泰道 (已結業)

帶兩隻寶貝🐶去西貢WM Hotel staycation. 諗住帶兩隻寶貝🐶去呢間餐廳吹住海風食下泰菜，慶祝埋自己嘅生日，臨去之前收到餐廳confirm booking，提醒我哋餐廳唔可以帶狗，即使坐喺outside位置都唔得，咁就唯有買外賣返酒店食啦，今次兩個人叫咗5樣餸，一共$439，如果唔係因為就係酒店隔離都唔會食呢間餐廳，坐outide都唔俾帶狗已經扣了分，加上青咖喱好稀，點咗兩份烤薄餅諗住點青咖喱，但係咁稀好難點嚟食

呢間隱世泰國餐廳想嚟好耐，聽聞環境好靚同埋係食少有嘅泰北菜。今次係平日去但係外面坐位都差唔多坐滿，裝修好有泰國feel，坐外面坐位仲可以對住個海，感覺好似去咗泰國😉大頭蝦冬陰功湯 - 個湯勁多料，不過偏酸多過辣。泰國小食拼盤 - 有雞卷、魚餅、蝦餅、素春卷，様様都唔唔錯，尤其蝦餅，食到大啖大啖新鮮蝦肉。酥魚木瓜沙律 - 好香好辣，如果喜歡勁辣嘅一定like椰香青咖喱牛 - 可能係泰北菜，完全唔辣，睇個顏色都知係勁椰汁嘅泰式炒金邊粉 - 味道唔錯，不過如果多啲豆腐干就更好食珍多冰 - 都係超級勁椰汁，如果多少少就更爽總括嚟講食物都ok嘅，有少少貴，不過有咁好嘅環境同氛圍亦可一試，亦先讚讃唔係好似其他餐廳限時間趕住要埋單，可以慢慢嘆👍🏻👍🏻

唔想一肚氣，就唔好食呢間。食物一般，靚景，態度極差，完。投訴無用，搵服務員10分鐘都無人理，投訴服務差，結果連經理都唔識講一句「唔好意思」，只會找籍口了事。可以永不錄用。

去餐廳食飯 除左野食要好食 環境氣氛都好重要😆襯啊媽生日 一家人就去左西貢海旁食泰國菜 望住個海食飯 仲有日落睇 真心正🤭🍴串燒沙嗲牛、豬、雞各2串 $48@2會有一碗沙嗲醬另上 好方便大家點 串燒本身就不過不失🤭 🍴柚子沙律 $138比想像中多柚子 酸酸甜甜 好開胃😋🍴椰汁雞湯(細) $145細既雞湯其實係4-5人用 一人都可以飲到2-3碗😆同泰國食既味道好似! 🍴咖哩蟹 $438推薦✨咖哩好香香料味 同埋好creamy 有d蛋係入面😍蟹好大隻同幾新鮮👍🏻加配🍴蒜茸包 $38食咖哩緊係要配蒜茸包😋包吸曬d咖哩汁 食到停唔到口❤️ 🍴芒果糯米飯 $68最期待既甜品 但亦都係最失望既一道菜🥲芒果好甜 但係糯米飯明顯蒸過左龍 好硬.. 失望📍泰道 @ 西貢大網仔路沙下村9號地舖

環境幾好，坐出面聽住海浪聲，可惜係左右兩邊枱都食煙，成餐飯都要吸住二手煙！碗碟勁污糟，唔知有冇洗過，有飯漬！最差係貴價食物但仲難食過普通一間茶餐廳！未食過咁難食既牛小排，又乾又嚡！無味仲要好UN！椰菜苗勁老，要𡁻好耐！芋頭雞焗飯食唔到芋頭，雞粒又無味，成個飯都勁乾！！大蝦金邊粉又係完全無味！完全唔明點解可以樣樣都咁難食而又咁多好評！唯一ok 竟然得個椰青，夠大個。以呢個價錢食埋啲咁低質既泰菜真係平均每人$100都嫌多！！！

西貢隱世浪漫泰餐💕吹著海風🌊🌊🌊環境一流🥰食完仲有賞月🌕it's a perfect night arrrrr椰青好清甜條魚值得一提～烤得外面卜卜脆，裡面鮮嫩多汁👍👍👍其他嘢食都好好味值得一試！加埋個view真係好似去咗泰國咁🇹🇭

今日天氣很好，我們去了西貢，行到入去沙灘，順便去這間餐廳食個下午茶。我們三人叫了一個二人份量的afternoon tea set （四百多元），tea set包了兩杯飲品，我們就叫了兩杯芒果沙冰，還有包甜品，甜品是芒果椰汁糯米飯，另外我們再加了一客沙嗲串燒和一客蒜蓉包，全部食物都不錯。因為室內有冷氣的枱已沒有，我們被安排坐在戶外位置，雖然天氣比較熱，但可以邊食邊望着海灘，還有震震的海風，感覺不太熱，還有一種度假的感覺😂。至於服務，人手不足，加上坐在外面，想找個服務員，好多時也要走到室內去找幫手。總括來說，都是一個休閒輕鬆聚會好地方，去西貢的話，可以順路一試。

今日同兩個朋友去咗西貢，朋友上網搵咗間泰式餐廳，果然無介紹錯！去到嘅時候我哋都不禁話覺得去咗泰國旅行一樣，以前一路都唔知香港有個咁chill嘅地方，今次真係大開眼界。餐廳位於海灘上面，景色非常優美開揚。不過食物質素就普普通通，價格偏高，主要食環境吧。我哋點咗泰式拼盤、大蝦冬陰公、牛雞串燒、炒通菜同芒果糯米飯。每道菜都不過不失，唔會特別好食或難食。特別鍾意炒通菜，夠惹味，麵豉好好食😋。芒果糯米飯嘅芒果有渣，無乜芒果香味，但椰汁就好香。大蝦冬陰公嘅湯底似係用湯包開水，味道無層次，欠香料味。服務都係一般。

今個星期又辛勞左五日，最期待就係去到weekend可以四圍去搵好野食，今日就黎到西貢有間沙灘海景餐廳，望住大網仔海灘食住泰北風味的泰國菜，感覺真係好似去左泰國華欣度假咁，輕輕鬆鬆咁享受一個午餐。餐廳除左有室內座位，仲設有戶外座位，小編提提大家❗️，記得要BOOK定位先過黎呀📝，WEEKEND好FULL，WALK-IN的話分分鐘無位呢！另外，提提揸車的朋友🚙，可以泊喺隔離的海灣顧客停車場，於海灣會消費滿$200，星期五/六/日/公眾假期就收一小時$20，其餘日子就收一小時$10，記住叫餐廳幫你吸返個印仔呀！💮椰青 ($58) (⭐️⭐️⭐️)今日天氣開始熱返，飲返個冰凍的椰青真係好正，清甜多汁，配合埋個環境，真係特別好飲。🥥燒豬頸肉沙律🥗 ($148) (⭐️⭐️⭐️⭐️⭐️)哩碟燒豬頸肉沙律有驚喜，豬頸肉燒得啱啱好，唔會好”鞋”口，外脆內JUICY，仲有爽脆的青瓜，加埋酸辣適中的沙律汁，開胃又好味。十分推介！鴨肉生菜包 🥬($158) (⭐️⭐️)難得見到泰式生菜包係有鴨肉，平日喺九龍城都好少餐廳有得食，即刻點來試試。結果有點失望，鴨肉碎的辣度尚可接受，但太過酸了，仲要係醋酸味而唔係青檸的酸，大打折扣！而生

餐牌上定價太進取食物質素一般$138 一碟蝦餅，$138 一碟魚餅$100 蚊炒碟菜仲要收加一唔係話食唔起，但問心真係唔值侍應服務茶仔級數叫碟炸蒜軟殼蟹出黎有油抑味呢個價錢真係好多選擇

咁啱去開西貢決定一試早已Bookmark既泰國餐廳🍴泰道當日係夜晚去，沿着西貢海邊直行就到 餐廳設有室內，室外環境室外環境就可以觀賞海灘海景室內環境就啱晒怕熱嘅朋友🤣餐廳價錢屬於中價位不過餐牌就好夠色彩🥰設有泰式甜品冬陰功湯 Size 大 裏面好足料，蝦起碼有6隻🤓蠔仔蛋 不過就略嫌蠔仔唔夠大 😢小食拼盤 大岩岩好夠4個人食☺️唔會太過油膩蝦沙律正宗泰國味道 🥰✅芒果沙冰$68 呢個杯真係夠晒大 份量都一樣咁多如果食一餐飯就啱啱好夠晒🥰 絕對唔會話食到一半杯飲品已經無晒泰式青檸明爐魚 呢個絕對一定要一試個湯入晒味 連埋粉絲食正👍另外，魚都非常之滑

⭐️餐廳🍴好有泰國feel，可能因為近海邊，可以一邊望海，一邊飲椰青🤤真係好Chill✨有室內室外供選擇，個人比較推介室外，因為真係好靚😆假日過去都幾full，記得book左位先去，就穩陣啲👍⭐️呢間無論係拍拖、慶生，定係三五知己去relax下，都係最佳選擇💛⭐️揸車就會方便啲，餐廳隔離有得泊車。星期一至四$20/1小時，入去消費滿$200或以上，就$10/1小時🥳星期五、六、日$30/1小時，如果入去消費滿$200或以上就可以$20/1小時🥳食評: 食物種類多😍 味道佳😋 生蝦刺生好大隻兼新鮮🤤係我至愛❤️豬頸肉同雞中翼好juicy，屋企小朋友好中意食，最後豬頸肉仲encore😂椰菜苗好惹味，停唔到口😂😂炸蝦餅同菠蘿炒飯就係正常發揮。✨泰式生蝦 $128✨香茅雞中翼$108✨菠蘿海鮮炒飯$148✨泰式炒椰菜苗$128✨手打炸蝦餅$128✨泰式燒豬頸肉$128

泰國餐廳🤩🤩不過個人認為今次呢間餐廳環境同食物水準都係差咁少少🤏🤏食個時不時有飛飛係頭上飛😓🙈-❥泰式小食拼盤 拼盤有炸蝦餅🍤、炸魚餅、炸春卷、雞翼炸物全部都好脆口個人鐘意食蝦餅 咬落仲有一啖啖蝦肉 不過雞翼就比較乾身 柴柴地🙈🙈-❥蒜茸炒椰菜苗 正正常常好食既菜菜🌿🌿個人希望可以嗌多碟 又或者個份量多小小就好😆-❥椰青 龍眼冰 青檸梳打以上都係受歡迎既泰式飲品 有椰青飲真係餐廳既其中一個賣點🥰🥰

今次到了西貢，遠離市區的繁囂。由朋友介紹，來到位於西貢沙下的這家泰國菜餐廳。 晚上，它的外牆投射了射燈，感覺像一件立體藝術品。 我們坐在室外位置，有帳篷及冷風機，前臨沙灘的景色，隱約聽到海浪聲，十分寫意。 餐牌印刷精美，圖文並茂，無論照片及字體都很大，方便閱讀。我們點了以下美食: 黃咖哩牛肉 ($148) 傳統泰國黃咖哩，味道有點辣，但香料味不至於太濃烈。牛肉軟腍而爽口，肉味算香濃。配菜有車厘茄、薯仔及洋蔥，吸收了咖哩的香氣。 串燒雞肉 ($42) 雞肉烤得剛剛好熟透，飽滿結實，質感仍保持嫰滑。肉味帶有鹹香，肉汁相當豐富，這是我賞過最好吃的串燒。 泰式炒雜菜 ($108) 有多種顏色，亦很有層次，是一個視覺享受。雜菜包括芥蘭、菇類、椰菜、紅蘿蔔和芽菜，再加上蒜粒，雜菜炒得爽脆，仍保持質感鮮嫰，充滿鮮味。 椰青海鮮焗飯 ($168) 最後，等待了大約20分鐘，焗飯送來了。用原個椰青盛載，份量極多，海鮮有蝦仁及魷魚，前者新鮮彈牙，後者爽滑。米飯夾雜有椰青肉及三色雜豆，亦有淡淡的白汁。 這次晚飯體驗，在環境上真的很有異國風情，食物亦沒有令我們失望。

呢間泰國🇹🇭餐廳🍴聽人講過好多次，但係嚟嘅都係第一次，門口有泊車服務🚘，食飯可以扣減費用。餐廳對住大網仔沙灘🏖️，有戶外亦有室內座位供應。今次係晚上用餐，因此景觀感覺比較漆黑🌌———————————————————————————🍽泰式生蝦🦐💬相信一切都係萬變不離其宗，唔需要睇餐牌都會知道有啲咩嘢同叫咩嘢😌。生蝦🦐當然要彈牙爽口，配辣汁🌶同蒜頭🧄，打開序幕🇹🇭.🍽串燒拼盤🍢🍡💬有四款包括豬🐷、雞🐔、牛🐮同牛舌🐮👅，感覺每款比較實同韌，味道亦過濃，影響口感🇹🇭.🍽泰式炸泰餅🦐、原隻魷魚筒🦑💬炸餅夠彈口熱辣辣係比較出色；反而魷魚筒賣相唔夠誠意，亂鋪上碟，可能係後加單燒得唔夠時間🤔.🍽咖喱雜菜💬配咗蒜蓉包🥖蘸嚟食，味道不錯，辣度得宜🌶.🍽泰式炒金邊粉🍝💬有青檸、花生碎🥜、配埋蝦、豆乾，配料正宗，味道同口感都很不錯，酸甜度都夠🇹🇭.🍽生菜包🥬💬壓軸出場生菜包，反而整餐飯辣度🌶全來自呢一碟豬肉碎，不過辣得過癮，叫返兩杯凍飲又可以再食過😅