泰農菜館 (已結業)

N年無黎過九龍城、今日幾驚落錯車、好在我們都有點方向感、同埋識睇地圖朋友介紹既呢間泰農、都容易搵中午時段都叫做多人、但餐廳佈置有點像茶餐廳好彩食物質素唔像茶餐廳咋我們兩個女仔叫左兩樣野1. 菠蘿炒飯朋友想食、其實本來我麻麻印象中無一次特別好味、點知呢度既出品唔錯下！我覺得係炒得唔乾、食完後我發現呢點好重要一唔乾就唔會硬崩崩、無乜味！2. 豬頸肉生菜包我不嬲都鐘意食豬頸肉、加上黎食泰國野、就更加鐘意叫、因為可以試泰式醬食豬頸肉呢度既豬頸肉果然無令我失望、酸酸甜甜既醬非常開胃、加上一大塊既生菜包住食、感覺更清新呢度招呼唔錯、兩個人食唔晒仲打左包添！

今日午餐，想找一間坐得舒適一點，又不會趕你走的泰國菜餐廳，誤打誤撞，看見午市8折，就一行4人走進去。一坐下，店員馬上送上熱水，很貼心，今天只得8度，還叮囑我小心水很熱。很快就點餐了。很快，所有菜式上枱。大致所有菜式都好吃，沒有特別差，唯一是冬蔭功湯是不辣的，實在有點先失望。最後還有糖水送，8折後每人約100元，4人食得開懷。還有coupon 送，下次有7折，我們會再幫襯，試試其他食品。

個晚我地好夜先去...11點到啦..其實我都去過幾次ga la...今次諗起個curry...就帶我老公去食啦!!!之後食過生蝦..冬蔭公..咖哩蝦..mango檽米..馬拉盞通菜..呢幾樣都好好食...諗起都想食...金邊粉...就mama地..好甜...魚湯都mama地...only酸....不過上面個5樣大家都可以去試下...唔錯..$$都ok..唔算好貴...幾好ga d staff...又吹得水ga....

和四個朋友大約7點去到就立即有位，我們點了紅咖哩牛腩，明爐清蒸魚、蒜蓉炒貴妃苗、泰式炒椰芯、辣椒膏炒大蜆和泰式炒飯（雞肉）。我最喜歡紅咖哩牛腩，雖然份量比以前少，但牛腩夠「林」，絕頂好味，單單咖哩汁已經足以吃3碗白飯。而明爐清蒸魚，用簡單的烹調就帶出了魚的鮮味，魚肉有口感，最重要的是魚肚沒有腥味，可以入口。本人不建議點醬料，因為其他菜式都酸或辣，吃一口原汁原味的魚也是一種享受。乍看以為是薯條，但食落爽口，原來是炒椰芯，我想，難道是平日不會吃的菜頭？最不行的是炒大蜆，雖然認真好味，但只得五隻，實在不夠喉。

九龍城出名泰國菜食店大部份都在這條街,有日行過見到泰農有很多人在等位, 入夜後它於這條漆黑的街道上顯得特別光猛.對面的小曼谷,隆姐雖然都一樣有很多人等位, 但就沒有好似泰農咁吸引我眼球,決定搵日同老公來試,於是趁復活節最後一天假期,同老公決定來呢度試試,九點幾來到,吉枱唔多,只剩1,2張, 同老公二人坐了四人卡位枱, 相信繁忙時間實不可以 打開菜牌, 淋淋種種的餸,真係花多眼亂,但想到只有2個人不能叫太多, 只點了以下幾款 爆炸蝦($148) ~~ 約有8隻大蝦, 好大隻,超級辣用上很多辣配料來炒,不能吃辣的朋友要有心理準備, 蝦肉咬落很彈牙,沒有給辣椒蓋過,還可以吃到蝦的鮮味,不錯 泰普洱燒魚($88) ~~~用上很多鹽來燒, 上枱後魚皮還見到一舊舊燒焦的鹽, 魚肚中塞了香葉,泰式香茅及泰式蔥,想信要來辟腥,吃落真的沒有什麼腥味,第一面魚肉比較淡,要點泰式醬.,另一面魚肉就咸左d,不過還可以接受香茅酸甜排骨($58)~~~ 排骨炸過,雖然加了酸甜醬,但不減它的香脆口感,好吃酸辣魚湯 ($50) ~~ 我覺得是改良版冬蔭功,材料有魚肉,磨菇,元西,車厘茄,紅椒

又是「每月一泰」的日子這次我們來到泰農菜館幸好我們不用等位甫坐下不久，門口已經充斥著等吃晚飯的人了這次我們點了「泰式柚子沙律」跟「泰式炒金邊粉」柚子沙律的味道雖然很一般，但我倒很喜歡這道菜爽爽的，而且酸酸甜甜的，很開胃對於這道菜，伴碟的生菜其實絕對不能少看因為生菜已吸收了酸醋中的精華所以下一次再吃這沙律的時候，絕對不能浪費伴碟的生菜啊炒金邊粉，好味不油膩其實我是很喜歡吃炒粉的但港式茶餐廳的炒粉是很油膩的，看著也胃口大減而炒粉變涼的時候就是我放棄那碟炒粉的時候而這泰式炒金邊粉即使放涼了也沒有那種看上去都很酒膩的感覺而且即使涼了，香氣依然撲鼻真的很榮幸可以有機會嘗試不同的泰國美食下次有機會定必再光顧

平來真係諗住食對面嘅小曼谷架，不過太多人排隊啦，相對黎講呢間少人啲，不過都係要等成25-30分鐘至有枱食飯，加上之前食過一次，叫啲大路嘢食都唔錯，唔會有太大出入。今次一家3人去食，叫咗個中嘅冬蔭公湯，有點蠟燭仔助住，料又足，每人可以分到2碗仔嘅湯，而湯裡面就有幾隻大蝦，都幾大隻，不過應該係雪藏蝦，因為唔算好鮮咁。串燒半打，有豬牛雞各兩串，個醬略嫌唔夠香同唔夠惹味,只係食到甜甜地嘅味。紅咖喱牛肉，另外再加蒜香法包，呢味好普通，味道好一般，無咩特色，個咖喱係比較水的，啲汁可以蘸好多麵包食嗰種，唔係好值得推介。（之前有試過咖喱蝦，個咖喱偏杰身，配有3-4片麵包，不過啲蝦真係一食就知係雪藏蝦）爆炸蝦，食落同避風塘炒蝦差唔多嘅味，用嘅都係大隻蝦，好惹味好夠辣，可能係濃味香口嘢，所以完全可以蓋過咗你諗佢係雪藏蝦嘅諗法，肉質係有啲彈嘅，似新鮮蝦。好似叫辣椒膏炒蜆（本來叫聖子，不過買晒喎），竟然係用大蜆呀，我初時估仲以為一定係細隻蜆tim,大蜆肉質有嚼口啲，味道都係濃同惹味，反而無爆炸蝦咁辣。食咁重口味嘅嘢，當然要叫白飯黎伴住食，中和下啦。「之前仲食過馬拉盞炒通菜，正常偏鹹嘅味囉，（似蝦醬炒通菜咁）同

特登去食泰國野的集中地-九龍城,晚餐!!本身想去對面有間出名個間食,但實在太多人等緊,好似要等40-50桌先到(2人桌咋WO),太誇張啦~見泰農淨系等2-3桌就到我地,所以去左食!我地點左1.炒金邊粉 gd2.炒通菜 ok 3.菠蘿炒飯 gd4.香草炸雞 gd5.芒果糯米飯(出黎原來是熱) gd6.椰汁西米糕 ok7.椰汁菠蘿冰 bad (呢個中晒伏,是最差既一項,完全無菠蘿味,only得冰+椰汁,不好味!!)final食左$230度,幾平!!!幾抵食!!!!!都值得一食!!!

甚少搵食搵到九龍城, 去到一定要食泰國菜,夠集中又有名吖嘛 ,有朋友力讚另一間既, 但門外等位人數太多了, 肚子餓等唔切轉往對面睇睇,見到泰農都甚多飲食雜誌介紹過, 又只需等一張臺,就決定試哩間先!兩個人至少安排張4人臺吧, 只俾張細臺我們?!!! 即係想點多幾樣都唔使啦? 可惡.結果菜上臺時真係逼到爆. 點:既菜有: 冬蔭功湯, 鐵板煎蠔餅, 柚子沙津,海鮮粥. 冬蔭功湯係食泰菜必叫既,湯上臺了,唔係好大碗,2個人都飲到2碗多dd. 聞落好香,辣椒油薄薄一層, 一舀下大大隻蝦, 見到都流口水, 仲有好多菇同香炓等, 酸辣度balance, 幾好!鐵板煎蠔餅大大件, 不過好厚粉漿, 而且係炸唔係煎, 咬下都係粉漿, 蠔就細細粒, 好在鮮味搭夠. 個人好怕油膩既食物了, 食到3份一已停口. 朋友似乎幾欣賞,落力地清埋佢.海鮮粥已冇咩印象了, 相片意外delete左. 記得個粥係一粒粒米可見既, 有咬口, 似湯飯.味唔太鹹, 有咩料都忘記了. 叫左埋單後,侍應送左2碗糖水黎,應該係椰汁西米露. 肚子再飽都食左幾啖, 椰汁香滑啦, 我滿意.埋單$29X, 又唔貴喎, 仲有7拆折coupon送

突然好想飲冬蔭公湯...好想食泰國野...好無啦啦去左九龍城睇下食邊間泰國野好,揀一間未食過o既....最後決定試下泰農啦,眼見幾間泰國野黎講,泰農好似好坐d...因為無準備之下,無訂位,都係walkin...5個人無位呀,個個都係o岩o岩食..要等下...見對面又滿晒又係等,七點幾...間間門口都已經好多人等...老細都同我地講聲要等多陣先有位,等左半個鐘左右啦,就有位喇...都係4人位加多張凳啦...我好快就叫左d想食o既野先...冬蔭公湯啦,同埋蠔仔蛋啦...嘻嘻...冬蔭公湯,叫左個中o既, 5個人夠飲喇, 可能未等佢滾起就飲,我覺得未夠熱呀,我係好鍾意食d好滾好熱o既野, 個味都ok, 之後飲多碗熱d o既就好飲d, 都夠味呀, 如果辣少少會更野味....蠔仔餅, 係鐵板上,熱辣辣出晒煙,好香呀...少少脆口, 食落好味呀, 蠔仔size好丫, 又唔腥, 又唔算好油, 好味呀...小食拼盤, 蝦餅彈牙, 香葉包雞好香好味, 雞冇炸到乾淨淨, 春卷一般,都唔洩, 魚蝦就好香 香茅味仲好辣tim...黃咖哩雞, 個咖哩汁好濃好香,唔辣o既. 點蒜蓉包好正呀, 個包又夠味又香脆..

第一次係九龍城食泰國菜，原先想去金寶，但見好似好少人咁，所以改左去依間。入到佢，待應都好熱情招待；同男友研究左好耐要點什麽菜，最終決定有以下幾款：冬蔭功湯 - 有兩隻大蝦，仲好新鮮，好好味，不過我就覺個湯太酸，重左蕃茄味青咖喱豬 - 絕對係「賣飛弗」，好味都吾使講，汁又多，再叫兩個白飯，一個香酥餅撈汁先滿足泰式燒雞半隻 - 男友話好好味，我都覺得吾錯，加埋燒雞汁，一流馬拉盞炒通菜 - 我吾係咁鍾意通菜，但依個炒得都吾錯，好入味食完仲有甜品送，係芋頭西米露，男友話估吾度只係送的甜品都做得咁認真，好足料。最後，我哋兩個真係飽棒住個肚走。。。而且佢哋招呼都好好，吾會好HARD SELL，由得我哋慢慢去揀，真係吾錯，臨走仲要俾左兩張7折優惠卷我哋，等我下次再去過。

幾年前同十多位同事來食過一次 店子算不上細 但座位排到好密好逼 印象麻麻今次友人邀約來 一行四人 不妨再試時間尚早不算太多人 一位四眼哥哥安排我地坐卡座 此人亦是我留意到佢是全晚工作不停既要員(莫非係老板)想講~咖喱炒蟹 蟹肉唔新鮮 咖喱汁偏甜又無香辣 失敗之作(近期好難搵到這樣差既咖喱炒蟹)青木瓜絲SALAD 幾酸辣又爽甜冬陰公湯 磨菇多 蝦肉少又霉 湯底酸中帶辣泰式炒青口 青口質數一般 個次汁出奇惹味 辣中帶甜又富有椰香菠蘿炒飯 飯底好淋巴巴 菠蘿粒又少 面上只略略倒上怪味肉絲汁上去 完全不像樣炒蘿蔔糕 炒通菜 豬頸肉 都一般口味兩碗糖水紫米露 疑似番叮貨 好淡口無香味我該不會番叮再來 附近還有更好既泰菜食店等緊我

之前家人團講試過泰農出品, 食得非常滿意, 每台食完派了7折卷之後再去二次, 三嘗此處食品, 覺得足夠比80分以上肉碎炒河夠入咪, 色水很靚, 鑊氣100分燒雞熱氣騰騰0加喱椰子汁咪重, 偏甜好好食昨晚叫了4碟食品, 用了七折卷, 都不過二百去了幾次, 都遇了健談老闆 泰國姐姐們都好有心服務 不停加水 正正的享受如有要改善地方, 就是泰農食品調味較重手0加喱,飲品都一樣, 足料不吝嗇固然好, 不過反過來太杰身還有叫了波蘿炒飯雖然夠熱足料, 但無厘頭加上茶記茄汁肉片飯的紅色茄汁 超怪異之後食兩次小曼谷, 雖然小曼谷都ok, 味道悄悄較淡個人覺得食物水準而且環境方面肯定泰農寬敞, 環境佈置舒服得多如小曼谷是地痞街坊的二星級, 泰農便是九龍地內排在黃珍珍之後的四星級了

貴兼唔好食，南瓜咖喱海鮮超咸加甜，唯獨欠辣，雞肉生菜包唔係肉碎係肉粒，唔辣，過乾，生蝦無冰震，鹹魚炒椰菜苗，鹹魚唔係蓉，係一大粒炒，酸辣蜆湯味精重，總括貴兼唔好食。兩個人食。

九龍城出名吃泰國菜是眾所周知的.近幾次來吃的話, 都是吃金寶, 雖然是好食抵吃, 但始終也想試試其他店.對上一次吃泰農巳經是3,4年前跟公司同事一起來吃,質素一向中規中距而這晚是第一次跟另一半來吃.星期天, 沒有預約, 7時左右來到, 人不多還有卡位座.看看餐牌, 款式多了很多, 價格漲了少許但屬正常.另一半點名要的酸辣蜆湯 ($48)超級多蜆, 份量夠2人有餘. 湯十分辣, 也很酸, 對於吃得辣的人來說實在是一道過足癮勁度十足的湯, 但我不能太吃辣, 挑戰了半碗便投降. 還好蜆肉有很多, 沒有沙的, 好吃.我想吃咖哩, 所以點了個最不辣的椰汁黃咖哩雞 ($58)一鍋也不算小, 但汁很多, 很有椰香味, 不太辣的; 反而雞件切得太小, 而且只有5,6件. 但雞是嫩也彈牙的. 薯仔有4,5舊, 夠粉夠淋. 比較失望是咖哩沒有跟面包, 要另外點. 本來很有衝動想點, 但想起還有炒飯就算了.馬拉盞炒通菜 ($48)不算油, 也不太辣. 馬拉盞很惹味, 份量很足.海鮮炒飯 ($55)不算很大, 但飯炒得乾身, 配料也很足, 很香口. 不自覺的也吃了大半碗.紅毛丹冰 ($23)紅毛丹冰幾乎是我每