泰皇閣泰國菜館

營業中

休息中

.好耐冇黎九龍城食泰菜啦，今次我地平日黎食，唔洗排隊又可以避開人群🤣好relax~我地叫左三樣野，食到好飽好滿足😍蛋包鮮蝦金邊粉($75)平時食開係普通炒金邊粉，呢到有蛋包金邊粉，係360度包住😂面頭仲好有特色咁做到好似成舊菠蘿咁。以前我麻麻地食炒金邊粉，因為覺得好油，一係冇咩味，呢間既金邊粉炒得好好食，酸酸甜甜好開胃，又唔會好油，熱辣辣炒起好好食😋炸皮蛋球($82)見到呢個幾特別，佢係用蝦肉包住皮蛋拎去炸，好脆口，皮蛋又香，超大份又足料🤤白灼螄蚶 ($90)我第一次食螄蚶，肉質都細嫩，不過唔夠鮮美，要點啲辣醬食先ok。椰青 ($33)好大個椰青，好鮮甜，仲可以刮椰肉食。佢有兩個舖位，入面都大，有梳化位，枱大大張都坐得幾舒服。.味道 ★ ★ ★ ★ ☆環境 ★ ★ ★ ☆ ☆服務 ★ ★ ★ ★ ☆價錢 ★ ★ ★ ☆ ☆.

數不清幾多個沒有堂食的晚上🌃第一頓獻比九龍城既泰國菜🇹🇭💛.炸蝦餅 $76比我想像中大舊 炸得好脆口 配埋醬汁 好好食😋泰皇閣招牌炒飯 $90味道好似食緊西炒飯咁🙈🙈但係又幾足料 隻大蝦真係大大隻 童叟無欺沙嗲串燒 半打 (可選雞/豬/墨魚丸/雞腎）$82我哋簡咗雞肉、豬肉同墨魚丸各兩串，肉質好juicy，唔會好似其他鋪頭咁燒到好乾，可encore🙉冬蔭功湯 - 小 $78我哋以為叫小既就係細細碗 但出黎係正常size😆雖然無爐仔烘住，但捧出黎熱辣辣已經好好飲😋個人認為可以再辣少少🤏🏻芒果沙冰 $32捧出黎勁大杯 要即刻啜大啖 先無咁瀉 唔算太甜 🤞🏻九龍城食泰國野真係好抵 食咁多野 都係$400埋單 出到黎都有好多人等緊 祝生意長做長有！💛

近宋皇臺站，行1-2分鐘就到， 午餐好平，一律$49，仲送特飲， 好抵食。好有善心，有蝦片義賣，又有捐款，逢初一十五會免費派飯盒比有需要人士。✨味道77分，環境75分，服務73分。.🔸青咖喱牛肉配白飯($49)青咖喱勁香，好濃郁，唔會好稀，有椰汁香。牛肉唔韌，不過啲豆就硬左啲，應該再煮稔啲，汁配白飯一流，直情想食多一碗飯。🔸椰汁珍多冰雖然個嘢飲係送，但個椰汁都濃郁，唔會溝水咁，有啲綠色一條條咬下。.🔸泰式炒金邊粉($49)酸酸甜甜，幾開胃，份量都幾多，成盒滿晒，炒得幾好，就算帶到返屋企，都唔會黐埋一餅。🔸洛神花蜜底下真係有洛神花，幾酸，微甜。.🔸泰式飛天通菜($35)喜歡食飛天通菜嘅一定唔可以錯過，午餐只需加$35就有，份量都唔少，又香口，又辣辣地，超級惹味。

這間餐廳其貌不揚，不覺得有什麼特別，看餐牌之後，其實不太找到喜歡吃的東西，不過又費事揀過第二間，於是就內進吃個麵了。結果是了豬頸肉金邊粉。金邊粉份量不太少，不過湯底味道比較淡。幸好它還有提供分開四格那種調味料，加點魚露、加點辣椒，都可以令到湯底有點味道燒豬頸肉的確有燒烤嗰隻感覺，不過始終放在湯底裏邊，難免會削弱了火氣以及燒烤味道。飲品都不算昂貴，特飲都是幾元，環境舒適，還算是附近一帶不錯的泰式餐廳。

今日同大家分享下一間九龍城泰國菜😋-💛黃色商家-🥙泰皇閣拼盤 ($160)一上到嚟幾驚喜，好似啲tea set咁有三層，最上層係蝦片，全部都大大塊，夠脆又唔油😙中間係去骨鳳爪沙律，調味同鹹淡適中，最下層有炸蝦餅、香茅魚餅、春卷同粉絲卷，全部都幾大舊，炸蝦餅都夠彈牙，整體都唔錯🥰-🐂燒安格斯牛肉 (青檸) ($110)啲牛肉幾入味，不過有幾塊略嫌過熟，咬落有少少韌，整體熟度都可以，酸辣嘅調味幾開胃，都唔會太濃味遮咗牛味，仲有啲椰菜係底，食落幾清新😋如果同小編一樣唔係好食得辣食到最後應該會覺得有少少辣，但係都係可以接受嘅範圍內🥲-🦑泰式燒魷魚 ($100)原隻魷魚上，味道唔淡，熟度都啱啱好，食落幾香幾彈牙，仲有少少汁，唔會好乾身☺️-🥭芒果沙冰 ($32)真心好大杯，小編已經飲得好快，但都好似飲極都飲唔完咁…不過略嫌芒果味淡，同埋唔算好甜，但真心幾抵飲😛-午餐時間去食唔使等位，餐廳有兩間舖所以都幾多位，環境都整潔，食物味道都唔差，份量都好夠，雖然未係九龍城泰國菜最好食嗰間，不過都值得一試😛-味道 8/10服務 8/10環境 8/10回頭率 8/10總評 8/10😋💛人均消費 $200💰(小編

👦🏻和🧒🏻明天都放假是學校辦學團體的聯校教師發展日🆒心情輕鬆徒步落九龍城吃泰式lunch整體食品水準中上價錢都算平而且冇加一炸蝦餅🍤香脆Q彈炸粉薄薄地一碟八件各半圓形脹卜卜芒果沙冰🍹大大杯滿到瀉的感覺未飲已加分才$32，抵啦椰青海鮮飯一上枱已經超香飯裡很多椰肉汁料主要在頂部吃前要撈勻啊😋泰式乾炒牛河用的是泰菜常用的闊身河粉菜多、碟頭大芒果🥭糯米飯很好吃🧒🏻一個人十分鐘K.O.了

因為懶嘅關係所以就睇吓 foodpanda 有咩好食, 見到🔸泰皇閣🔸嘅評分都比較高, 所以今日一於食泰國菜!🥢 燒安格斯牛肉(青檸)本身好鐘意食🔸友誼🔸嘅檸檬燒牛肉, 亦試過其他舖頭嘅出品, 不過都不及友誼, 但係估唔到呢間嘅燒安格斯牛肉可以媲美友誼。賣相精緻, 牛肉燒得粉嫩, 肉質軟腍, 雖然有泰式辣汁喺面層, 不過唔會過辣, 好好食呀。🥢 椰青海鮮炒飯點會諗到外賣都可以好似堂食一樣, 一開個外賣包裝, 就覺得好! 精! 緻! 呀! 睇得出餐廳真係好用心, 唔會因為外賣就求求其其。座椰青山面層有焗芝士, 海鮮有蝦, 魷魚, 青口, 充滿椰肉, 又香又好食。🥢 咖哩豬肉 & 蒜茸包咖哩味道香濃, 有淡淡椰奶味, 唔會太辣, 豬肉肉質軟腍, d 洋蔥好淋好甜, 配埋蒜茸包食真係會一啖接一啖停唔到口。💭 整體食物都好好食, 有機會一定要堂食再試吓。

最近黎左兩次，小食同飲品唔錯，但係主食既質素飄忽，仲未叫中一個好吸引到我既🙊環境狹窄，唔會話坐得好舒服，不過九龍城好多泰國菜餐廳都係咁，勝在侍應服務夠友善😹▪️ 炸蝦餅（7.5/10）💲72第一次去係叫炸蝦餅配魚餅，蝦餅新鮮炸起熱辣辣，個皮夠薄唔油膩，蝦漿彈牙，配埋酸辣醬真係一流，而魚餅口感腍啲，香茅味偏重🤭相比下蝦餅好味啲，所以呢次單叫蝦餅🍤▪️ 泰東生菜包（豬）（7.5/10）💲78想影既時候已經比人食緊🤪好大兜又幾足料，有辣椒、紅蔥頭、蔥同埋芫茜等，加上半肥瘦豬肉，入口唔會太乾或者太濕，對我黎講會稍微辣左啲但好惹味，配上爽脆生菜🥬▪️ 蛋包鮮蝦金邊粉 （6/10）💲80第一次食個泰式濕炒豬河還好，不過個菠蘿海鮮炒飯就無咩海鮮太單調🤥今次呢個金邊粉都一般😭幾隻蝦缺乏鮮味，金邊粉較濕同油，仲要係偏甜茄汁味底，同我預期中有出入🤯▪️ 椰青 （7.5/10）💲33夠冰凍清甜，仲要椰子肉好滑😎▪️ 椰汁冰（7.5/10）💲28有香濃既椰奶味，又唔會過甜，解辣必備🤣🔎 整體評分（7.5/10）

九龍城一向都多泰國🇹🇭餐廳，不過要好食既就唔係間間都達標啦😏小編今日進軍九龍城去位大家試味呢間高質泰餐廳，中意食泰國野既朋友要留意啦😍呢間泰餐係九龍城，小曼谷泰餐廳果條街，過門口好細所以都唔係好顯眼，不過招牌係大大個寫住泰皇閣😆 中午套餐好多選擇，好多都係45大元包埋杯青檸水，性格比好高啊😆🎀燒豬頸肉配白飯 ＄45白飯同豬頸肉各佔左個碟一半，份量足夠，肉都唔算少🍚 白飯正常發揮，豬頸肉有驚喜😍熱辣辣燒得好正又唔會燒到太火農，仲要兩塊菜係底(不過應該吸曬油所以小編無食🙊) 肉好嫩完全唔會咬唔到，好好食啊😋＊大家要留意返，小編係叫左汁另外上，平時汁係淋豬頸肉面頭＊😁🎀泰式炒金邊粉 ＄45padthaiiii相信熱愛食泰國野既朋友一定食過🙆🏻呢碟padthai份量足夠，唔係炒得好乾個種 不過略嫌太油🙈 但係中意食padthai既朋友可以試下🍝野飲方面要好好介紹下🍹絕對係加分位!!🎀藍色果杯係蠂豆花茶 跟餐＋＄5 小編唔知係咩，以為係玫瑰花茶d frd所以就叫左黎試🐒但係又出奇地好飲!! 唔知大家覺唔覺，好多餐廳有花茶真係係咁咦放花落杯野度就叫花茶但係係無味的😓 呢杯就無同，起碼係有味道既花茶

開始晚市無堂食，當然外賣支持。已經食過好多次，經常的起心肝寫食評但又忘記了。但係食店實在太難經營，所以真係要多啲支持想食泰國嘅不二之選，安格斯醬汁醒胃，每次必叫咖喱炒蟹隻蟹有兩斤，冇嗌到蒜蓉包簡直浪費咗個咖喱汁！之前多數都係叫咖喱軟殼蟹，咖喱軟殼蟹一定唔會失望，軟殼蟹炸得啱啱。如果炒蟹同軟殼蟹，我個人都係鍾意食軟殼蟹多啲。好胡椒蝦，隻蝦有半隻前臂咁大隻，蝦頭有膏好正，啲黑椒係大大串，再加粉絲超入味，極力推介不過粉絲好飽肚，食咗少少已經覺得好飽炒貴叼略為淡味咗啲，但係整體都非常合格！皮蛋炸蝦Keep住水準。叫咗五樣嘢四個人食，份量實在太多好飽。粉絲最後食唔晒，留左明天再食

九龍城出名食泰國菜就大家都知不過咁多間裏面要搵間好食唔伏都要靠經驗㗎😂對上一次食呢間冇咩留意到係咪有兩個鋪位 今次假期再訪嘅時候 兩間出面已經排哂隊🥲🍴菠蘿海鮮炒飯 HKD82食泰國菜點可以唔叫菠蘿炒飯先面頭鋪咗肉鬆同果仁 海鮮有魷魚 青口 蝦仁 最特別係炒飯入面加咗粒粒泰式臘腸🤩🍴炸蝦餅拼春卷 HKD76一次可以滿足哂兩個願望🌟蝦餅好出色 啱啱炸起仲係熱辣辣 炸到金黃色外脆內軟 而且好彈牙 仲要每粒都好厚身 咬落好有滿足感春卷同坊間味道唔同 品道比較濃🥘冬蔭功 HKD78呢度嘅冬蔭功嘅料同湯份量一半半 味道偏酸 可能今次坐細枱 所以冇放個爐熱住個湯 🥥椰青HKD33💬可能今次假日嚟 人流較多 大約等咗15分鐘 坐低咗都甩咗幾次單 不過店員都好有禮貌嘅 另外見人嗌咗燒安格斯牛肉都幾吸引🥲🚩 泰皇閣泰國菜館 九龍城衙前塱道15號地舖

泰皇閣泰國菜館已經2年冇去過泰國啦。。。。相信係中學畢業之後，第一次咁長時間冇去過泰國T_T唯有去食下泰菜懷緬下。一講泰國菜，相信大家都會諗起九龍城。由於九龍城基本上每間泰國菜都係大排長龍既關係，我地好隨心咁等簡咗泰皇閣！ 餐廳既座位都算係幾迫，不過唔緊要，最緊要係有泰國野食。燒豬頸肉本人至愛😍 呢到既豬頸肉外面燒得都好乾身，而咬落去，都依然係多汁既！配埋個醬汁，簡直一流😂😂 誇張咗少少，唔好意思。白灼螄蚶好多人都唔好呢味餸，覺得佢好腥好臭同埋污糟。我本身都都麻麻，但最後都比佢毒到。呢間既螄蚶唔灼得過熟，每一隻都有少少血係入面，男朋友話係咁先好食喎。 食落去，又真係幾好食，冇腥臭味，反而好鮮甜。唔錯！蛋包金邊粉金邊粉比蛋包住，有包温作用，食到最尾都仲係熱架！咁金邊粉都夠鑊氣，而且份量十足。但略嫌甜咗少少，如果多少少酸味會更好食。炸蝦餅好大粒呀，而家好爽口彈牙，配埋個雞醬，點會輸。燒安格斯牛肉見到隔離枱叫咗，見到幾靚，我地又叫咗份。份量都算大，一碟應該有大多過十塊牛肉。但牛肉有少少過熟，肉質比較韌肉鞋，而且調味係偏辣，有少少可惜🥲

🌍泰皇閣泰國菜館 (九龍城)自從宋王臺通車後 去九龍城食飯方便左好多 呢頭好多泰國菜🇹🇭 今次去左幾出名既泰國餐廳-泰皇閣 餐廳職員好有善 服務態度非常好 而且食物質素好▫️蛋包海鮮金邊粉$75▫️沙嗲串燒半打$82▫️芒果糯米飯$55個人覺得沙律串燒同芒果糯米飯必叫，實在太好味啦！芒果🥭分量好多，真係好鬼鮮甜，糯米黏度啱啱好，完全唔會硬身，好正 ！另外，沙嗲串燒分別叫左雞、雞腎、豬肉，估唔到三樣野都好好味，肉質鮮嫩，醬汁好好味，入面花生粒，口感唔錯 😋 ，雞腎都好正，唔會硬身。最後蛋包海鮮金邊粉不過不失 樣子吸精 食落去味道唔錯！💵消費：218✨環境：7.5/10 🙋🏻‍♀️推介：8/10📍九龍城衙前塱道15號地舖

好味泰國菜，佢有兩面鋪，不過係同一間黎，一邊闊落啲，一邊迫啲，早啲去到可以坐好啲😋因為6點幾去食，所以無乜人，唔洗等位。叫左4樣野食同兩杯野飲。沙冰會比勁多😋羊架麻麻哋，太大件，味道有啲奇怪，可能平時食開西式，唔習慣食泰式。煮蜆啲蜆勁大隻，勁多肉，啲汁又正，仲會有個火一直燒住，無甘快凍。生蠔上面啲泰式配料夠多多野味😋又大隻👍皮蛋蝦餅係一隻最鍾意食嘅，蝦餅揸得夠趣，裏面又有口感，配埋皮蛋好味。

▾要係九龍城搵泰菜唔難 但要搵間又高質又抵食既就絕對唔容易🇹🇭😌但呢間食物有水準之餘性價比都幾高👍🏻 ▾🦐生蝦刺身 $𝟏𝟎𝟖平時食生蝦刺身都好容易會肚痛🤢今次反而無😊蝦好爽而且個汁出色!!😚🍳🥢蛋包鮮蝦金邊粉 $𝟕𝟓唔知點解佢會離奇地加茄汁炒😅所以食落怪怪地（但其實又唔差😂）份量好夠2個人食 但嫌佢炒得唔夠香🙈🥢🍤炸蝦餅拼魚餅 $𝟕𝟔平時唔係常食呢個 但2樣都炸得幾好食 食落唔會好油但又好香😚蝦餅層炸漿又會太厚又好脆😊😊🥢🐮燒安格斯牛肉配青檸 $𝟏𝟏𝟎對呢個幾有期望🙈牛味好重!!但有d overcooked左所以有幾塊咬落都有d韌😢而且覺得佢可以切薄d🥲✦整體✦雖然餐牌食物同其實小店差不多 但食物質素都好滿意 不過餐廳唔大 比較適合2-6人🙈╼ ╾💰 $150 𝘱.𝘱 (𝚍𝚒𝚗𝚗𝚎𝚛)🔎 泰皇閣🔍📍 九龍城衙前塱道15號地舖🏃環境舒適度：𝟛.𝟝 /𝟝💵ℂℙ值：𝟜 /𝟝👀回頭率：𝟜 / 𝟝