泰皇閣泰國菜館

營業中

休息中

有人話黃店餐廳通常係呃飯食，食物質素低，我諗呢間泰菜絕對可以證明呢句說話係錯！鋪頭裝修呢度同一般黃店差唔多，坐位稱唔上闊落，但係我可以接受。我同愛人都係叫番d例牌菜—菠蘿炒飯，海南雞同串燒。份量大到得人驚，個菠蘿炒飯有足足一個菠蘿咁大，味道非常唔錯，飯濕度岩岩好，粒粒鮮明，又唔會太乾身，用料都好足，又青口又蝦。海南雞肉身嫰滑，唔會太肥，d雞多到差d食唔哂咁濟。串燒就水準之作啦，沙爹香，無燒到柴哂。佢呢度好攪笑，有得揀墨魚丸燒，幾得意。整體黎講，真係五隻字形容：好食夾大件！唔提政治因素，呢間係一間高質泰菜。

餐廳晚市坐滿人，一看就知道是好吃的餐廳，我跟朋友住附近，很懷念泰國的味道。檸檬香茅茶外面很冷，一誰餐廳就點了杯熱飲，酸甜開胃，香茅有股清香味，吃完飯喝可以解膩，一杯份量多，由飯前喝到飯後。沙嗲串燒我跟朋友都很喜歡雞腎，爽脆又不會很韌。醬汁的沙嗲味比較突出，花生味不是很重，一點點辣度，點串燒來吃一流，味道更濃郁。豬跟雞都不錯，肉很嫰又有一點點肉汁。泰皇閣招牌炒飯賣相一流，飯量也非常多，蛋裡面是蕃茄炒飯，加了三色豆，還有海鮮，用料很足，好味。

今日陪個朋友來到九龍城買些泰國的食材，入夜後順路找間泰國餐廳食晚飯，今日搵了間「泰皇閣」，我們好快入座。服務員都好有效率奉上餐牌給我們，食物選擇都很多，點菜後，食物都好快地逐一奉上，先飲本店的特色飲品先.......熱蝶豆花茶($28)呈現了迷人的紫藍色，它含有大量的花青素，不但可以美顏且有助抗氧化，仲有助消炎，舒緩情緒及安眠等.....深藍的蝶豆花加入了檸檬變了紫色，飲落味道甜甜帶微酸，大約焗了5 至10分鐘拎走茶隔就可以飲!檸檬香茅茶($28)這是我友人點的飲品，陣陣的香茅味都好清香，天然檸檬的微酸，有助降膽固醇，更有消炎、預防感冒、舒緩關節痛的功效。椰汁大蝦湯($78)飯前飲碗熱辣辣的湯水真是太好，熱誠的服務員端上了盛裝著椰汁大蝦湯的錫鍋，香噴噴的椰汁味道加入了大蝦的鮮甜，蝦肉都好爽口，當中再加入香茅、青檸、菇菌、紫洋蔥等，濃稠湯水都充滿鮮甜酸香，跟平時飲的冬蔭公相似，只是沒有辣，令人喝得更滋味又開胃。沙嗲串燒(半打)($82)可以選擇三款($82)，包括有豬肉、雞肉、雞腎及墨魚丸，即叫即燒，最後我選擇了雞肉、雞腎及墨魚丸，端上來時已經烤得好香，大大粒墨魚丸烤至微焦，咬下爽口彈牙

九龍城出咗名多泰國菜，除咗即叫即整既泰式串燒外，基本上每條街緊有1-2間好地既泰式餐廳！我同朋友行下行下就見到泰皇閣，呢間舖頭裝修風格充滿泰國特色，就決定試試佢由於我地前面好多人等位，差唔多等咗9個指先到我地，而舖頭姐姐好有禮貌，仲係咁講唔好意思，後尾仲送咗卡比我地timso sweet。坐低個陣即刻瘋狂叫野食，先介紹野飲及前菜👆🏼芒果沙冰有濃郁芒果味道，十分軟綿，整體口感好清爽！。👆🏼酸辣鳳爪沙律+青檸沙冰⚠️唔食得辣既朋友請注意⚠️醬汁絕對係比想像中辣好多，而且個隻辣係慢慢咁滲出嚟。鳳爪肉夠爽脆，雖然係辣，但酸酸辣辣得黎好過癮，食到停唔到再飲埋清新酸爽既青檸沙冰，一個字！。👆🏼沙嗲串燒(半打豬雞)外皮燒至微脆，內裡依然保持肉嫩多汁再點埋沙嗲醬口感更豐富又有層次。👆🏽炸蝦餅外皮炸至金黃色，入口酥脆，口感彈牙夾埋泰式酸辣醬一齊食更惹味。。👆🏽甜酸炸鰂魚魚身切片再炸至金黃色，係一道別出心裁嘅餸菜。而且配料豐富，有洋蔥、蕃茄、菠蘿，酸甜爽脆又可以突顯到魚肉鮮味！。👆🏼泰皇閣招牌炒飯大蝦爽脆，炒飯夠鑊氣！

五大訴求 缺一不可！香港人報仇！支持黃色經濟圈！食物即點即煮 有啲耐絕對好食 好過Bangkok啲泰國菜好多色香味俱全選擇眾多 要試一個月都試唔晒地方乾淨 設有連儂牆 最重要係黎親都係手足！快啲黎試下！

同一班靚靚女同事出外食聖誕大餐， 揀左九龍城的泰皇閣， 舖頭特式裝潢，配有聖誕裝飾，有氣氛， 舖頭座位不多， 椅子舒適但偏細， 同埋無地方放袋， 建議椅子下加個的竹籃。 上菜速度也快 可惜常常催我們埋單， 碟頭唔算多，可以食多幾款。柚子沙律-開胃小食， 份量算多。招牌海鮮炒飯-賣相唔錯， 味道一般雞翼串燒- 其中兩隻烤得黑蚊蚊變炭了， 味道也不錯。鹹焗盲鰽-魚滑好滑，無想像中鹹，火候啱啱好， 。炭燒豬頸肉- 每片大小厚度差不多。 調味酸辣醬不錯，烤得很脆。咖喱軟殼蟹配牛油包- 完全唔辣，咖哩好稀， 軟殼蟹唔脆，賣相吸引。食到中段再加單， 人流開始多都快做好即送上。清邁豬肉生菜包-肉碎洋蔥粒， 生菜乾淨完整。肉片炒河粉-肉片有口感， 河粉有點過油。除開每人夾170蚊有找。只收現金，每人仲有杯野飲， 抵食。

今日只係平日，晚飯時間都好多人等緊位。原來可以book位既，下次要記得。木瓜沙律 $58酸辣度剛剛好，木瓜好脆口，令人更加開胃。脆肉炒椰菜苗 $70食泰國菜，蔬菜類我特別鍾意揀呢個。睇落好似好細碟，但原來食落份量一啲都唔少。泰皇閣招牌炒飯 $90呢個係比隔離枱嘅賣相吸引左，見過實物，睇個樣都知一定好食，真係冇揀錯。芒果沙冰 $32好大杯，性價比高炸蝦餅 $76炸物係食泰國菜唔少得，而蝦餅係我嘅至愛，果然冇令我失望。大大個招牌好易認。

第一次黎食晚飯，客人好多但幸好不用排隊。餐廳環境不錯，舒適。我地落單後，很快就上左頭兩道菜飛天通菜及明爐清湯大蜆。 通菜微辣惹味，份量適中。 清湯大蜆的湯帶點酸甜味及少許辣，配上的大蜆非常新鮮乾淨沒有沙。第三道菜是燒安格斯牛肉（青檸），濃郁牛肉配青檸非常合適開胃，建議不能吃辣的朋友記得先撥開牛肉上的香料。 不過牛肉中間不易咬開，感覺頗難消化。最後一道是招牌炒飯，感覺似西炒飯，但佢加左蛋蓋係炒飯面，配搭有海鮮之類。總括都幾特別，可以一試。唯獨呢碟上菜非常慢，等左十幾分鐘先出到。

九龍城不嬲都出晒名好嘢食多 特別係泰國菜今日收咗工就黎九龍城同朋友兜個圈 搵吓有冇啲未試過嘅泰國菜！見到呢間泰皇閣好似門面裝飾都幾特別 就入去試下泰東豬肉生菜包有兩款生菜包 呢一款就冇咁辣嘅 啱晒啲唔算好食得辣嘅朋友 生菜都幾新鮮爽脆 而肉碎都炒得幾香口 份量夠兩至四人食燒元貝新鮮大大隻嘅元貝配上香蒜XO醬嚟燒 真係不得之了 醬汁非常好味 元貝好彈牙 差唔多有成個手心咁大 非常抵食泰皇閣招牌炒飯用咗蛋包海鮮炒飯 上面配上一隻黃金蝦 賣相十分不錯 裏面有青口、蝦仁、魷魚、提子乾等等 用料豐富芒果糯米飯芒果非常足料 用咗原個芒果 糯米飯整成一個花花嘅形狀 上面鋪滿椰汁再落咗一啲芝麻 變得好香口 芒果都好鮮甜總括而言 呢間泰國餐廳性價比都算高 坐得幾舒服 上菜速度亦都好快 一定會再返嚟食

識食青咖哩一定係配薄餅同埋蒜蓉包！薄餅唔會好厚粉，而且好吸汁，成塊薄餅浸曬落咖哩汁食好正😋😋青咖哩比較甜，岩曬食唔到辣的朋友！蒜蓉包新鮮焗出黎，好脆口而且夠曬濃味，我比較鍾意單食蒜蓉包，因為咖哩本身好濃味，會蓋過左蒜蓉味。泰皇閣招牌炒飯賣相好吸晴的一個炒飯🤩係炒飯上而鋪上網形的炒蛋，同埋大蝦開邊，蒜心思十足。炒飯粒粒分明，唔會好油。以茄汁做主要調味料，食落有d似港式西炒飯！最後食埋呢個燒豬頸肉，肉邊燒得好脆，入口油香味十足🥰好肥仔但好好食呀！

早幾日實在太掛住我家鄉（泰國）但我今年大假已經冇晒 ，最快都要等到出年先有得再去，好鬼失落 ，所以我決定今日收工點都要去九龍城搵一搵家鄉味道，頂一頂住先 ！今日食晏時已經上網做下功課，搵到呢間泰皇閣評價都十分唔錯 ，所以決定去試一試佢 ，順利打去book位 ，已經好期待。收工準時到達，好快已經安排到位置 ，坐底環境感覺都坐得幾舒服，乾淨企理，睇下餐牌好多野都好想食，但奈何我地得4個人 ，不過唔理喇，想食就叫啦 ，最多打包聽日Lunch啦。精選幾樣比大家參考生蝦刺身生蝦夠新鮮，食落仲好爽口彈牙 ，但最出色係個泰式辣汁，應該係佢地自家調製，夠晒辣同酸，食得好過癮 ！炭燒豬頸肉呢個又係好好食，佢燒到岩岩好，外面皮燒到好香脆，食落仲食到少許炭香味 配埋個汁，不得了，正👍🏻明爐魚魚夠新鮮一d都唔腥，加埋個汁酸酸辣辣食落好過癮 ，不過條魚都幾多骨，食時要小心少少，總括都係正架！

之前和同事去過九龍城泰皇閣食泰菜，食物質素唔錯，今日就帶老公去試下。餐廳門前一樣有炸蝦片賣，係做慈善公益，老公立刻買返包支持一下。燒海盲鰽：以泰式鹽燒處理，魚身飽滿外焦內滑，揭開焦香的魚皮，潤澤皎白的魚肉即呈現眼前，盲鰽本身多肉少骨，魚肉嫩滑，點上泰式酸辣醬汁，酸香開胃，將魚肉的層次提升，十分惹味！泰式乾炒河豬：用濶身泰國河粉加埋芽菜、蛋、肉片、蔬菜炒，好有穫氣又夠味，河粉滑溜，肉片軟嫩，又香又惹味！菠蘿海鮮炒飯：用新鮮菠蘿起肉，加入海鮮炒飯，飯炒得粒粒分明好香口，加些腰果和肉鬆，增添口感和味道。有美食少不了啤酒。

一想吃泰國菜我便會約朋友去九龍城的泰國餐廳吃飯～這間餐廳食物選擇多，所以我們兩個人就決定試一試～炸蝦餅拼春卷 $76春卷裡面有木耳絲和粉絲，所以炸完之後依然有爽爽的口感，不會太過油膩，比起市面上的春卷來得好吃！炸蝦餅很彈牙又有蝦的鮮味，點著甜酸醬吃很開胃，超喜歡它脆脆的外層！甜酸醬炒鮮魷 $80因為叫了很多蝦我們選擇了炒鮮魷，它的感覺有點像生炒骨，有很豐富的蔬菜配料，甜酸醬很濃郁，和彈牙的魷魚一起吃，原來也不錯。菠蘿海鮮炒飯 $82這個炒飯的份量絕對是超出兩個人可以處理 上面滿滿的肉鬆配上微酸的炒飯很香口，裡面還有很多新鮮菠蘿粒和大大件的海鮮，不會太乾身，菠蘿控必點！芒果糯米飯 $55作為泰國菜的代表甜品，這間餐廳的糯米飯可以說是視覺味覺兼備，值得加分的位是糯米飯熱熱地呈上，軟糯口感配上不是太甜的椰汁，就算單吃都很好吃，芒果肉清甜沒有渣，就算再吃多一份絕對不是問題～

今晚同家人到九龍城食泰國菜，經過泰皇閣覺得都ok就入左去。門口見到餐廳初一十五都會捐齋菜，抵讚。入到去睇完餐牌就點左串燒，原隻菠蘿海鮮炒飯，馬拉盞炒椰菜苗，芒果沙冰。芒果沙冰-夠晒凍，又香芒果味，口感好好。串燒-點了墨魚丸，豬，雞。燒得岩岩好又夠香，肉質良好。原隻菠蘿海鮮炒飯-好足料，有好多海鮮，仲有好多新鮮菠蘿，有肉鬆在飯面仲有腰果。飯炒得夠乾身香口好味道。馬拉盞炒椰菜苗-辣辣地夠香口,菜翠綠好味道。

小倆口找吃的找到去九龍城！無他，想去泰國旅行想得慌了，唯有去吃個泰菜止止渴。九龍城最多的是泰國餐廳就眾所周知，但要找到一家出色的便要花點心思。是次另一半就挑了這家泰皇閣，位於衙前塱道，下班後從旺角先達中心旁坐紅色小巴過來才十分鐘左右，也很快，將來如果開通了地鐵沙中綫就更方便。小倆口這天不是很餓，所以粉麵飯就免了，先要了個柚子沙律和泰東生菜包，還點了一個芒果沙冰。柚子沙律的賣相不錯，柚子很新鮮，還配有鮮蝦，吃著十分開胃，入口時有一點椰子味，原來裡邊也混了一些椰絲，口感頗為豐富。份量也不算少，兩個人吃剛剛好。再來是最愛的生菜包，幾乎每一次吃泰菜也會點。餐牌上有兩個選擇，一個是清邁的，另一個是泰東的，兩者都是用豬肉，價錢也一樣，弱弱的我表示不知道有甚麼分別，看旁邊清邁的有三隻辣椒表示比較辣，泰東的只有兩隻辣椒，便點了泰東的。生菜很精緻的插在一個類似杯子的器皿上，每塊生菜以一匙肉放上去剛剛好，生菜很爽脆，肉也醃得十分入味，不會太咸，當中還有一點點青檸的清新味道。另一半想要點串燒，但我們週未剛剛吃過了另一家的，看餐牌雞翼可以逐隻點，便簡單的只要了兩隻燒雞全翼，出乎意料也十分不錯。雞翼燒得剛剛好，