泰潮 (嘉咸街) (已結業)

近排成日ot放工喺中環，唔知食乜好。記得上次食過泰潮嘅 米芝蓮海南雞飯， 印象深刻好食，即刻和同事兩個人去食先！今日可能太夜，海南雞已經沽清！不過見到佢嘅一人餐，都幾豐富經濟實惠，一於試下！泰式蝦球炒金邊粉用心形碟上盤，鋪上網型炒蛋，有如蛋包飯，賣相吸引。金邊粉質地偏硬適合乾炒。泰式炒法香口惹味有鑊氣唔油膩，材料豐富，大蝦彈牙爽口，味道一流！菠蘿海鮮炒飯有 新鮮菠蘿粒 臘腸粒 大蝦 魷魚、提子乾灑上腰果、肉鬆。卜卜脆蝦味濃，大蝦爽口鮮甜 ，炒飯乾身，粒粒豎起，炒得均勻軟熟有嚼口！串燒雞肉燒烤焦香撲鼻，沙爹醬汁辣裏帶甜，無骨啖啖肉大快朵頤。香茅雞中翼淡淡香茅清香，乾身唔油膩，肉質嫩滑惹味。泰式凍檸茶泰式紅茶底美 醇厚，帶有東南亞特色風味。隨餐附送椰汁糕，冰涼清甜有椰汁味！

泰潮 - 高質泰國菜之前在朋友介紹下光顧一次後，菜式款式、味道、賣相都非常有水準，果然是米芝蓮推介的餐廳，今日到我帶朋友過嚟食午餐。泰式香茅雞中翼熱騰騰的脆皮香茅雞中翼。泰式酸辣鳳爪超開胃的去骨酸辣鳳爪。泰式滷水豬髀飯份量超多的滷水豬脾，啖啖肉，肉質超軟，豬皮炆煮得入口即溶。還有滷水豬大腸、滷水蛋、泰式鹹菜、泰式清雞湯。泰式青咖喱豬頸肉香濃的青咖喱汁，椰奶比例剛剛好，而且咖喱汁稠度中，可以充分掛在肉質軟腍的豬頸肉上。椰汁冰、青檸梳打椰汁味特濃的椰汁冰，超夠氣的青檸梳打。泰式甜品特色的泰式甜品作結。

當日約左朋友去中環食飯飲野,🥳而兩個都係無plan到食咩,結果兩個係中環周圍行,行到有間盛記既大排檔附近有間🤓好隱秘既泰國餐廳,招牌仲寫住 “米芝蓮” 海南雞飯.好有神秘感.於😎是我同朋友就揀左呢間食,入到去餐廳裝潢特別,有香港既特色畫像同紅燈蓋😍,枱枱櫈櫈都係香港舊式茶餐廳既款式,😘好有香港味,睇嚟佢地好中意香港❣️❣️,當然都有泰國既風格同風味就由佢既海南雞飯同泰國炒飯開始感受到👍食物一D都無失望,食物會由相片介昭,一定布得番轉頭.🥰

一直以黎都唔知中環原來有間拎過米芝蓮既海南雞飯,今日係咁啱朋友提超先知,竟然係上過米芝蓮榜當然要試一試.夜晚晚市都有套餐可以揀,套餐附有一款小食,主菜,甜品同飲品.小食都幾多款選擇,當中就揀左香葉包雞同炸雞翼試下.香葉雞帶少少斑蘭既香味,入口唔會好乾得黎帶少少雞汁.炸雞翼更脆身會更惹味,不過不失.米芝蓮海南雞飯上枱既時候都聽到隔離枱嘩左一聲,因為一碟既份量真係太巨型,先係油飯既份量已經十分足料,連海南雞既份量都同樣多,鋪落晒係飯面上.海南雞去晒骨,雞皮香得黎又唔會骨油膩,雞肉滑嫩帶陣陣油香.雞肉配上帶淡淡香茅味又有夠彈性既油飯十分夾,另附上海南雞醬味道酸酸辣辣夠晒開胃.泰式紅咖喱飯可以揀配上唔同肉類,今次就揀左雞肉.紅咖喱相比起2款咖喱望落雖然看似較辣呈深紅色但辣味相對柔和,食落更香蔥蒜味,當中係咖喱加上蕃茄令咖喱多左重蔬菜既甜味,同時減輕辣味,送飯一流.椰汁糕唔會好甜帶清甜既椰香味唔會過濃,食落夠冰凍好啱夏天食.

Craving for Thai food in central? You cannot miss this hidden gem near the Central mid Levels escalator. My friend and I ordered two set dinners. Hainan chicken rice is my all time favourite. The chicken is super tender and juicy. Accompanied by aromatic rice, how can it not arouse your appetite? This Thai chicken curry was a surprise. I ordered it because it was stated as “special” on menu and it turned out not disappointing. Fragrant, moderate lève of spiciness, chicken well soaked with curry

心血來潮想食泰國野，係中環小巷搵到呢間泰潮，今次就揀左一人套餐，有主菜、一款小食同飲品😋米芝蓮海南雞榮獲8年米芝蓮既海南雞飯，海南雞份量都算多，雞皮既脂肪比例較少，雞肉保留到肉汁吾會太乾，油飯味道唔算濃，個人建議加埋佢既酸辣汁一齊食會比較惹味😋咖喱牛筋腩飯牛筋腩切得比較細粒，筋腩都燜得夠腍，加埋爽脆既三色椒一齊煮，但個人覺得咖喱味道濃味啲會更好😋香茅雞翼雞翼有淡淡既香茅味，外皮炸得香脆而保留到肉汁，加埋酸辣醬更惹味😋串燒豬頸肉豬頸肉燒得焦脆，肉質好爽脆，切成細細舊好方便食，味道亦醃得入味💡最後仲送左個細細杯既椰汁大菜糕比我地，椰汁味香濃，有泰式味道

今日我哋去咗中環食泰國菜，呢間餐廳叫做泰潮，佢係位於皇后大道入邊一條小巷，門口擺放着一㗎非常耀眼嘅綠色篤篤車呢度有單點或者晚市套餐可以揀，淨係二人餐都有兩款，我哋揀咗298嘅晚市二人套餐首先會有個湯可以揀，有冬陰功湯或者扎肉肉碎湯，我哋揀咗冬陰功湯，冬陰功湯唔算好辣，但係夠晒入味，而且配料好多，特別係鮮蝦有一款可以簡，前菜有木瓜絲沙律或者酸辣鳳爪，推介酸辣鳳爪，酸酸甜甜作為開胃菜一流然後會有例牌海南雞，招牌咖喱（牛筋腩），泰式炸蝦餅拼春卷，蒜蓉炒雜菜去骨海南雞一向係呢一度嘅米之蓮招牌菜，果然唔錯，雞非常新鮮同埋嫩滑，再配埋秘製醬料另外咖喱都有唔同嘅選擇，除咗我哋揀嘅牛筋腩之外仲有豬頸肉或者雜菜可以揀，咖喱亦都可以自選辣道，啱晒唔同口味嘅人炸蝦餅同春卷非常惹味，而且脆漿唔厚，好有彈牙，同口感！另外呢一個蒜蓉炒雜菜，蒜蓉味好濃，食泰國菜通常都會嗌呢個菜式，菜好爽口，竟然有木耳喺入邊添另外套餐已經包埋白飯或者油飯，最後仲有兩件甜品，真係非常豐富

以泰國餐廳黎講，呢度的裝修簡單得黎又幾有特色，銀色餐枱，綠色凳，就係有種地道泰國風情。二人套餐好豐富，但對於我呢d小鳥胃既人叫一人套餐就岩岩好~包括一份主菜、小食和餐飲，價錢由$78-$118不等，兩個人埋單唔洗$200，無加一服務費，整體係幾抵食。青木瓜絲沙律、香茅雞翼青木瓜絲沙律味道酸酸辣辣好開胃，清涼得黎又好爽口，我地加左d落Pad Thai一齊食，酸酸味味非常夾。香茅雞翼有驚喜，一撕開熱辣辣，肉汁豐富有嫩滑，配埋Sweet Chilli醬好好食。泰式招牌咖喱雞飯 $88黃咖喱辣度屬Mild程度，非常易入口，椰奶味和咖喱味平衡得幾好，香滑同時有咖喱的辛辣味，撈飯一流，飯量偏多，再軟熟d會更好。配料種類多，可選牛筋腩/雞肉/雜菜/豬頸肉/蝦球/鴨，而我每次都會揀咖喱雞，特別中意呢度會先將雞塊煎香，令味道更香、更有口感，肉質嫩滑，份量亦不少，數一數大概有7-8件。泰式蝦球炒金邊粉 $98朋友想點麵食，無理由唔叫炒金邊粉 蛋網炒金邊粉以心型碟呈上，搞笑得黎又有份小心思；麵質煙韌有嚼頭，係我喜歡的口感，醬汁酸酸甜甜，配料有蝦球、豆干，經典得黎味道不錯。泰式凍奶茶、凍檸水泰式奶茶叫左正常甜

每次諗起Bangkok唐人街嗰卷卷粉 就去依間！✨胡椒豬肚湯河粉hk$68收據上寫着唐人街粿汁😍本身係鐘意好辣胡椒湯 但我覺得今次去食冇之前咁胡椒🤔唔夠辣卷卷粉依然好食好滑又有咬口 香港好似唔多地方有😭平時去九龍城見到有 但係係綠色 係薯粉咁唔係河粉質地配料超多！有豬内臟 燒肉 肉丸!仲有炸豬皮

午市經常去的一間食堂，座位多而且衛生整潔是多女性西裝客幫親的一個理由。招牌的海南雞不用介紹，滑得黎雞味和調味都高水準，初食推介。豬手飯非常飽肚適合大食的食客。豬雜湯材料夠味道好係多回頭客的原因之一。就連檸檬茶都凍過人好飲過人，唔讚唔得。

點解會認識哩間泰式餐廳，係因為幾年前喺澳門美食節食過佢既海南雞飯，一直念念不忘😍😋 返到香港哩幾年都成日食佢，今次喺中環唔知食乜又令我諗起佢，同朋友叫左兩個1人套餐，唔洗諗paytern就最好😂 套餐包一款小食及飲品，都幾多選擇。·☆ 米芝蓮海南雞飯 HKD$90配泰式青瓜沙律、泰式清雞湯哩度同澳門食到嘅味道差不多，個人對於海南雞既評價，特別在於佢既油飯🍚 油飯金黃色，雞油香味濃郁但不會過搶，海南雞肉質鮮嫩，冰凍後喺肉同雞皮中間有一層黃色啫喱，咬落令口感多左一層煙韌感🤩☆ 原個菠蘿海鮮炒飯 HKD$118店主話因為疫情衞生緣故，所以唔會用原個菠蘿上，咁我地以為會以普通圓碟代替，點知有驚喜😍 估佢唔到居然用心形碟上💓 即刻少女上身，真係好suprise店家咁貼心💕 炒飯份量頗多，細食既女士們兩個人開心share都足夠。

過開中環做嘢、收工突然間想食泰國菜。上網一search、原來中環都唔少泰國菜。眾多嘅泰國菜當中，我就最揀咗泰潮。一嚟泰潮好評眾多，二嚟睇到餐牌價格都好相宜。未去到餐廳、我就已經揀好咗，要點晚市2人套餐B。晚市2人套餐B，有一個湯、兩個小食、兩個菜、一個例牌海南雞、兩個飯、同埋兩件甜品。 咁多嘢食都只係$298，確係好抵。同埋份量其實三個人食都足夠。冬蔭功湯湯有豬肉丸、大蝦同雜菌、都算係幾足料。湯嘅味道好好，但如果可以再辣少少就更好喇。酸辣鳳爪食酸辣鳳爪，我最驚就係太過辣。泰潮嘅酸辣鳳爪就剛剛好。而且鳳爪就住每一隻趾位剪開咗，一口一條，唔會話多咗幾隻趾會食到成咀都係。泰潮海南雞泰潮嘅皇牌菜，雞好滑好香，又唔見有脂肪。連埋雞皮入口完全無罪惡感。點埋海南雞用嘅醬汁，提升海南雞嘅味道。再配埋雞油香飯一齊食先係皇道。雞油香飯有得揀香油雞飯，當然會叫依個啦。粒粒飯都係金黃色，充滿住雞油嘅香味。可惜嘅係唔記得咗個2人套餐有招牌咖喱。早之應該叫一個雞油香飯、另一人叫絲苗白飯。泰式炸蝦餅拼春卷雖然單碟嚟睇份量唔算太多，但以整個2人套餐嚟講，其實就好足夠喇。蝦餅彈牙有蝦味。春卷就係齋春卷嚟，變咗唔會食太多

We ordered the $298 for twoAnd surprisingly it’s a huge portion enough for three to four adults!Definitely the best choice even for takeaway Love the spicy Tom yum gung with only a mild level of spiciness It has very chewy meat balls inside as well which is a plus for meat loversBeef tendon curry has the biggest pieces of tendon that I have ever seen係真材實料㗎！It’s very chewy and sticky can fulfil the skin enhancement effect for ladies hahaChicken is of coz another must try as it is how this shop ge

之前喺深水埗店已經食過依間米芝蓮推薦泰國菜，點知佢竟然關咗門，行過中環嘉咸街諗住去食咖哩，俾我發現太朝喺度開咗店，但食咗咁多年嘅咖哩就冇咗　兩個人都肚餓，見到佢個二人餐好豐富，就唔再睇其他啦。A B餐其實只係差個涼拌，因為我好想食酸辣鳳爪，加三十蚊就加啦佢個份量其實好多，咁都叫做加得有道理。佢個餐冇包飲品，但係加$10就可以有啦，而椰青就只係加$25最近鍾意早啲食晚飯因為少啲人食完個酸辣鳳爪，米芝蓮推介海南雞就已經到啦，但係今次似乎鞋口咗少少，個汁依然好好食。炸蝦餅同埋春卷跟住就上場，然後就係咖喱牛筋腩。感覺深水埗店嗰炸蝦餅比較實淨，但呢個都係幾好食嘅。個牛筋腩咖喱，牛筋份量比較多，全部都好淋，但如果想食肉嘅就可能叫豬頸肉比較好啦。個冬陰功上枱嘅時候覺得佢細細煲，但其實裏面份量好多，又有貢丸又有蝦仲有好多秀珍菇，酸酸辣辣好啱而家食。最後嗰炒雜菜就嚟啦，估唔到有幾豐富喎。一睇個大集合，就知會食到我哋非常飽。　　

一直都很喜歡泰潮的海南雞飯，由深水埗店吃到中環店。平時午市時間較多上班族光顧，今次就約好友收工後來吃個便飯。餐廳有提供兩款二人套餐，不過我們都不太餓就各自叫了一個一人套餐。每個餐包主菜、小食、餐飲和甜品。價錢非常之實惠。我點的海南雞飯例牌一定會加$10轉脾，十分足料好味道。擺盤亦比午市精美。朋友點的菠蘿海鮮炒飯雖然沒有用上原個菠蘿，但轉了心型碟都算有心思。而且海鮮算多，包括有青口、蝦和魷魚。整個晚餐都很滿足，唯一是晚上比較早關店，想跟朋友傾天便要轉場了。