275
102
36
港鐵香港站 C 出口, 步行約7分鐘 繼續閱讀
所有分店 (11)
電話號碼
83008301
開飯介紹
因前港督彭定康光顧而成名的餅店,開業逾50年,沒有固定出爐時間,賣完再焗。 繼續閱讀
營業時間
今日營業
09:30 - 19:30
星期一至日
09:30 - 19:30
付款方式
Visa Master 現金 八達通 銀聯
其他資料
酒精飲品
電話訂座
招牌菜
皮蛋酥 老婆餅 沙翁 豆沙酥 蛋黃蓮蓉酥 蛋撻
食評 (478)
等級4 2021-01-30
631 瀏覽
最近好迷撻類,每次經過屋企樓下嘅餅店,都會忍唔住口,買件鮮奶撻或栗子撻回家品嚐。今日嚟中環做嘢,經過「泰昌餅家」,見到新出咗藍莓撻,嘩!迷人嘅紫色,面頭仲好似鋪咗層雪花咁,賣相好吸引喎,一於買番件返屋企做下午茶。藍莓撻每件 $12,不過店員話而家做緊優惠,買兩件又或者藍莓撻+皇牌蛋撻各一件,都只係 $18,更加抵食。反正有啲肚餓,一於買埋佢嘅酥皮蛋撻同老婆餅。件藍莓撻做得真係唔錯,好有驚喜。撻皮金黃香脆,裡面有綿密的藍莓粒蛋糕,面頭鋪咗香甜清新的藍莓果醬,最後灑上薄薄的一層雪白糖花作裝飾,味道酸甜不膩,十分開胃!另外皇牌蛋撻 同 酥皮蛋撻亦保持一貫水準,前者牛油味甘香,而後者撻皮亦鬆化起沙;蛋漿餡夠晒香滑,奶味、甜味恰到好處,蛋味豐盈。至於件老婆餅,拿上手時仍有點熱力,金黃色的酥皮,入口散發酥香。內裡嘅冬瓜蓉餡,夾雜了不少芝麻和椰絲,用料十足,入口煙韌軟糯,清甜而不膩,令人回味。幾款產品味道都很不錯,唔怪得知長期 keep 住咁多客幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-15
276 瀏覽
通常介紹遊客食蛋撻都一定係泰昌品牌我細個嗰陣媽咪都成日買俾我食 一買半打 我就會自己一次過食3-4個🙈所以我一諗起蛋撻就直接聯繫到泰昌好耐冇食啦 所以今日買咗個 睇吓同細個食嘅味道有冇分別唔知點解好似比印象中細個咗啲?可能係幻覺又或者隨時間縮咗水但係依然好吸引😍第一啖食落去真係好正 流口水了 因為太耐冇食過曲奇皮脆口又有少少牛油味蛋好似布甸咁 唔會水汪汪味道上遍甜 甜味蓋過咗蛋味只不過係...好似冇印象中咁好食嚕明明之前食 個皮會食到一粒粒好似鹽質地嘅野 咬落更香脆 真係好似食曲奇餅咁鬆化蛋部份面層會有層膜 好似啲雙皮奶咁 而且蛋味重啲但係今次食完全食唔返個feel 冇個種食完一個仲好想食多幾個嘅感覺😕加上唔知點解佢個撻皮同蛋比較易散開 好在我食得小心 冇跌曬另外可能因為唔係新鮮出爐 已經唔熱辣辣 個皮又焗得唔夠耐唔夠膿 所以冇咁好食可能係自己口味變咗又或者佢真係水準變咗😟已經食唔返6年前嘅泰昌蛋撻味 雖然蛋撻都仲好食 不過當有期望 就會有失望希望我會有日找尋返我鍾意嘅蛋撻味啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-02
260 瀏覽
泰昌餅家係香港好出名嘅蛋撻店,今日特登黎中環店整番半打。最近原來推出藍莓撻($18兩件/$12一件),味道幾特別,藍莓味幾似,中間有粒粒藍莓!另外揀左酥皮蛋撻($10/件)同曲奇餅底嘅皇牌蛋撻($18/兩件)。酥皮層層好有層次,口感實在無得頂。曲奇皮就實淨啲,係經典嘅口味。仲有老婆餅兩件($9.5/件)暖暖地,手掌咁大塊。味道都係甜甜地,正啊!中環店店面大,包裝同裝修又年輕化,迎合到本地人同遊客。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-02
220 瀏覽
泰昌出名沙翁就好多人都知,其實佢其他餅食都好正!🥰 除了傳統的酥皮蛋撻、曲奇皮蛋撻、老婆餅,連新推出的藍莓撻都一樣咁好味。😋 今次經過中環的泰昌餅家當然要買d返屋企同家人一齊開心share。🥰新產品的藍莓撻係今期重點推介,用了特製嘅金黃鬆脆撻皮,加入鬆軟藍莓粒果肉,再鋪滿濃郁嘅藍莓果醬同埋一層雪白糖花,酸酸甜甜恰到好處,賣相又靚。😍 由於係限時供應而且只售優惠價$12,要試就快d。😊另外呢度有齊兩款蛋撻,曲奇皮及酥皮都有,曲奇皮蛋撻就有好香嘅牛油味 ,酥皮蛋撻就傳統又鬆化,各有捧場客。🥰 老婆餅亦皮薄餡靚!新派傳統都有齊,yummy! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-30
211 瀏覽
行過見到泰昌有新出品藍莓撻,一件$12, 兩件$18,如果配搭蛋撻就$18, 咁就一於試下新品,兼且買幾件皇牌蛋撻和家人喜歡的老婆餅 。藍莓撻以曲奇作餅底, 中間是藍莓粒蛋糕和藍莓醬, 口感軟綿又有一些啫喱的感覺, 有絲絲的藍莓果味,酸甜適中,喜歡藍莓的人不能錯過同樣以曲奇作底的皇牌蛋撻出名好食,撻底香脆, 啖啖的蛋味, 又香又滑,經典之作。 喜歡酥化的就一定要食酥皮底蛋撻啦這裏的老婆餅也是一樣好吃, 外層金黃鬆化,內餡是豐富的冬瓜蓉, 甜甜糯糯, 而且還加入大量的白芝麻, 甜中帶點芝麻香 繼續閱讀
(以上食評乃用戶個人意見 , 並不代表OpenRice之觀點。)