泰紅泰國美食 (已結業)

2019-12-20午餐，叫咖哩牛腩飯，送到嚟睇睇，得五粒牛腩(真係用粒嚟形容)，問下侍應生係咪份量錯咗，佢話要去問厨房，跟著返嚟同我講話呢個份量冇錯，我講聲唔該，之後食飯，唔只小，仲冇咖哩味，冇諗過食咖哩牛腩飯都中伏，想要食好嘅咖哩牛腩飯，我諗要去等二間喇。

今次同大家分享下泰國菜,我很喜歡東南亞的菜式，泰國菜就是其中之一了以這間泰國菜就是位於屯門卓爾廣場裡面的,平時不用等位，但是在晚飯時段可能要等大約15識分20分鐘就可以入去了，這里我推介的是他們的冬陰功湯,湯底料10足,味道不會太鹹或者份量太少,湯底很鮮味,之後他們的咖哩雞是很有水準的，配埋烤饼吃更是一流，之後他們的飛天通菜，菠蘿炒飯也是非常正宗👍👍.在看了一下服務人員許多都是泰國人，相信廚師也是泰國人才煮出這麼正宗的泰國菜~

生菜包是泰國菜必點之一，可惜沒有生菜了，只有椰菜，那就當然不要了。那就要個泰式黃咖哩牛腩($78。咖哩味淡，稀薄如水，似一碗湯。不要說什麼泰式，已完全不能說是咖哩，質疑沒有咖哩應有的香料。而牛腩一咬即散，好像是不新鮮的肉，沒有口感可言又不入味。薯仔都是一樣，不入味，口感就像是煲完湯時的薯仔又沒有薯味。整個菜式裡的食材像是分開煮好然後放在一起，根本吃不下去)另點了油鬆餅($28/2塊即1開4塊。這是這餐裡最好吃的了)再要了個泰式素春卷($52/6件。油膉味很重，吃了一件半件都吃不下了。幸好我們在開頭沒有要很多菜式，要不然真的要哭出來，吃完了真的都覺得浪費了quota。不好意思都要說了，結賬時看到$200多，認真要說的話$80都給多了。以這個價錢不是要求達到好吃的程度，但正常的程度呢？真心希望日後餐廳會有所改進，因為附近的餐廳選擇不多，而泰國菜餐廳更少之有少，總不能令到想吃泰國菜的客人們失望吧。

以前跟朋友入屯門食飯 通常都係去市中心 當然都食到有啲悶 今次 一大班人來到 卓爾居 試咗呢間泰國菜叫咗七、 八個餸 樣樣都好好味柚子沙律 新鮮食材 大大分黃咖哩牛肉 汁多味濃 要嚟送飯一流串燒、醬燒魷魚筒 、 黃金軟殼蟹 等小食 六十幾蚊一份 依份量睇 算抵食反而係 椰香燒雞 雖然 沒有期望椰香味重 但係雞肉都好嫩口 價錢唔貴 分量好足 味道很好 連服務生都好有禮貌牆上有graffiti 嘅裝飾 好特別 係咁舒服嘅環境用餐 更加 賞心悅目下次去屯門會再來

小弟在屯門工作。基本上都吃遍了整個屯門。最近去了卓爾廣場發掘美食，竟然意外地發現了這間「紅泰」。以為平平無奇，但質素卻比其他「老字號」店鋪更有質素，素素指食物質素，員工態度以及餐廳環境。先由環境講起，冷氣供應，桌子夠大夠寬闊，背景播著英語流行曲而音量適中，令人十分放鬆享受用餐員工質素，侍應多是東南亞人，但不用害怕，他們都親切有禮，笑容滿面而且操流利廣東話。食物方面，由於我們只有四人，點了一碗冬陰公麵，兩個青咖哩雞扒飯，以及一碟炒金邊粉。全部都調理得非常好味👍特別推介這裡的咖哩👍留意返menu, 價錢不貴喔！不過這裡也有待改善的地方，就是等候入座時間太長，我們四人，但看見店鋪有數張二人桌空著，可是同一時間有好幾桌四人桌只有兩人在用著。我在想，如果餐廳安排他們坐二人桌，這樣等候時間相信會大幅減少！

呢間餐廳長期都冇乜人食。可能因為佢個樣好似好貴咁，不過佢晚餐又真係幾貴架。但係午餐方面，睇吓個餐牌又覺得都幾平，所以就入去試吓啦。身為泰國嘢佢都幾好食，水準都唔差，有機會可以再試吓。

之前行街經過，見到午餐優惠都幾抵。今日星期六終於試下，原本以為要排隊，點知好快就入得！餐牌係主食加飲品，大概60蚊一個set，屯門區價錢黎講唔算平，但泰國野價錢算抵食。凍飲唔洗加錢，亦唔洗再加一，都明碼實價。兩個人叫左個金邊粉同冬蔭公米線。我個份金邊粉炒得唔錯，幾多料，花生碎香脆，重點係好大份，大男人都食唔晒。朋友話個冬蔭公米線個湯底都幾惹味，米線都幾爽口彈牙，唔會溶溶爛爛，但如果多啲海鮮就更正。幾外跟餐加左兩個小食（每個+$12）。炸香蕉幾特別，同以前係印尼食過唔同，炸得啱啱好，炸粉夠薄，啖啖香蕉肉，值得一試。雞翼燒得唔錯，外皮焦香，但似乎醃得唔夠，中間較淡味，鍾意重口味既人就未必啱喇。

泰紅泰國美食 (屯門)🍴-呢間餐廳系屯門卓爾居，星期日都幾多街坊去，小丸子果日去食午飯都要等一陣位-雞絲湯河（$55）因為想食清啲，所以叫左個湯河🤣食落又真係幾清🙈🙈唔算特別好味，但勝在夠大份，食左我成半個鐘都未食曬🤣黃咖哩雞扒飯（$55）男朋友叫左呢個，我偷左一舊雞扒來食🤭超！好！味！啲雞肉夠嫩滑，但個皮又煎得勁香脆加埋啲咖哩勁惹味！早知叫呢個🤦🏻‍♀️

開了幾個月終於撞啱時間可以試試，見佢set Lunch唔係好貴仲要有好多選擇，我們叫了個紅咖哩豬扒配油鬆餅，油鬆餅夠熱但冇香味冇味道仲偏少少油，紅咖哩豬扒味道唔錯夠香濃，我覺得配白飯仲好食，因為油鬆餅得一塊比較少，食晒後也淨好多咖哩汁。還有加了小食一份蝦餅，比較香脆味道剛剛好，如果再彈牙一啲就完美。泰式金邊粉上枱時夠晒熱辣辣，味道偏酸但還可接受，比起出面泰國人開嘅泰國菜還有一段距離。凍咖啡味道就唔掂，似三合一味道，直頭飲落似啡水 ，尚有很多進步空間 ^ ^ 😋😊

＜泰紅＞開了一段時間，但由於比較貴價及唔係太好泰國野一直冇試到。但係其他嘢已經食到厭曬，所以就落雨過後來一試。🍽泰式黃咖哩牛腩🐂一上枱，第一個感覺係，份量十分之少。牛腩只有6小件，而且唔夠軟。配料亦少得可憐，洋蔥、紅椒、薯仔，各樣都係一兩件仔。咖哩味道非常好， 有非常濃嘅椰汁香味。冇諗過呢個價錢，只有平時喺餐廳食跟餐嘅一人份量咁多。🍽油鬆餅🌯賣相已經好好，非常香脆鬆軟。一共有兩件，但係佢每個餅會幫你一開四，所以有8小件。配咖哩一流，但一凍左就馬上失色。🍽白飯🍚由於全部都係散叫，所以唯有加個白飯啦。白飯認真要讚讚， 夠大夠兩個人食另外啲飯嘅軟熟程度啱啱好 唔會太硬又唔會太淋唔知係咪人哋成日所講嘅泰國絲苗🍽海南雞＜半隻＞第一個感覺係，原來半隻雞係咁細嘅咋。但食落去好滑，配嘅沙律菜新鮮。啲骨就唔係拆得好好 同埋隻雞有啲暖我平時食開嘅海南雞系凍同埋冇骨 可能唔同地方嘅海南雞嘅做法唔同啦🍹椰青用餐完畢，配番個有泰國風情嘅椰青椰水清甜，非常滿，椰子肉有椰油味椰青新鮮即時開，即時飲，係正啲嘅食完飯，飲個椰青，絕配晚市冇套餐，全部要散叫。味道係好味嘅，但價錢偏貴，同埋份量偏少。原來而家喺香港食一餐好味

星期五晚等了20分鐘才有位，2人叫了3小食1餸1飯。7/10分~鳳爪及配菜入味，味道幾好。7.5/10分~醃過入味，夠熱夠香，豬比雞好，沙嗲汁一般。5/10分~軟殼蟹炸過夠熱及脆，但個咖喱汁只可叫做橙色獻汁，完全冇咖喱味，失望！8.5/10分~2大片分了8小塊，又熱又鬆又酥脆，好味，可惜咖喱汁吾爭氣。7/10分~大件抵食，多料，有鮮菠蘿粒，蝦，元貝，蟹柳，肉鬆，腰果及提子粒，可惜不太熱。內有張檯可坐十至十二人，不過食物一般，再來都可能因為個油鬆餅。

一班靚太難得可以丟低老公同仔女出嚟聚吓，真喺一件樂事。近近哋就到附近卓爾居新開的泰紅泰國菜館試吓。四個人總共叫咗六道菜，平均每人一百六十元，菜式包括:泰式金柚子沙律柚子甜美多汁，大蝦爽口，沙律菜夠爽脆，配上炸蒜片同沙律醋，是最好的前菜大蝦冬蔭功湯湯底鮮甜，辛辣味濃，微酸，大蝦略嫌不夠爽口明爐煮烏頭烏頭鮮甜，但略帶泥味，要稍微煮耐一些，等湯底滲入魚肉到就可闢除泥味泰式海南雞（半隻）雖然只叫了半隻，但size似BB雞，份量少得可憐，雞肉嫩滑，但沒有雞味，不值得推介馬拉盞炒通菜通菜夠嫩無渣，馬拉盞夠香夠味泰式炒金邊粉ft賣相唔差，但味道一般，帶甜味唔夠酸，蝦夠爽口，花生碎香脆還有餐後甜品，柚子蘆薈果凍酸酸甜甜的柚子果凍是餐後消滯的最佳甜品，裡面仲有大大粒的蘆薈肉，非常美味