泰·初夏

營業中

休息中

食物質素與價錢成正比，肉類可以，蝦片是最不推介，並不脆口，其他食物是正常香港泰國餐廳味道，冬陰功湯底不夠香辣，最失望是座位安排，早早訂了位置但安排在全場唯一一張二人枱，已經標注是慶祝生日，二人枱放了個火鍋剩下位置很少，要別很快清枱，也不敢叫太多東西怕放不下，明明到場到走的時候都有很多空位，因何要這樣安排？有兩對情侶都坐四人卡位，難道兩位男士就不值得坐卡位？食物質素中等，加上如此安排，應該不會再光顧。

食過幾次，其實野食不錯，但今次因為臨尾嘅服務令我覺得好無禮貌，決定唔會再黎食。我地晚上7點半入坐，食90分鐘，9點03分時有位姐姐黎話夠鐘，有禮貌的。咁其實我地都熄左火，只係食緊碗剩餘嘅食物，到9點07-08分，突然有另一個員工推架車黎執野，我本身以為佢係執走無用嘅碗碟，點知係清曬全張枱。客人未走，推架車係架黎清枱呢個行為我覺得係好無禮貌，你可以善意再叫我離坐，但唔係清枱，更加唔係係客人旁邊張廚餘湯汁倒落車。場內半個餐廳係吉枱，唔係需要咁趕客走掛？既然咁趕客，咁我地亦都唔會再黎。

復活節假期留港消費✨又去咗呢間泰式火鍋放題～～揀咗個120分鐘嘅$288一個人湯底揀咗冬蔭功同椰汁雞湯泰國味超級重有啲香茅同薑香葉味好濃郁不過又唔會好辣鍾意食泰國嘢嘅真係唔好錯過！個湯底同雞煲都未嚟就已經食到飽咗一半前菜冷盤有鳳爪，肉碎粉絲，青木瓜沙律熟食有沙嗲串燒，春卷，雞翼，豬頸肉等等加埋泰式奶茶，龍眼冰，各款綠茶凍飲⋯每款嘅味道都唔差，唔會揸流攤特別係個甜品椰汁西米糕真係大推！！最後飽到不得了都忍唔住食咗四舊😆邊爐嘅肉類有牛、豬、羊全部新鮮又乾淨，唔會急凍到冰又唔會太薄自助餐區都有齊基本配置仲有埋平時配生蝦嘅泰式海鮮醬特別個人推介係用泰式湯底食王子麵🤤其實選擇唔算得上係目不暇給多到試唔晒但整體加埋晒所有嘢真係好有泰味～爽！

天氣時熱時凍，但都無阻我打邊爐嘅決心🤣 中式邊爐打得多，今次搞搞新意思，試下泰式先，估唔到有驚喜😋今次揀嘅泰初夏位於荃灣愉景新城，網上好多好評👍🏻 入座前先揀套餐同湯庭，鴛鴦鍋都唔洗加錢，所以叫左椰汁雞湯鍋同冬陰功鍋，2個湯庭都好有泰式風味，酸酸甜甜，食之前飲多幾碗都唔怕😋 呢度除左出名打邊爐外，仲有得食雞煲，雞煲都係泰式風味架，比起中式嘅無咁油膩，食完都唔會好漏😁除左打邊爐配料任食外，餐廳仲提供各款泰式小食任叫任食，我最推介各款串燒，肉質燒完外脆內軟，點埋沙嗲醬勁惹味！大家一定要留肚試哂咁多款呀😁

假期同朋友去咗呢間位置喺荃灣愉景新城2樓角落位置嘅任食泰式火鍋店，價錢公道，食物質素有驚喜，絕對會再encore。揀咗佢哋嘅set B，雞煲+火鍋一次滿足。雞煲可揀辣度，雞肉都算夠嫩，佢哋嘅泰式醬汁酸酸甜甜咁幾特別。食雞煲同時仲可以旁邊打邊爐，揀左冬陰功湯同椰汁雞湯，冬陰功酸辣夠晒醒胃，椰汁雞湯就夠香夠清甜。一次過點咗四款肉類精選牛板腱、澳洲250日穀飼牛卡樂Beef、西班牙豚肉片、當中最正係嫩滑牛板腱。自助區：多款打邊爐配料、冷盤小食、炸物、蔬菜、各種丸類，任食來講選擇算幾多。小食：有各種泰式小食同沙律。甜品：有千層糕、椰汁西米糕、芝士餅同雪條雪糕。飲品：飲品選擇非常之多，有各種茶品、泰式飲品、梳打等，叫咗椰島雪香同柑桔檸檬。泰·初夏 (荃灣)荃灣青山公路 - 荃灣段398號愉景新城2樓2030號舖

一行5個人第一次去呢度試限時邊爐一開始揀左兩個湯底 點知開完枱侍應姐姐話可以2個鴛鴦鍋 一共叫左4個湯底（沙嗲，椰子雞，辣蕃茄，冬陰公）超推介沙嗲湯 超濃厚花生味仲有冬陰公湯 唔會太辣 淥丸同肉非常入味熟食仲可以order 串燒牛串燒勁好食 叫左幾round !食到一半加湯 鋪頭勁有心加番原本湯底 唔係溝水/ 雞湯讚👍🏾飲品多種類 仲要任叫有泰式奶茶 椰汁 港式檸茶座位間都好舒服 5個人一張大卡位 完全唔逼100% 放題 無呃人下次再黎

荃灣任飲任食和牛雞煲火鍋 可能係我食過最高質嘅泰式火鍋放題 見到OpenRice上面如果叫C餐都有85折優惠 可以上去睇睇.今次試吓D餐有咩食？$358位/90分鐘 $398/120分鐘首先送—客好惹味嘅⭐️鮑魚火焰蝦會係你面前點火 相當有霸氣🔥⭐️Thai皇海鮮桶 隻龍蝦都好厚肉炒到連蝦殼都好香😋 2款海鮮都好好食當然唔少得任食⭐️招牌泰式雞煲油脂分布好靚嘅⭐️日本A4和牛其他肉類選擇都幾多 雞牛羊豬都有齊今次湯底選擇咗⭐️鴛鴦湯⭐️冬陰功湯底 ⭐️椰汁雞湯底兩款湯底都唔錯 比較鍾意冬陰功湯多啲 落咗幾多香料 如果落多兩隻蝦落去煮下個湯會更加甜🙈幾多款泰式小食 仲要幾高質例如有⭐️豬頸肉⭐️沙嗲雞牛豬串⭐️泰式豬手⭐️連海南雞飯都有外面有自助區拎火鍋配料 甜品 雪糕 雪條 炸物但我最鍾意係⭐️泰式千層糕 ⭐️椰汁糕.整體任食日本A4和牛都容易回本各款泰式小食甜品 選擇好多 重要高質難怪晚市都keep住好多人爆場.#泰初夏 (荃灣)地址：荃灣青山公路 - 荃灣段398號愉景新城2樓2030號舖.（記住Like同分享 係我繼續出誠實記錄動力 感謝支持🙏🏻）

今日帶阿仔去荃灣愉景新城玩，咁玩之前緊係要食下野，今次試左泰·初夏佢哋嘅雞煲+牛板腱火鍋放題！湯底方面，冬陰功湯底酸辣醒胃，椰汁雞湯底香滑濃郁，啱晒鐘意泰國風味嘅朋友！值得一題既佢地個雞煲係分開上真係可以一路打邊爐，一路食雞煲佢既雞煲嫩滑 juicy，唔會過老，再配上泰式風味，都真係幾好食！佢既牛質素亦都不錯，牛板腱同卡樂Beef 肉質細嫩，配埋泰式嘅湯底，真係醬汁都唔洗點都好有味！而且佢火鍋配料選擇多樣化，蔬菜、丸類齊全，加埋濃厚湯底，滋味十足。仲有泰式串燒，豬頸肉等等order, 真係滿足咗唔同人嘅需求！佢既飲品有多款特色飲品供選擇，例如泰式、梳打、港式飲品等等，飲落清新解膩又有特色，perfect搭配火鍋餐！環境方面，餐廳裝修簡約舒適，完全適合朋友聚會或者家庭聚餐既地方！

近來越來越多泰式自助火鍋店，最近去咗係荃灣嘅泰初夏，一個價錢可以同時食到雞煲同火鍋，點鴛鴦湯底也不用另外加錢，又幾好喎，今次點咗B餐嘅泰初夏之雞煲＋澳洲M7牛胸腹火鍋放題！🥘冬蔭功 + 椰汁雞湯底食泰式火鍋就必點冬蔭功湯，酸中帶點辣，食材充滿泰式風味；椰汁雞則較溫和點，唔食辣嘅朋友啱哂🐔雞煲可自選辣度，醬汁惹味，加埋多款香料炒得好香口，也可以添加不用加錢🥩肉類都幾多選擇，有牛板腱，牛胸腹，卡樂Beef、豬梅片、滑雞、羊肉卷等，質素比預期好，牛肉香氣突出，牛胸腹最為嫩滑，牛板腱則較有咬口仲有多款泰式小食：沙律、串燒、炸物、甜品、飲品，串燒有豬牛雞三款，沙嗲醬很香濃！甜品必食椰汁西米糕、千層糕，香甜而不膩！飲品有得點泰式奶茶、椰島雪香、青檸梳打等，仲有得揀港式飲品，選擇都幾多！

🔸雞煲＋牛板腱火鍋放題  $288/120分鐘火鍋放題食足兩個鐘，可以畀到你獨特嘅泰式自助餐體驗，鮮牛肉即刻滾熟，香甜入味，令人垂涎。入席即加送一個雞煲，你可以要加辣或走辣，雞件都係雞脾肉，用大量香葱燜焗十分香口。火鍋生料選擇豐富，今次揀咗：M7牛胸腹｜牛板腱｜牛胸爽｜卡樂Beef酒嫩雞件｜西班牙栗飼豚肉片↑幾味肉類，最正嘅都係 好有牛肉鮮味嘅牛板腱同帶有大理石雪花紋嘅M7牛胸腹，因為肥瘦肉交雜，即使烚耐咗口感都唔會柴。｜蝦滑｜墨魚滑←兩款魚滑都好好味，encore咗三次湯底揀咗沙嗲同莞茜皮蛋組合，即滾即食，肉質香甜鮮嫩，尤其是牛胸腹及牛板腱，讓人回味無窮。自助區仲有多款火鍋生料蔬菜任拎-🔸泰式熟食及沙律泰式雞牛豬串燒｜炸牛丸木瓜沙津｜泰式鳳爪｜泰式雞卷｜炸春卷泰式串燒嘅水準都不錯，牛豬雞三款肉都好入味而且肉質鬆軟，搭配濃郁沙嗲醬，叫人忍不住再來三串。炸牛丸相當和味，最好即上即食，熱辣辣 一口咬落爽滑彈牙爆出牛肉汁。-🔸甜品千層糕｜西米糕｜大板雪糕杯韓國出品嘅MALONO雪糕條係必試，有驚喜，你估唔到自助餐任食嘅雪糕都有噤正，有鮮果味又唔會太甜。仲有泰式糕點用草葉包住嘅西米糕，微甜微咸

打邊爐個湯底真係好重要 所以一直都想試下泰式邊爐今次就揀左呢間位於愉景新城嘅泰菜餐廳餐廳裝修好有泰國feel 座位都闊落舒適🏝🔥 雞煲+牛板腱火鍋放題 ($278/120分鐘)雞煲可以自選辣度(唔辣/小辣/中辣/大辣)估唔到雞煲都係泰式風味 食落酸酸辣辣 十分惹味😋火鍋我地揀左鴛鴦湯底：椰汁雞湯底+冬蔭功湯底兩款湯底都有好多香料 味道唔錯其中椰汁雞湯嘅椰奶味都幾出👍🏻入座無耐 店員就會先上哂套餐嘅任點肉類各一碟包括有：牛板腱、卡樂Beef、豚肉片、牛胸爽、M7牛胸腹、羊肉卷、酒燉雞件可以試過之後再落單encore🙂‍↕️我自己就最中意牛板腱同M7牛胸腹 兩款肉味都好濃郁羊肉卷帶有少少膻味 都唔錯餐廳嘅自助區企理整潔 有好多款丸類、蔬菜、醬汁仲有炸物、泰式沙律、蛋糕仔、泰式甜品等等其他任點嘅食物飲品都可以用QR code落單種類真係超級多！😍除左有生餃、蝦滑、墨魚滑之外泰式熟食都可以任點熟食方面 串燒同豬頸肉都烤得十分焦香 必點！❤️飲品都有好多款 就連泰式特色飲品(泰式奶茶、龍眼冰等)都係任飲😳呢個價錢又有雞煲食 又有邊爐打 真心幾扺仲有咁多款食物同飲品可以任點而且食物質素都好唔錯 有部分

今次來到荃灣愉景新城的「泰•初夏」，他們主打泰式火鍋放題及泰式料理，其中更有15品-26品（4款套餐可選擇），食物種類都不少泰式小食，沙律，火鍋配料，甜品、飲品…等等…而自選湯底亦有五款可選擇，包括：冬陰功湯底、沙嗲湯底、椰汁雞湯底、泰式清湯底、芫荽皮蛋湯底，真係總有一款啱你！今回便嚐了16品 - 泰•初夏之雞煲澳洲M7牛胸腹火鍋放題！椰島雪香椰奶香濃，上面還加了點燕麥，口感甜美，淡啖椰香，非常合適火鍋飲用！雞煲先來送上一煲香噴噴的雞煲，雞肉肉質嫩滑，掛滿了惹味醬汁，香口濃郁。鴛鴦湯底，可選下兩款不同口味的湯底：沙嗲湯底味道濃郁，椰汁雞湯底滋潤順口，真的可慢慢享受一下！再來當然要他們多款肉類，每款都色澤鮮明，非常新鮮，卡樂Beef：略帶油花牛味、牛味濃郁；牛板腱豐富油花，清爽軟腍；牛胸爽非常爽口，而不油膩；西班牙栗飼豬梅片油脂均勻，口感鬆化。再來便是他們一系列的火鍋配料：貢丸、芝士腸、牛柏葉、枝竹、香菇、粟米、金菇菜、娃娃菜、油麥菜等…真係可以拎哂番位，慢慢歎！（真係食幾多拎幾多，唔好浪費）當然唔少得他們的泰式小食：沙嗲牛/豬/雞肉串、豬頸肉，還有一些特色泰式鳳爪、炸雞翼、木瓜沙律等，

雞煲火鍋放題食得多，但係今次去呢間主打泰式嘅真係未食過😋$278就有雞煲食，加上120分鐘牛板腱火鍋放題！湯底揀咗泰式經典冬蔭功湯及椰子雞湯，冬蔭功湯仲可以揀唔辣Tim岩晒唔食得辣嘅人啦！放題提供8款肉，包括牛胸爽、牛胸腹肉、牛板腱、豬肉片、鮮雞肉全部都可以任食！一入去坐低當然由前菜開始，除咗有炸雞翼普通野外，有泰式沙律、泰式鳳爪都好好味🤤除咗雪櫃任拎嘅肉丸，仲可以掃code落單，有蝦滑、墨魚滑，特別推薦嘅係一系列多款泰式特飲，因為唔係好多放題餐廳有ma。我就叫咗一杯龍眼冰，食完辣辣地冬蔭功食返啖即刻舒緩下。

今日我同朋友去到泰 初夏食飯，依間餐廳主打泰式菜式，餐廳位於愉景新城，位置都幾方便。我今次就叫咗任食火鍋套餐，有少量熟食，以及可以任叫牛肉同豬肉。雞煲可以按自己嘅喜好要求雞煲嘅辛辣程度，雞肉調味調得好入味，入口酸酸辣辣，非常之惹味。雞肉串雞肉處理得非常香脆，但肉汁偏少，配埋沙嗲醬一齊食，味道都唔錯。豬手豬手肉質軟腍，調味調得幾腍味，啱晒鍾意食豬肉嘅人。牛肉片牛肉片嘅質素正正常常，但由於我點嘅湯底係冬陰功湯底，牛肉吸收咗冬陰功嘅香味之後，味道唔錯。豬肉片呢個肉片反而冇乜特別，肥瘦分布尚算平均。飲品方面呢度有唔少嘅泰式飲品，亦都有港式飲品提供，所以選擇都幾豐富。整體嚟講，我覺得今餐嘅價錢唔算貴，令我最印象深刻嘅係今日嘅串燒同埋豬手。

最近與好友吃了一頓豐富的泰式大餐犒勞自己。這是一家以泰式風味為主題的餐廳。餐廳的環境寬敞，桌子之間的距離很適中，不會有壓迫感。我們選擇了$278雞煲加牛板腱火鍋放題餐，價錢方面不太貴，而且食物選擇都挺多。泰式火鍋湯底：冬蔭功與泰式清湯我們選了兩種湯底，一個是經典的冬蔭功湯，一個是比較溫和的泰式清湯。冬蔭功湯的味道真的太驚艷了！酸辣的湯底裡滿是檸檬葉、香茅和南薑的香氣，喝一口湯，瞬間就被那股濃郁的泰式風味打動。辣度剛好，酸香味更突出，特別開胃。而泰式清湯則完全不一樣，湯底帶著淡淡清香，味道很柔和，喝起來特別舒服，適合不太能吃辣的朋友。餐廳的肉類選擇豐富，我們嘗試了牛肋肉、牛胸爽、酒嫩雞件、豚肉片、M7澳洲牛胸腹和牛板腱。每一種肉質都相當新鮮，特別是M7澳洲牛胸腹，肉質鮮嫩多汁，令人回味無窮。牛肋肉的油花分布均勻，燙煮後口感更是滑順。酒嫩雞件的鮮美與豚肉片的香氣也讓我們讚不絕口，搭配湯底更是完美。雞煲有香濃泰式風味，雞肉嫩滑，味道帶點酸辣。蔬菜區也很新鮮，尤其是金針菇和西洋菜，煮在湯裡特別吸味。除了火鍋，這裡的小吃也是一大亮點！我最愛的就是泰式燒烤豬頸肉，燒烤得外焦內嫩，搭配青咖喱真的絕了