洪師父牛肉麵

營業中

休息中

星期日中午 大約12點嚟到，不需等位，入面仲有吉位，可以直接入。我哋坐靠門口的卡位，唯一唔好處就係出面商場走廊的行人可以直接望到我哋張枱，人來人往 咁，除咗畀人望實食啲乜之外， 出面等位嘅客人會企起你張枱隔離，冇遮冇擋咁直接望住你食嘢， 好似唔係太衛生。anyway坐落咗先體驗到咁樣，費事轉位。 我哋點咗三樣菜式，有炸雞 ，豬耳 同埋紅棗椰子雞湯飯，個飯係配一碟菜，我哋揀咗 肉燥娃娃菜，仲另外加 一杯飲品凍檸樂。 上菜係有少少慢嘅 ， 要畀啲耐性 。另外，原來個肉燥係有少少辣， 好在冇將佢撈喺啲菜度，如果唔食得辣嘅，就會成碟菜食唔到，浪費咗。 最好味係個湯飯個湯好重椰子味 ，三個人食咗217蚊都算幾抵啦。

weekend 無下午茶2個人又吾想食太多呢間的食物滿足到我不過到其中一個服務員吾係好得媽媽座落服務員俾餐牌就整到我媽講對吾住仲要笑住口甘講到底呢個丫姨點解可以做到服務員架明明旁邊甘大個位可以俾你上菜係到要係2個人的中間位俾野人行多2步到懶有無攪錯珍珠鮮奶綠(熱)少甜早知叫走甜啦高麗菜鮮肉水餃明明睇圖係湯上架吾通係我點錯野，算啦有2款伴菜一口炸豆腐(小食)炸得剛剛好外脆內嫩滑再伴番個沙律平衡番下油膩感

話說奶奶叫我陪佢買手機，我點敢say no，當然即時行動，買完佢個寶貝後話請我食晏，點敢要佢請😳，梗係等我嚟，晌附近搵咗葉師父嗰friend洪師父●紅燒半筋半肉麵味道夠，但唔夠熱，牛肉尚可，牛筋軟腍度適中，雖則話係主打，但冇乜驚喜🤷🏻‍♀️●麻麻雪花牛肉麵比紅燒半筋半肉麵為佳，可能就返港人口味，味道少辣帶有藤椒香麻🩷，牛肉無過鞋問題，唯一弊病又係唔夠熱●台南鹽酥雞球炸得鬆脆香口，雞肉亦嫩，分量👌🏻●珍珠奶茶台式奶茶係比較重奶，但呢杯過咗龍，唔啱口味🙄

呢間餐廳分別同不同的人食過，價錢抵食。同同事思考午餐選擇的時候，想起餐廳的香酥雞扒，所以提議食呢間。平時到場都要排隊，難得可以不用等位。黃金地瓜QQ球（8粒）$28新鮮炸起熱辣辣，外層十分香脆，內餡口感軟糯。滷肉香酥雞扒飯 $68份量十分大，有一碗滷肉飯同一塊大雞扒。滷肉飯有好多配菜，除了滷肉、大量椰菜及榨菜，仲有半粒滷蛋同埋菜甫，啖啖飯都有配料。香酥雞扒香脆厚身，不會炸粉同雞扒分離。雞扒一夾起可以見到有肉汁，肉質滑嫩，加上辣粉，十分惹味。紅燒半筋半肉麵 （幼麵） $82同事選擇了紅燒半筋半肉麵，覺得湯底雖然沒有想像中濃郁，但味道不錯，不會太油膩，湯底清。軟滑的牛筋同軟腍的牛肉味道不錯，同事食完表示好飽。 食物味道不錯，價格親民，是不錯的午飯選擇。

當行左成個鐘後都未決定好想食咩的時候有個好🐢🍯真好即刻幫你決定好其實早30mins已經經過當時吾想等就再搵其他台灣野最後都係揀左呢間座位算係多吾洗等好耐就有位座落準備下單的時候單員俾左個QR code 我地直接下單兩個女仔吾食的多2份小吃 + 2杯飲品夠晒黃金芋泥球食完都吾會覺得好膩炸物拼盤（炸雞、炸花枝丸、台灣腸）2份小吃就有沙律菜有番點平衡黑糖仙草奶（走甜）服務員好好話呢杯無得走甜幫我地做左少甜飲落成杯好奶感不過朋友好喜歡珍珠鮮奶綠（熱）走甜飲到最後都係有小小甜應該係奶粉本身有糖

最近同同事一同去用膳，這台灣餐廳既食物就一般般啦，但都不介意，最讓我不高興的是女員工的態度超差，對客人一點都不友善，希望他們能改善食物品質和員工態度，提升顧客的用餐體驗。

星期六晚飯時間，商場周圍都係人，咁啱嘅呢間餐廳唔使等位，就入去試吓。當時餐廳嘅入座率有一半左右，同朋友兩個人叫咗一人一個正餐，加一份小食同嘢飲。燒肉便當冇記錯係$69。有一格燒豚肉片，一格菜同一格白飯，半粒滷水蛋。正常發揮，就好似你自己喺屋企都煮到嘅菜式咁🙂 飯係用咗珍珠米，口感都OK，燒豚肉唔會好乾，調味亦剛好。整體不過不失，但又冇乜特別或者驚喜囉。半筋半椒牛肉麵$92。可以揀有配菜（雪菜同蔥），麵可以揀粗麵或幼麵，我揀咗粗麵。有三片牛腩同兩舊牛筋，有啲菜同金菇。個湯底應該係用咗花椒仲有啲辣椒碎，所以對於平時唔食辣嘅我就會覺得有啲辣🥵。牛腩係連埋筋腱果種，好淰所以我最滿意係呢點。牛筋未算淰身同埋冇乜味。呢個麵我覺得賣得偏貴。小食係皮蛋肉鬆豆腐（凍食）。個配搭我覺得有啲怪，但朋友想試就叫咗一份試吓啦。個人唔太喜歡加咗肉鬆，皮蛋同豆腐兩樣都唔係好濃味嘅嘢，雖然佢有啲汁淋左喺上面，但食落去都好似冇乜味😂 天氣熱想食啲凍嘢消暑都可以試一試嘅。至於杯珍珠奶茶$28，雖然好大杯，但係偏向重奶味，個茶味唔太突出，啲珍珠亦都比較細粒同埋硬身，要咬好多下先可以咬碎吞落肚🫠 唔係我杯茶囉。埋單二百四十幾

跟朋友做完gym，肚就是肚餓，就嚟洪師父度食台灣麵。獨當一麵 $99 - The One Beef Noodle Soup：取牛運動量最大的腱子肉與脂肪分佈最均勻的牛小排，原本平凡無奇的紅燒牛肉麵，加入燒烤厚的牛小排，使之味道瞬間加倍濃郁，帶有燒烤味之香甜。肉質非常嫩滑，口感豐富，而且配料非常豐富，有牛肉、牛小排、蔥花等等，每一口都能夠感受到不同的風味。特別是牛小排的燒烤味，讓整碗牛肉麵的口感更加豐富，讓人一吃就停不下來。湯頭也很清爽，不會太過濃稠，是一碗非常好吃的牛肉麵。紅燒半筋半肉麵 $82 - Braised Half-Tendon Half-Meat Beef Noodle Soup：朋友叫了這碗半筋半肉的牛肉麵味道也非常不錯。牛肉的部位很經典，半筋半肉的搭配也非常適中，讓人可以在口感上感受到筋與肉的不同風味。湯頭的味道也很好，口感非常濃郁，但不會太油膩。總的來說，這碗牛肉麵是一碗非常經典的台灣麵，值得一試。皮蛋肉鬆滑豆腐 $32 - Tofu with Preserved Egg and Pork Floss：這道菜是一道非常簡單的小菜，但味道非常不錯。豆腐的質地非常滑嫩，皮

星期日出沙田食嘢，度度都要等位，見到呢間牛肉麵冇咩人，又有卡位，諗住求其入去食碗牛肉麵…（不過入座位後就開始多人，之後出面仲要等位，好彩入得快）坐低後侍應會送上一杯濃茶，杯茶意外嘅好飲，不過怕飲得多瞓唔著，所以都係飲一杯就算。朋友嗌咗個紅燒牛肉麵，佢揀咗粗麵，個粗麵好煙韌，非常有咬口。個湯底清清地，有牛肉味，但味道唔算特別，牛肉正常，最出色都係個麵底。我就嗌咗個鹽酥雞排撈麵，揀咗椒麻醬，個雞排會配沙律上。雞排好食，夠香口同脆口，不過最正都係個椒麻醬，撈麵夠晒惹味。建議如果諗唔到食乜，又想平平地，呢間可以一試。

食物質素差，服務質素更差，有個男員工好串嘴，賣單125，比左130，好聲好氣同佢講比5蚊想要番張10蚊紙，佢話佢地無晒10蚊紙想要，咁我都話唔緊要，咪比佢地，點知佢仲要補多句話我拎左就唔會比番出去，咁嘅態度，睇你幾時無得做

【沙田區】【洪師父牛肉麵】沙田火車站連城廣場嗰度不嬲多嘢食，之但係都唔係間間做得咁穩定，有次就係見到新開咗呢間台灣嘢所以想試。我初初見呢間嘢嘅時候，都同上水嗰間洪祖師混淆咗，後尾先搞返清楚原來係兩間嘢嚟，咁樣就更加有動力去試。話雖如此，喺得連城廣場食嘢，都要注意時間。試過去嗰邊做嘢，中午 lunch time 時段喺嗰邊搵嘢食，嘩，根本係一位難求，最後要出去第二度食。所以我呢啲都係下午去，等大部份打工仔都返返工作崗位我先蒲返出嚟食嘢，唔使等位先啦。我叫咗個下午茶「煙肉芝士肉鬆蛋餅配滷肉飯」，我係極度討厭呢啲肉鬆嘅，所以對呢個感覺麻麻，芝士煙肉我都唔係好食到，因為我真係太憎肉鬆，個腦係咁喺度鬧佢，冇乜留意其他。個滷肉飯就 Okay 啲，雖然好似滷肉少咗啲，但都夠食嘅。個餐有嘢飲嘅，「凍冬瓜茶」唔使加錢，梗係飲佢啦。飲落都算沖得幾濃，幾好飲，抵呀。加 $10 要多隻「滷香雞蛋」，我冇食伴碟啲沙律唔知咩味，隻蛋唔係我想像嗰回事，唔係太啱我口味。咁樣夾埋食咗 $61，我冇乜特別大嘅意見。我有去第二次嘅，因為食嘅嗰時仲係覺得起碼要食幾次先好出 post 否則就係失德敗行，不過之後被其他朋友加上自

在連城廣場上的洪師父，位置不算難找！之前有和朋友吃過幾次飯，覺得性價比不錯😌👍🏻無論是飯還是麵，上來的份量對女生來說也很飽。坐的環境還算寬敞，衛生也還好就是星期日的時候，比較多人排隊，所以員工比較忙碌，服務相對上也還好🤔今次點的是D4 滷肉香酥雞扒飯 $75（已計加一）滷肉飯和雞扒是分開的，先說說飯，上面有滷肉、酸菜、蔬菜（椰菜蘿蔔）等。滷肉汁不會很鹹，混合飯裏很香口很入味。而雞扒外皮炸得很脆，不過炸粉落得比較多，外面嗰層皮好厚同埋有少少乾。而雞扒肉質滑嫩，都幾好食，幾適合送飯食物評分：⭐️⭐️⭐️⭐️環境： ⭐️⭐️⭐️回訪度：⭐️⭐️⭐️⭐️

這店似乎好多人喜歡，我就想去試吓，我對味精敏感，晚飯吃了味精就睡不好，有日近9pm 人地差唔多要收工才去，大部分食物賣完了，叫了牛肉麵，味道不錯，但係晚上睡不好了。

店員細心認真，食物味道不錯！家人是孕婦，我們入座後店員貼心地送上熱水給孕婦，其餘人士則是熱茶，主動為孕婦送上所需確實很體貼！ 另外，看到店員用酒精消毒桌子和椅子，疫情以來從未見過如此認真的消毒工作。至於食物方面，味道不錯，有台灣的味道，鹽酥雞不會太油膩，滷肉飯有八角的味道，價錢算是合理！本來看到餐廳顧客不多，沒有什麼期望 。但卻沒想到他們的服務讓我們留下了深刻的印象，整體來說很好，非常滿意，相信還會再來光顧。

平日夜晚一個人去到鋪頭門口見到裡面一堆空位，反觀隔離既餐廳全部唔係成堆人等位就係坐滿，都可謂相映成趣；但我只想食個便飯，所以唔理咁多，抱住比次機會既心態入去。咁今時今日既餐廳奉行簡約主義就無可厚非架啦，不過呢間餐廳唔止裝潢簡約，就連食物份量同服務態度都係簡約到我不能自已。$7、80一碗牛肉麵，加珍珠奶茶要$2x，一個咁既基本set要近$100，仲要再加一，呢個價位，相信有好多更好既替代品。而加一既服務費，換黎既係自己掃QR code睇餐牌落單、自己喺櫃攞餐具、唔會有職員主動refill枱面杯茶、有時坐低仲要等到2046先有職員拎杯茶比你、職員任何時候都唔想你坐卡位、想用visa/八達窿比錢都要過$200先得，講起上黎就算一個人食其實都唔難過$200，可惜我眼大睇唔到嗰張貼喺cashier前面既A4黑白又化化地既告示，以致職員只能用佢極簡既口吻提示我「未夠$200（無得用visa）」，補句唔好意思都無，等我仲以為我踩親佢條尾。雖然平心而論，牛肉麵既牛肉同麵既味道、口感都算ok，但面對店員既服務態度，真係唔想再比機會佢。如果自問偏好極簡主義，又想用加一既價錢體驗自助餐式既享受，歡迎一戰。