泰式美食2

營業中

休息中

之前都知道九龍城有好多泰國美食🙏🏻，但又唔知邊間好😅 擔心亂入會中伏今次係親戚帶我嚟食，雖然門面唔係好吸引，但係食物質素吾錯呀👍價錢亦大眾化，而且泰國姐姐也很nice 😊燒雞翼🐔：燒得好味道，肉質鮮嫩 (必叫👍）蝦膠皮蛋🦐 ：組合好新鮮,好香好好食 嫩 (必叫👍）泰式炒蟹🦀：超多膏的蟹東陰公 🍲：叫了小辣，但okay串燒🐮🐷🐔：香口好味芒果沙冰 🍋：吾會太甜烏頭魚🐟：肉質一般，放了太多香芧係魚肚，少了魚的味道

滑完浪陪個friend去九龍城買野，咁就入咗呢間泰式美食食返個Tea,嗌咗炒通菜龍眼冰雜錦串燒同埋生蝦佢個炒通菜麻麻哋，味道唔夠同其他泰式食店有分別個龍眼冰真係太多冰...龍眼肉又小雜錦串燒佢好似加咗啲椰糖落去燒，呢個係OK嘅，但係好似覆蓋左肉嘅味道生蝦就無謂多講夠凍就好食㗎啦

又係一月一遊九龍城, 今次就行過路過眼見呢一間泰式美食好像在我的waiting list內沒有擺放過、 企在門外加上google搜尋一下不到三分鐘已決定在內開餐， 原因都係一個壞評不甚、 抱著打不死的冒險精神 ，用半條紅衫魚試試。。。室內環境以簡潔為先, 佈置上貫徹絕大部份泰式餐廳、 不花巧不裝飾~價錢與餐單就同如下之圖片一樣 ，正常之炒粉麵飯差不多要HK$50.元起跳~泰式炒金邊粉/ 乾炒豬/雞/牛河粉 ,海南雞飯/香葉豬肉碎飯 /菠蘿炒飯 /鹵水飯與及青咖哩雞飯等~好多時在泰式餐廳我只會選擇兩樣食品, 一則便是炒金邊粉另一側便是海南雞飯、今日選擇便是後者HK$50.海南雞飯~飯多餸少形式下,第一眼瞄上其實不太甚吸引、 吃在口中油飯不算過於油膩 ，米飯分明有咬口、 至於雞肉部份亦烹煮得非常嫩滑 ，雖然份量真係比預期中少~簡單的一個例湯(師傅)味十分濃厚, 故此淺嚐了兩三啖便放下匙羹~速食午餐不要多求,至少在爬飯途中不會令自己一面食一面搖頭其實已經有賺。

放假諗住去九龍城食泰國野 本人都係中意幫襯下啲小店 今晚見哩間冇乜人等位就的埋女朋友入去試下 見到差唔多全場都係要搭枱 成日被投訴永遠都係得我揀野食今次就俾佢話哂事 但其實每樣都係要得到我批准先可以叫😂食泰國野必食既一定係生蝦刺身 有八隻 算抵食既 我覺得生蝦刺身個汁好緊要 我就中意食埋舊蒜點埋個汁 簡直係至高無上既享受 哩度個汁酸酸辣辣咁啱啱好幾好食 如果啲蝦可以凍啲就好勒 不過哩度餐牌好似冇寫有生蝦刺身 問下伙記就得 之後就尼個咸蟹木瓜絲沙律 有啲蕃茄絲同花生碎撈埋一齊 就咁食啲木瓜絲就真係冇乜味加埋啲番茄一齊食就好少少 之後就係泰式炒金邊粉 中規中矩 酸酸甜甜唔會話好油 炒得幾乾身唔會黐埋一舊最後就係明爐烏頭魚 都整得幾有誠意既 除咗條魚仲有好多配料仲俾多一大碗湯我地 條魚本身就冇乜味既 撈埋個湯尼食就爭好遠勒 個湯酸酸地幾開胃我地都忍唔住飲咗大半碗 樓面可能唔係好夠人手 叫左四次先叫到杯奶茶番尼

是日，工作完畢興致勃勃致電家姐，睇下會唔會一齊晚飯咁岩 佢地又得閒，又泰菜引起 我地就決定左去九龍城食飯了其實九龍城真係太多泰國餐館好多都愈紅味道就愈來愈差想搵間水準依然 真係有點難而今次，家姐就帶我地去食佢朋友介紹既一間試試簡單既餐廳名但食物味道水準 一點都唔簡單鍾意生蝦既我頭盤一定會點生蝦普普通通精華係佢個生蝦汁到生蝦汁 檸檬及辣味夠相當開胃再黎個豬頸肉沙律豬頸肉夠哂味，質感好軟配埋佢地酸酸地既汁又係一個開胃冷盤咸豬肉炒椰菜苗咸豬肉外皮炸得好脆😍而味道亦炒得好地道 好味！豬肉炒河唔太食炒河既我都覺得好食豬肉入味，粉炒得好乾身咖哩炒蜆蜆肉大隻又新鮮咖哩汁加左蛋落去令質感更滑椰味重薄餅呢個誠意推介薄薄感覺好似拿破倫咁煎得好鬆軟 又脆口又唔係好油 就咁食已經覺得好好食連埋咖哩汁一齊食就真係無得輸仲有我最愛既青檸流打最開心佢係一枝流打水咁上令我更有係泰國既感覺😊😊🤗

很喜愛去九龍城食泰菜，貪佢夠多選擇，一間沒位去第二間，今次星期五晚去，四圍都很多人，見呢間泰式美食無乜人等，就試下原來都要等位，攞飛之後都等了廿分鐘，餐廳面積很細，五六張長檯，二人都是打對面搭檯坐，而且很嘈，食完要即走食物方面，炸蝦餅有五件，炸得香脆，蝦肉彈牙，必食串燒點左牛，豬，雞，整體都是一般水準，牛肉是較為好食，其餘兩種肉烤得不夠香，沙爹汁偏甜炸蠔餅很大碟，但蠔仔沒鮮味，旦亦偏淡，要不停點醬汁食，但辣醬又係偏甜 ，一般二人埋單約$240，下次試第二間

這是九龍城的泰式美食, 裡面全部工作的都是泰國人, 所以在溝通上有落錯單的情況, 因朋友是吃素, 所以在要求全素的情況下仍是有困難的; 而且他們亦開得很夜,所以食得也很自在腐乳抄通菜: 這是試過這麼多泰國菜館中抄得最好的, 很香口,很有煱氣, 令你想一吃再吃 泰式沙律: 也非常好味, 雖然因吃素的關係已主動不要蝦米及鹽莤(因要吃素的關係), 但出來的味道及效果也不遜色, 而你所要求的, 廚房也一一做到了 蝦漿抄飯: 要走肉碎及蝦米仔, 老闆娘最後也一一做到了, 而且味道真的不錯~ 很香很濃味~ 最後朋友亦點了椰青, 非常滿足~ 整體來說除了溝通上外其他地方也非常滿意, 而且因朋友工作到這麼晚亦能找到一間合適而又抄得好好味的餐廳, 這間真的值得再去

同行四人經友人介紹就入左去食【冬蔭公湯河】賣相唔係咁吸引但係食落又有基本嘅冬蔭公嘅酸同辣不過對比其他泰國餐廳佢味道偏淡可能因為加左白蘿蔔【泰式無骨鳳爪】個酸辣汁超正係我食過最好食嘅泰式鳳爪個汁夠酸夠辣爽口鳳爪索曬啲汁不過我食得辣都辣到狂飲水辣度應該有譚仔中辣至大辣愛辣人仕必點菜式不過得幾舊唔係好夠喉喎【泰式炒飯】唔係難食亦唔係特別好食幾香口但係炒得乾身啲會更好【炭燒豬頸肉】豬頸肉偏咸如果有多啲甜味會好啲不過豬頸肉邊唔脆有啲失望個汁就唔洗點只係豉油點左會咸上加咸價錢偏貴【泰式小食拼盤】炸得好香口外脆內軟好正雞翼好嫩唔點泰式辣醬都好好食仲有蝦餅肉丸春卷同辣辣泰式鳳爪滿足樣樣都想食嘅你不過就算叫左咁碟野最後四個人都係夠飽要去食甜品

是日同親戚食晚餐，六個人叫左好多野～青檸梳打：酸酸甜甜又夠氣，不過，媽媽杯枯仔梳打仲好味，下次必試！柚子沙律：酸酸甜甜夠醒胃，柚子的分量太少，汁就太多，汁的味道完全蓋過柚子，過哂火。。。脆肉椰茶苗：脆肉＝腩肉，但一ｄ都唔脆，菜就OK。泰式炒通菜：夠鑊氣串燒(牛雞豬)：雖然唔夠街邊串燒當咁好味！但係坐係到食，點都舒服過企街食。牛雞豬入面，雞最滑最好味。咖哩炒蟹+蒜蓉包：隻蟹超多膏。但，咖哩炒蟹的重點唔係隻蟹，而係咖哩汁。用蒜蓉包點佢個咖哩汁，正到暈呀！！！我地６個人order左4客蒜蓉包，點哂所有咖哩汁先夠皮！蒜蓉包冇咩蒜蓉味,但勝在現做，卜卜脆＞ｗ＜！炒金邊粉：太濕，都唔知係炒金邊粉定湯粉。。。明爐烏頭：我對條魚冇意見，因為我唔食魚的！不過用黎煮魚的漡就好好味，酸酸辣辣，成碗比我飲左半。黑白芒果糯米飯：外表真在太吸引啦，吸引到我相都唔記得影，就食左佢，哈哈哈。椰漿很香，芒果很甜＞ｗ＜

這家泰菜店同其他喺九龍城既食店一樣冇乜裝修可言，都係長枱圓櫈咁唔係坐得舒服既。但前後幾個朋友都話呢間好，喺附近既我地就決定喺呢度開餐。 這次是第二次嚟，就一次過寫下我食過啲乜啦！一坐低我地一人要一個椰青，雖然成三十蚊個，但真係好清甜，又夠冰涼，正！之後就點菜嘞！包括：1. 沙嗲半打- 雞牛豬各兩串，肉質還可以，沙嗲汁卻唔錯，喺香港甚至係東南亞都好難揾倒好味既沙嗲呢！2. 柚子沙律- 好味，柚子唔會太澀太酸，夠汁，蝦肉唔係最新鮮但起碼唔係脢到死嗰啲，整體調味唔錯，係細碟左啲。3. 炸蝦餅- 一般，實左少少。4. 飛天通菜- 夠香口。好味！5. 泰式菠蘿炒飯- 炒得唔錯6. 泰式豬頸肉- 個汁又係較得幾好，兩者好夾，好味！7. 咖哩炒蜆另加配蒜蓉包- 第一次見咁大隻蜆，我怕腥，所以冇食，朋友話OK，老公話確實有少少腥。但跟蒜蓉包吃真係正！8. 青咖哩牛肉另加配蒜蓉包- 少甜偏中辣既青咖哩好味，牛肉肉質也不錯，讓人追吃。9. 芒果(白)糯米飯- 有黑﹑白糯米可供選擇，我就梗係揀番白糯米啦！第一次喺香港食倒咁好味既芒米，椰漿份量剛好，糯米又暖暖地，芒果雖然同泰國的差少少，但夠甜夠香，我未試過一

經常聽人講九龍城食泰國嘢好出名，今次由朋友帶路終於可以一試！我哋只有兩個人，可以點嘅唔算多，但今次點嘅幾個餸全部都好正！好正宗泰國風味！炒聖子好夠味，啲聖子又肥又大隻！海南雞都好好味，啲雞好滑！蒜蓉包好香脆！仲有香芒糯米飯，好香椰奶味！泰式沙律我哋叫咗木瓜絲，酸酸辣辣，正！不得不提個飲品青檸梳打，好好飲，仲成樽梳打水俾埋你自己re-fill！其實仲有好多嘢我哋都想食，下次實約埋一班friend再嚟過！

到九龍城食飯，我相信首選是泰國菜，就像七十一便利店一樣，梗有一間在你左右，普遍的質數也不錯，因為很多也是泰國人開的，所以也算得上地道~今天去了＂泰式美食＂，已經是第三次選食這間的泰國菜，由於這間店裝修簡單，大部分也是撘枱，所以價錢比較大眾化，食物質素也不錯，由於是日是星期六比較多人，需要排隊大概10分鐘，期間我在隔壁門口的車仔檔買了一些泰國小食，每次我去泰國必定行街市的，喜歡買一些新鮮的蔬果當小食，也喜歡試一下當地的小食。所以看到這小攤檔很感興趣，左選右選買了來自泰國的小青瓜，很清甜爽脆，還買了煮好的雞肉，回家可做泰式青瓜雞肉沙律~等了大概10分鐘後，門口的侍應問我介不介意坐門口，她可立刻開一張枱給我，由於不想再等我當然說好，立刻叫了我最愛的生蝦刺身，由於實在太喜歡食生蝦刺身，我通常自己食一碟的，嘻嘻~另一必叫的是泰式青木瓜沙律，另外還叫了脆肉炒芥蘭、香葉炒乳鴿、香辣炒牛河、蒜蓉飽、椰青及泰啤~生蝦刺身一碟有8隻，用冰鎮着的生蝦刺身很新鮮！我喜歡把生蝦夾着拌碟的生蒜一起食，點着泰式酸辣汁真的很美味，我真的一人把整碟食了，嘻嘻~如果有炸蝦頭拌苦瓜味道更佳~青木瓜沙律有蝦米、辣椒、炸花生及

星期六本打算到譚點飲茶吃點心,嘩...滿座耶!! 反而旁邊的泰式美食可以隨便坐,在九龍城吃泰菜也是上佳選擇,即時改變吃泰國菜。泰姐姐笑容滿臉的打個招呼,坐下後另一位泰姐姐已送上熱茶熱水各一杯, 前者供飲用後者用作消毒食具,好貼心! 還有很久不見的萬壽無疆膠碗,兒時其中一個飯碗就是這個花紋了, 好親切。只吃湯粉似乎未能滿足餓得咕咕響的我, 再加一碟炒椰菜苗吧! 等餐期間除注意店內掛著的像真度高塑膠大芒果外,還有陣陣香味瀰漫著,原來一眾泰姐姐正在泡製椰汁西米糕,她們在店面煮著椰漿,濃郁椰香真吸引,絕對令我口水狂流!鴨肉湯河($30)連泰式調味盒送上,另一種好香的味道耶!! 深褐色的湯式除了香氣四溢, 味道同樣濃郁鮮甜,加上香蔥、芫茜、炸蒜、金不換的香草香味,齋飲湯底也很不錯! 自己忘記改要金邊粉或米粉,粗身河粉一向不是我喜歡的,初期還算滑溜及彈牙,但浸得時間稍長就很易碎了;大大件鴨紅滑溜中有點嚼勁,對不嗜血的我只是多一種食材可吃,反而大大件煮到透心的蘿蔔更美味,蘿蔔應被鴨湯浸得軟淋入味,比自然蘿蔔甜多了一點肉湯香,不知可否以鴨紅換多一件蘿蔔呢?? 鴨胸肉切得頗薄,像鹵水鴨的味道本來還可以,

公眾假期又係出街食食食的好日子。喺譚點點心專門店食完都只得5成飽，於是就得過隔離，黎泰式美食度再食過。兩點幾，店內都有客，而且客人還不斷進來。由於唔係10級肚餓，所以唔係叫太多。要了青木瓜沙律、泰式炒椰菜苗、雞 & 雞腎串燒同冬蔭公湯河。青木瓜沙律木瓜絲切得粗幼適中，好爽脆；仲有蕃茄，不過蕃茄無醃過嘅，味道原始；調味好夠辣，又夠咸，有d咸蝦毛，夠味，不過d木瓜唔係太入味，如果預先醃耐d會更好。泰式炒椰菜苗呢個好味。每次食泰菜都會叫椰菜苗。今次試泰式炒，其實係麵豉加辣椒一齊炒，惹味。椰菜苗可能當做，好嫩，一d都唔老。冬蔭公湯河好好味啊！我以往都係食豬什或鴨肉湯河，但今次就試吓冬蔭公湯河。原來都好好味架，有蝦同肉碎，而個湯好好味，夠酸又夠辣。河粉質地好挺身，唔易斷，GOOD~雞 & 雞腎串燒串燒都ok, 不過略嫌燒得乾咗少少。雞腎好大件，爽口；雞就正常啦，唔會鞋。個醬就比較失色，係甜甜地，微辣；如果沙嗲味同辣味勁d會更好。環境ok, 可能因為我地去嘅時候人唔多。

本地糭、上海糭都食過，端午節正日改改口味…食泰國糭！ 行經九龍城南角道27號“泰式美食”門口有個婆婆剛從到港的包裹中取出一袋袋的泰國糭，那麼新鮮，我又怎會放過呢！以下是我的食評：胡椒綠豆糭：胡椒居然可配綠豆，鹹鹹甜甜，吃過後喉嚨熱辣辣的，頗刺激香蕉糭：鹹甜得來較清淡，吃不出中間是甚麼餡，好像有椰絲吧！？三角糭：比市面的廣東糭身形小了一半，鹹多一點甜少一點，蝦米、胡椒味頗重，Shirley覺得它最美味我問婆婆是否屬“泰式美食”的外賣部，她說該舖是“姐姐”開的，“姐姐”讓她在此擺賣… 泰國人∕華僑真有人情味！