泰式美食2 (已搬遷) 新店位置

本地糭、上海糭都食過，端午節正日改改口味…食泰國糭！ 行經九龍城南角道27號“泰式美食”門口有個婆婆剛從到港的包裹中取出一袋袋的泰國糭，那麼新鮮，我又怎會放過呢！以下是我的食評：胡椒綠豆糭：胡椒居然可配綠豆，鹹鹹甜甜，吃過後喉嚨熱辣辣的，頗刺激香蕉糭：鹹甜得來較清淡，吃不出中間是甚麼餡，好像有椰絲吧！？三角糭：比市面的廣東糭身形小了一半，鹹多一點甜少一點，蝦米、胡椒味頗重，Shirley覺得它最美味我問婆婆是否屬“泰式美食”的外賣部，她說該舖是“姐姐”開的，“姐姐”讓她在此擺賣… 泰國人∕華僑真有人情味！

11-10-2009好日都唔食一次泰菜的阿爸今日竟然提議嚟呢度 dinner, 一行 4 人又嚟睇睇. 叫了一菜一粉一雞一咖喱, 一人一杯飲品及一堆沙爹串燒, 整體印象係十分唔錯!凍薏米水: 夠凍, 甜度剛好, 份量好多的薏米粒粒分明有咬口, 清甜解渴 不過實在好大杯, 最後係飲唔晒的.海南雞 (半隻): 雞皮都算薄及爽口, 黑肉好嫩滑, 白肉唔嚡但太硬了; 醬汁就酸多過辣, 味道欠點層次, 不過整體都幾好食.脆肉炒椰菜苗: 鑊氣一般, 不過椰菜苗幾嫩;「脆肉」係炸豬腩肉, 不過唔多「脆」, 亦無預期中的鹹香; 配角的大量蒜蓉粉粉的又帶點甜, 最好食反而係佢.(黃)咖喱炒蟹: 大家怕辣, order 時想叫「少 d 辣」, 阿姐反而話「唔辣0架」 嚟到又真係唔辣, 但混入蟹汁及蟹膏的咖喱汁當然十分香濃, 帶點甜, 質地杰身, 用嚟搽蒜蓉包實在一流, 正 走過油的蟹亦幾好食, d 膏多到頂晒角的 肉就較散較霉, 不過人哋又唔係肉蟹, 算係咁0架喇.蒜蓉包: 烘得鬆脆, 不過空口食的話, 係零蒜蓉味的, 配咖喱好食好多!雜錦沙爹串燒 (牛, 雞, 豬): 唔夠搶,

除咗同心之外，呢間亦係我哋經常嚟嘅泰國菜館，因為啲阿姐好招呼，又成日有新嘢試，打開餐牌竟然見到唔係好多地方都有嘅～生牛肉！熟嘅牛好似牛扒、燒牛肉同山竹牛肉都好食之外，其實生嘅牛肉仲好食，意大利菜有生蕃茄水牛芝士牛肉，日本菜有牛刺，原來泰國菜都有！梗係要試啦！我哋淨係叫咗： 生牛肉沙律：阿姐落單時問咗兩次知唔知啲牛肉係生架，我哋講兩次佢先肯寫，送到嚟唔會好血淋淋，賣相幾靚，有啲青紅椒仔拌食，仲有啲好細粒嘅蒜頭添，牛肉味唔係好濃，可能香料多啦，不過就打到好綿，有生菜可以包住食，冇咁散！食落都有啲辣，連埋九層塔食就最好味！ 唔錯，下次會再食！ 炸釀皮蛋：不嬲都係咁好味，蝦膠包住皮蛋炸完切件，可能自己鍾意皮蛋所以偏愛！蝦膠好彈，皮蛋溏心，如果拌食個點汁唔係用現成嘢而肯研發一下就完美嘞，因為個汁有太多人工味道！ 珍多冰：椰子味濃，珍多都幾煙靱，好香，唔錯，不過飲完有啲飽！ 龍眼冰：佢啲龍眼仲要大粒啲，味道似同心咁濃，都係用嚟解辣！今日第一餐食得太多嘞，食唔到幾多嘢添！