泰妹餐廳 (The Wave) (已結業)

今日放假約左朋友仔一齊去gel甲,我地gel甲前已經肚餓,唯有要醫一醫肚先。一坐低店員就率先拎左兩碗雞湯俾我哋飲。Menu上嘅午餐都幾抵食,價錢由$52至$68,就有交易仲要包埋飲品。我就選擇咗我最愛嘅海南雞飯,雞油飯帶有淺黃色,食落有雞油味但略嫌煮得太淋。海南雞好嫩滑,皮薄無脂肪,令我有驚喜。朋友叫左蛋花黃咖喱軟殼蟹飯,黃咖喱汁味道調校得好好椰香味比較突出,因為加在蛋花嘅關係,所以比較杰身,送飯一流。軟殻蟹炸得香脆。跟餐仲可以加$18就有2件泰式魚餅或者泰式蝦餅,兩款都炸得香脆食落彈牙。餐飲方面仲有泰式奶茶同青檸梳打等泰式特飲可以選擇。

今日同朋友5一齊去搵泰妹！佢就係觀塘the wave 嘅1樓炸！Let’s go 我講嘅泰妹係呢間餐廳呀⋯⋯你諗咗咩呢！嘿嘿黎杯青檸梳打先啦，要讚嘅係佢地都幾環保喎，唔係用膠飲筒而係用鐵筒！另外要讚嘅係佢係無糖架，感覺幾健康個人覺得青檸味唔太出，可能篤得唔夠勁，其實都環可以！有一碗仔菜湯，好飲呀！清清地，正！不過一般人一定覺得咸咗少少。但我個人就食得咸d所以可以呀！好味呀蛋花黃咖哩軟殼蟹，呢個咖哩一食落口！哇一聲，送飯一流呀架汁！食得出係高質嘅味。。。軟殼好大舊呀！配埋飯都好好味！正！不過一樣野扣咗少少分就係d飯「林」咗d d 但加埋汁就冇得輸呀！真心，所以都有99分架100分滿分！5個人都係食咗接近300蚊，算幾平呀係觀塘食lunch! 又唔洗加一，都算係糧尾精選呀！

第一次黎the wave 食野，真係唔知上面有野食，而且地方大，算多位。款式算多而價錢唔算貴，包野飲，仲可以叫泰式奶茶/咖啡、薏米水等，都不用額外加$！ 今次點了泰式奶茶，覺得太甜：（另外叫了雞肉串燒飯，幾香口，係個飯太淋，唔似泰國米。 同行人叫了海南雞飯，佢地話雞件較小同肥，唔係咁推介。

聽來The Wave新開了不少美食，見有間泰菜個名這麼特別- 《泰妹》，就乾脆在Happy Friday 嘗一嘗吧！有十月Lunch Menu，即是有十一月的Lunch Menu，也代表逼你十一月再食未點餐，先來一碗雞腳煲青紅蘿蔔湯。四平八穩的先來一客《泰式去骨海南雞湯河》雞不算滑，且非似餐牌所示的去骨，有骨的海南雞餐廳方面要多加注意這點呢！至於河粉方面，一大塊河粉較正宗，口感不錯《沙嗲雞串燒飯》反而串燒不俗，但白飯上的沙嗲，竟然花生醬多過沙嗲味扣左少少分...最後，《青檸梳打》就不似預期，沒什麼太多的青檸味，似喝著普通的梳打水一於睇睇十一月的餐牌如何，再給一次機會予這個泰國妹吧

假日喺開源道一帶搵食以為唔洗逼，但亦都代表好多檔唔開。第一次試呢間，假日無咩人，坐得算舒服 （非bar枱）。午餐$5x-$6x，我食冬蔭功粉，只係帶酸嘅辣湯，蝦同魷魚算不過不失，蟹柳（仿）就怪怪地。不過事後要飲好多水，預左。朋友食海南雞，好多都咬唔開。另外咖哩汁，茶餐廳style，比唔上茶餐廳，好怪。杯熱飲亦怪甜，飲一啖就飲唔到落去。仲有串燒，好乾，雞翼唔熟。整體，味道比同區茶記明顯差。而價錢比茶記明顯貴。係略好坐，但工廠樓上舖都要收得貴？雖然地面層有裝修，但上樓上感覺好似傳統停車場。

今天午飯時要過觀塘整嘢，就順便係觀塘食晏。。。諗緊食咩之濟，醒起上次食車仔麵隔離間泰國菜，其實都唔係好夠時間，所以都唔諗咁多，無睇餐牌就碌咗入去坐底😛應該都有嘢啱食嘅。。。一睇餐牌都幾抵食咁，$52至$68,開頭以為有小食，點知自己心急無睇清楚，張單到咗，好彩望一望，原來係要加$18蚊！😳 即刻叫取消改單，一來唔太餓，二來$18有兩粒蝦餅 or 春卷又不至於勁抵🤨 所以，係唔需要嘅😏海南雞湯河到 (唔好意思，本身啤雞排得整齊㗎，係一落枱唔記得影😅)， 哎！無諗過啲雞會放埋落湯，同埋河粉係一塊都自，朋友就唔係幾鐘意嘞，同埋個塊伴菜想點呀，係一塊幾爛嘅菜😑 而味道就超一般㗎喇。。。到我個肉碎飯，賣相好得，都炒得幾香卵味，好可惜，本人好怕食爛飯，登時成個飯唔好味咗😕講埋杯嘢飲👉🏼熱香茅青檸薏米水無味！ 好似用少量薏米煲嘅薏米清水咁🙈今餐食得好唔滿足，好唔美味，雖然係唔算貴，但唔值。仲要坐咗個古怪位😒係一排類似Bar 枱嘅前面，坐Bar個兩個就對到我地正一正，零距離，佢哋講大聲少少可以飛哂啲口水過黎😒😒

上周在The Wave用膳時，留意對面有另一間泰菜餐廳>>>泰妹<<<；這夜趁路經觀塘，決定一試。餐廳以開放式設計，照明充足，非常光猛。侍應只有香港人，沒有泰妹，也沒有泰仔；都不打緊，最重要還是美食。 晚餐似乎沒有套餐，都是單點小食及飯麵等等。餐牌只有文字版；侍應另外提供平板電腦，載有特色菜餚圖片，方便參考。 主菜是蛋花黃咖哩軟殼蟹(HKD68)。蛋花與黃咖喱組合，坊間較為少見；蛋花令完全不辣的黃咖喱更加香，層層蛋花亦很有口感。軟殼蟹在大大碗黃咖喱中略見嬌小，但新鮮炸起，總算香脆。 這款主菜沒有飯麵，所以打算加碗飯，而白飯和油飯同價，當然一試比較獨特的油飯(HKD10)。淡淡的香味，和蛋花黃咖喱還挺搭配；雖名為油飯，但也未有太過油膩喲。 飲品是熱的泰式檸茶(HKD18)，份量比一般熱飲為多，茶香與別不同，零舍甘香，值得一試。 是晚消費不消HKD100，不用加一，還好吧。

今日放假黎到觀塘食午餐，位於The Wave 的泰妹係一間新開的泰國菜餐廳。門口呈開放式，好易搵，電梯一上黎就係。泰式雙拼飯，海南雞拼豬脾，$60/套餐，雞油飯色澤呈淺黃色，食落味道好濃郁，有好香的雞油味，飯粒軟熟煙韌。海南雞嫩滑鮮甜，有少少香茅等香料味，豬脾煮得軟稔入味，肥瘦適中，醬汁惹味香甜。蛋花咖哩軟殼蟹飯，$68/套餐，顏色好靚，好似蛋黃色，加入蛋花令咖哩汁更滑溜，醬汁香濃美味，軟殼蟹咬落香脆，同咖哩味道好夾。小食，炸蝦餅，即炸熱辣辣，卜卜脆，外皮的粉好薄，蝦肉厚身，彈牙爽口。

今日就係同事叫網上外賣平台外賣就叫咗個海南雞飯但我覺得個海南雞飯好難食因為佢有陣味 我哋成班同事一致認同覺得好古怪 有啲唔想食嘅感覺而且個雞都唔夠滑所以應該唔會再有下次

7月尾去了泰國旅行，好友指定要榴蓮糖和民族袋做手信，當然無問題，但竟然約到9月才有空取，幸好還未過期。拿着泰國手信就諗起當地的美食，今晚一於再續泰國風。來到觀塘區，當然由在這區工作的朋友帶路。這間餐廳她之前來過吃午餐，覺得不錯，故想推介給我，就是「泰妹」。開放式設計，流線型的門面，配上綠葉圖案的牆紙，好有朝氣和活力。設有兩排泊牆的沙發座配四人枱，亦有幾張二人和六人枱，還有單人高座，座位不多，但挺舒適。安坐後，店員隨即送上清水和餐牌，有兩款二人套餐，亦有散點，包括湯、小食、沙律、串燒、主菜、飯、麵、菜、甜品、飲品、特飲和啤酒。*****************************還記得泰國之旅其中一節目就是上cooking class，學整冬蔭公湯，好喜歡呀！就要碗冬蔭海鮮湯金邊粉 Tom Yum Seafood  Noodles ($58)啦！滿滿一大碗，先數數有乜海鮮，有多件柔軟的蟹柳、彈牙的蝦仁、爽口的魷魚 和青口，仲有一隻大蝦，都算幾豐富。趁熱呷一口冬蔭功，湯身呈淡橙色，泛少許辣油，散發着微微的酸辣香。辣度不算很厲害，酸酸辣辣，令人越喝越醒胃，但相信總不及來一窩單單冬蔭功湯那

今日突然想食泰菜搵到一間喺觀塘嘅新開嘅泰菜發現都幾多特別嘅選擇，所以就揀左呢間試下。餐牌上有好多唔同嘅選擇，有串燒、泰式飯麵、特飲等等......但今次只係得3個人食，試唔到太多款式揀飯麵嘅時候，喺兩個唔同嘅麵食掙扎左好耐，分別係泰式船麵同埋泰式彩虹粉。兩種都喺其他我試過嘅泰國餐廳比較少見，最後都係揀左泰式船麵。「泰式船麵$52」船麵雖然叫麵，但其實有d似米粉，連埋湯底一齊食，米粉嘅味道唔會太寡。湯底有少少似肉骨茶嘅味道配料有彈牙嘅豬肉丸同埋嫩口嘅豬肉片份量都幾大碗。「炒雜菜 $48」雜菜入面有菜、菇、蘿蔔等等，有選擇困難症嘅朋友必點，加埋蒜蓉唔會太齋。「蛋花黃咖哩軟殼蟹火山包 $148」火山包即係農夫包，份量多，好足料2個男士都食到好飽。包裡面並非只有咖哩味，包入面仲搽左蒜蓉醬，令個包本身已經變成蒜蓉包，蒜蓉包同咖哩非常夾。黃咖哩本身亦都唔辣，我同朋友仔最後用包點曬d咖哩。大滿足！軟殼蟹炸得外脆內軟，完全唔油。總括而言，個人覺得食物價錢合理，餐廳乾淨服務不錯附近番工嘅朋友食晏食飯嘅好選擇。

泰妹一詞有些貶低泰國女生的感覺……在香港官塘活化工廈WAVE 內竟然有間新餐廳取名叫「泰妹」。位於WAVE 的二樓，扶手電梯及升降機均可以到達。「泰妹」的招牌非常搶眼，加上開放式格局，感覺年青又充滿活力。原來泰妹有參與美食車計劃。不知道美食車計劃成功與否，但是筆者就從來都未有幫襯任何一輛美食車，還是喜歡傳統到店內用餐經驗。泰妹有8款午餐，均一價$52，包飲品及免加一。這個價格定位親民。【泰式去骨海南雞飯 $52】海南雞飯於泰國水門橋甚為盛行，於是又稱「 水門雞飯 」。好味的海南雞飯除了雞要皮爽肉滑外，還要配上美味油飯及雞湯。單看這個午餐沒有雞湯送，有點失色。雞肉不夠嫩滑，不夠雞味。雞皮又不夠爽口，皮下沒有啫喱膏，味道普普通通。飯的味道比海南雞好味。油飯呈啡色， 飯是用油飯加入香茅、葱油、雞油和黃薑粉末炒過。飯有淡淡的香料味，香口好吃，調味恰到好處。【泰式豬脾飯 $52】豬脾飯呈上……唔知係隻碟太大還是食物份量太小……整體賣相大打折扣。原本以為豬脾是燒焗而成，這個豬脾其實似台式鹵肉。豬脾煮到好淋，適合小公主，但筆者覺得缺乏口感，而且味道平淡。泰式味道 …… 甜，說的是淋在白飯上的汁，筆者

星期六約左朋友去觀塘學整蛋糕，出發前朋友帶左我去The Wave食野，搵到呢間好抵食既泰國菜。午市套餐每個月都有少少唔同，價錢真係十分抵食。今次揀左海南雞湯河，好食既海南雞要做到皮薄無脂肪，雞肉嫩滑，呢度都做到。而河粉方面係一片片粗河粉，食落更有口感，而且可以用湯匙連清清地既湯一齊食。而朋友要咗一點蛋花黃咖喱軟殼蟹飯，軟殻蟹炸得好香脆，黃咖喱汁味道調校得好好，咖喱同椰汁味平衡而且唔辣，啱晒我哋呢啲唔食得辣嘅人。飯餐仲跟左碗菜湯。2個餐都加錢要左個小食，一份蝦餅一份魚餅。蝦餅夠彈牙，魚餅加左紅咖哩醬，少少辣，好惹味。最後跟餐飲品要左泰式奶茶同青檸水。呢度食物質素唔錯，重點真係好抵食，又發堀到觀塘多一個好地方了。

由於我們都住得近官塘，所以約同學吃飯便選擇官塘區。聊起來才發現哇塞~原來我們認識了19年了。哈哈~今晚就在泰妹這裡慶祝19週年吧，我們都有選擇困難症，所以選了個兩人套餐。馬拉盞炒芥蘭: 色澤很翠綠，吃起來脆口，有魚露的鮮味。泰式炒飯: 鹹度適中，炒飯有很多菜，所以很健康，米粒有點軟，可能自己平時吃得乾。冬陰海鮮湯: 吃泰國菜最喜歡喝這個冬陰功湯，湯底料很豐富，有青口、鮮蝦、魷魚、蜆肉等等，酸辣酸辣的，可開胃了，可能我們吃得比較淡，所以覺得有點鹹。串燒拼盤: 食物都燒得比較乾，這樣就不會太多油了，對減肥人士來說是恩物。青檸蘇打: 使用不鏽鋼飲管，非常環保，也可以改掉我咬飲管的習慣，哈哈

＜林生帶我食好西系列＞原本林生揀左k2 kitchen 同我fine dinning可惜下晝我去左mr. steak 食semi buffet 好飽轉場去林生未來office - the wave 找好西上電梯有兩間 泰國野同車仔麵原來係同一個老闆開 想食light d揀左泰菜7點前去到唔洗等位 8點後坐滿林生唔食得辣問佢青咖喱會唔會好辣侍應有禮貌耐心答黃咖喱中辣的話 青咖喱更辣林生揀左冬蔭公海鮮但唔想食金邊粉侍應幫佢問廚房可唔可以轉河粉 值得加分👍少有泰國餐館唔辣的青木瓜沙津碟細食落唔少 生菜托底沙津唔會浸哂落魚露過酸木瓜絲甘荀絲幼細長短均勻 加上車厘茄花生碎食落口新鮮爽甜 好食冬蔭公湯小辣 夏天食辣開胃去濕海鮮有青口蟹柳大蝦和細蝦 蝦唔彈牙未去到梅反而轉左湯河先係驚喜 寬身河粉大塊有口感吸收冬蔭公湯鮮味 正！林生的芒果沙冰 外觀吸引小妹的養生熱青茅薏米水（去濕去濕）唔明點解細杯過沙冰 薏米水貴過沙冰嗎？🤔