泰識野 (怡豐花園)

營業中

休息中

今日去咗元朗嘅「泰識野」（香港元朗馬田路38號怡豐花園地下5號舖，+852 6718 4182），係一次極度失望嘅泰國餐體驗。咖喱牛舌，本以為會香濃入味、軟嫩入口，點知一上枱賣相普通，入口更係災難——牛舌好難食乾，咖喱味淡到好似落咗幾滴即食咖喱粉，毫無層次可言。雖然店內有冷氣，但完全feel唔到效果，整間餐廳焗到好似蒸氣室，食到一半已經滿頭大汗，食慾直線下降。服務態度更加令人反感，店員全程冇笑容，問問題都好似欠咗佢錢咁。元朗附近餐廳選擇其實好多，泰國餐廳更加唔少，要食好嘢根本唔難搵，呢間真係完全唔值得浪費金錢同時間再嚟。

因為之前經過呢條街，見到佢好似都有啲人氣排吓隊，今晚夜晚去食，唔使排隊就二話不說地試吓。其實坐低食嘅人唔係好多，不過就keep住好多外賣，諗住都深受呢一區嘅居民歡迎，就好放心咁叫做幾樣餸菜，不過真係好服😂原來啲人話唔好食係真㗎，可惜我冇睇OpenRice就直接Walk in咗。。首先係佢嚟嘅半打串燒，真係好嚡口。。都明白佢可能為咗快啲出餐，所以做定先，但真係好鞋口。。接受唔到。。唯一覺得正常嘅餸菜就係雞翼串燒，我覺得係正常。。跟住炒金邊粉，真係好奇怪嗰種酸味。。唔識形容，大家想挑戰吓可以去試吓。。仲有最得意嘅帶子，本身我哋問職員，燒帶子新唔新鮮，因為都要$32/隻，對方回覆係冰線，所以冇關係，其實聽到呢度我哋都有勇氣，繼續叫到真係好犀利，其實佢個汁係好食，但係$32要一隻唔係新鮮的燒帶子，真係好唔值，佢仲要寫住係大size，真係唔係嗰回事。。仲要佢張圖係有㗎米粉，出到嚟又唔係嗰件事。。Ok，呢間嘢你贏咗第一餐，可惜輸咗後面99餐，恭喜你俾埋隻👍🏻👍🏻👍🏻

第一次見生菜包係咁多水 仲要全部都係肥膏肉粒，重點嘅係成盒嘢凍冰冰 廚師連翻兜都懶得兜，唔怪得即場點完外賣 10分鐘都唔洗就即有得拎，同埋泰式炒菜，啲菜又大舊又係勁多水…差到不能在差

同班friend諗住懶煮叫泰外賣🇹🇭，，整體不過不失～食物質素普通無咩驚喜 🤷‍♂️🍲冬陰公海鮮湯 - 淡茂茂💦湯底唔夠濃郁，酸辣度都唔夠🌶️，海鮮有蝦🦐，青口，魷魚🦑🐔泰式海南雞飯 雞我地叫左雞髀，所以雞肉都好滑，海南雞飯重點係醬汁，但只有2 款有少少失望😮‍💨。🦐迷你泰式蝦全晚最好食就係呢道！外脆內彈牙👍，蝦肉夠鮮甜，點埋甜酸醬幾開胃😋。🍢泰式沙嗲串 沙嗲醬花生味唔夠香🥜，沙嗲醬好流動水狀，味道一般～🍍泰式菠蘿海鮮炒飯 賣相幾靚，但食落好淡味😑。菠蘿又唔甜，炒飯無鑊氣，似白飯加料咁🍚。🌿香辣肉碎生菜包 - 辣度唔夠🌶️肉碎炒得太濕💦，所謂「香辣」其實一啲都唔辣，味道偏鹹🐮泰式青咖喱燒牛肉飯 - 牛老過我阿媽👵牛肉韌到咬唔開😫，青咖喱無椰奶香🥥🔥燒菠蘿菠蘿燒得香甜多汁💦

人生第一個食評就比左呢間野。一句講晒難食，唔會再叫。今晚係呢間野叫左個海南雞，菠蘿炒飯，冬陰功。個雞梅ge, 仲有陣腥味，d飯又硬，完全唔食得。個冬陰功入面得3件細件魷魚其他全部都係菇，個湯都一般，算係正常，但呢個價錢一d都唔值,。最後剩係得個菠蘿炒飯食得下。最後今晚無一個人食飽，仲要再叫外賣食。今餐完全係浪費錢。真係好差。所以最後真係忍唔住要上黎呢度寫個食評，抒發一下自己不滿ge 心情。希望其他朋友仔唔好再中伏。

我係叫外送既 🌸🌸🌸🌸🌸泰式肉碎生菜包 偏辣！不過撞正我中意食勁勁勁勁辣 所以差唔多我食晒 岩晒我😛🌸🌸🌸🌸🌸泰式黃咖喱豬頸肉飯豬頸肉煎得好香 就算浸落咖喱度一段時間 個邊邊仲係脆 👍🏻👍🏻👍🏻👍🏻 只係豬頸肉真係太少 洋蔥勁多🥲🌸🌸🌸🌸🌸香茅雞翼 至於香茅雞翼 比我嘅感覺 似係返炸或者反而未至於好難食 但係就唔會再叫🌸🌸🌸🌸🌸春卷都係普普通通不過不失 配埋甜辣醬食的話 可以接受！

午餐想外賣，開胃啲揀泰國餐廳，嗌咗黃咖喱牛肉飯。咖喱偏甜唔辣，份量適中偏多，牛肉都有好多件，薯仔有兩舊，味道算正常，不過未必會有嗌下一次嘅衝動。食完諗住上嚟分享返，點知見到幾個評論都話食到肚痛，而家有啲驚，不過暫時未有事。希望舖頭係見到之前客人嘅分享後有改善

最初經某外賣平台嗌過外賣，當時以元朗的泰國餐廳嚟講，性價比算高，晚餐都係$50-$60一個主菜，加$18-$25就可追加小食。最近經過個頭，就入咗去堂食，點了以下的食物，大失所望。泰式炒金邊粉（$62）以晚餐嚟講，價錢划算，但味道不過不失，平平無奇。冬蔭公海鮮什錦湯配金邊粉（$68）略嫌湯底椰奶味太重手，唔夠辣、唔夠香。配菜有蜆、蝦、魷魚香辣肉碎生菜包（$65）肉碎無咩味，酸辣味不足。生菜包淨係食到生菜味。 迷你泰式酸辣鳳爪（跟主餐+$18）全餐最好食、比較正宗的菜式。酸辣度適中，鳳爪入味，跟餐只係加$18，非常抵食泰式香辣燒茄子（$32）差過串燒店的燒茄子，只在茄子上放蒜、蔥，完全唔入味。餐飲嗌咗凍櫈檸茶（泰式茶底），少甜少冰都非常甜。 總括嚟講，價錢合理，但味道一般，所以應該唔會再光顧。

尋日同朋友食下午茶，一個嗌咖喱飯，一個嗌冬蔭功海鮮米線，兩個都係嗌玫瑰花奶茶。一杯少冰，一杯走冰，個朋友個杯嗌少冰，杯野黎到完全無少冰，之後個樓面就俾咗隻碗撈晒啲冰出黎。食緊野既途中，個樓面就話岩岩補番杯玫瑰花奶茶，放底半杯係枱面。之後就望到補個半杯玫瑰花奶茶顏色好深色，都無為意，覺得可能少奶。之後食飽野，走個時已經開始唔舒服，以為天氣焗既問題。咁行咗大半個鐘，同個朋友開始絞肚痛，就衝去洗手間。去完一次以為無事，行多大約20分鐘，又開始絞，兩個又衝去洗手間，今次痾水。就一定係杯野有問題。即刻返咗屋企，兩個都隔咗無耐又屙水。成晚係咗去洗手間，差唔多5，6次。即日就打返落間舖到鬧佢，應該係負責人聽電台，個負責人話可能天氣熱令到杯野變咗。以後唔會再幫襯

嚟講吓我的經歷，希望可以提醒其他顧客係光顧前三思。我本月同屋企人決定試吓餐廳的美食 開頭，我們都對能夠嘗試店裡的標榜料理感到興奮，但很快這份興奮就轉為失望和不適。首先，我哋到嘅時候佢哋突然間就暫時停止咗營業名奇妙咁樣話咩要廚師唔知做啲乜嘢，然後啦佢要叫我哋等到5:00先可以入去店入邊點嘢食，離晒大譜我想講啦，如果佢可以提前講定先嘅話都冇咁嬲，然後啦，入到去之後等咗5到10分鐘先至可以點嘢食呢個真係有啲離譜囉服務方面，雖然係好啊，但係總覺得啲嘢食上得太快，佢唔係普通嘅快囉，我覺得係直程冇煮咁樣，然後食咗啲嘢之後又感覺上唔係想像中咁好味重點呢個價錢方面不如理想我認為如果其他泰式嘅餐廳都會比佢好100倍然而，唔只食物味道一般食完會核輻射第二日朝早我哋突然感到胃痛肚痛。原以為是一時的不舒服，但很快這種感覺惡化令我差啲嚟唔切去廁所，我甚至有了嘔吐的衝動。要返工嘅屋企人都話一日之內去咗好多次廁所我深信這些症狀都是由於在貴店進食不新鮮的食物所造成。這不僅僅是一次糟糕的用餐體驗，更是對顧客健康的極大忽視。我感到極度失望，同時不得不面對隨之而來的身體不適。這樣的飲食後果無疑是無法接受的，我將不會向任何人

外賣自取嗰待應唔熟部pos我起碼等咗1分鐘先落到order叫咗份生蝦同串燒 返到屋企先知冇包到生蝦汁俾我叫我點樣樣食吖?(冇可能又去餐廳攞，都返到屋企出面又落雨)另外，見到menu嗰牛舌串有叫咗串食 點知...牛舌又乾又硬唔好食建議大家唔好叫!!!同埋!唔再幫襯!

叫咗個外賣，等到天昏地暗，只係叫咗兩個咖喱飯+1個沙律， 60分鐘都仲未有，永遠唔會再幫襯，味道亦都好難食。打電話俾餐廳問幾時有，餐廳電話打咗好耐都冇人聽，味道和服務也10分差。

其實我地之前叫過一次外賣還好的，所以今次係第二次叫佢地外賣，對上一次已經送漏嘢……但我地已經算沒講，今次叫兩樣嘢，一個生菜肉碎包～一個海南雞飯餐配泰式奶茶，海南雞飯無任何醬料，打電話過去同職員講，職員回應係一定有放，但事實係無…難道我為個醬料討麻煩？加上態度不太良好，沒想方法解決問題，一句叫我係外賣平台自行取消了事，另外生菜包肉碎白毫無色水，近乎白烚咁，無咩味道…要自己再加熱重煮…預期係咁為什麼要外賣………

小妹我最近發現呢間”泰識野”終於黎到元朗開分店, 而且weekend lunch 仲有優惠lunch set,非常抵食! ▶️冬陰公花甲湯配粉絲 $50 (跟熱飲)我跟餐加咗$6 飲特飲”檸檬7喜”,貪佢夠爽😜而呢碗麵好大兜, 冬陰公湯底味道酸酸辣辣! 湯入面有很多鮮甜無沙嘅花甲，搭配埋掛汁嘅粉絲,真係好好食😳▶️迷你雞中翼2隻 (跟餐加$16)雞中翼入面夠juicy😳▶️泰式燒豬頸肉 $68豬頸肉被燒過後，表皮烤得香脆, 而入面仍然嫩滑多汁😍▶️泰式炒通菜 $78通菜炒得岩岩好，保留到佢脆嫩嘅口感! 泰式調味更令菜餚更加香辣同惹味😛▶️泰式沙嗲串半打 $78沙嗲串烤過後好香嫩，每一口都充滿泰式風味! 再配埋店家特製醬汁，好食! 😍▶️泰式春卷 $32/6條餐廳即叫即做, 春卷外皮炸得香脆，入面嘅餡料豐富🤩▶️蒜蓉粉絲扇貝4隻 $118扇貝蒸得恰到好處，口感鮮嫩。蒜蓉粉絲份量仲好多, 食到好飽🤣整體黎講，食物質素唔錯，價錢都夠親民，值得再去☺️

🍢必試抵食惹味串燒🍢係元朗馬田附近發現泰式餐廳⭐️泰識野⭐️店鋪空間雖小但食物款式多選擇，而且仲好有質素，同埋與佐敦分店餐牌上面有啲唔同，所以就食啲未試過既款式。💓冬陰公花甲湯💓配金邊粉 超惹味湯頭鮮甜濃鬱，搭配金邊粉的彈牙口感💓香芒豬頸肉炒飯💓香氣四溢的芒果和嫩滑的豬頸肉炒製而成，口感豐富，味道鮮美，而且份量很多。午餐仲可以加錢有多款小食 我哋就揀咗依兩款💓迷你泰式炸蝦餅💓以新鮮的蝦肉為主要成分，搭配泰式香料調味，外皮炸得酥脆金黃，內裡鮮嫩多汁，帶有微微的辣味，吃起來非常開胃美味。而💓迷你泰式炸春卷💓則是以蔬菜和肉類為內餡，外皮同樣酥脆，口感輕盈，搭配泰式醬料沾食更加美味。這兩道小吃都是泰國美食中的經典之作。飲品都係餐包括在內青檸 梳打龍眼冰 凍燒雞皮串燒雞軟骨串燒金菇肥牛卷串燒燒牛舌串燒一口和牛串燒岩燒菠蘿燒韮菜泰式燒蠔蒜蓉粉絲扇貝（泰式辣汁）牛舌煮得岩岩好～超想再食，燒菠蘿好甜🍍，而蠔肉經過燒烤後，保持了鮮嫩的質感，而泰式辣汁則為這道菜增添了一抹辛辣的風味，粉絲扇貝鮮嫩多汁，搭配蒜蓉的香氣和泰式辣汁的調味，風味豐富而鮮明。粉絲的口感軟綿，與扇貝的鮮甜相互融合，每一口都充滿了滿滿的泰國