影片
以上資料只供參考, 請與餐廳確認詳情
今天同朋友一齊嘗試左大圍呢間泰國餐廳，感覺不錯。我地一行二人共點了三道菜: 馬拉盞炒通菜、海南雞飯、泰式炒金邊粉。馬拉盞炒通菜: 味道略鹹，個人認為可以落少一點調味。而且友人唔食得辣，對佢黎講，辣左小小甘多菜亦嫩口彈牙，岩岩好泰式炒金邊粉: 金邊粉略為唔夠乾身，而且蝦肉太老，失去彈牙的感覺。整體味道酸酸辣辣，個人來說還算可以，但見友人唔系太喜歡，因此只覺得是OK而已。海南雞飯: 飯粒「粒粒分明」，但稍為有啲太乾身喇今次而家飯本身冇味只是海南雞救回呢碟飯，肉質嫩滑，而且好有雞味。雖然尚有改善空間，但屬於OK之質素。每道菜平均只系$48餘元，尚算抵食。令人有所微言既，大概只係飲品類型不足。青檸梳打亦只是汽水加一片檸檬 (冇錯，只系一片)。
繼續閱讀
唔好評論環境同裝修，因為我哋係一早知呢間餐廳係點，所以no expectation！ 我哋叫咗：蒜蓉炒椰菜苗 上次食過好好食, 今次好祈待, 第一個叫就係呢個餸。點知拎到埋枱見到碟菜唔夠蒜蓉, 所以叫伙記拎入去加番多啲蒜蓉, 同埋啲椰菜苗唔夠嫰, 今次真係好失望泰式炒金邊粉 呢個食過好好食, 所以今次再叫, 但今次無上次咁好食, 啲粉炒得唔夠乾身, 未有上次咁夠鑊氣, 裡面啲蝦就落得太多梳打去醃泰式煎蠔餅 如果要跟潮式蠔餅相比... 佢呢隻泰式蠔餅真係太多粉, 一大塊蠔餅, 得五六隻蠔, 粉估嘅比例太多... 但勝咗夠脆夠熱串燒：兩串牛舌 <= ok 兩隻蟶子 <= 老咗啲一隻蠔 <= 唔新鮮但係邊有泰式串燒唔係用爐燒，燒燒下改用微波爐叮？因為我哋坐喺燒烤果個女人旁邊, 睇到晒佢燒烤嘅過程, 見到佢燒燒下夾起放入去微波爐度叮, 就問佢點解咁做? 佢話... :"果個電燒爐唔夠力, 驚燒啲嘢唔熟!!"甜品/飲品： 想飲椰青… 無 兩杯青檸soda 點知 原來佢用 雪碧 加 一片青檸, 咁叫soda咩? 一罐可樂一個芒果糯米飯 喺街外面食過咁多次芒果糯米飯, 都未見過好似佢呢間咁細碟, 無兩種色嘅糯米不特止... 果舊黑糯米... 又係用微波爐叮熱比我哋食, 啲黑糯米又硬又乾... 個心仲要唔熱 =_=" 兩個大人、一個細路合共… $388食啲咁嘅嘢都百幾銀each，下次都唔使旨意再幫趁 ！
繼續閱讀
呢日我地一家一行５人好準時19點去到，原來店子都幾細，有樓上，不過係For大枱多人先有得坐，店子地下裡面有２張枱，我地被安排坐地下，對住個電燒烤爐，都幾煙下。係我地揀野食時，都見到好多人行經搵位或外賣，估唔到間野咁偏僻都幾多人食喎~~ 係我地之後來的客人都被安排坐係路邊，係突登開張枱比佢地坐嘅，鋪隔離同對面街都有添。今次我地一定要媽咪發板想食乜就叫啦，諗吓望吓終於揀咗以下食物：- 青木瓜沙律 ($58)- 炸蝦餅 ($58)- 沙嗲雞x5 ($45)- 冬陰海鮮湯 ($55)- 燒烏頭 ($99)- 泰式炒金邊粉 ($45)- 芒果蟹肉飯 ($58)- 燒魷魚鬚 ($18)= $436當然呢個＜青木瓜沙律＞係我必選嘅，我主要係食佢架喇，最愛呀！呢個好快就上枱，睇表面似是好正宗，味道是對了，夠辣但少了魚露同檸檬味，得個辣字；青木瓜份量勁足，小蝦米又好多，可是冇咗車厘茄，花生碎同蒜頭都偏少。＜炸蝦餅＞貌相一般，眼見好似得個殼咁，但食落粉漿鬆軟蝦膠爽口且彈牙喎，唔錯。＜沙嗲雞＞睇住佢係隔離即叫即燒，熱辣辣，沙嗲香濃惹味，雞肉大大舊肉質鮮嫩，都ＯＫ。每次食泰國菜都會叫冬陰公嘅，呢次有款＜冬陰海鮮湯＞，就睇吓有幾海鮮先？海鮮配料都幾豐富，有蝦、青口、番茄、墨魚、草菇等等，湯味不酸亦不太辣，但味道不太濃，一般喇。 當媽咪一見到有燒魚，因為即燒要等船艦分鐘，所以一坐低已經即時叫咗＜燒烏頭＞喇，當一上枱真係好大條，皮好脆，片開魚身裡面有好多檸檬葉同香茅，因為我同哥哥都好怕腥的，少少都唔得，我食呢條都覺有Ｄ腥味，但爸爸媽咪話冇，仲話魚肉係鮮嘅唔腥添，另有豆醬點。＜泰式炒金邊粉＞一上枱我只覺咁細碟嘅？材料有數隻蝦、蛋、豆干，小蝦米，碟邊有花生碎，金邊粉少酸少辣，爽口，算ＯＫ。同樣見到＜芒果蟹肉飯＞又係覺得咁細碟嘅？？眼見真係有好多芒果，可是蟹肉少Ｄ，炒飯味一般，濕了點。最後＜燒魷魚鬚＞終於來喇，媽咪急不及待已經食喇，我都來不及影相...哈哈~~ 呢個真係肥大肉厚，鬚尾有燶邊，又鮮又正，唔韌。總括來講，我地都一致認為名聲過大，質素只屬一般。點解名聲過大？因為老闆問我地有冇睇「越夜越美麗」，呂慧儀來食過訪問喎，唔怪之得咁多人來食啦........。
繼續閱讀
每個星期必有一日會去泰國餐館食泰國菜. 通常也只會到九龍城食. 今次嘗試一下入去新界區揾下泰國菜. 我們選擇去大圍搜索下. 揸車兜入大圍積福街, 那條街聚集了很多餐廳和食肆. 有中菜, 西餐, 日菜, 麵店和甜品店等等... 而大多數都是大排檔的格局, 客人坐在外邊聊天吃飯. 整條街只有這間泰國餐廳, 而且裡面環境樸素. 但看見他們在外邊燒的串燒很香很吸引, 那就試試吧. 這間餐廳不算大, 有上下兩層. 上面像是閣樓, 只有幾張枱. 店員安排我們上去坐. 每次食泰國菜必會叫冬陰功湯, 這個湯不會過酸亦不會太辣. 而且味道很濃, 海鮮配料也很豐富, 有蝦, 青口, 墨魚, 草菇, 番茄等. 不錯.這道菜很有泰式風味, 煮得不會太辣或太咸, 蜆很大隻而且很乾淨, 吃下一點沙也沒有. 蜆肉很鮮甜配合泰辣汁一起吃味道不錯. 是一道非常惹味的泰菜式蜆.從來沒有吃過鹹魚炒椰菜苗, 沒想到還蠻不錯的. 不過咬了一淡鹹魚的確好咸. 椰菜苗有口感而且甜和帶點爽脆. 好味.即叫即燒, 熱辣辣. 沙嗲非常香濃惹味, 豬肉亦很鮮嫩. 不錯.上枱時以為兩串是雞腎. 分不出那串是牛舌那串是雞腎. 吃下爽脆的那串是雞腎. 但牛舌就一般, 吃不出有牛吞的味道.不算貴的泰菜, 可以一試.
繼續閱讀