影片
上一次黎幫襯既時候，同店主傾計，佢地話係泰國人，唔知宜家仲係咪。無黎幫襯咁耐，質素依然無變度，一樣咁好味！而且今次叫左一d之前未食過既野！其實叫左咁多款野食，全部都好味，而且好有驚喜！見佢個樣好難食/好辣！但原來好好食！必須推介- 鹽燒鱸魚叫呢個餸，等左我多過30分鐘，本來就想等等下唔要，見店主/店員好努力好耐心咁燒，咁就算啦，好在無唔要！睇佢外表，好似好燶，以為好難食，點知原來好好味！打開塊皮之後，即刻偷食一啖，鹽味入左d魚肉度，淡淡鹽味再加上魚既鮮味，肉質好白好滑，真係火候燒得剛好！魚肚入面都有泰國香料，似乎是香葉/泰國既薑，但都唔太肯定，驅走左魚肚既苦腥味！好細心！好好味！熱騰騰加好大條！好抵食！好在有等，等得好值得！建議有意試既人早點打電話去order!第2款值得推介- 紅咖哩豬頸肉本來好驚好辣，因為我爸爸唔食得辣，之後店主/店員推介左呢度紅咖哩。雖然餐牌上無紅咖哩豬頸肉，但店員都照俾我地叫！紅咖哩有意外地好味。本身以為都唔會有咩特別好味。。點知一食，椰汁味好濃，唔辣，連爸爸唔食辣都食得到！特別好食在於配菜上吸晒咖哩汁既味道，佢用茄子，吸晒咖哩汁，真係好入味，口感又唔會過腍！👍🏻咖哩汁好味到可以用黎撈飯！至於冬陰公湯，入面好多新鮮既蝦，睇佢既色好似好辣，但又唔係，又有點酸又有點甜又有點辣，味道好正👍🏻飛天炒菜，本來都唔知咩黎，點知原來真係有故仔！都係岩岩先知！雖然宜家無左飛天，不過碟菜都煮得唔錯，又有香料味，食唔出係咩豉油，但介蘭口感唔太硬，仲吸左醬料汁，好多地方出面都整唔多！估唔到咁耐無食都仲咁好味！我之前通常都只係幫襯生菜包，但都覺得好地道同正宗！睇黎下次幫襯要早點打電話order!唔駛等咁耐！
繼續閱讀