泰昌餅家

營業中

休息中

今次無食蛋撻沙翁呀，要左杯玫瑰咖啡，幾得意幾好飲架。其他咖啡店都無呢個flavour. 上面仲有0的玫瑰花瓣添。下次經過又再飲過先得。

今日經過泰昌, 買左個沙翁食, 可惜係凍既, 如果熱辣辣, 我諗會好好味. 個沙翁食落唔會成口油, 都幾好啦.

上星期六終於去到新舖買蛋撻，味道仍然咁好。我都係最鍾意食牛油皮蛋撻的﹗;) 佢個皮實在係太好食了。但如果鍾意食酥皮蛋撻多過牛油皮蛋撻的讀者，就唔駛特登o黎試呢度o既蛋撻喇﹗

兩星期前係我第一次去佢對面街新鋪... 大約3.30pm, 唔算太多人...買完沙翁, 決定買蛋tart, 買完就行去等車接, 行行, 隻腳feel到袋有D熱... 原來係D蛋tart, 見車又未到, 係街度搣開一個蛋tart, 超香, 煙都出埋!! 我最喜歡係個牛油皮, 中間D蛋又滑, 正!!!!!

新鋪有咖啡和蛋糕賣，以前舊鋪都有吃過蛋撻，沙翁。蛋撻熱時幾好吃，但不覺得有甚麼特別要去排隊，沙翁不好吃，口感和味道都不太好。這兩天吃過Blue Berry Cheese Cake 和Tiramisu，blue berry cheese cake 味道不錯，濃濃的芝士味。相反tiramisu 沒有芝士味，不夠咖啡味，又沒有酒味。不過蛋糕一件$12 可以一試，比起舊泰昌現在那間蛋糕店抵很多。今天也試過咖啡，喝了Tall Lattle ($25)，不錯。

始終都未食過佢0既蛋撻同沙翁, 今日lunch都係食番雞尾包同墨西哥包, 新鋪第一次食, 感覺係, 個雞尾包好大個! 以$2.5一個包, 仲要咁大個黎講係好抵, 食落, 個墨西哥包幾好味, 餡夠厚, 比以前甜但可以接受, 個雞尾包餡屬於較乾身, 係就係夠大個, 但實在太甜太膩!

老豆無啦啦買0左幾個蛋撻返屋企, 試0左一啖, 發覺真係幾普通. 正如佢話, 餅皮係pastry 及曲奇餅之間的質地, 又有少少牛油香, 都幾好食. 蛋漿就得個甜字, 唔特別.之前亦食過兩次沙翁, 兩次層皮都咁鬆(which is good), 不過唔明點解兩次都有油溢味, 連d 砂糖都遮佢唔住. 蛋漿唔太甜, 但無乜蛋香, 食唔出係蛋漿.一向知道佢係因為肥彭所以出名, 但如果肥彭當年唔係住中半山, 試local 0野唔會去中環, 我諗呢間餅鋪好可能一世都熬不出頭來.

想行去食玉葉食綠豆沙,去到喇,竟然未開工,仍然放年假,無辦法啦! 經過泰昌見無咩人,又剛剛一點正,沙翁出爐無耐,買2個試試,一食就一大陣油益味,又無旦味, 唉....失敗!!!呵呵!總叫試過啦,算了.無下次!

行過擺花街, 見到傳說中的泰昌, 蛋撻($3.5 x 2) - 撻皮唔係酥皮咁鬆化又唔係牛油皮咁香, 蛋漿偏甜,不外如是, 好多餅店茶餐廳新鮮出爐既熱蛋撻都好食過佢, 而且比一般好食o既蛋撻仲要貴. 沙翁($3.5) - 冇蛋味, 一大陣豬油味可能我期望太高啦, 地點不方便又要排隊購買, 絶對唔值得特登去買.

食完水記,幾經辛苦,想行去食玉葉,去到喇,竟然!!!收0左爐,真係唔掂啦!!!搵0左咁耐先搵到..點知佢又close0左..不過..就見到老闆娘係佢老公個地頭,"文"園到走出黎.唉..好失望..惟有食下泰昌補數,around 1:30pm,都有10幾個人排隊...買0左旦tart,花生占餅各一,total $7.個tart..無咩特別..熱熱地..個味ok囉..個餅似...煎0左既花生糯米慈...過完年要食番玉葉

星期日跳完舞，行過擺花街，竟然見到傳說中泰昌，見到只有三數人排隊，梗係要一試馳名蛋撻，仲見到我摯愛燒餅，即買。蛋撻一般，同其他餅鋪出爐蛋撻無分別，好似仲細個D。燒餅D皮，同花生醬心都OK，不過食完成口油，差D。屋企人都話有D名過其實，算叫做一償心願。

Donuts have always been taste of grease than eggs.After reopening, I found that the egg tarts do not taste as good. Pastry too thick but the custard is still good.Wrapped cakes are excellent!

去完the bagel factory落黎見到冇人排隊o既泰昌(2pm), 緊係買返個沙翁試下啦(之前已試過蛋tart),$3.5一細個... 咁細個o既沙翁真係第2度食唔到...我覺得真係一d都唔好食lor... 一大陣豬油味, 諗起都... 究竟出名在咩?

最近有人請我食一個泰昌蛋球，嘩!!!!! 勁難食呀! 冇蛋味，入面太濕，有d"發"唔起感覺，好失望!! 以前(泰昌舊舖時代)我媽咪久唔久就會去買比我食，我最鍾意就係蛋球(我最唔like 佢d蛋撻，因為唔係酥皮，水準一般)，但以前d蛋球就好好味，感覺鬆化。Anyway,以後都唔會叫媽咪去買喇!

假日經過中環, 行到泰昌門口, 見到只有6-7 人排隊, 終於一償心願, 可以買到蛋撻, 沙翁及紙包蛋糕。蛋撻: 與一般餐廳的出爐蛋撻一樣, 不是特別好味, 出色沙翁: 甜了點, 有點硬紙包蛋糕: 好味, 軟綿綿, 有蛋白味, 正查實很多餅鋪也能做到他們的水準, 甚或更好。無計, 彭督效應!