泰廚泰國菜館

營業中

休息中

每次系旺角想食泰國菜，都會諗起通菜街天橋附近的泰國菜，因呢間門口有個阿姐專門系門口燒串燒好香。香茅豬扒撈㩚，豬扒炸到好香口又夠淋，撈㩚淋上醬汁撈埋酸酸甜甜地好好味。泰式扎肉冬陰公湯河，冬陰公湯底酸酸甜甜辣辣好好味，河粉又索埋冬陰公湯的味好正，扎肉又爽彈。和牛串燒燒到剛剛好，牛味農肉質又淋配上醬汁好入味豬頸肉串燒燒到好香又可以逼到油脂出來不肥膩，豬肉和雞肉都燒到好香口，配上沙嗲醬好香濃，呢度沙嗲醬又唔辣甜甜地好好味。扎肉鳳爪沙律鳳爪好入味又系無骨又爽彈又唔會辣。馬拉盞炒椰菜苗，椰菜苗炒到好爽口又夠味道。龍眼冰又夠味又有龍眼肉。

本身黎旺角食串燒但原來無開🤯只好臨急臨忙另選餐廳，最後去左呢間泰國菜-泰式菠蘿炒飯 優惠$85裡面包含多款海鮮作為配料，見到有蝦青口魷魚🦐🦑但全部都腥😢而且炒飯有陣好重嘅香料味，朋友話係其他地方食過都有呢陣味，個人唔係幾鍾意🙈-泰式炒金邊粉 $68感覺比出面食嘅淡味d，唔夠乾身，痴埋一舊😂不過佢有落d櫻花蝦，都算有誠意😂而且份量幾多-泰式燒豬頸肉$76肉質咬落唔錯，再配埋佢個酸辣汁都幾好食-泰式炒通菜 $67普通的通菜，辣度適中，但食到最底超鹹😣-泰式炸蝦片$20算是我整頓飯的一個慰藉🥲作為小食不錯，大家傾住計一人一塊幾抵食，味道都好穩陣-泰式香矛雞翼 $18/串上面個沙嗲醬幾惹味，但會有少少辣。雞翼燒得幾香口👍🏼-泰式海蜇(食滿$200加$1換)雖然佢其貌不揚，一上菜心諗: 哪裡來的嘔吐物🙂但佢係最令我有驚喜嘅食物😯出面食嘅海哲通常見係一條條，但佢係成塊好厚，好似仙草凍咁。加埋生蝦刺身果種酸辣汁，好開胃😋-樓面個阿姐異常燥底，好似係度周圍鬧人咁🤣呢度比較茶餐廳的感覺，食物唔係唔好，仲幾抵食，但環境就唔太適合聚會🙃

06-03-2021今天第二次同朋友來了這間泰國餐館吃，上一次吃晚上，今次吃下午，下午同晚上食物味道一樣，今次下午我選了炒金邊粉，朋友選了泰式濕炒雞絲河，飲品香矛冰，好飲

成日黎金魚街買寵物用品買得多，但食飯真的是第一次!!金魚街食肆許多，但我無諗過有間不起眼但驚喜的泰國餐廳係呢度!!!如果唔係我朋友帶我黎呢度食，我相信自己都會錯失左呢間餐廳!!坐低左之後，侍應就拎左餐牌俾我地睇，我地就決定咩都點下的心態首先就點左泰式生蝦，因為店做緊優惠，食滿左HK$200就可以用1蚊叫一碟!!生蝦味道清甜，我地食完一碟唔夠決定再黎多一碟!!泰國炒金邊粉 HK$68呢道菜就普通，無咩特別!馬拉盞炒通菜 HK$67泰式燒豬頸肉串 HK$25比起出面既串燒，我覺得佢的價錢算有點貴，但係又真係燒到肉汁好淋，同時個沙嗲醬就真係好味到食完係會返到屋企再懷念的味道!!泰式菠蘿炒飯 HK$110菠蘿炒飯係一定食泰國餐都一定要點的菜!!!用新鮮菠蘿裝滿咖喱炒飯，聽落都令到人食慾大增呀!!!

位於旺角鬧市既泰廚，無論裝修，格調，擺設，樓面侍應，廚師，全部都好正宗，泰有味道👍😋食物價錢方面中等價格，份量偏大，口味正宗。午餐套餐包例湯，凍飲，都幾低食👍菠蘿🍍炒飯夠鑊氣，乾身唔油，菠蘿🍍粒新鮮，唔係罐頭貨👍金邊粉有驚喜，金邊粉炒到條條分明，面頭仲加咗香脆花生🥜粒，櫻花蝦，相當惹味。套餐送既凍飲包香茅冰或清檸冰，大大杯份量十足，泰式青檸醃到好夠味，解渴一流 。疫情嚴峻之下無得去泰國旅行，食下正宗泰國菜，可以止住癮先😂

我光顧之後才發現，原來位於「旺角行人天橋」跟「通菜街」旁邊的泰國菜餐廳「泰廚泰國菜館」，是沒有製作和提供「牛腩」粉麵飯食品，所以我發現殘酷現實之後，退而求其次改為光顧享用下午茶。怎料我選擇享用「泰廚泰國菜館」下午茶裡面的「串燒餐」之後，侍應才告訴我「泰廚泰國菜館」的「串燒餐」，只有「串燒豬肉」、「串燒雞肉」跟「雞全翼」三款肉類串燒食品，給我選擇其中兩款而已。所以我最後只能夠選擇「串燒雞肉」跟「雞全翼」，飲品選擇了「紅豆冰」。「串燒雞肉」和「雞全翼」表面淋滿「沙嗲醬」，但是「泰廚泰國菜館」「沙嗲醬」的味道甜中帶點微辣，跟我平日食到的甜味「沙嗲醬」很不同。至於「串燒餐」裡面的「串燒雞肉」，雞肉實際厚度比我原本預期來得厚得多，加上甜辣味道的「沙嗲醬」，令我無法從而食到「串燒雞肉」裡面的雞肉原味，至於雞肉肉質已經全熟，口感感覺稍嫌有點乾，和有點硬。至於「雞全翼」的實際肉質和口感，情況亦跟「串燒雞肉」十分相似，「雞全翼」肉質已經全熟，「雞全翼」雞肉味道也因為「沙嗲醬」辣味太強，令整隻「雞全翼」實際味道只剩下辣味。至於「紅豆冰」方面，「紅豆冰」裡面的淡奶甜味無疑是很濃厚，只是覺得「紅豆冰」裡面的「

泰廚本身已經聽過好多人講好出名個個都話好好食 點知...真係好好食🤣泰式生蝦：你估下係幾錢？ 48？ 68？ 係1蚊！！！只要食滿200蚊就可以用1蚊換一碟！ 仲有其他options揀生蝦毫無雪櫃味 好新鮮 口感好彈口 加埋個汁雪一聲就一隻 好滿足我地仲要兩條友食到400蚊換左兩碟比女友食🤣泰式燒豬頸肉：超香口 咬落軟林林 外樣燒得好脆 高質豬頸肉👍🏻泰式炸蝦餅：勁大舊😂 好重蝦味泰式燒豬頸肉串燒：純粹因為碟生蝦而叫🤣 食落感覺一碟過既燒豬頸肉更好食不過依個都好正👍🏻黃咖啡雞配薄餅：薄餅要另加 但絕對要加 外脆內軟 依個咖哩比出邊既黃咖哩無咁甜薯仔勁好食😂雞唔錯 但切細舊啲應該更入味 可以既話可以試下request因為啲staff勁好人 成日會同你傾計泰式明爐鳥頭魚：星期四優惠！魚味濃 湯比較清 香茅味唔太重

成日去開旺角橋底都見到呢間泰國菜，次次都比佢外面嘅串燒吸引住，真係好香好香！終於去咗試啦，舖頭都幾大，有兩層！不過咁啱個日冷氣機就壞咗，所以有啲熱🤣🤣好彩都仲有部風扇青咖喱雞🐥好重椰香味，呢款青咖喱唔算好辣，雞都好足料，夠嫩滑夠大嚿！用嚟送飯真係一流，不過我今次叫咗蒜蓉包嚟點住食😍蒜蓉包有6塊 ，蒜蓉包超香脆，外邊好脆，中間又做得好軟身，用嚟點咖喱真係一流，不過真係要趁熱食，凍咗會有啲乾身🤩🤩馬拉盞炒通菜超有鑊氣嘅通菜，份量有啲多😝差啲食唔晒，不過好香馬拉盞味而且通菜都新鮮，夠嫩！仲叫咗幾串串燒✨雞全翼✨雞肉呢個沙嗲汁超辣，不過好野味抵食呀！！正！！而家滿$200，仲可以加$1 有份生蝦添好高質！又好抵食！😍

朋友住旺角，試過一間泰菜好味，於是今晚就一齊去食。店名叫泰廚泰國菜館，位於旺角通菜街，由地鐵站行過去，經天橋都係三、四分鐘，好方便👍朋友鍾意食薄餅，又鍾意食蒜蓉包，於是乎叫哂兩樣。咁叫得薄餅，就梗係要叫個咖喱嚟點食啦，於是就叫咗咖喱大頭蝦，泰式的做法偏甜微辣，很像咖喱炒蟹的醬汁，裏面加了蛋漿，令整個咖喱都十分濃郁，配菜有青椒洋蔥芹菜等，用來點薄餅食一流。而蒜蓉包更是出奇地好食，整個包烤得十分鬆軟，雖然沒有一粒粒的蒜頭在包面上，但蒜頭的味道已完全滲入包裏面，令人食完一件又想食一件。食泰菜又點可以唔食串燒呢，分別叫咗燒豬頸肉，燒和牛，燒豬串及燒雞。燒豬頸肉豬串及雞都是偏甜的泰式沙嗲醬，有粒粒花生在裏面，而辣到不高，適合香港人口味。燒和牛的醬汁較為特別，是綠色的，有香草味及微酸，相信是用作中和和黃牛的肥膩。蔬菜方面叫了馬拉盞炒通菜，炒得夠鑊氣，馬拉盞鹹鹹香香十分惹味。而餐廳長期做推廣，食滿$200就可以用一蚊的價錢order一款小食，我哋叫咗生蝦，雖然生蝦份量只有四隻，但就出奇地爽口鮮甜，有點不夠喉🤣餐廳出奇地好生意，我們用餐完畢走的時候，出面已經有人在排隊，相信是食物的質素吸引一批顧客幫襯

之前冇留意，menu好似多左兩頁summary! 清楚哂要食咩，落單前我緊係睇清楚有冇其他優惠啦，唔係第一次食，一定要睇一蚊優惠同每日優惠！summary都好多選擇，今晚不食飯，想食多d其他野龍眼冰，好多龍眼，足料！岩哂咁dry既秋天！$1生蝦，超抵，好鍾意呢個汁呀，好唔好食就係睇個汁，呢間夠辣，必食！炒椰菜苗，看似簡單既菜式其實唔多鋪頭有得食，炒得好惹味，椰菜苗夠厚身（上起）豬頸肉、雞肉、和牛；成日見姐姐係鋪外燒嘢，忍唔住order幾串，雞同豬都好大片，燒得香口，hee~我最鍾意和牛，有d肥香古法烤糟魚呀！主角！俾我食左今晚最後一條店員一打開錫紙，香噴噴既魚肉就出現眼前！魚肚內放滿香料，好入咪，配合埋個汁真係好正 食左咁多野都係$267，可以成日幫襯！

今晚去咗旺角行街，突然好想食金邊粉，所以就去咗通菜街天橋一落就到嘅泰國餐廳。我哋叫咗個泰式炒金邊粉，好入味，大大件蝦。然後再叫咗個紅咖喱豬肉，配白飯。我好鍾意個紅咖喱唔太辣，面頭又有少少椰汁奶，好襯托返個香草味。另外再叫咗個椒鹽炸海蝦，海蝦非常香脆，最鍾意可以成隻蝦食又唔使滅蝦殼。食滿$200就可以用一蚊叫多碟餸菜，我哋揀咗泰式生蝦，第一次食泰國刺身，好滿意。我一向都鍾意用甜品作結，今晚揀咗個泰式鮮奶燕窩，食完都覺得好滋潤。

泰廚泰國菜館，絕對係全港最抵食泰國菜，價格十分實惠，服務親切， 每道菜色正宗好味，品質高，味道好👍🏻😋好推薦👍🏻👍🏻👍🏻😋😋📍即燒串燒🍢🍡：泰燒和牛串$20串燒沙嗲雞$12串燒豬頸肉$20超級喜歡他們的串燒，大大串，調味十分出色，尤其豬頸肉，酸酸辣辣，豬頸肉肉香爽口😋📍泰式海蜇🇹🇭 $78朋友們搶着吃，泰式酸辣調味，惹味濃郁，海蜇清爽，一道好開胃的頭盤！📍泰式木瓜沙律🥗$72青木瓜新鮮爽脆，味道醒胃，分量豪邁大方，旁邊有生菜配合包裹吃😋👍🏻😋👍🏻📍泰式肉碎生菜包🐷🥬$72豬肉碎混合蔥頭、辣椒等香料，辣度適中，風味濃厚😋👍🏻用生菜包著吃，清爽不油膩😋🤤🤤🤤👍🏻📍泰式炒金邊粉🍤$68經典泰國菜式，香味十足，不算太乾身， 加上青檸，酸酸甜甜，大碟足料，實在開胃🍴🍽📍泰式椰青🧉$38冰冰涼涼🧊， 多汁清爽，果肉輕易刮出🧉✨5:30前有即炒餐系列包香茅冰/青檸冰同餐湯✨晚市更有$1菜式午市和下午茶極度抵食，在此分享一下午市和下午茶的餐牌給大家先食店：泰廚泰國菜館 (旺角)地址：旺角通菜街126號地下

同朋友慶祝生日，幾個朋友約出嚟食飯，搵個中間點約黎旺角，壽星仔話想食泰國嘢，地點方便就試吓呢間。叫咗泰式炒金邊粉，生蝦刺身，串燒拼盤，馬拉盞炒芥蘭，泰式爐蒸烏頭，椰汁雞湯。首先個金邊粉好唔掂，唔熱，毫無鑊氣一坺嘢咁。算啦，個串燒，生蝦，芥蘭都算正常既。好喇，到個泰式爐蒸烏頭上菜，我一路等緊條魚熱，等極都冇滾嘅感覺，原來個火熄左，我哋成條魚冇食過，個火就熄左，就叫呀侍應哥哥仔幫我點返個火，個侍應就不停係度鬧，話我地食得慢，點咩火姐，快快脆食左去啦，點火做咩姐又唔係打邊爐⋯⋯佢離遠喺度鬧，鬧到其他食嘢既客都聽到，等左好耐終於肯行過黎，就好惡咁話係咪要點火呀？係就行出黎啦，跟住佢繼續鬧，我哋終於忍唔住問佢，係咪唔想點火姐，唔想做咪算囉，最尾佢都係幫我哋點返個火，但已經冇哂心情食⋯⋯從來未試過食野係會食到冇哂心情，想快d走既感覺，自問我地已經好有禮貌，唔明點解要比錢幫襯受氣，仲有，最尾我哋個椰汁雞湯係從來都冇上過菜，原來個侍應冇幫我哋落單。然後呢餐生日飯食得咁唔開心，我地惟有去下場食埋個蛋糕。總之，呢間野，可一不可再。其中一個朋友話之前黎食到肚屙，如果佢早啲講，我哋就可以避免呢一次咁唔愉快嘅經

心思思想食泰國菜，朋友推薦話有間泰國菜館平靚正 ， 今天就去試下。門面裝修很有傳統泰式風格 ，共有兩層。泰式小食拼盤有兩串串燒，蝦餅，鯪魚餅 ，春捲， 還有蝦片伴碟。乜都有啲，最啱我style。 首推蝦餅， 大大件而且十分彈牙， 真材實料。 串燒也燒得好好味。豬頸肉豬頸肉肉質不錯，有焦香的效果。泰式炒金邊粉份量足，材料夠，啲蝦大大隻十分新鮮，炒得夠曬鑊氣。鮮椰青十分清甜， 剛剛吃了那麼多煎炸嘢， 可中和一下熱氣。泰式椰汁糕這是食滿200蚊加一蚊的， 很多西米，甜度適中， 好有椰汁味。門口位有個地方外賣串燒， 見住嚟燒，大多數是12蚊都幾抵食

行經金魚街，一直都對呢間菜館好好奇。記得以前，有個串燒位放喺門口，佢同隔離嗰兩當魚蛋檔互相輝映，當然魚蛋檔選擇多，搶曬風頭。難得條街咁清淨，午餐時間就走入去睇吓嗰邊咩環境。 傳統曼谷餐廳格局幾吸引，樓底勁高，有樓梯可以上二樓。冇諗過，鬧市之中下午茶有幾抵食。叫咗個牛肉撈粉，再加多個凍飲，有埋冬瓜湯，都係$40有找。撈粉啲配菜好足，牛肉亦唔少，調味醬料任落。食過返尋味，下次一定要再其它。