泰燒遙 (已結業)

平時一至五都要返工，星期六終於有機會去食下午茶喇！今次去左尖沙咀泰燒遙度tea 一 tea!泰燒遙同KC Korea 做緊推廣，只要於31/1/2016 前點選指定泰式tea set，即可獲贈總青擰梳打，它跟平常舖飲的有少少不同，因為青檸檬是大片的，酸味特別濃，初初以為只得一片咁少，但原來味道是調教到剛剛好的！我就沒有特別叫$338個個泰式tea set，因為不是太肚餓，所以叫一個少dd嘅set 就算了！呢個set有3層高，望落以為唔夠食，原來食落已經夠飽，而且佢地醬汁執仲配搭得好好添！雞肉串同豬肉串燒到肉汁剛剛好，不會太老，燒蝦亦好鮮甜，開頭睇佢燒豬頸肉好似好乾咁，但配埋燒肉汁味道剛剛好！青芒果軟殼蟹沙律味道酸味味咁、青芒果十分爽口；泰式鳳爪比我想像中要軟身的容易入口；鮮蝦柚子沙律亦很開胃、柚子非常甜甜品拼盤是泰國最出名的甜品特別一提，呢個椰汁糯米糕椰汁非濃郁，仲唔會好甜，真係想再叫多份，但已經夠飽了！泰燒遙地方不單非常方便，而且仲食野之餘仲有禮物送，下次一定會再約朋友仔黎，希望下次都會有禮物送！泰燒遙 (尖沙咀)地址 : 尖沙咀諾士佛臺1號5樓電話 : 2721 9898

這天來到尖沙咀跟朋友吃晚飯，她說想吃泰國菜，我們就去泰燒遙，因為泰燒遙在她公司附近，所以就安可來了。朋友工作不順利，所以大家就約吃飯，雖然沒有什麼實際幫助，但她發洩一下也是好事，工作這麼辛苦，當然要對自己好一點，吃好一點，Rain 絕對是奉信「辛苦搵來自在食」這一句話。生蝦刺身吃了這麼多家的生蝦刺身，還是覺得泰燒遙的最精緻，用小杯盛上生蝦刺身，小杯內有著酸辣汁伴隨生蝦刺身，水準依依，非。常。好。吃！香茅蝦坦白說，吃完生蝦刺身之後，充滿了辣味，我再吃這個蝦時，真的吃不出味道。菜式非常小巧精緻，外貌滿分！華欣炒河一般 Rain 都是吃炒金邊粉，今次想試一些新的主菜，今次就點了華欣炒河，蛋絲、芽菜、雞肉及蔥花跟河粉一起炒，這碟炒河炒得滿乾身，而且不算是很油膩，入口比較淡味，可能當天我點的菜式都比較濃味，還是我習慣了乾炒牛河、瑞士炒河的味道，所以覺得華欣炒河是偏淡，配上旁邊的辣醬，變得非常惹味。燒原隻魷魚看到魷魚滿大隻，就點了一份燒魷魚，當晚的魷魚非常魚味，先吃了沒沾醬的魷魚，外皮燒脆了，而內裡的肉質非常嫩滑，火喉抓得非常優，肉質不會太韌，而且微微帶了一點鮮甜味，再沾上醬汁，我想應該是咖哩汁，

泰燒遙的環境舒適, 有方枱亦有圓枱, 我覺得和姨媽姑姐們等親人食飯, 即使人數不多都是圓枱較好...真奇怪! 而且店內有些特式的擺設, 真的很有泰國的風格, 可以留意下。飲品的選擇不少, 我點的是海底椰大樹菠蘿椰汁冰, 椰汁味十分濃, 作為椰汁愛好者真的好滿意, 杯內的海底椰大片大片的, 海底椰和大樹菠蘿的份量不少, 值得一試!一看到泰式生蝦刺身的擺放已經急不及待拍下來, 好想玩井字過三關丫!在杯子內看不出蝦刺身的size也不少阿! 這款刺身的配上不少泰式辣汁, 對我來說真的太辣了! 椰汁冰解辣一流~ 而且怕辣可以先弄走泰式辣汁。 雖然辣但好吃^^這一匙匙的鮮辣泰式香茅蝦是大廚推介的, 看餐牌已經知道由香茅、檸葉、紫天椒等配料製作, 所以是辛辣味的。 辣度不及泰式生蝦刺身, 反而更吃出其辛香, 不錯。兩種蝦都已經去殼, 肉質彈牙, 泰式生蝦刺身辣得來帶清新; 鮮辣泰式香茅蝦則更香口濃味, 不同風味之後是青芒果軟殼蟹沙律, 軟殼蟹炸得香脆, 部份油都被青芒果吸收了, 故軟殼蟹不會太油膩。我是第一次吃青芒果, 有別於我們平時吃的芒果的香甜, 青芒果絲是爽口和偏酸的, 可能是吃不慣的關係, 

Weekend同屋企人食左早餐，食午餐又未肚餓，所以都係選左食個 Tea，得知呢間泰式餐廳有得食Tea Set，就嚟同米仔試下喇！High Tea Menu泰式沙律鮮蝦柚子沙律 – 鮮甜的蝦肉很彈牙，加埋柚子，口感很清新，微微帶酸很開胃！青芒果軟殼蝦沙律 – 香脆的軟殼蟹，配著已浸滿酸辣汁的青芒果，非常可口，雖然有點辣，但很快被我KO了！泰式鳳爪 – 酸酸辣辣，無骨，醬汁調很好，正！泰式燒烤燒虎蝦 – 入口很鮮味，蝦肉很新鮮彈牙！燒豬頸肉 – 表面燒得有微焦燶，邊位很脆口，肉質爽口。配上秘製醬汁後，令豬頸肉更惹味！豬肉雞肉串燒 – 豬肉雞肉各兩串，雞肉很嫩滑，豬肉，配上沙爹醬，回味無窮！甜品拼盤泰式糯米滋 – 每粒糯米滋都很煙韌彈牙，好軟糯，饀料滿有碎花生、芝麻、砂糖等，口感非常豐富！椰汁糕 – 椰汁很香滑，西米仲大大粒，很滋味！椰青糕 – 最驚喜就是椰青糕，口感像大菜糕，中間有椰子肉，很清甜可口！龍眼水龍眼水調得不會太甜，很清潤！下次去尖沙沮行街，行到累就可以encore再嚟食另一款Tea Set！

見到靚太朋友Facebook去泰燒遙食TeaTea Set 望落去好豐富地點超方便就尖沙咀美麗華旁邊嘅諾士佛台特別騰出一個周末下午跟Baby嘆泰國 high tea有泰國 Spa feel 嘅環境Hea 住 食好好有旅行感覺門口看一下 餐牌已經有親切的。 泰國姐姐招呼重點係食完 Tea仲會有一套 KC Korea 護膚品送返俾我做紀念頓然覺得好抵食坐低二話不說即刻嘅話呢 tea期間限定的點了特色的三色冰，口味正宗因為入邊有大樹菠蘿一邊吹水一邊等主食終於出場賣相夠晒精美味道都very good全部都燒得剛剛好而且香草味突出泰式香辣肉碎生菜包辣肉裏邊有好濃郁嘅香茅味豬肉是半肥瘦的入口勁嫩燒西班牙黒毛豬豬頸肉入口有嚼勁爽口彈牙泰式串燒虎蝦蝦肉新鮮彈牙最緊要係唔使自己動手搣蝦殼配合各款泰式醬汁烤法包好味啊香噴噴超級惹味泰式燒雞翼皮脆肉嫩北海道元貝配青木瓜沙律最搶眼嘅一個帶子肥大肉厚青木瓜沙律小辣得嚟好刺激食到差唔多當然要有完美嘅甜品結尾啦泰式甜品拼盤侍應就將甜品。 basket 一起 奉上是特色嘅椰汁糕仲有芒果椰汁糯米飯團有一個感覺好似泰式嘅糖不甩一樣全部我都好鍾意食呀tea set 係會送出

前排約左個一段無見既中學同學出來聚一聚，當然係搵個地方坐下，食下野，傾下計，先去行街，而我地就揀左尖沙咀諾士佛臺一號五樓的泰燒遙嘆返個tea~而當日我地就揀左個 HK$338 的 tea set，裡面有好多野食，仲包埋2杯飲品，仲有韓國 KAJUYO 送o忝~而野食未到我地就叫左野飲先啦，分別叫左珍多冰同青檸梳打~大約等了十多分鐘 Tea set就上桌，份量也幾多，2個女仔就剛好~這個北海道元貝配青木瓜沙津上帶子鮮味，木瓜絲好爽口，味道是酸酸辣辣的，好開胃，我個人幾喜歡，但若唔食得辣的人可能會覺得太辣。泰式香辣肉碎生菜包肉碎夠乾身，好多香料，好像有辣椒、蔥及香茅，入口好香好惹味，但就咁食會覺得較辣，但加埋生菜一齊食就剛剛好~泰式串燒虎蝦配香烤法包炭燒的虎蝦咸味剛好，而且香口得來又保留到蝦的鮮味，喜歡食蝦的我，啖啖肉好味~~燒西班牙黑毛豬頸肉這個是整盤中較遜色的，一來凍左，二來有D韌，但配埋醬汁其實味道不錯的~這個泰式燒雞翼朋友仔食完大讚，熱辣辣得來外皮夠香脆保留到肉汁，入口肉質非常鮮嫩~最後來到甜品時間，這個拼盤裡有椰汁西米糕、芒果椰汁糯米飯、班蘭糯米糍、七彩糯米糍，而當中我最喜歡是椰

家裡兩老最近很愛吃泰國菜，追溯會前一次吃泰國菜的時候……竟•然•是•昨天！這次是在下領了bonus後的一次“宴請”，兩老毫不猶豫的選擇了泰燒遙這間頗受歡迎的泰式餐廳(兩老說的)。這裡環境夠闊落，座位不逼夾，燈光柔和，給人的第一感覺是種舒服感。點了這道密沙文咖喱牛肋條，是在下的最愛，既然要請客，免不了會有點私心，盡量點一些自己愛吃的。密沙文咖喱帶少許甜，而且也不辣，很合大家的口味，牛肋條軟嫩易嚼，完全沒有討人厭的煙韌，重點是咖喱香味全數被牛肋條吸收，非常惹味。請兩老吃晚餐，當然不能小家，選了一隻是晚最大的大頭蝦，以泰皇咖喱來炒，一上桌就香溢四散，椰香咖喱味單聞就相當濃烈，一吃之下，果然濃郁的椰香味很突出，微甜的咖喱滲入蝦肉內層，清甜鮮香的肉質讓兩老吃得津津有味。燒遙特色炒飯材料比想象中多，鮮甜蟹鉗、鮮蝦、鮮魷、青口加上燒肉的點綴，配合火候十足的炒飯同吃，確實為是晚帶來了大大的滿足。

來到Happy Friday放工去玩去癲是常識吧～約多一個月的大伙兒飯聚終於來到了，多得一班識食識嘆的朋友們找來這間泰菜食店—泰燒遙！因為人數比較多，一行10人，所以預先都訂了位，免得大家等得不耐煩～泰燒遙位於尖沙咀諾士佛臺，對於大家都是九龍人來說，地點是非常方便，加我我就在附近返工，步行過來也只需5-10分鐘左右！因為有部份朋友遲了收工，所以先看看菜單吧！菜式選擇多特別多，有辣有唔辣，可以預先跟店員落單時說明就可以了！珍多冰（HK$28）我是椰汁控，所以每次泰菜都會點的～而珍多冰也是泰菜的熱門飲品，椰奶底加有黃色及綠色的Jelly，還有一絲絲的椰子肉，有得食有得飲，正！泰式蝦清湯（HK$68）我是第一次品嚐這款湯，湯底好清，而它帶有微酸的辣味～湯內有好多草菇，還有已去殼的蝦，還有蕃茄在內，好鮮味～不過對於我有點兒怕辣的人來說辣了一點，如果唔太食得辣的要考慮一下，如果吃得辣的人，這湯其實幾好味～鮮辣香茅蝦沙律（HK$78）多得一班愛吃辣的朋友，給我無限的驚喜，他們點了這個大廚推介！雖然是沙津，但是不是一般的沙津，它是冷盤的辣菜式！精緻的是一小匙來上碟，沙津中的蝦是已經去殼去頭，上面有香

話禁快又到2016年! 當然要同三五知己食開年飯啦!今次我地決定食泰國菜估五到諾士佛臺有間唔錯的泰國餐廳<泰燒遙>一坐底即刻每人點左個<泰國椰青> HK$38大大個的天然椰青, 清甜又解渴椰肉有著濃濃的椰香之後點左d小食<鮮辣泰式香茅蝦> HK$ 78蝦肉鮮甜的彈牙, 配上濃郁香茅辣汁&微微的酸味多層口感, 作為前菜有助開胃!<炸蝦餅> HK$88必點的泰菜, 外層炸得金黃香脆,咬落去熱烘烘的, 而且爽口彈牙再加上酸甜醬汁, 正啊!<燒原隻鮮魷> (時價)超巨大的一隻!一上台已經聞到魷魚鮮香味魷魚口感煙韌彈牙再沾上秘製的泰式汁醬更添惹味湯方面我地有人鍾意辣, 有人怕辣,所以點左2款唔同的湯<冬蔭功湯> HK$68見到色澤已經知道好濃郁用料十足, 有草菇粒、香茅、蕃茄及莞荽等仲有大大的開邊蝦<椰汁雞湯> HK$58鮮甜的椰汁湯底, 雞肉幼嫩只有微微的酸辣岩晒唔太食辣的朋友<燒豬頸肉> HK$108師傅的火喉控制得相當好外層燒得微微的焦, 而內層保留住豐富的肉汁再

已經有一段時間沒有吃泰菜了, 加上之前十二月較忙, 所以新一年便相約朋友們一起去吃吃啦!! 這間朋友之前吃過說蠻不錯, 所以就來了~~~入內看到地方環境都幾舒服, 適量的泰式擺設更添泰味~~而在入口對著的遠處便放了很多新鮮的食材, 尤其是海鮮, 因為每天不同市價, 所以客人可以看完才ORDER, 可作裝飾又可以給客人點菜, 很不錯呢!!! 雖然我們同行人不多, 但都點了不少的菜式~~~菠蘿青檸蜜 ($28)~~~先來個飲品解下渴, 這個飲落都算幾清涼, 不過略覺得唔太夠凍, 菠蘿味唔算太出, 反而青檸味較強, 不過也是清涼的一款……冬蔭功湯 ($68)~~~好耐無飲過啦, 今晚就豁出去試一下!!! 首先顏色好鮮, 聞落香氣不錯, 還看到大蝦在面, 湯濃得來都清, 色澤唔錯, 感覺都正宗!! 飲落我覺得辣味適中, 雖然會愈飲愈辣, 但我接受得到~~再加上一些香料及配料, 如菇類及蕃茄等, 整個湯的配搭感覺都幾好, 當然大蝦肉的質感也是很新鮮彈牙!!!青芒果軟殼蟹沙律 ($118)~~~原來青芒果是這樣的, 初初以為樣子係青蘋果, 吃著的感覺無咁爽, 但又唔係芒果的稔, 介乎兩者之間, 似

諾士佛臺除咗夜晚搵飲搵食外，下午茶都有！重要係泰式下午茶！同朋友一起去試試！餐廳環境歡堂舒適餐牌內有high tea餐 店員推薦了有護膚品cross over high tea set 望望餐牌，比多少少錢就有埋護膚品禮物都好抵！便叫了這個Tea set份量係二人份 食物種類多，有北海道元貝配青木瓜沙律，元貝彈牙，青木瓜爽口 泰式豬頸肉，夠爽口大大片！ 又有至愛泰式燒雞翼！香脆可口！ 泰式串燒虎蝦，大大隻，又彈牙！香烤法包，充滿蒜蓉醬，脆口 泰式香辣肉碎生菜包，用生菜包住辣肉碎入口時，陳陳辣味從肉碎中散出，不是吃得辣嘅我都可以接受！ 最後上埋泰式甜品拼盤用一個特色嘅兩層竹籠，放滿了不同嘅泰式甜品芒果糯米飯、椰汁糕....同埋其他甜品！份量足夠填飽肚子 餐飲叫了椰汁冰，夠晒味！ 埋單時店員送上跟餐護膚品三款選一款， 有得吃又有禮物，就是這樣今個下午茶要同大家分享吓！

因為之前介口的原因, 所以跟泰菜闊別多時趁住天氣仍涼涼地, 係時候黎個熱辣辣泰之夜相約朋友到尖沙咀飯聚, 第一次黎到位於諾士佛臺的泰燒遙, 無論環境同食物都好滿意.一行十人的飯局, 餸菜當然可以叫多點, 款式都可以試多點.飛天椰菜苗 $85這個椰菜苗入口時醬汁有點點的甜, 當時未感辛辣,到多咀嚼幾啖, 隨之以來的辛辣感增加.椰菜苗爽口, 味道很好. 只是對於我來說有點辣.香茅蝦沙律 $78我只可以講, 呢個沙律必須要Order. 食得出有鮮蝦味道, 而伴住蝦的香茅味濃.蝦肉爽口彈牙, 而且已經剥好殼啖啖肉, 方便食用. 如果喜歡香茅味道的你不要錯過.燒豬頸肉 $108這個豬頸肉燒得外層香口, 而入口爽口不會韌.再配合特製的醬汁更可以提升豬頸肉濃郁味道 推介~如果多人進食, 一碟未必足夠. 因為一上枱很快就被食清光.我點了冬蔭功湯 $68, 酸辣程度很足夠. 我不太食得辣, 但這個味道剛好.整碗湯材料充足, 有一整條開邊鮮蝦、草菇、莞荽等, 所以飲得出鮮甜味道燒原隻鮮魷 $140 (海鮮時令價)這個鮮魷燒得有點乾身, 而鮮味未見突出. 不過配合沙爹醬一同進食還可以.炸蝦餅 $88炸蝦餅又

三層架式high tea不一定是英式的！當年還是大肚婆，和一眾姐妹嘆過一次泰式下午茶。今天和兄弟幫再訪泰燒遙，而無須戒口，更是暢快！餐牌有更新，下午茶除了三層架，多了這一個十分有酒店room service特色的tea set，二人份量，賣相精緻。上桌時，甚有霸氣！香茅雞翼，炭燒豬頸肉，乃泰菜必食之物。烤得剛好，調味大膽出色，老實說，每人分得才那一點點真的不夠啊！泰式蝦多士，炭香十足，蝦肉新鮮彈牙，配上泰式辣醬，變成很有特色的下午茶！帶子沙律，是整個拼盤最辣的一道菜，所以我最喜歡，辣得過癮的青木瓜沙律，還有一整隻燒帶子，正正正正！另一道推介的是這個生菜香茅豬肉包。豬肉碎的香茅味好香，不少餐廳可能多下味精，會變得太鹹。泰燒遙的香茅豬肉碎，算是我吃過中的高水準之一，香茅和辣味平衡得恰到好處，肥豬肉亦少，女士當然喜愛！不得不提的，是拼盤中的這三杯醬汁，分別是花生沙嗲，白雲鳳爪醋，和泰式辣醬，三者都非常出色，我們吃到一滴不剩！！另外上的一個鳥籠，這個古式古鄉的東西，你猜猜是甚麼呢？內裡盡是泰式甜點！！當中的芒果椰汁雙色糯米飯，椰汁西米糕，是我的最愛！今天一行四人，亦另點了原有的三層架tea s

其實我真係好鐘意香港呢個地方, 除政治外, 可說是為一個福地, 想要乜有乜, 大部份國家嘅菜式都有其中一款是很多香港人都鐘意食的: 泰菜今晚就同幾位朋友來到尖沙咀區的泰燒遙 (食泰菜唔一定要去九龍城架)幾位朋友吃飯的好處就是大家可以每人叫一兩個餸, 大家都可以試多一點點食泰菜又點少得鮮椰青呢~鮮椰青有解渴解辣作用! 老實說, 平時飲椰青都會刮起入面d肉來食, 但通常食幾舊就唔會再食但今晚在泰燒遙這個, 我同朋友都一致認同椰青肉是非常的滑嫩, 好似一入口就會"sir"落喉嚨嘅感覺看我刮出來半透明的椰青肉就知唔會係硬繃繃的啦~第二樣我每次吃泰菜必點的: 生蝦刺身賣相都比一般泰式餐廳來得特別, 1盤8隻用shooter杯盛裝著每隻生蝦都浸浴在青綠色的泰式辣汁當中, 吃的時候更入味醬汁中有薄荷葉, 把蝦帶出更鮮味道~如果怕辣的, 可以先把醬撇走雖然我不算吃得太辣, 但有點犯賤, 別泰菜就是要辣架嘛這生蝦夠大隻, 唔呃稱! 食落口很爽, very good!!今晚點嘅大都是海鮮, 變咗泰式海鮮餐咁第二碟是鮮辣香茅蝦 $78賣相都很潮, 唔似平時食開的一碟上, 同朋友左撩右撩先搵到隻蝦出黎泰燒遙用

放工約人食下午茶，朋友帶左我黎泰燒遙度食tea，二百幾蚊一個二人餐，食物都幾豐富，包兩杯飲品，再加上靚靚環境適合hea，幾好喎。先叫飲品，一杯青檸疏打，一杯咸檸七，夠凍又解渴。個餐黎啦，三層碟上，西餐style，哈哈。我地先食熱盤怕佢凍左嘛。有燒大蝦，燒豬頸肉同豬肉雞肉串燒各兩串。其中以豬頸肉最出色，燒得外脆帶焦香，內裏的肉質嫩滑甘香，加上點小小辣汁，實在另人回味再回味，爭住食呢。第二樣食沙律冷盤，有柚子沙律，軟殼蟹青芒果沙律同泰式鳳爪。柚子有少少苦澀，青芒果十分酸，大概唔啱季節？平時食啲無咁酸喎。至愛鳳爪，酸辣無骨，一啖一隻，正。食完梗係到甜品呢層，有椰汁糕，芒果糯米飯，同椰子肉嘅大菜糕？！唔知點叫佢好，清甜幾好味喎，煙煙韌韌嘅糯米飯梗係至正啦，一人一個波唔使爭，黑白兩色都好味。食完坐下吹下水，消磨一整個下午呢。