津津茶餐廳

營業中

休息中

又落北角，今次同事帶路話食啲隱世食物。今次講到咁吸引，就信下佢。去到門口，舊式茶記裝修，呢間野應該見證北角區唔少成長。再望下餐牌，咦！鹽焗雞脾珍肝飯！正喎，即時心心眼😍！76蚊連湯，同事話加凍飲好貴要加16蚊。一到枱，黎左個大大碗湯，足料煲喎，幾好味，秋冬潤一潤。到碟飯來，有大雞脾、雞腎同珍肝。好入味，雞脾好嫩滑，又有油份。個雞腎又整到好淋身，但都仲好有口感。最正真係個珍肝，好金香，都真係好耐無係街食到咁好味即雞肝！

一星期總有兩至三趟跟老媽在筲箕與西灣河一帶食飯，雖然這一帶不乏食肆，但對於我來說已無新意了！ 趁老媽心情好，我提議到訪一家收藏心裡良久的食肆 — 「津津」。「津津」位於北角，一股玻璃大門也阻隔不了沙薑氣味，還有牆上幾面紅彤彤的餐牌，正是「津津」給我的第一印象！ 這角落滿滿的陳舊與懷舊感，就連廚房的大哥和侍應們，相信也是隨「津津」一起成長，果然是富有「 味道」的「津津」，不枉我們特意坐電車過來！ 原以為「津津」選擇會是較為集中，豈料他早上供應西式早餐、中午和晚間均提供小炒飯麵，原來還有下午茶餐及湯粉麵等！ 不過老媽和我還是欲試「津津」的招牌菜 — 鹽焗雞！ 鹽焗雞飯 HK$42 老媽胃口不錯，要了鹽焗雞飯一碟，最後雞與飯全給掃清，厲害！ 鹽焗珍肝雞飯 HK$52 我當然要把招牌的珍肝也一拼嘗試，要了鹽焗珍肝雞飯一碗，樣子挺吸引的！ 如老媽所言，鹽焗雞非常入味，鹹香透徹雞肉與雞骨，吃得神住之餘，伴飯認真一流！至於雞件如何？雞皮細薄，鮮見皮下黃脂，雞肉軋實不油， 口覺沒有那麼膩，唯多吃後，鹹味變得稍為過濃，所以幾乎沒碰過沙薑。 珍肝鹽焗雞飯 白飯面層也沾上鹽焗雞雞汁，所以十分滋味！ 珍肝鹽

$52因為呢到出名鹽焗雞所以嚟到一定要嗌雞🙈個雞真係好入味嘅只不過我覺得太鹹😳食到最後頂唔順要用個湯幫佢沖涼🙊我諗以鹽焗雞嚟講佢係出色嘅但係食完之後都係好擔心自己嘅腎臟健康🤣

我諗係鰂魚涌附近或者北角返工嘅朋友，都會知道呢一間津津茶餐廳主要係食沙薑雞飯。因為每次經過都會聞到好香嘅味道，亦都會見到好多雞掛住喺門口。餐廳入面嘅環境，保留住六七十年代一種好古舊茶餐廳嘅感覺，非常之舊式 ，好似時光倒流二十年咁 。不過午膳時間就比較多人，需要搭枱，而且有唔少人都會嗌沙薑雞飯，或者珍肝飯等等嘅名物。同埋千祈要記得叫佢嘅老火湯， 金銀白菜豬肺湯，非常夠火喉，好好飲。鹽焗雞飯，飯身比較軟熟，可能因為淋咗醬汁嘅關係比較濕 ，雞肉就比較瘦，不過都有雞味，點埋沙薑醬汁撈飯食就剛剛好。

今日朋友話帶我去食鹽焗雞， 行到門口先知道係一間茶餐聽， 雖然門面較舊， 內裡都算乾淨企理。既然朋友話鹽焗雞好食， 我就即刻決定食鹽焗雞脾飯(碗) ($50), 因為驚雞件多骨， 雞脾應該會岩我多啲。 雞脾飯黎到， 好大碗， 真係唔駛加$2 轉碟飯， 雞脾已去骨斬件， 食得好方便。雞脾偏熟唔算滑， 但都唔鞋， 而且唔會出現血淋淋既情況， 食得安心啲。 雞肉咸香味岩岩好， 唔會過咸， 飯亦有點雞油味， 食到落底都有， 可能預先撈左啲雞油， 整體味道岩岩好。 平時食餸唔食飯既我竟然食晒成湯碗飯。朋友的推介果然唔錯！

金銀菜煲豬肺湯 $15- 下火，順喉暖胃- 5件豬肺，腍滑沒異味鹽焗珍干湯米粉- 湯底無味，類新開水- 腎爽；潤濃郁甘香，餘味久久不散*由朝做到晚，沒中場休息，隨時也可光顧

今朝要覆診抽血，零時起冇嘢食，九點去到西營盤人山人海，搞到幾乎十一點，噢！好肚餓。西隧貴舊隧塞，諗住行東隧，東廊途中灣去模範邨去好耐冇去嘅津津。泊車周圍都滿又搞一輪。話說好耐以前我仲係公務員嗰時，間唔中都要上堂，上襯都係嚟北角政府合署，若果有老世或一大班同事就通常飲茶，但若一條佬就一定嚟津津食鹽焗雞飯。次次都係座無虛席，所以真係只有一條佬嚟先插到針！今日卡窿時間嚟到所以先咁少人，仲嗌早餐？唔係啩？趁住就大壽一於食豪D：鹽焗雞肶珍肝飯、例湯。(一償永合隆冇雞什相思之苦)哇！您睇睇個飯，D珍肝真係滿到瀉咁滯，好在我膽固醇冇事，雞肶當然滑，而且又香又夠味。同永合隆撞湯，都係煲豬肺，不過津津係金銀菜 — 菜乾+白菜 — 而且除咗豬肺仲有豬肉，比較下津津個湯濃D合隆個湯清D，真係各有各好，有時鍾意艷麗有時又愛清純嘛。作為一個brunch，呢餐夠perfect！承惠72！係就係仲貴過永合隆，不過又食肶又加肝，係咁上下啦！

The salted chicken is consistently good here, by that I mean it doesn't stink or the texture of the chicken is relatively good.As for the meat, you get mainly bones and fat unless you ask for white meat which still tastes good.The sauce that is given is aromatic but personally I don't use it because the chicken tastes good without and it has a strong aniseed taste in the sauce.The organs were a waste or I got them when they were not that fresh because they were hard and dry.

星期六的晚上, 和老婆試了這茶餐廳.雖然說是茶餐廳, 但其實較有名的是鹽焗雞.今年是雞年, 因此想找一些和雞相關的菜式. 香港人愛吃雞, 吃雞的機會也很多. 要細想甚麼地方的雞菜式最好吃最難忘, 又真的很容易嗎?從鹽焗雞這菜式出發, 我在網上發現了這地方, 決定一試. 晚上約7時, 裏面卻沒有其他客人.鹽焗雞飯:雞鮮嫩, 微咸, 和白飯是絕配. 我叫的一碗飯, 不是一碟飯. 一口飯, 再配一件雞, 十分美味.另外叫了炒菜心, 熱氣騰騰的炒出來, 菜心亦鮮甜.結賬$90, 雞飯$35, 炒菜$55, 十分實惠.令我費解的是這裏主要做閒日午市生意? 為甚麼一家口碑很好的食店, 在週末晚上居然沒有生意? 以後如經過這區, 我應會想起這食店.

呢日朋友話帶我食一間佢好like 既野食去到店面似勁舊式既茶記，但d 客又好多都係食緊雞肉飯而唔係常餐果d wor跟朋友order 左個咸焗雞+雞腎飯（碗裝）碗仔size 細細，但裝得好滿。雞肉顏色油黃，雞腎切得細而有咬口，入口一陣咸香驚喜既係個白飯底，原來係咸油飯。唔似一般海南雞飯果d 勁油同深d 色，佢係睇落同白飯一樣乾身同潔白，但暗藏驚喜！埋單43, 大大碗，好抵好滿足

今次輪到屈小姐Training啦，到左賴生報飯恩既時候啦! 屈小姐問賴生lunch食咩好，賴生冒死搵左Mr.O幫手…好彩佢冇跣我啦😄😄! 今次呢間津津，Mr.O d食評大概話佢d雞有雞味，而鹽焗既味道唔止停留於雞皮表面，更滲進雞肉內層，所以獲得大家既好評! 而家就由屈小姐去試真d佢啦!呢間餐廳門面係比較舊式既茶餐廳，入面座位亦比較逼，得3-4張圓枱可以容納6個人一齊坐，其他都係比較窄嘅卡位，如果太多人食既，可能要等下啦! 而且lunch人都多，環境嘈d, 但冇所謂啦，有好西就得啦!賴生就全程遙距陪住屈小姐試啦，當聽到屈小姐點菜 … 「唔該，1碗鹽焗雞飯」，一聽就知佢肚餓啦同埋佢有小小期待! (1碗35蚊，1碟38蚊，唔連飲品)食完啦， 屈小姐勁開心，表示聽日都會食佢! 太好啦! Yeah! 屈小姐總結如下 (4.5星，單論雞既話5星)1) 雞超入味，真係做到將鹽焗味滲入雞肉內層! 而且雞肉好滑! 比起元朗過橋麵檔既咸雞更好食，更滑更入味2) 更重要既係，鹽焗雞既味入哂個白飯到，為白飯帶黎驚喜，就咁食都好好味，連屈小姐都話忍唔住會想食多d飯3) 同埋佢個沙薑都幾出色嫁，比起出面既少d油，

鹽焗雞飯.超水準的鹽焗雞飯😍 大多數的餐廳 只有層雞皮有鹽焗的味道 但這碗是皮連同肉都有😋 咸香嫩滑的雞皮好好食 肉也是不會乾柴 飯沾上雞油 加上另上的沙薑醬😈 下次再試雞腎 好像也很不錯!

最近比較煩　比較煩　比較煩煩到連六合彩都冇買 煩到連馬仔都冇玩總覺得日子一天比一天難捱唯有飲杯奶茶解下愁解下悶奶茶 係茶走練奶味道啱啱好 味道唔算太甜 茶係夠香 唔會太過苦 真係一杯傳統嘅茶走 係八十年代嘅味道 好好飲

珍干雞飯 珍干之所以稱為珍干，其實是雞的內臟，包括：雞肝雞腎 等等津津的雞內臟非常入味，雞腎爽口，雞肝夠軟身，鹽焗雞非常惹味。通常鹽焗雞都會焗得有點韌，但津津就做得比非好，又滑又入味。碟飯非常大碟，兩個女仔share就好好了。配以豬骨豬肺菜乾湯，湯好惹味，而且非常足料。湯夠哂大碗，好抵飲！

晏晝又來到津津 一坐低二話不說就叫咗個鹽焗雞飯 水準一如以往 每件雞包咬落都有鹹香 再加埋沙薑油 簡直係絕配 ^^ 食完一碟飯 仲想打包一碟走 期待下次再嚟過 ^^