泰昌餅家

營業中

休息中

真係可惜, 我都好鐘意佢地o的蛋撻同沙翁呢~---------------------------------------------------------------------難捱貴租泰昌老餅店25號結業http://orientaldaily.com.hk/new/new_a30cnt.html再有甚受名人歡迎的老字號餅店因不敵業主加重租而結業。有五十一年歷史、以售賣蛋撻及沙翁馳名的泰昌餅家，因新業主大幅加租逾一倍，店主有感未能負擔昂貴租金，決定於本月廿五日結束營業。

試過這裡的沙翁和蛋撻,啱啱出爐真係好正,甜度適中,最衰唔就腳,如果唔係我會日日去食呀!!

星期六一埸來到，一心想食蛋撻和沙翁，點知兩兩都冇，惟有退而求其次食紙包蛋糕，其實是第一次食佢r地o既紙包蛋糕的，但感覺很差，因為五乾身，唔鬆軟兼冇乜蛋香，吃完一個已經要飲成支水>_<︳

我比較喜歡這裡的蛋撻, 很美味. 沙翁都ok, 但個人覺得唔算好特別.希望真的後會有期!

又一單因為加租而導致結業事件。響中環有幾十年歷史"泰昌"已響門口貼出告示，話佢地會做到五月二十五號為止。因為個告示上最後寫住"後會有期"，希望佢老細會到新舖再繼續做啦，如果唔係好多人都會好失望。

本來聽左個名都好耐, 不過就無特登去買, 個日一個人響中環行下行下, 見到呢間咁出名就梗係要試下啦. 剛剛蛋tart 出爐, 又得幾個人響度, 一次過買哂tart 同沙翁, 個tart 熱到整親個口, 個沙翁都好好味, 佢地都係我食過最好味既.

既然路經擺花街, 就順路試下呢度D蛋撻同沙翁.一去到已經有人龍, 等左幾分鐘, 蛋撻終於出爐, 見D沙翁咁出名, 每樣一件, 唔該...蛋撻: 外皮鬆化, 蛋夠香滑, 熱到辣親個咀仔.沙翁: 好香蛋味, 正呀!

中西區美食巡禮當日, 大道中食過炸鯪魚球後, 搵到擺花街, 目標就係泰昌, 呢次已經係第二次幫襯, 梗係買個飽啦, 鋪前肥彭幅相仍然係宣傳品. 眼看令人一時感慨日月如梭, 但老鋪依舊.蛋撻沙翁當然係購買重點, 好食當然, 排隊更當然, 每逢下晝出爐時間梗係排番十個八個人, 同對面巴士站排隊人相影成趣.當時好好彩買到最尾幾件撻, 本身買6件左右, 點知鐵盤剩番2 件, 後面亦無人排, 於是間店計平叫我買埋佢, 都好, 買賣都開心, 何樂而不為, 到我舉手示意多謝佢計平時, 店員同我講88, 態度友善. 完成一日順利美食日.

次次食親呢度d 沙翁都係o甘好味.Yummy Yummy.

去蘭芳園之前,系呢度買左個旦撻$3.5,的確系吾錯! 雖然系凍左,但撻皮仍然好鬆化,旦亦十分滑,很有水準!

今次去到見到佢剛剛蛋撻出爐，見到個樣好靚，好好食個樣，方是叫左一打翻屋企，要排隊等，拿翻屋企仲熱辣辣，個皮好正，個黃就好滑，好有蛋味，不過幾溜！

都係第一次食佢既沙翁...哈哈哈哈~可能我期望太高啦,而且我買既時侯又唔係o岩o岩出爐,我覺得都唔係太正lo~不過剛剛見倒有食家話合桃蛋糕好好食,我都好想食呀!!!!!!!!!

有次假日慕名去泰昌。中午12點鐘去到，未有蛋撻。既然特登到，唯有等，結果等差不多45分鐘，蛋撻終於出爐。除了兩件蛋撻外，見沙翁、合桃蛋糕、雞批同老婆餅都好似幾正，於是樣樣要一件，共銀$21.5。跟住同老婆行去香港公園坐低嘆呢分午餐。不枉我等咁耐，蛋撻真係好正：蛋夠香滑，撻皮夠鬆化。合桃蛋糕則令我喜出望外，蛋糕既香且鬆軟適中，合桃鬆脆。至於沙翁、雞批同老婆餅就普通。下次一定要再買蛋撻和合桃蛋糕番尋味。

星期六去開半山，路過泰昌見到冇乜人排隊，便二話不說衝入去買兩個新鮮出爐o既蛋撻，仲買多了半打皮蛋酥回家給媽媽。 蛋撻今次水準好似跌watt，牛油皮冇咁香脆，而且蛋漿還未熟透，也頗甜；皮蛋酥就keep到，皮蛋的香味與蓮蓉特別配合，加上酥化的外皮，雖然吃時掉到一地都是，不過仍然教我忍不住要吃多一件。

ususally the egg tarts are good, but they weren't last week, I bought a dozen, the crust was salty & the egg custard was too sweet, everyone who ate said so too.