影片
以上資料只供參考, 請與餐廳確認詳情
招牌菜
叫左冬陰功幾夠料，配料有得揀蝦同雞，今次我就試左雞先，材料食得出幾新鮮，有D地道風味，起碼唔係我食過一D寫話話自己係正宗泰國野既 “罐頭式”制作扮泰國嘢，味道同份量整體都唔錯。最後不得不提佢地個樽裝奶茶好正，佢唔係一般我地飲開既港式奶茶，係fusion泰式奶茶，後來先知原來老闆好似係香港贏過咩奶茶比賽， 所以都算係半個隱世高手不過就限量供應，見佢每日得個十支八支。食物正，奶茶仲正，鍾意“品茶”嘅朋友真係值得試下PS.個叔叔都識講廣東話，所以唔使擔心溝通唔到
繼續閱讀
日日都話抗疫，街都唔想去。諗住平平食D特別野，好過日日食快餐咁頹，就call 左呢間泰國野。其實都冇乜期望，食左個海南雞飯同咖哩試下，老闆話今日多外賣，要等左右一個鐘先送到過黎。好彩我係預早叫定，雖然有啲耐，但冇所謂啦。等左45分鐘左右，終於到咗啦咖哩比想像中香，辣度亦適中(我本身好辣，覺得可以叫辣D），海南雞都好正，加埋啲伴碟，泰國風味十足。所有食物都比想像中好，埋單都唔使一百蚊。講真以呢個價錢食泰國嘢真係非常超值。絕對推介，不過送餐時間真係要改善一下，一係你就預早叫定。
繼續閱讀
好多餐廳在第五波疫情早收，所以提早去隆亨街市買泰國嘢食，我叫左海南雞，黃咖哩，豬頸肉，返屋企做晚飯，雞肉好紅有血水，咖哩又難食，似難食的中餐，所以非常失望。泰國菜完全冇泰國味，只有難食中餐味。加多D魚露，青檸，可能會有泰國味，症情搵錢吾易，希望有餐正常野食，但冇攞
繼續閱讀
第一次用 外賣app就選擇了這間小店建議送餐時間為 30 分鐘實際好快就送到來屋企，非常好豬頸肉冬蔭功金邊粉外賣大碗到可以分到兩碗 預左麵和湯會放在一齊 所以揀無咁索湯的金邊粉 從金邊粉浸在湯的一刻，到外賣送到 金邊粉的狀態和口感都 ok，無話浸脹曬金邊粉配的豬頸肉，份量夾極都有 片片都又長又大 出面餐廳都只有其 2/3冬陰功湯底就偏辣為主，酸味可以加多一點 未覺有檸檬葉和香茅的清香味 食完都有 d 覺得辣泰式無骨豬手一打開盒蓋，望到好多豬膠原！豬皮好 Q 彈 好有骨膠原到食完嘴唇會有少少黏豬手肉質實淨得來唔韌，軟淋得來都有肉可咬 口感有種在食台灣牛腱的感覺 重點：無骨 der ～ 懶人必食 豬手顏色比較深，但不重鹹 豬手汁更加食到豬手的膠質滲透在其中 放心，豬手下面有幾條菜，減少罪惡感椰汁千層糕口感軟 Q ，質地不會過份柔軟 雖然椰汁和班蘭味都偏淡 但可以中和金邊湯粉的辣味
繼續閱讀