泰廚泰國菜館

營業中

休息中

好朋友是旺角嘅地膽，話要介紹一間性價比非常高，會食到飽到嘔嘅老字號泰式餐廳！果然食完完全明白佢講嘅係乜料，非常值得大大大力推介🔥泰式炒白貝 + 海南雞半隻 $198自選泰式孖寶呢個套餐實在太抵啦，仲要有好多唔同嘅選擇！炒蜆勁大隻，啖啖肉好惹味！本來以為隻海南雞得細細份，點知半隻真係份量十足，而且雞肉仲好嫩滑！炭燒豬頸肉串燒 + 和牛串燒 $28@ 唔怪得豬頸肉係招牌菜，真係外脆內軟！食完兩串都嫌太少好想再食，和牛串燒都唔錯！醬汁好有誠意，我直接想買走！聽廚師講係每日自己新鮮炮製！有心思耶～每一種肉配一份醬料！泰式炒金邊 $72叫咗個午餐set，金邊粉好足料，有雞肉、芽菜、花生、蝦，熱辣辣酸酸甜甜，穫氣十足，配埋泰式湯同埋椰汁！椰青 $44即叫即開，好多果肉好新鮮！+$1 泰式生蝦惠顧滿指定金額就可以用一蚊加購！以為都係行貨？點知一上到嚟係成碟新鮮嘅生蝦誠意十足！+$1 四件椰汁糕又係以為求其整，點知好好味！一蚊兩款係超級抵，性價比非常高！

抵食地道泰菜．唔一定要去九龍城嘅喺人多熱鬧嘅金魚街見到呢間泰國餐廳我地揀咗兩款二人套餐價格貼地食物上枱就見識到真正「抵食夾大件」嘅份量難怪吸引咁多熟客有4款 泰式孖寶套餐自選配搭✨泰式海南雞 配 ✨泰式炒白貝海南雞肥美嫩滑．半隻雞都好有份量白貝新鮮飽滿．無空殼亦無沙巨大碗好多隻另外一個套餐✨紅咖喱豬 配✨冬蔭海鮮湯冬蔭功湯真係好足料加入青口．鮮蝦．大蜆辣度控制得恰好✨串燒淋上香濃醬汁厚厚一串．口感豐富▫️燒雞串▫️燒豬串✨泰式海蜇震騰騰嘅海蜇．晶瑩通透配上泰式醬汁．份外惹味✨泰式椰汁糕滿$200 +$1蚊就食到喇底層用西米同粟米粒墊底又香又軟✨芒果糯米飯糯米飯淋上香滑嘅椰汁配上新鮮香甜嘅芒果肉係泰國菜必點嘅甜品

呢排好鍾意食泰國菜，經過旺角見到呢間街坊泰國菜館，仲要做緊$1菜式優惠，二話不說就入咗去食 🤩 餐廳有兩層，電視機會播網上嘅泰國旅遊片，真係引到人好想即刻飛 😂泰式孖寶♦️泰式海南雞孖寶嘅海南雞有半隻，但係份量都唔少㗎，雞髀同雞胸部位嘅肉非常嫩滑 🐥♦️泰式明爐烏頭魚明爐魚真係好夠霸氣，魚上面有大量嘅泰式香料，食落魚肉唔會腥，仲好有泰式風味 🐟泰式豬手豬手好入味，肥瘦比例適中 。呢個係例牌嘅份量，如果叫原隻就非常適合一大班人share啦 🐷串燒沙嗲 呢個係非常推薦嘅菜式，我哋叫咗豬、雞、豬頸肉各兩串，每串都烤得超焦香，仲有啲炭烤嘅風味 。上面淋咗沙嗲醬，花生味超香濃，十分惹味🍢馬拉盞炒肥牛通菜食咁多肉就梗係要炒返碟菜平衡吓，揀咗馬拉盞好令成餐更充滿東南亞風味 🥬 呢碟菜嘅肥牛都唔少㗎 。泰式木瓜沙律晚市小菜叫滿$300就可用$1揀一款美食，有泰式海蜇、椰汁糕、生蝦同埋我揀嘅木瓜沙律 。呢份沙律酸酸辣辣好開胃啊🤤泰國象啤叫得咁豐盛，飲埋杯酒就啱晒啦🍻 店員非常親切，見到佢哋同食客都打成一片，成間餐廳都好有人情味 🤗 我會因為佢哋嘅串燒而回頭幫襯，而家諗返都回味無窮啊 。

🐔海南雞超大隻肥雞，啲肉都好嫩滑🐷燒豬頸肉個醃料好香口，而且啲肉亦都爽口🐚泰式炒白貝泰式炒法甜甜辣辣，粒粒都大大隻好多肉🥘冬陰大頭蝦湯酸辣味適中，大頭蝦大大隻，且蝦肉彈牙🍡串燒沙嗲雞翼，墨魚丸沙嗲汁淋上野味串燒，一試難忘🦐泰式生蝦蝦肉爽口，食泰菜必點之一🪼泰式海蜇呢個泰式汁配海蜇好有驚喜，海蜇嘅口感好得意，酸酸辣辣，好開胃🥤青檸梳打、椰青食泰菜必點椰青清甜解渴，青檸梳打酸甜可口

琴日我哋去咗旺角嘅「泰廚」，真係一個好驚喜嘅用餐體驗！呢間餐廳以泰式串燒聞名，串燒即叫即燒，味道鮮美，令人食得停唔落口。佢哋嘅沙嗲汁特別好味，甜甜的味道配合香脆的串燒，簡直無得輸！而且海南雞都好滑身，肉質嫩滑，令人一試成主顧。最正嘅係，加埋一杯鮮榨菠蘿冰，清新又消暑，夏天食嚟最啱不過。點餐時，店長特別提到，當食滿300蚊可以「+1蚊」換泰式生蝦，真係超值！我哋兩個人埋單大約300蚊，已經包埋串燒、海南雞、兩杯飲品同菠蘿炒飯，實在抵到無法想像。總括而言，「泰廚」不單止係價錢合理，食物質素亦相當高，絕對值得一試！下次再來，肯定會再點串燒同海南雞！👍🏻❤️

以前拍拖食過幾次，依家少左出旺角少食左，水準同以前一樣正，今次仲試左幾款以前未食過既菜，油鹽水白貝超有驚喜，一定要食！仲有強烈推介咖哩軟殼蟹，好好食，價錢合理一定要試下，食滿$300仲可以$1蚊加前菜同甜品，好抵食！😆🦀咖哩軟殼蟹 $282咖哩香而不辣，軟殼蟹超新鮮岩岩炸起，啖啖肉好好食，仲要超大碟，一定要配埋薄餅食呀好正，必叫！🫓薄餅 $42薄餅就咁食都勁好食，好香牛油味，非常香脆🐚油鹽水白貝 $120好有驚喜，湯底好鮮甜仲有好香既金不換味，白貝鮮甜又冇沙，好正，必叫！🥬泰式炒通菜 $72我地叫左走辣，每次食泰國菜都好鍾意食通菜，好味！🐥燒雞串 $18 一串雞肉滑，醬汁香仲有花生粒，正，一定要食！🐷燒豬頸肉 $80啖啖肉豬頸肉，點埋醬汁食一流🥡泰式海蜇 $1$1好抵食，仲有生蝦同沙律簡🍨泰式椰汁糕 $1椰汁味濃，下面有西米底，好味

旺角 Thai Chef 泰廚我地今日去左旺角一間泰國菜館，平時成日行過，今日先係第一次入去試下。每凡惠顧小菜滿$200(下午6點前)；滿$300(下午6點後)加$1 可以揀一款小食，我地揀左兩份泰式生蝦，真係超值！一坐底我地就揀左泰式孖寶 D餐，咖喱軟殼蟹+泰式燒魷魚 ($398)佢地個泰式孖寶餐都幾抵食，一個價錢可以食到兩味餸😋大大隻軟殼蟹，個泰式咖哩汁用來餸簿餅、餸蒜蓉飽、餸飯、都係勁正！大大條泰式燒魷魚，燒到勁香，又彈牙。簿餅（1份） ($42)識食咖喱就一定要叫返個簿餅配住嚟食，外脆內軟又鬆化，就算今餐冇叫到粉麵飯都可以食到飽一飽咁出門口。肉碎生菜包（豬肉） ($76)香葉肉碎配生菜片簡值係絕配，肉碎乾身再配埋爽脆嘅生菜，正！馬拉盞炒通菜 ($72)通菜偏辣，份量好多，如果再淋啲再好啲。泰式生蝦 (加$1！*2份= $2)依個真心超推介，泰式生蝦刺身夠曬新鮮，配搭辣椒蒜粒同埋泰式芫荽醬，將生蝦嘅鮮味升華。椰汁冰 ($28)香濃嘅椰汁味配搭全餐都好夾，又解到渴。泰式椰汁糕(加$1)食完之後再來個泰式椰汁糕，完美結束依個回合。#泰廚泰國菜館 #泰國菜 #foodie#高質 #旺角

位於旺角嘅🇹🇭泰菜老字號🌟泰廚泰國菜館🌟，有超值嘅自選泰式孖寶套餐！惠顧滿指定金額，加1️⃣蚊雞就可以換購🦐泰式生蝦等菜式，真係大癲‼️ 🇹🇭泰式孖寶 A $208🐓海南雞半隻 拼 🐚泰式炒白貝好似酒樓嘅中選孖寶套餐，價錢實惠，閒日仲要平多$10！海南雞肉質軟嫩，脾位皮位更加可以用滑溜嚟形容！炒白貝粒粒鮮甜無沙，汁底充滿金不換嘅香氣，用嚟撈飯一流！🇹🇭泰式孖寶 C $278🐟古法烤焗槽魚 拼 🦑泰式燒魷魚紅槽塞滿泰式香草，令魚嘅鮮味更為香郁！魷魚size超大，厚切都勁易咬，鮮味十足！🦐泰式生蝦｜🪼泰式海蜇 ＋$1惠顧滿指定金額就可以加購！泰廚嘅青醬真係好正，dip乜都咁好味！🍹咸檸七 $26｜🍻星霞啤 $24酒水價錢亦十分親民！

食泰菜唔洗一定係九龍城食，係旺角都有間比九龍城更平、大份嘅泰式餐廳🤣餐廳有兩層，叫滿$200就可以加$1換小食😆🐓海南雞（半隻）+ 油鹽水沙白 $198超抵食，孖寶都好大份！海南雞好滑，雞肉幾厚又嫩滑😍雞皮都好爽彈！沙白可以揀泰式/油鹽水整，揀左油鹽水煮沙白，清清地嘅湯，食得出沙白鮮甜同九層塔香味💕沙白洗得好乾淨，無沙！肉都好大隻👍🍝泰式粉金邊粉 $72超抵又大碟💕金邊粉酸酸甜甜好開胃！蝦🦐有3隻，再有海量雞肉、豆干等配料，成碟粉得夠乾身，但又唔會痴埋一齊👍👍🍢串燒 $15/1揀左雞同豬，又係好大串，沙嗲醬好濃郁🥰好香花生味🥜有少少辣味調下味👍🍮泰式椰汁糕好多西米同少少粟米🌽，好煙韌！🐙泰式海蜇海蜇酸酸地，加左少少薄荷味，夠fresh!📍泰廚泰國菜館 (旺角)旺角通菜街126號地舖

今日試咗個泰式孖寶D. 泰式咖喱軟殼蟹 + 3. 泰式燒魷魚泰式咖喱軟殼蟹，個樣睇落好辣，食落冇想像中咁辣，軟殼蟹脆脆哋，香料味好重，鹹鹹辣辣好惹味，另外叫咗份薄餅點嚟食，真係一流。泰式燒魷魚，魷魚燒得恰到好處，外焦內嫩，搭配特製酸辣醬，好香口，醬汁香氣同魷魚嘅鮮味完美融合，一定要趁熱食。加一蚊仲可以叫到生蝦，雖是特特價，但絕無hea。生蝦好彈口，醬汁唔係好辣，不過就好野味，夾蒜食超正。小店嚟講都坐得舒服，又光猛。

呢間好泰feel嘅泰國餐廳。食咗佢哋幾道菜感覺都展現左泰國料理嘅精髓。無論係味道、質感定係擺盤，都令我感受到用心嘅烹調。✨ 泰式燒魷魚魷魚燒得恰到好處，外焦內嫩，搭配特製酸辣醬，好香口一次食咗幾條。醬汁香氣與魷魚的鮮味完美融合，令我回味無窮。✨ 泰式豬手泰式豬手口感非常柔軟，肉質鮮嫩，皮林而不油膩。搭配的蒜香醬汁更是增添了風味，呢道菜成為我嘅最愛之一。✨ 海南雞海南雞雞肉鮮美多汁，搭配香滑的雞油飯，每一啖都彷彿帶我回到熱帶陽光下。附上的醬油和辣椒醬也為這道菜增添了層次感。✨ 燒和牛串和牛串肉質細膩，燒烤嘅火候掌握得當，外脆內嫩，完美展現左和牛嘅鮮美。簡單嘅調味令牛肉原味得以突顯，是肉食愛好者不容錯過嘅選擇。✨ 燒豬頸肉燒豬頸肉味道濃郁，肉質鮮嫩，搭配嘅香料讓整體風味更加出色。每一啖都係滿滿的肉香，非常過癮。✨ 泰式木瓜沙律泰式木瓜沙律清新爽口，酸甜口味令人耳目一新。脆脆嘅木瓜搭配花生，令呢道沙律成為了開胃菜嘅最佳選擇。✨ 泰式海蜇海蜇口感滑嫩，搭配的醬汁酸辣適中。作為前菜，呢道菜清爽可口，為接下來嘅重口味菜餚做好完美鋪墊。✨ 龍眼冰龍眼冰清涼可口，龍眼的天然甜味令人感到十分滿足。✨ 椰

外賣 等成5個字請問你整咩要整5個字啊 問個男服務員 寸個嗨 加上攞到翻屋企個咖哩牛肉飯垃圾咁D米又好似生米咁 兩樣嘢夠膽收人188俾D咁質量野俾人笑死 冇下次 我都係做飲食業㗎 整到香港個市場咁

泰式生蝦係我哋必叫嘅菜式。蝦嘅肉質好爽口，鮮甜彈牙。配埋嘅泰式醬汁酸辣開胃，好惹味。我哋每人食咗十幾隻蝦，都意猶未盡。馬拉盞炒通菜係一道家常菜，但泰廚嘅炒通菜炒得好有鑊氣。通菜炒得爽脆，唔會太腍。馬拉盞嘅香味好濃郁，同通菜好夾。我哋食完呢碟菜，都忍唔住要食多碗飯。

未開始講嘢阿姐已經話：「我聽唔到你講嘢」朋友過緊黎，諗住幫佢嗌左先啦，阿姐又話：「你一次講完得唔得呀？」想加多個菜，阿姐又話：「落左呢啲先陣間再嗌」吓唔係你叫我一次講完嘅咩？同埋要將通菜咁簡單嘅菜炒到咁難食都真係要有啲水平先得

疫情之前閨蜜ABC就已經黎食過,當時我因為工作缺席,只記得佢地話超級好味.然後就相約下次聚會再食過.結果疫情三年,加上之後各自有家庭有小朋友,終於,今晚終於約到重聚lee間泰國餐廳.閨蜜A一早book左位,所以黎到就已經可以上二樓四人抬.我地order左兩串和牛燒烤,兩串豬肉兩串豬頸肉,三隻雞翼,一份馬拉盞抄通菜,菠蘿炒飯同大蝦冬陰功湯.而且食泰國菜,就不得不破戒飲左泰國奶茶.真係好正.但薑汁泰國奶茶都好特別好正,值得推薦.(食到咁上下先記得影相,好多其實都食左飲左大半)串燒好快就上,味道好正.特別係醬料!之後係我最最深愛嘅冬陰功湯,哇,真係正到飛起.隻大蝦應該係龍蝦仔.但我關註點一直係個湯本身就好正.令人想要一飲再飲!馬拉盞炒通菜分量好大,四個人都差D食唔曬!菠蘿炒飯非常足料!大大隻蝦,魷魚同肉鬆.味道適中.講講下口水都流曬.過兩日我肯定又要再去多次.為左冬陰功湯!