泰農菜館 (已結業)

昨晚一行三人, 一入去坐得相當舒服, 皮坐卡位, 冷氣又足, 環境較其他同區泰菜優勝! order 了椰菜苖, 明爐魚, 泰式燒雞, 咖哩青口, 雜錦拼盤同芋頭焗飯!先來椰菜絲苖, 幾爽口, 有d 似食芽菜仔, 幾得意!再來咖哩炒青口, d 青口大大隻, 正, d 咖哩汁要黎撈白飯一流!明爐魚, 由於特價, 所以條魚貨式普通, 但都可以接受!雜錦拼盤, 以炸蝦餅最好味, 炸魚餅麻麻地, 春巻多料但頗難食, 香葉包雞普普通通!泰式燒雞不錯, 惹野得黎雞都算唔鞋, 雞皮又有d 脆, 幾好!芋頭焗飯熱辣辣, 料都算多, 但太濕, 唔夠香, 未合格!上菜快, 加水密, 但6 樣野埋單$380, 在九龍城區算貴, 但送了$30 或7 折coupon下次用, 如果折左的話就好抵食了! 平成$100 的!

朋友想食泰國菜,即刻諗到九龍城,浩浩蕩蕩走到入去,條條街間間泰菜館都好多人,點算??? 天氣又焗又熱,行到南角道唔想再搵,就停係呢間算數。等左大半個鐘,一入去就點左:咸魚炒椰菜苗、炸蝦餅、青木瓜沙律、無骨鳳爪、糯米釀雞翼、無骨鳳爪首先上場,凍冰冰又酸又辣好醒胃,頭盤一流!咸魚炒椰菜苗炒得好香,咸魚好味道!!椰菜苗係吉之島賣得幾貴,呢度賣五十蚊一碟,都算抵食!炸蝦餅一向唔會難食,又熱又彈牙,不過好熱氣!青木瓜沙律比想像中辣,真係要命!!食到我同朋友都嗌救命,支持唔住!!釀雞翼最後上場,表皮香脆,糯米飯較濕,食落比較立口,可以爽身少少更妙,呢味用黎飽肚最好。雖然客人好多,侍應們都好快手,上菜速度都好快,所以雖然要等好幾張檯，其實返檯速度都幾快。

同朋友星期日7pm o係依頭食晚飯，間間都爆晒，見依度仲有位，估佢一係就好貴，一係就唔好食，但無得選擇下只好照入啦~ 但坐耐d都全店full晒~ 兩個人order o左:鮮蝦刺身- 唔夠新鮮，所以都唔夠鮮甜~冬蔭公(細o既) - 可分約四碗，味道ok，不過都係蝦唔甜~ 炸蝦餅- 算幾好~ 泰式炭燒豬頸肉- 幾多，但如果厚切d口感會好d~泰式炒咖喱大蝦- 最唔掂o既一味~ 咖喱汁竟然打獻~~~ 搞到一d都唔香~ 蒜茸包- 係我唔好，咁快order，一早o黎到，到d咖喱上檯時d包un晒啦~ 泰式炒通菜- 幾好~ 兩支獅威啤酒加一杯青檸梳打，埋單$482~隔離檯兩個人只係食o左$18X, 我地兩個人竟然食o左$482....

食泰國野, 緊係必然叫冬陰公品嚐下間野有無料到喇. 飲落無咩特別, 嗅落完全無香草味, 飲落重似飲味精湯,好唔得. 我同朋友飲左一碗就淨底成大煲唔飲lu. 而其它食物味道一般, 唔係太好食. 消費就一般價喇.

I think this is worthy to try. I like the crab curry, fried mixed vegaables and deep fried prawn cake. Trust me! I have been living in Kowloon City for quite a long time.