泰紅泰國美食 (已結業)

一個人坐二人枱29分鐘食完，佢叫我搬去另外一張枱，比人哋兩張枱拍埋我移咗枱之後，張枱冇晒食物，佢已經叫我買單我冇理佢，隔咗3分鐘再叫我買單，話出面好多人等位我冇理佢到第37分鐘又再叫我埋單我問佢入座時間係幾多，佢話個半…鐘我俾個安心出行佢睇，我只係嚟咗37分鐘都係叫我買單，以後唔會再幫襯！

呢日放假，男友要去打針，我要去撩鼻🥺撩鼻真係好唔舒服😫😫奈何我係機場做，強制要做檢測，一個月俾人撩3次真心想打人🤦🏼‍♀️.講番正題，我哋晏晝去左食呢間，諗住經過求其食啲嘢算。點知撞正lunch時間，大概等左15-20分鐘左右。.入到去佢哋有lunch menu,價錢唔貴既（唔記得影menu😅)我叫左個肉碎蛋飯，男友叫左個菠蘿炒飯，仲另外嗌左2個小食。.我個肉碎飯好普通，唔差又唔特別好。男友個炒飯就真心麻麻，d料少到可憐🥺個味怪怪地。不過未到好難食既😂d小食係唔錯既👍🏻加少少錢一細份.環境方面真心唔算乾淨，我坐係窗邊，有隻烏蠅飛嚟飛去，張枱又有啲淋痴痴😟😟整潔程度我覺得有待改善.服務方面，真心睇得岀好忙！我個飯就嚟食完，男友個飯都未到。等左至少20分鐘，問佢先知廚房漏咗單。.總括嚟講，食物都對得住個價錢既，份量好夠。但應該唔會再堂食。

Red Thai 午餐係幾抵食的我以前常常光顧不過有段時間食物質素下降就停去了一陣子今日再去係有驚喜的味道不錯點了🐱海鮮濕炒河 $60好喜歡那個鹹鹹香香的泰式豆瓣醬好特別好開胃材料很豐富有菜心、蘿蔔、菇、帶子、蟹柳、蝦等河粉也不太碎，挺彈牙推薦度：👍🏻👍🏻👍🏻👍🏻🐱辣椒羔海鮮炒烏冬 $60甜甜辣辣很惹味甜椒、青口、蝦、洋蔥很足料烏冬也不碎，煮得剛剛好推薦度：👍🏻👍🏻👍🏻👍🏻🐱加$10 蜜糖雞翼兩隻今次煮得不錯外脆內軟之前試過煮到燶晒好乾今次剛剛好🐱跟餐配冷熱飲品奶茶和檸茶用的是泰式茶底挺特別希望食物水準能一直維持👏🏻👏🏻

是日搭輕鐵去左澤豐站既 屯門河畔公園 沿路行返出蔡意橋站 湯圓妹順路去卓爾廣場放低幾兩 之後見呢間當時唔太多人 menu都經濟岩食 試下先～·套餐🔸菠蘿雞粒炒飯 $56都幾大碟 配料好多雜豆 雞粒菠蘿亦不少 抵食又岩湯圓妹胃口🔸黃咖哩雞扒 配 油鬆餅 $56青紅黃咖哩任揀 雞扒豬扒魚柳任配 可配白飯/ 油鬆餅 唔太肚餓就黎配個油鬆餅 非常酥脆但得一塊 湯圓妹又好鍾意食 小食度再追加左一塊😂 咖哩汁夠 薯仔🥔大大舊又夠淋 仲有啲洋蔥青椒之類 雞扒都唔少 但就無咩味同唔算好嫩滑 正常啦追加小食（每個套餐最多點2款）🔸酸辣鳳爪 $10辣得過癮 價格合理🔸油鬆餅 $10即追加即再整 黎到熱辣辣 重覆無再影了😂飲品🔸凍咖啡 🆓冰飲唔駛加錢 但就不設走冰 都唔細杯 OK啦🔸紅豆椰汁冰 升級特飲+$8都係唔細杯 好夠椰汁 紅豆亦不少 抵嗌丫

今日收工想食海南雞飯。諗起卓爾居有間泰國餐廳有賣海南雞飯賣。去到鋪頭冇人理企左門口等叫外賣。見冇人理我行入去水吧講唔該。仲問我出面冇人咩。叫左個海南雞飯餐。70蚊。返去打開賣相已經唔好。薑蓉得油好小好小薑。個飯好干但好黃。個雞仲離譜，碎都不得止。仲鞋，鞋過擦膠，個辣椒汁又咸又辣真係唔知咩味。唔怪之得堂食都冇人幫襯。得一個人等外賣。（個時7:30黃金時間。）仲差個快餐店。唯一係杯椰汁冰冇冰係好好。唔使整淡晒（因為外賣）。不過唔會有下次。非常失望。

屋企附近既泰菜有套餐食所以價錢相宜每次黎都會食佢既辣椒肉碎飯 $68唔會炒得好乾 有肉汁 辣辣地超送飯😋海南雞飯$70 第一次嗌雞肉都好滑 不過個湯唔太夾雜錦串燒👍🏻$68唔會燒到乾柴柴泰菜出面食基本上價錢都頗貴但呢間有套餐揀 價錢唔貴值得黎食👍🏻

呢日出奇地屋企無煮飯，但屋企人又唔想行得太遠食，打算都係樓下附近求其食個快餐就算但我突然醒起呢個商場仔有間望落都幾靚靚仔仔嘅泰國菜❣️就建議不如去試吓！啱啱晚餐時段雖則未坐爆但都算幾旺場👍🏻員工態度友善，都加咗啲分☺️成個晚整體嚟講都算唔錯！絕對同出面可能有啲名氣嘅泰國餐廳有得揮🔥私心特別推介【芝士薄餅】😍【海南雞】半隻肉質好嫩滑！可惜雞皮肥咗少少🤏【炒金邊粉】金邊粉調味跳得非常好👍🏻酸酸地好開胃！原來近近地都有間咁好食嘅泰國菜，下次都一定會再嚟試😆

今日Lunch去泰紅食青咖喱雞扒飯，超級正！😃咖喱汁好濃郁，唔會太辣，搭配白飯真係好好味！🤗咖喱配菜都幾豐富，有紅辣椒、南瓜、豆角😋最緊要嘅係雞扒好大份！！！食完真係好飽，但係好好味認唔住繼續食！😝😝依家飲品仲可以免費升級為特飲！😍😍

今日收工同一大班同事過嚟卓爾居食泰國菜，係非常正宗又好味嘅泰國菜！店員服務態度都非常好！😄我哋一大班人叫咗好多嘢食，辣椒肉碎飯、菠蘿雞粒炒飯、泰式金邊粉、豬扒泰式咖喱，最正係甜酸魚料！大份又好味☺甜品我哋叫咗芒果糯米飯，糯米煮得好軟，啱我口味，芒果都非常正！😉最好店員送咗我哋每人一份薏米綠豆糖水，好貼心呀！呢餐真係好豐富！😍

卓爾居搵好嘢食！又唔一定要食太興嘅！呢間泰式餐廳係真正泰國人主理！我哋一行八人！叫咗好多菜式！有芝士薄餅！咖喱大顯炒意粉！香葉肉碎蛋飯！菠蘿海鮮炒飯，咖喱牛腩拼泰式薄餅！！馬拉盞炒椰菜！我哋各自仲各自叫左啲特色飲品！今晚真係非常飽足！下次都一定再嚟！推介推介！

我5點幾訂餐要7點45分配送，7點20分check手機顯示7點31分會送，7點半再睇手機你幫我訂單已取消？毫無通知，亦無事先通知！母親節就咁俾你間所謂餐聽一穫翹起！😡

事緣今日母親節，我母親好開心咁order佐呢件餐廳。佢今日中午3點就order佐，話7點會到。結果7點話7點半會到，7點半話8點先會到。我7點就開始食飯，咁我唯有7點半打個電話去間餐廳啦話想cancel張單啦，但佢竟然單都吾幫我check，一句「我好忙啊」就cut佐我線！Wa 你忙都要manage下啲單啊～幫我cancel張單都好啊。真係好冇禮貌。服務質素係一間好餐廳既要素，我表示對呢間餐廳好失望。

近期試咗屯門卓爾居一間好好味嘅泰國餐廳一於介紹吓!餐廳唔算話太大但係座位亦算闊落周圍牆身係用噴漆塗鴉畫好特別!我哋叫咗一個冬陰功,飛天通菜.黃咖喱雞,烤薄餅、串燒.菠蘿炒飯等等~冬陰功湯底好香濃而且唔會太鹹..和很辣.味道適中!而飛天通菜一嚟到已經聞到好特別嘅泰國香料味.食落口菜好爽口和幼嫩黃咖喱雞好好味，而且份量一啲都唔小.又唔會太辣.小朋友都啱食.菠蘿炒飯好大個飯.而且飯粒.粒粒分明.爽口彈牙.再配合埋海鮮同腰果食落去有唔同層次嘅口感

今日最初咩人等位個侍應叫你唔駛襟飛跟住遲黎既人囉左位，又話你唔襟飛所以無位，無經理，無老闆處理，垃圾管理呢間野價錢比屯門區其他貴，飯同餸又唔多奶茶咖啡又唔好飲食泰國野，去食平啲，無咁谷氣

第一次寫食評，因為真心覺得要俾個評論呢間餐廳。隔左半年再食，不但冇進步，仲要難食左…雖然今次只係食lunch，但炒飯唔熱，加上淡而無味，飯係濕的…店員服務是可以的，只是廚師的出品明顯冇心求其。總結真心唔建議…