洲啤工房

營業中

休息中

入長洲睇太平清醮,飄色未開始,先去搵食。見行人拿著一枝又一枝長長薯棒,才憶起此。沿著東灣道行,見到一大堆人包圍著便是。見長長的人龍,心想沒所謂吧。先排隊買票,然後過旁邊一大群人中等叫號。「要等半個鐘。」於是走開十五分鐘再回來,發現方式改為憑票取貨,即買了票後在當天任何營業時間內也可取貨。所以,等候時間縮短很多。到手時薯棒還熱,先去調味。有多種不同調味料,如紫菜、咖喱、芥末......下一些紫菜,還有芥末、七味粉。螺旋環繞著竹籤,用手撕下一片片來吃,雖然變暖,但仍保持脆身,至於薯味是有的,不過不太重,不香口,像是被甚麼有點蓋過,除了調味料、鹹味,還有油。吃了幾片,手指頭沾了頗多油。路過見到舞獅,想拍照,要先抹手。而調味料方面,紫菜比起粉質調味料較易沾上薯棒上,所以今次的薯棒,只吃到有紫菜味,芥末味、七味粉味欠奉,可能都沾不上薯棒,落到盤中。去長洲,其實貪新鮮一試無妨,但有沒有下次,就不肯定了。吃畢,不感有食物落肚,繼續肚餓。

２００８／５／１０小食２紅豆餅店和此店相隔幾步路，雖然要盡戒零食，不過難得來到又剛巧遇到，不試就真的對自己不好呀﹗收銀的哥仔態度不錯，排我前面有一家人為了買一杯飲品而討論了很久，收銀哥仔也不會不悅，而且還向我們說請等一等。買了後等1分鐘就有，大大條的薯棒單看已經令人興奮，走去調味料位，又遇到這一家人，他們在調味架前又說要拍照又要擺什麼post，真煩人﹗等到他們離開我們才可以開始加味，但很多調味樽的洞口也塞住，很大力拍很大力搖也不行，興致即時大減，最後象徵性灑一灑就算了…就因為這樣，味道和普通薯仔沒兩樣；每一塊切得都幾薄，但並不像包裝薯片這麼脆口，仲有些林林地；由上至下吃，越吃越發現好油，特別是最底那幾塊，直頭浮哂油，也不敢吃入口了，最後要放棄﹗

薯棒油膩膩，又唔脆，d味粉又refine得slow>.<幾蚊個薯仔，sell15蚊都算，都係抱試食心態不過d服務員態度真係要再training下一開始個收銀同我講要一個hr之後返來都唔知佢想點咁唔理，過隔離佢後生店員又搞唔好d 攞野食安排，一個亂字仲有後生店員好冇禮貌，最好train下先出來做囉都唔明佢數咩一二三四，跟飛個order未得囉總結係唔抵食又要亂，又膩，食一次就夠，唔洗諗我會去再食

食店外豎立了一個『薯片巨棒』（此店的人氣食品。）的大模型，吸引頗多顧客幫襯及拍照。主人與奴隸獸見此薯棒造型得意趣怪，當然買一件來試試（HK$13）。店外有一張子放有多款自助調味粉，任顧客調味，我們揀選了長洲風味（店員告訴我們是：蝦米+ 紫菜）及和風味。薯棒的口感及味道都是普普通通，像新鮮炸起的脆薯片，沒有什麼特別。不過遠道前來長洲，一試又有何妨。

食完紅豆餅, 小弟本來係打算開始行山的, 但大家又被這裡的薯片吸引住.薯片巨棒$13: 6分, 其實小弟一向麻麻吃薯片, 熱氣, 又食到成手油, 但似乎一眾姊妹們係沒有這個看法, 大家也興致勃勃地排隊等吃. 雖然前面得幾個人, 排隊也要好一大段時間. 當然, 這裡的薯片係即炸的, 製作自然需時.等食的時候, 先看看個香料陣, 有成十款, 樣樣落點也相當大堆頭.十分鐘後終於等到了, 真係相當之大串, 名字沒有改錯, 真係好巨. 我們十個人分都係勉強先食得完, 兩個人吃的話應該幾難吃光.吃了幾塊薯片, 出來的效果係溫溫吞吞的, 味道係麻麻地, 那個大堆頭的醬料陣也不能派上用場, 大部份都醬料跌返落個盤到.當場, 一班人一齊食這巨棒又幾好玩的.

一場入黎長洲, 當然要試下D特色小食.本身唔係好受得熱氣野, 但見到薯片巨棒咁得意, 外形咁吸引, 係好奇心駒使下, 都忍唔住要買番串試下.等左一陣, 薯片剛剛炸好, 但放落口時已經唔覺得熱辣辣喎.落調味粉係自助式既... 我地揀左"長洲風味"+"紫菜味",都ok...但唔好落咁多, 因為都好重味精, 食完好口渴!其實都係貪得意試下, 幾特別既, 但覺得幾油膩, 略嫌唔香薯仔味, 如果用D靚既焗薯整會好好多.其實一串唔係得好多片, 但勝在夠新鮮, 十三蚊可以接受啦!

之前睇飲食男女介紹過,己經成日想入黎試下佢地個薯棒,薯蓉甜筒同埋自製啤酒,咁啱今個復活節假同朋友入去睇櫻花,咁就好順便咁去試下,一落船就見到成堆人圍住佢地個檔,唔係呱,好辛苦咁都迫埋去"及"及"先,好彩佢地係派籌,否則我一定唔會排,寧願平日再入黎試,原來佢地東灣都有分店,我同朋友走去東灣店,因為可以一次過食埋紅豆餅同埋大大粒魚旦,去到東灣店,一樣有好多人排隊,我地二話不說立即分頭行事,一個排紅豆餅,一個排大大粒魚旦,我就排薯片巨棒,ha我最著數,攞左籌就可以行開,不過我都唔敢行太遠驚miss左我個number,之後再問埋佢地個薯蓉甜筒,點知佢地話冬天先出架,夏天就賣雪糕新地筒,好啦還掂熱熱地,都試下佢地d雪糕啦,叫左個蕃薯味試下,好正呀,好有蕃薯味呀,正想讚下佢地整o既雪糕好好味,原來唔係佢地整,只係亞x羅雪糕,有點失望,不過都係13蚊個又插埋支朱古力棒棒又落埋果醬,都平過亞x羅單球18蚊,不過不失啦.其次再想試下佢地自己整o既啤酒,但唔係好覺有人飲,唔通唔好飲,又再埋去八多次,細問之下原來佢地個酒牌仲未攪掂,所以未買得住,老闆哥哥見我好想試,就叫我地夜d再黎試,不過我地要趕6:30船

話說長洲最近出現左樣新奇有趣又搞鬼ge東西就係由台灣引入ge薯塔~一個薯仔縲旋形咁刨片~變到大大枝~再拎去炸~~都幾Funny~~~~~就試下佢係咪真係咁Gimmick~全個長洲~呢度都算旺了~~一個$3 ge薯仔~刨一刨炸一炸~搖身一變$12,3~就要了一串~一位婆婆好努力咁幫我用廚房紙不停包住個薯塔印晒d油~令我覺得好油好肥~都係買黎影下相算了~哈哈但最搞笑ge係~唔知點解~買到ge都唔係即炸~凍冰冰ge..........有over 10 種唔同ge粉比你落正常ge有鹽呀~七味粉呀~黑椒呀~唔正常ge有朱古力粉~Wasabi粉仲有隻搞笑ge長洲風味粉~~~據閒係有d海味~鹹魚味不過我想講ge係~唔知係咪落緊冒冒雨ge關係~潮濕d粉樽樽都倒唔出~塞住晒同埋比你倒到~都落晒個盆到~都唔知有無一成係落到個薯片到~2個人好努力咁~都搞不定這串東~不過幾好玩~就真ge.....如果拎佢同shake shake薯條比~我會食薯條~hahaha仲有一個疑問...乜呢間野個店名唔係叫洲啤工房咩..?點解變左Banner ge薯片巨塔ge...????

難得有機會入長洲一走，怎能不試試這個薯片巨棒，幸好是平日，所以不用等太久。在自助調味站只加了紫菜和幼鹽，可荀下不均勻，致令有好些部分都幾淡口，有些則好鹹，不過整體來說是有創意，炸得香口，如果那支捧再長一點會更好，因為太短好難拿在手:ｐ

第一次食〝薯棒〞係喺海港城Citysuper長洲既〝薯棒〞不同之處就係煮法‥Citysuper的係用焗，而長洲的係用炸(比較油利)仲有好多種味粉任你揀﹗任你落﹗味粉之中，「長洲風味」係最搶手﹗黎啲野，試過一次就夠了﹗

長洲朋友介紹我一定要食e個lo...咁住得長洲既,一定會聽佢講既,嘻嘻!!行到間店鋪,好多人lo..= ="多人到要買飛咁我地3個女仔就買左串黎試下..umum...都幾平wor!!$13/串新鮮薯片,而且係即叫即做所以長洲朋友介紹係冇錯既^3^

本來是專程去食日本紅豆餅，點知經過此店看見好多人排住隊買這種樣子奇特的薯片巨棒，我見未試過未買支試下囉！點知就中招！鹹到苦都買得比人食。咬左兩口就成支掉左

這種炸薯棒報章報導不多，但知道是近期較為熱門的街頭小食，可惜暫時所知是長洲的東灣道有專門店出售，故見是日來一日遊，就順道來到幫襯。利用特制的刀具將整個薯仔以螺旋紋切開，穿插在竹籤裡再拉長放油猛炸，食客可自已加配不同的調味料，有辣味的七味粉、指天椒、芥末及不辣的紫菜、芝麻、長洲風味、燒雞味、什菜味…，在沒有限制的情況下各自喜好。剛炸出來的薯棒反而不太好食，待油溫已過後反而香脆薯味夠濃，比起快餐店的炸薯條這裡的新鮮得多，有機會可過來試試！