泰鳩 (已結業)

星期日下午，響旺角行街睇戲之後，特別肚餓🤤一向都有選擇困難症，想食港女high tea，又想食鹹點同香口野！同朋友一行二人決定到呢間位於旺角油麻地的人氣泰國菜館嘆個泰式下午茶，順便打打卡📸一直好想試下個Tea Set for Two，$238/set，真心好抵！但供應時間只有3pm-5pm，所以未有時間試，今次機會終於來了Tea Set 同一般high tea 唔同，唔會側重甜品，鹹點有魚餅，蝦餅，豬頸肉，春卷，青芒果大蝦沙律，串燒4串，份量超多！特別喜歡春卷，入口鬆化，好想encore!至於Tea Set 甜品，由於其中兩款暫時賣完，所以職員提出轉成王牌芒果糥米飯，作為泰菜愛好者當然好滿意啦無論份量，味道，環境，我和朋友都十分滿意，渡過了一個悠閒星期日下午。

食物多選擇🤤 餐廳環境舒適，服務態度好～ 性價比高既餐廳🍴💕 🍽️香茅豬扒撈檬 豬扒夠大塊🤤好香好又好食～撈檬汁好Juicy♥️大大碗好飽肚！個餐可以加小食 就叫左碟春卷 好香脆 配泰式甜辣醬 唔錯👍🏻餐飲加 +HK$13 轉咗杯特飲椰香斑蘭咖啡☕️ 椰香陣味好出👍🏻

最初諗住不妨一試心態入去，坐低冇耐就發現環境裝飾好有心思，食物種類好多選擇，當中生蝦刺身尤其出色！火山骨肉質鮮嫩，特別要點汁一齊入口味道又有另一番風味😋老實講，我對泰國菜印象一直麻麻，特別係價錢，以往食開真係貴，而且交行貨，但係呢度基本上我可以唔太睇價錢點菜，而食物味道真係算唔錯，所以食得好開心😃😃不過唯一缺點係有幾樣食物太快賣晒（夜晚七點幾）例如軟殼蟹，大頭蝦等等，如果佢哋入定多啲貨就最好啦！侍應都有禮貌，而且有耐性，可以值得再試！

呢間由Mirror嘅Lokman、Alton同Error嘅阿Dee開嘅泰國餐廳，一直都想去試，呢日夜晚去到，果然好多Fans捧場🤣🤣，個個都拎住個公仔合照🤷🏻‍♀️，但我就想食野多啲😁❣️秋葵生菜包 $88味道唔夠辣🌶️同酸，味道偏向港式，最特別之處係加左炸嘅秋葵，食落會有脆脆嘅口感🤓❣️海南雞飯配春卷 $79海南雞同春卷係正常味道，有得揀配椰絲飯，咁就梗係試吓啦，但係就冇咩特別，食到椰絲嘅飯咁😂😂❣️香茅豬扒撈檬配魚餅 $79香茅豬扒都係正常味道，份量都幾多🙂❣️薄餅2件 $38真係唔似普通餐廳食嘅薄餅😂，呢塊有啲乾，乾到似塊乾酥餅咁🤨❣️沙爹雞/牛串各3串 $92串燒普通，冇咩肉汁，size都較為細串🥸❣️馬拉盞通菜 $72呢個真係完全食唔出馬拉盞嘅味道，似普通炒通菜🥸❣️椰汁西米糕/千層糕 $15@2件冇咩特別，見套餐有得加配就試吓🤪❣️椰青 $48❣️荔枝梳打/青檸梳打 $38飲品都係普普通通，味道偏淡🥸🏦是次消費總額 $640.2（人均消費 $160） 🍴須加一服務費👅好味度：7.5（10分滿分）真係偏向港式嘅泰國菜，唔係話難食，但又唔係特別好食同驚艷🤪，可能真係明星效應😂😂

今次一班人試咗海南雞飯/蟹肉炒飯/泰式豬手飯/泰式蝦炒金邊/冬陰功海鮮湯麵。 最驚喜係青咖哩雞麵， 係出面好難食到餵麵，午市經濟套餐🤭， 除咗有足夠一人份量餐飯， 仲包埋冬陰公湯 & 凍飲 + 甜品 （ 加選椰汁糕係我心水必推介）。仲額外叫咗隻燒雞同埋豬頸肉， 燒雞超嫩滑又多汁！ 🤤飲品： 泰式奶茶， 夠曬香滑濃，但唔會過甜。班蘭奶茶，香醇嘅班蘭味！ 🤤仲有久違既經典手工菜， 鮮魚皮都有得食， 超開胃有野味。一定會再幫襯，期待下次試埋勁量級BBQ.

適逢年廿八同班friend八點幾去食，年廿八呢個時段忙着收爐想快啲收工我理解，但係事前Booking咗你啲餐具都可以比唔齊。六個人去食得三隻匙羹，其中一道餸嗌咗個炒飯，冇匙羹叫你啲員工比，你俾隻湯羹我做乜春？重要用好肯定嘅語氣同我講係匙羹，可唔可以教吓我點樣用湯羹食飯。嗌咗個冬陰功湯碗又冇，乜都自己搞，完全冇招呼。更加唔好提食物質素只係可以講係過得去，六個人人均都食咗二百幾蚊，冇咩邊道餸稱得上好食，慢煮牛肋骨老到好似牛肉乾咁，炒飯炒河都冇咩味道。總括嚟講未算真係好差，但真係冇咩特別，價錢都唔平，食完一次就算。

之前Office喺旺角，早午晚都有好多餐廳可以揀，除咗因為老闆們，呢度嘅食物的確性價比高，而且都幾多選擇😻🍝泰國菜之中，其中一樣我最鍾意嘅就係「#泰式蝦炒金邊粉」🤤 酸酸甜甜嘅炒金邊粉，再加上蝦🦐同其他配料，既開胃又飽肚😋🥙#秋葵生菜9包：其實我一向好怕食生菜包，因為比韓式烤肉更容易食到周圍都係🤣 適合用嚟送飯，同埋鍾意食重口味嘅朋友應該會啱食😉🐔食泰國嘢都會想食吓咖喱，我哋揀咗 #紅咖喱雞 配 #蒜蓉法包 😛 呢個配搭一流，雞嘅份量比想像中多，算係抵食👍🏻🥘同場加映一次食Lunch叫咗嘅 #青咖喱～味道偏甜，唔算太辣😺 呢度食晏其實係好抵，60幾蚊有個餐包嘢飲；相比起同區求其一間好唔好食嘅茶記，啲茶餐平均都要$5X，呢度真係抵好多🥹下次一定會再嚟試多啲其他嘢😊！！

Mirror、Error熱潮的強勁不用多講！今日陪鏡粉朋友出旺角，來到這間由成員Lokman、Alton和Dee開設的泰國菜餐廳「Thai Kau」。餐廳裝潢以藍、黃2種顔色為主，幾有特色。$69的假日午巿套餐連飲品，可以說是相當抵食！泰式豬手大碟，肉質煮至軟腍入味。不過空口吃的話，味道會有些偏鹹。但若把豬手配以白飯同吃就剛剛好。碟中還附有酸菜，既可以用來佐飯，又能夠減少豬手到喉的油膩感。燒春雞即點即焗，所以等侯時間較久。以半隻原隻上枱，餐廳會提供刀叉或手套供食用。春雞皮烘至香脆，雞肉滑嫩juicy，味道很香。薯條份量很多，入口果真有香茅味，十分特別。不過由於薯條放在春雞下，有部分會被雞肉滲出的油脂浸淋了。加$15享用的甜品，千層糕層層分明，質地煙韌Q彈之餘，又帶軟糯感。入口甜度適中，咀嚼間充滿斑蘭和椰汁的香味。被名字所吸引而點的特飲。所謂翠綠湖，其實就是由斑蘭、椰奶、鮮奶3款食材沖調而成。每一口都是幼滑口感，帶著濃郁的斑蘭椰香味。

‼️ 𝐌𝐢𝐫𝐫𝐨𝐫 𝐋𝐨𝐤𝐦𝐚𝐧、𝐀𝐥𝐭𝐨𝐧及𝐄𝐫𝐫𝐨𝐫 𝐃𝐞𝐞 𝐠𝐨𝐫 餐廳‼️•① ［ 肉 碎 蝦 膏 炒 河 ］| 連埋冬陰公湯(oˆ罒ˆo)炒河少辣，份量足夠。香料味十足～｜𓋪7/10·② ［ 冬 蔭 公 豬 頸 肉 炒 飯 ］ ｜覺得呢個好食啲^^冬蔭公味突出，豬頸肉份量亦多。炒飯炒得入味:3 |𓋪 7.5/10·③ ［ 翠 綠 湖 （ 𝐏𝐚𝐧𝐝𝐚𝐧 𝐋𝐚𝐭𝐭𝐞 ) ］｜椰子味突出不過整體偏甜。|𓋪6/10

顧名思義，好想試吓啲嘢食有幾咁9。可惜失望嘅係🤣🤣唔9之餘，仲要幾好食🙊有啲失望囉😆平日夜晚去食，眼見8點後開始多人，餐廳位置唔算多，坐滿晒，仲有露天位置，感覺幾chill。店內坐椅用藤織，帶點海邊風，枱面是鮮色黃階磚，明亮光猛帶出夏日感覺。店內都是用QR code落單，online menu比實體menu多選擇啲，好多都想試😋點咗推介👍🏻👍🏻嘅主打泰9拼盤($192)、冬陰功湯($108)、泰式蝦炒金邊粉($88)、芒果糯米飯($78)，埋單收加一。泰9拼盤($192)🥰等左15-20分鐘先炸起，以藤籃盛起，上枱時熱辣辣，蝦餅、魚餅、雞翼都炸等金黃鬆脆，唔會太鹹，都係油左啲，但食炸野預左。推介：🐾🐾🐾🤍🤍價錢：🐾🐾🐾🤍🤍味道：🐾🐾🐾🐾🤍賣相：🐾🐾🐾🐾🐾冬陰功湯($108)正常發揮👍🏻😋有蝦、青口、魷魚、蕃茄仔等配料，味道酸酸鹹鹹少辣，開胃惹味，不過好快凍。推介：🐾🐾🐾🤍🤍價錢：🐾🐾🐾🐾🤍味道：🐾🐾🐾🐾🤍賣相：🐾🐾🐾🤍🤍泰式蝦炒金邊粉($88)都係正常發揮👍🏻😋配料都足，不會太鹹或油，食到有蝦肉、煎蛋、雞肉、豆干等。推介：🐾🐾🐾🤍🤍價錢：🐾🐾🐾🐾🤍味道：🐾🐾🐾🐾🤍賣相：🐾🐾🐾🤍🤍芒果糯

Mirror同Error Fans又一集中地🎵!! Lokman、Alton、Dee Gor三位好兄弟合資開嘅泰菜餐廳🇹🇭，餐廳裝潢簡約，走東南亞風，空間都算幾開揚，更設有室外位置🏖️，適合一大班朋友嚟開party。·Lunch Menu $58起，有16款泰式粉麵飯類選擇，好似海南雞飯🐓、泰式金邊粉🍝、泰國船麵🍜等等，套餐會包一杯冷熱飲品，+18可以轉特飲🍹，仲可以加錢另加小食。·♡ 至尊牛船河 HKD$62船河個湯係偏向鹹香味嗰種😚，唔係甜湯嗰隻，配料份量都唔少，有牛肉🥓、牛肉丸，建議揀河粉會更吸湯呢。·♡ 肉碎蝦膏炒河 HKD$62食得出有蝦膏味🦐，都算炒得有鑊氣，河粉好深色，鹹香味道偏重，感覺有少少重手咗😆。·♡ 春卷4件 跟餐+$18炸得好酥脆😋，內餡有粉絲同肉碎，不錯啊～·♡ 香茅雞翼 跟餐+$18炸到脆卜卜，咬開外皮索索聲🤗，仲爆汁。·♡ 泰式奶茶 轉特飲+$13食泰菜必飲啦👍🏻，一貫的香甜味道，正常發揮。·♡ 椰香斑斕咖啡 轉特飲+$13估唔到斑斕同咖啡味道幾夾🌿，唔會好甜。·📍旺角彌敦道558-560號譽發廣場4樓

平時去開大埔，小欖燒野食。但近年好多都執左。意外發現旺角都有得燒野食。即刻去試下。4-6人套餐分量6個人都食唔完。要打包拎走。套餐入面既海鮮同魚都幾新鮮。燒雞果啲自己搞唔掂可以搵廚房整埋出來。可以燒野食又可以食返本身既泰國野。燒野食飲沙凍冰真心爽既。係啲牛扒，豬扒既質地有少少難咬，豬頸肉就都ok。。服務都幾helpful。幫手開爐，拎野，出野果啲。 最緊要食完落樓。旺角極方便返屋企。唔使大西北出返九龍，港島。。

嚟過三次，第一次係晚餐，跟住兩次係午餐，希望食物水準平均至真係寫食評。第一次嚟試晚餐嘅餐單覺得選擇其實唔多，反而午餐嘅餐單以及價錢比較吸引，所以至來試第二次。個人覺得海南雞飯係抵食嘅，除咗雞嘅份量唔少，仲有一碗細細碗嘅冬陰功湯，味道非常唔錯。飯唔係雞油飯，而係椰子飯，食上去冇雞油飯咁油膩。烤春雞感覺上比較乾；媽媽試咗羊扒，羊扒份量兩件唔算多，但係咖喱汁同蒜蓉包就好好味。而且最近去見到佢晚餐都開始出套餐，79元都好抵，應該會比我第一次去嘅時候更加抵食，選擇更多，感覺到餐廳係想有改善增加客源。你唔好當佢係明星開嘅餐廳，就以一般餐廳去理解都係一間值得食個快靚正午餐兼唔收加一嘅地方。

聽講呢度係Mirror同ERROR一齊開嘅泰式餐廳🇹🇭嗰日經過一心打算黎食lunch碰碰運氣， 睇吓遇唔遇到到明星👩🏻‍🎤但係點知比我遇上性價比高嘅泰菜！🦐🍜😋🥡呢度有室內同室外，室外景觀都幾開揚， 聽講仲可以包場， 搞聖誕party 啱晒！🍭Thaikau拼盤 $188 🥘蝦餅、魚餅、春卷、冬陰公單骨雞翼、牛串、雞串，好豐富每樣食落口好香口， 如果夜晚同friend一齊嚟食，送酒一流🍻泰式蝦炒金邊粉套餐 $75🍝 午市套餐有好多款 選擇， 一個餐包咗煮食同嘢飲都唔使$100， 喺鬧市餐廳嚟講，性價比十分之高👍🏻金邊粉內有好多芽菜，韭菜，紫蔥，豆腐乾，花生同泰式辣椒，旁邊仲有兩隻蝦。芒果糯米飯 $78 🥭芒果糯米飯有糯米同紫米🥰🥰 芒果大大件，配上椰汁，甜酸可口🤤🤤除咗食物之外，更加值得一提嘅係呢度嘅特色飲品🧉🧋有唔同嘅水果梳打，如荔枝梳打、菠蘿梳打，鐘意飲咖啡嘅更加可以試下佢杯椰香斑蘭咖啡☕都係一般泰國餐廳中少見嘅飲品🥤。

泰九鳥最近明星餐廳越開越多，有人話明星餐廳又貴又難食，今次我就嚟到呢間由DeeGor、Lokman同Alton開嘅「泰九鳥」泰國菜餐廳，午市套餐都係$69起， 最近佢哋做埋戶外「泰九鳥燒烤」，雖然餐廳叫「泰九鳥」，但食物質素一d都唔九鳥，大家如果行開旺角諗唔到食咩不妨去食，輪椅人士都可以嚟，位置超方便！1.菠蘿海鮮炒飯 配冬陰功湯（迷你）+熱咖啡$69+椰汁西米糕（2件）$15（9/10）呢碗菠蘿海鮮炒飯炒得好有鑊氣，飯炒到粒粒金黃，面上仲鋪滿好多肉鬆，其他配料仲有青口，蜆肉，腰果，2隻蝦仁，魷魚，提子乾，菠蘿粒，炒蛋等。冬陰功湯：雖然細碗，但用料十足，有菇有蜆肉， 酸酸辣辣，好飲！椰汁西米糕：椰汁味夠濃，下層似凝固咗嘅西米露，甜到啱啱好！熱咖啡：正常好飲！2.泰式蝦炒金邊粉 配冬陰功湯（迷你）+凍檸茶$69+千層糕（2件）$15（9/10）呢碗炒金邊粉好正宗，酸酸甜甜再好少辣，粉炒得夠乾身，份量都多，旁邊仲放咗花生粒同七味粉比你揀撈幾多嚟食，如果覺得唔酸嘅話，仲有半個青檸比你滴d青檸汁落去食，配料有2隻好彈牙嘅蝦、雞肉、切咗片嘅豆腐乾，洋蔥，蔥，牙菜，蛋，蕃茄仔等。冬陰功湯：雖然細碗