 21 Kam Ping Street, North Point

🍴🍽🍴🍽🍴🍽🍣🍣🍣🍣🍣🍴🍽🍴🍽🍴🍽-相信呢間港島區嘅黃店好多人都認識🤤佢地喺西環同埋北角都有分店，平日無論係下午或者夜晚去多數都要排隊當日我地去左食佢地嘅set lunch，好彩早左去唔使等位💩-🥢海膽魚生飯 -Set lunch跟咗沙律、前菜同麵豉湯飯方面除咗海膽之外仲有三文魚、北寄貝、蔥吞拿魚蓉同鱆紅魚😍個人最推薦係個海膽，完全無腥臭味，仲好鮮甜👍🏻另外蔥吞拿魚蓉都好好味🤤呢個個價位食到咁多款刺身嘅丼飯，性價比真係超高！-🥢醬燒挪威三文魚飯 -飯上面鋪咗六舊炙燒三文魚，每一舊都係厚切好肥美，食落口都好有魚油香三文魚上面仲加左蛋黃醬，配埋炙燒個效果出黎真係好香口😆😆雖然食落有少少heavy，不過真係好開胃💛-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 8.5/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6.5/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9.5/10整體 𝗢𝘃𝗲𝗿𝗮𝗹𝗹 7.6/10-📌 lunch set最後仲有一粒雪米糍比你做甜品🤓呢個價錢真係抵啊！仲要係黃店，住附近嘅朋友應該日日食都唔會厭😂不過留意返佢地星期一全日休息👨🏻‍💻-🍽🍴🍽🍴🍽🍣🍣🍣🍣

係北角同西環都有分店嘅活一鮮主打超新鮮嘅魚生丼飯、壽司同埋其他日式料理，係北角嘅呢間分店我都食過幾次，絕對係區內最高質嘅日本菜之一，而且仲係💛店。佢嘅魚生無論新鮮程度、份量同size都係好高👍🏻👍🏻而且價錢都幾抵，lunch set大部分 $100內都有交易，性價比高，所以平日lunch time都幾多人。不過要注意星期一唔開同埋晏晝3點後會落場。挪威三文魚、油甘魚、蟹膏飯（附前菜、沙律、麵豉湯）餐牌寫油甘魚不過呢日未返貨，就轉咗做帆立貝。活一鮮嘅蟹膏一向深得我歡心❤️蟹味非常濃郁又唔腥😻份量都多。三文魚同帆立貝都好出色，份量好多，鋪滿成碗飯，而且新鮮鮮甜，最緊要係超！厚！切！🤤🤤特別係三文魚每塊都厚到好誇張，每片起碼超過2cm咁厚，真係啖啖肉。底下嘅飯就比較黏不過都唔錯。Lunch set另外仲有沙律、凍豆腐同麵豉湯，都算幾豐富。人均消費：$90推介指數（10分為滿分）：9分

朋友之前過黎搵我食飯個陣介紹左活一鮮，上網search 話好似好出名咁，跟住就有d 奇待咁食過一次，但真係唔係我杯茶，於是就好耐都冇再食過。今次突然醒起可以試多次佢地d 壽司，睇下會唔會好啲（因為我上次係食定食）環境呢 其實就唔係寬敞架啦，舒服都係勉強啦，價錢ok。第一碟壽司黎到個陣個樣就有d 怪怪地，顏值黎講唔知點解我想形容舊壽司嘅樣有d 蠢😂😂😂😂🙈（講完都覺得好似mean 左d.anyway, 上面嘅帶子唔算特別鮮甜，不過都入到口，如果凍番少少會好啲重點係舊飯😂😂😂😂我唔知係唔係我見識比較少，但我係一間正常日本餐廳我唔太會expect 舊飯唔係醋飯。。。😂😂（依個到底係咩玩法），而家唔係少醋，係冇醋，有種回到小學時屋企人想整壽司又唔加醋嘅低級自家壽司嘅感覺（同埋，舊飯好似食落真係常溫飯嘅咁。。。。。。我以為係唔知點解一時失手。。點知黎跟成餐壽司飯都係咁嘅味，更加唔好講話佢d 壽司料唔係特別吸引。。。唯一覺得唔錯嘅係海膽軍艦：鮮甜大舊同事叫左依個好似係鵝肝壽司（？）希望大家以後去食唔會好似我咁食中冇醋嘅飯😂😂😂

9 0 後 的 味 蕾北角嘅打工仔想食到新鮮嘅刺身壽司飯，活一鮮幫到你！-店舖係日式木系裝修，設有六七張四人枱，一張二人枱，同埋Bar枱位，餐廳雖然細小，不過都好舒服-📸刺身定食有選擇困難症嘅朋友仔就可以揀呢款，所有嘅魚生都畀晒你，餐廳唔會吝嗇，全部都係厚切魚生片，啖啖肉，淡淡魚香味-📸三色丼自選三款刺身，佢哋嘅海膽好清甜，完全冇好味，好好食，蔥吞拿魚茸配壽司飯，點少少wasabi，吞拿魚香味出晒嚟-再點埋兩款小食，有帶子裙邊同螺肉，帶子裙邊好爽口，如果個醬汁有少少辣應該仲正-佢每個套餐都包一碗麵豉湯，一碟細細既芝麻醬豆腐，同埋沙律菜。

完全日式小店風情！中等價位！食材新鮮人情味小店！一直有很多街坊支持！魚生飯超值！特式蟹膏壽司！串燒平均高質！橫巷小店一直長龍証明有實力！雖然坐位較迫！但小店似日式居酒屋！位置近MTR非常方便！是我間中會特別想吃的小店之一！

同朋友行完山, 就一齊去到北角揾食. 可能時間尚好早(630pm), 我地去到餐廳時就有位, 不用排隊.一見個餐牌, 價錢合理, 我地就如狼似虎, 瘋狂地點壽司. 上菜速度好快, 坐左一陣, 食物就到齊. 甜蝦, 油甘魚, 劍魚脯, 帶子, 全部都好新鮮, 同友人忘我地鯨吞d壽司, 可能太肚餓, 但也絕對是因為美食當前. 葱吞拿魚腩卷份量十足, 個量足以媲美兩舊壽司. 牛油瓜軟殼蟹卷, 口味清新, 軟殼蟹炸得金黃香口, 是絕佳的配合. 整體性價比爲高, 實屬推介之選.

夏天越熱就越唔想食得太heavy壽司🍣就最正而且又可以逐件嗌食到滿意為止呢間壽司店都幾出名之前有youtuber拍過片本身個日臨時想食都好驚full booking好好彩晏晝打電話夜晚早段時間仲有位我去個日都好爆所以既然有得book枱都建議大家早D book因為餐廳都唔係好大大概得7-8張4人枱餐廳位置離地鐵站大概5分鐘內雖然係內街不過都好易揾去到坐低想讚下人手幾充足大概8張枱有3個樓面所以成晚食飯幾本上杯茶一飲左1/4就即刻有人幫你添收碟速度好快有是日特別食材又會介紹好有禮貌佢有好多款野食有壽司、刺身、手卷、魚生飯、沙律、煮物、炸物、燒物等等當中最驚喜係活赤貝壽司好爽脆而另一驚喜係蔥呑拿魚腩卷驚喜在份量$48 4件但size好大差不多等於8件整體評價食材新鮮性價比高今晚開左豪食mode都係大概人均$250左右

雖然好似食左好貴，ard $650，但其實係因為佢太平，我唔知原來大部分係一碟2件.. 所以嗌左2人份量🤦🏻‍♀️而岩手蠔就4隻大概$240😋大隻，爽口，新鮮🥰壽司方面，絕對抵食，但質素都會有高低，個人認為赤貝比較遜色，可以唔嗌。至於叫帆立貝，蝦類，魚類，海膽就夠晒高質抵食👍🏻👍🏻👍🏻

每次出街都會經過e見舖頭都會見到大排長龍久而久之就按耐唔住想試下😋估唔到，e一食就無法自拔為左避免人流，我地都會揀外賣自取😉foodpanda 必點套餐：C餐 網燒安格斯牛扒定食配三文魚刺身 (3切) 及日本直送果汁 ·牛扒大概5成熟，嫩而不柴，配上特製嘅醬汁加上香脆炸蒜，一個字：絕👍·三文魚係厚切嘅而且好新鮮，配上wasabi同醬油，一口落去十分滿足F 餐 特選北海道雜錦魚生丼及日本直送果汁 ·e個餐相對c餐食嘅次數比較少，蝦大而鮮甜，蟹膏份量唔多，但足夠配成個丼，所有嘅海鮮食材都夠好新鮮，都好受歡迎