洪瑞珍 (The LOHAS康城)

營業中

休息中

來自台灣嘅洪瑞珍三文治，一直係不少人去台灣旅行時嘅必買手信之一。近年品牌進駐香港，分店愈開愈多，方便大家隨時隨地解嘴饞。洪瑞珍主打軟滑多層次嘅三文治，選用厚厚鬆軟白麵包，配搭鹹甜夾心，食落口感細膩、唔會乾硬。我最近試咗幾款人氣口味，包括斑蘭起司、原味起司、草莓起司同提拉米蘇戚風起司。斑蘭起司香味突出，帶淡淡東南亞風味；草莓起司微甜唔膩，好啱鐘意果香嘅朋友；原味起司經典不敗，奶香濃郁；而提拉米蘇戚風起司則帶輕微咖啡味，層次豐富，食完有種輕甜幸福感。雖然價錢比一般便利店三文治稍高，但用料講究、味道細緻，無論係當早餐定下午茶都好啱食。鐘意台式風味嘅你，不妨一試洪瑞珍嘅魅力！

今日晚上7點值班的店員全程態度很差。 聽到講國語就很不耐煩，嘆氣翻白眼🙄。只有我一個客人也不知道是在不耐煩什麼。不要求有什麼服務態度但至少要好好講話。希望經理能培訓好店員！

小朋友要食士多啤梨三文治，真係巧起我，一般麵包舖點會有甜嘅三文治好彩記得樓下有間洪瑞珍，果然芒果🥭藍莓🫐士多啤梨🍓都有一層水果一層芝士🧀仲有cream ，感覺新奇，意外地夾

今日晏晝去咗康城商場行街見到一間新開嘅舖頭，鋪面光鮮整潔，簡簡單單只售賣幾種口味嘅三文治，睇上去好似幾有特色，就決定去買返件來試一試，我揀咗件藍莓起司三文治，店員好細心話我知一個鐘頭之內未食完要放回雪櫃，態度都好有禮貌，返到屋企拆開件三文治外觀都同普通三文治唔係好大分別，食落口好重藍莓味，入面仲有牛奶忌廉，原本見到細細件諗住應該唔夠飽，但可能係有忌廉所以就比較滯口，食完都飽飽地，味道都算幾特別，下次經過再去買件叉燒口味來試試😋😋