洪昇食堂

營業中

休息中

平時返工都係港島區，收工就返元朗對住天水圍洪水橋呢啲地方係覺得遠好少去🥹但係大笪地炸壽司隔離真係好容易搵到‼️意想唔到有穩世既大排檔出現 👏🏻👏🏻服務熱情好樂意解答我地既問題 🤣呢到都方便大家可以揸車🚗 食住有免泊2小時整體非常滿意🔥絕對有encore🌟欖角一字骨 $128店員大力推介我地試下新菜式 🧐欖角本身味帶鹹香，同時帶出一絲絲甜味芡汁感覺好似食蜜汁叉燒d SS😂相信小朋友黎到都好岩食 👍🏻🌟酥炸墨魚餅 💰$128呢到墨魚餅真材實料又大大件 🥺新鮮熱辣咁上枱非常滿足 😌🌟豉椒聖子配米粉烘底 💰128(+$80米粉烘底）呢個都有意外驚喜係個米粉底 開頭以為好似一般食海鮮都係普通米粉呢到係烘成一個餅咁😂 外脆內鬆軟唔講得笑加埋豆豉鹹香再爆香個聖子惹味到不得了 🫨🫨多個口感層次出左黎🌟凍檸茶 💰$20真係大杯到你唔信‼️仲勁抵飲🥺天時咁熱唔飲返杯凍野都唔得 🤭推介指數：🐻🐻🐻🐻🐻/5粒洪昇食堂 (元朗)📍地址：元朗洪水橋洪元路55號地舖☎️ 電話： 29440978

最近朋友帶我入去洪水橋食大排檔！呢間大排檔面積幾大 去到坐滿晒人瑤柱蛋白炒飯 $108十分之大份量 四個人食都可以！蒜蓉炒菜心 $89菜心望落去綠油油好食！蜜椒牛柳粒 $138食落甜甜地好開胃！而且薯仔都係預先炸香左最後叫咗個XO醬海鮮豆腐煲$148入面有炸豆腐蝦，魷魚，魚柳青口等等海鮮而且中間有生菜吸晒所有汁 好好味#香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

有日好想食啲有鑊氣嘅嘢諗起之前經過呢一間大排檔 就去試吓去大排檔當然唔係食環境 有咁充足嘅冷氣 已經好滿足( ^ω^ )店員嘅服務都好殷勤 一坐低就會主動介紹菜式 尤其係是日推介 會寫住喺個鑼到 我地叫左3餸1炒飯🍂豉椒炒花甲- 炒得超惹味-成碟超多粒花甲 搵極都仲有得食 🍂金銀蛋莧菜-莧菜夠入味 成碟都幾大份下🍂黑椒薯仔牛柳粒-炒得好香嘅牛柳粒-薯仔先炸後炒 食嘅時候仲食到個面脆脆地架🍂瑤柱蛋白炒飯-成餐飯嘅小驚喜 好有鑊氣 啲飯粒粒分明🌼氣氛好熱鬧嘅大排檔 每晚8點仲要有抽獎 (現金獎黎架！)

洪水橋有間好好feel、熱鬧嘅大排檔！佔地好大，有大電視睇，員工好熱情親切，我同朋友都食得好開心！每晚九點有抽獎添！首先嗌咗個韭菜豬紅，冇諗過份量有咁多！好入味，有啲啲辣，超好食，好滑好彈牙！蒜蓉炒時蔬有好多款菜可以揀，得揀咗食西蘭花，蒜味好香👍🏼👍🏼仲嗌咗個豉椒炒蜆，啲汁好濃好香，啲蜆食落冇沙，同埋都開晒蓋👍🏼最後嗌咗個芝士蝦伊麵，份量又係好多，芝士醬極多，啲蝦可以連殼食，都幾大隻！

第一次去天水圍閒逛，路經洪水橋，便試試這間大牌檔。大牌檔環境尚算企理，冷氣夠涼快。食物方面，我們兩人點了以下食物：1)胡椒蝦$88~胡椒惹味，蝦大隻，有鮮味。2)乳鴿$70~食得出係鮮炸，很美味，如大隻些更完美。3)啫啫唐生菜煲$128~足料夠鑊氣，煲內有好多大大隻蝦乾，配飯食一流。4)芫荽皮蛋肉片湯$88~足料下火湯，兩個人飲唔晒。整體而言，洪昇食堂食物質素高，想一試港式大牌檔風味小炒的，不容錯過。

香港舊式膠櫈大排檔，不過有冷氣涼下。環境比較簡陋，勝在入面地下和枱都幾乾淨。枱有一大壺茶任飲。埋咗單準備走，店員叫我地坐多陣，因為8點有抽獎。最後隔離4枱都中咗🥹，我地冇抽獎運。見到是利是100蚊。 氣氛幾唔錯，坐滿曬人，大家都等抽獎🤣。🔅洪昇小炒皇 $128 大排檔招牌菜之一👍🏻，整碟好香口，少少辣，好適合餸飯😝。有魷魚，菜圃，蝦仁，韭菜花，鹹肉乾，銀魚仔，腰果等等！🔅黃金豆腐 $98 10分鐘內上菜。豆腐約有12件，上面有椒鹽炸蒜粒🧄🧅。加上剛剛剛上菜，🫶🏻外脆內軟。如果豆腐細件d，就更加啱我。🔅酥炸蠔餅 $158 大大碟，超級正，即叫即整，食落唔油膩感仲要幾脆！蠔都幾大隻和多，十分足料。奶茶和檸茶都大杯。枱上有一壺茶任飲。

有以前舊香港大排檔嘅鑊氣！今次去咗洪水橋大排檔嘅洪昇食堂，真係食嘢夠鑊氣！服務非常好，上菜都好快，就好似返去90年代食大排檔嘅感覺，位置都好近車站，真係好方便。沙薑雞(半隻)我哋點咗沙薑雞半隻，真係足足半隻，食極都仲有！先發現出面好多餐廳原來係唔夠半隻！雞肉鮮嫩，沙薑味香濃，而且好入味，火侯剛好。椒鹽鮮魷對比出面，呢到嘅椒鹽鮮魷勁大碟，炸得好脆，灑上炸蒜同辣椒，仲有啲微微辣味，鮮魷食得出好新鮮，夠鮮甜！黑椒薯仔牛柳粒最令我印象深刻嘅就係黑椒薯仔牛柳粒啦！超大碟，好多牛柳粒同薯仔，仲有青紅椒，調味一流，牛柳粒好嫩，配埋啲黑椒汁，味道豐富！真係要叫碗飯嚟食先得！大排檔通常都係得汽水，呢到居然有茶檔，驚喜！凍檸茶大大杯，夠解渴，味道都幾好，清新爽口。洪昇食堂，服務好好，d侍應同老闆娘都係超nice, 真係有一刻以為自己返左去90年代, 因為味道嚟講, 而家好少餐廳做到呢種鑊氣，食得好滿足！

垃圾中嘅垃圾嗌沙拉骨第一次食到佢居然唔係用沙律醬整而係用芝麻醬，整到成個送都酸到傻！根本食唔落，唔知係佢啲肉本身酸定啲酸咁酸。之前食過幾次呢個紅燒豆腐都幾出色，但今唔唔知係咪換左廚師啲豆腐完全無味，啲汁又無味，乜都無味我點解唔自己超市買舊豆腐生啪要比錢你地買堆垃圾食？呢個沙嗲肥牛粉絲煲味道正常，不過如圖所見，無汁的，係無汁，點送飯啊師傅呢個飯最嬲，嗌2個飯去拎時佢話2個飯係放埋一齊嘅，翻到去打開一見連碗半都無，12蚊一個飯你都呃真係抵你發達。

呢晚跑完步經過洪水橋，簡簡單單同街坊好友來一餐地道小菜，呢間洪昇食堂由輕鐵洪水橋站行5分鐘就到，話雖佢係地道大排檔，但衛生比想像理想，而重點係價錢合理，款式大眾化容易選擇。🕊紅燒乳鴿 $70 隻推介:⭐️⭐️⭐️打頭陣先來份送酒名物，簡簡單單賣相唔算好吸引，咸度味感方面合格，價錢中等唔想十分抵食，如果可以加多幾塊蝦片伴碟更吸引。🥘椒鹽豆腐 $88推介:⭐️⭐️⭐️⭐️⭐️上檯陣陣鑊氣飄香，炸蒜金黃吸引，豆腐份量唔少，大舊又外脆內軟，值得一試。🍅🐮京都牛仔骨 $138推介:⭐️⭐️⭐️⭐️⭐️呢款出色掛汁送飯一流，大量菠蘿伴碟增加開胃感，甜度適中，如果可以加多幾片綠色青椒伴碟會更加完美。🦐🥬海鮮粉絲雜菜煲 $148推介:⭐️⭐️⭐️⭐️大排檔基本嘅水準，樣樣有d 係唔錯嘅一款，魷魚、大蝦、魚塊、兩款菜蔬及菇類紅椒嘅配搭，係最有色彩嘅一款整體水準平均，推介比屯元天附近經過嘅街坊，趁住洪水橋發長區多人入駐前可以試一產。

最鍾意食啲小炒大牌檔 近近地就去jor洪水橋呢間洪昇食堂開餐😋😋大排檔正嘅就係有鑊氣 屋企好難煮到🥹最特別嘅係佢哋呢度仲晚晚有得抽獎🧧會抽大利是，抽中有優惠😝嗰日我平日夜晚去見到都好多人都到坐滿7成😄氣氛熱鬧黃金豆腐 豆腐外脆內軟棉，豆腐好軟滑加埋🧂椒鹽味🧄炸蒜粒一齊食更有香口🥰🥰黃金蝦🦐 濃郁鹹蛋黃味 蝦肉爽口彈牙、炸到好鬆脆 大大件又份量多💖

👍🏻 枝竹斑腩煲食大排檔一定要個煲仔菜先夠風味😌 枝竹斑腩煲用左原個砂煲上檯 熱辣辣發出嘶嘶聲 好吸引🐟炸過嘅班腩外脆肉滑 枝竹完全入味 送飯好正👍🏻 蝦醬通菜炒鮮魷鮮魷非常鮮美 爽口脆身 用上蝦醬爆炒 味道一流 通菜幼嫩 保持到翠綠 好有鑊氣 值得一試☺️👍🏻 豉椒炒花甲花甲隻隻都好大粒 食得出好有鮮味🙋🏻‍♂️而且份量好 豉椒、洋蔥香氣十足 非常惹味嘅一道菜💓注意事項⚠️- 晚上8時正有大抽獎 氣氛非常熱鬧👏🏻👏🏻

一般拍拖或者約閨蜜食飯，都好常去cafe 或者其他打卡able 嘅fusion 餐廳。但要講到具有🇭🇰港式傳統風情嘅食肆，大排檔一定會係代表之一！今日就一於闖入元朗洪水橋一帶，品嘗至夠鑊氣，又有人情味，仲晚晚初一🎊🧧咁高興嘅港式大排檔—— ✨洪昇飯店✨。餐廳第一印象通常係來自serve 人客嘅第一位員工，而餐廳老板就係我地入店第一個見到嘅職員。身穿👷🏻職安建上衣嘅老板，💁🏻‍♀️熱情款待每檯客人，積極又energetic 嘅態度，不敢覺得將日本嘅服務文化🙇🏻‍♀️注入咗係哩間香港大排檔裡面，小妹非常欣賞☺️💕！老板亦隨即提醒我地今晚8點鐘，如常有幸運大抽獎🎟️！咦🤔️？我有無聽錯？大排檔竟然會攪抽獎？當我翻查Openrice 食評記錄，原來早已係4月份開始，每晚都會有幸運大抽獎，獎品會係現金利是🧧每晚有5封。逢星期三更增設飯店餐飲劵(價值$1XXX)！老板亦都戴上小配飾🥸搖身一變成為抽獎環節主持，我真係未見過食大排檔食到咁有氣氛🎊除咗餐牌上有已經分門別類、超過250款嘅菜色外🐟🥦🧄🐔🐷🐮🥘，老板亦非常有心，介紹咗當晚獨有嘅特色餸菜，全部都係利用當日採購到嘅新鮮材料烹調而成，價錢相宜，同餐牌上嘅價

【洪水橋•洪昇食堂】✨————————————————————————位置鄰近洪水橋輕鐵站步行5分鐘就到 食堂旁邊有個停車場可以免費泊車 且場地闊落 地道大排檔風味 岩曬三五知己隊啤食小菜既好地方👷🏻🍻 現場播放住懷舊音樂 岩曬我呢啲麻甩妹 食堂每晚八點都會準時抽獎 抽中一台可以「免埋單」😍🍯｜沙拉骨🦴🍖｜HKD 98味道酸甜 沙律醬披上剛炸好既肉排 肉質好煙韌送飯真係好開胃🍚 岩曬小朋友胃口👶🏻👅🍯｜金湯酸菜魚🌶🐟｜HKD 238好足料 呈金黃色既湯底 麻酸配搭冇得彈 魚片切得舊舊大細適中 香滑易入口 加埋牙菜酸菜配薯粉木耳等配料 令到酸菜魚嘅層次出曬嚟 吸曬所有精華既闊薯粉 啜入口所有既味道同彈牙既薯粉共融 good!🫂🫂🫂💦🍯｜瑤柱福建炒飯｜HKD 98粒粒米飯都吸收咗炒飯嘅芡汁 食落好易入口 整個炒飯嘅蝦仁、肉粒、香菇、節瓜、蘿蔔等🥕🥦🥒🥬🥩🍛都均勻咁樣攤咗喺飯面 正😆🍯｜椒鹽豆腐｜HKD 98一上臺 嘩一聲 嚿嚿大細均勻炸到金黃色 再加埋香脆嘅脆蒜鋪喺豆腐面頭 好似一件件金磚咁 咬落外碎內嫩 炸嘅程度啱啱好🧈🧈🧈

呢度可以感受到大排檔的熱情鑊氣風味✨‼️元朗洪水橋洪昇最有鑊氣！今次去就叫幾味小炒試試！小炒皇無敵多料👍🏻👍🏻👍🏻魷魚，蝦仁🍤，韭菜花，銀魚仔，腰果等等！出色菜之一🫶🏻🫶🏻油鹽水浸花甲食油鹽水浸花甲就係食花甲嘅鮮香甜。佢嘅花甲大大隻，每隻都冇砂👍🏻‼️脹卜卜好鮮甜✨呢個係今日到嘅新鮮海產，店員極力推介‼️椒鹽九肚魚香口脆香‼️椒鹽味充斥口腔‼️超有鑊氣‼️外脆內軟去到一定要點呢個菜式‼️鹹蛋黃排骨勁濃郁鹹蛋黃味‼️幾特別喎。外邊好少食到😝不防試吓🫶🏻🫶🏻叫咗支酒開心😝坐吓等到8點又有抽獎！雖然今次抽唔到獎‼️下次會再去！一定中😝😝😝洪昇食堂！勁有特色嘅大排檔‼️全場勁好氣氛🤣而且外邊做免費泊車添😍

洪昇食堂今日入咗洪水橋探個剛搬入去嘅朋友。佢極力推薦街坊隱世大排檔。如果唔係佢帶住，根本唔識得嚟😆未入去都已經見到好多人幫襯。或者老闆似乎同啲街坊都好熟絡。我哋叫咗腐乳炒通菜、勝瓜豆腐海鮮湯、椒鹽九肚魚&椒鹽雞軟骨併鮮魷。落單2分鐘左右，腐乳炒通菜就嚟到，好快手。通菜好夠鑊氣，啲菜都好滑，腐乳味亦都唔會蓋過菜本身嘅味道，恰到好處👍勝瓜豆腐海鮮湯海鮮部份非常足料，有鯇魚、花甲、魷魚、大蝦，全部大大件；加埋勝瓜、同豆腐，湯底係魚湯再滾下，出嚟啖湯鮮甜美味，飲完都唔會口渴。出嚟大排檔食，梗係要食啲屋企食唔到嘅嘢，所以叫咗兩碟炸物😳😆椒鹽九肚魚魚肉好大件，好嫩滑，加埋酥脆嘅炸皮，名副其實外脆內嫩❤️👍🏻另一碟既椒鹽雞軟骨爽脆，鮮魷彈牙，正👍🏻每晚8點重有抽現金奬環節，配合六合彩的音樂同主持炒熱氣氛，大家都好投入👍👍🏻😆