泰妹餐廳 (The Wave) (已結業)

今日同朋友行開觀塘, 於是就搵下有咩正野食, 見到呢間泰國野唔太貴於是就諗住試下~係地鐵站行5-10分鐘就會到, 係個商場度上一層電梯就到~雖然話係食泰國野, 但就唔同其他泰國餐廳既裝修, 呢度反而較光猛, 而且位都比較闊落唔使坐得咁迫~估唔到星期六都有set lunch, 我地分別叫左泰式彩虹粉同泰式船麵, 另外仲加左魚餅同春卷食~平時我都好鐘意食船麵, 因為佢個麵既質地夠哂幼吸哂d湯味好正, 呢碗野份量都有好多, 而且仲有好多配料, 重點係有我最愛既豬皮, 脆卜卜真係好好食呀~另外朋友就係食彩虹粉, 開頭覺得碗野同平時一樣, 但攪勻左之後就變左粉紅色, 真係第一次見~朋友話呢碗野都好足料, 雖然唔知d粉紅色係點整出黎haha, 但我地都清哂成碗野~春卷同魚餅就各有4件, 而且細細舊唔會食到飽哂, 個魚餅仲要係冬蔭公味, 第一次食但估唔到又幾好味~最後叫左杯泰式奶茶同港式檸檬茶Lunch set價錢都唔太貴, 下次可以再黎試下dinner呀~

泰妹而家喺香港越開越多分店 喺觀塘工業區入面就有一間佢就係收埋咗喺The Wave樓上一樓 M記隔離聽講開得係觀塘既餐廳都有返咁上下料子 就試下呢間泰國菜.3人食2人餐 啱啱夠飽唔會濟有小食拼盤 冬蔭功海鮮湯 炒雜菜同埋菠蘿炒飯.小食拼盤有一般炸物同串燒薯餅 雜菜餅 炸雞翼 仲有牛肉串同雞肉串冬蔭功海鮮湯好大隻蝦 菇菌類同蝦球都有好多  湯底偏辣  海鮮甜度高  椰奶味反而淡菠蘿炒飯飯粒分明 每粒飯都好入味 肉鬆花生提子乾都齊 份量大 夠食有突炒雜菜泰式食物就係重口味 炒蒜提味 略嫌菜既份量少左d😞餐飲：蝶豆花檸檬梳打靚 就無啦 淡啦 無味 得d氣🌚番外話泰妹seat位分開兩邊鋪位 M記隔離同電梯口我地咁啱就坐M記隔離 叫天不應叫地不聞咁所以 大家想食既 勸你地要坐電梯口個鋪位🌚

呢坐工廈變新後樓下幾層由不同食店進駐，一樓有呢間泰國菜店半開放式用餐區，提供散叫菜式，價錢相當親民仲有呢個超值二人套餐 ($268)，包湯/小食/菜/麵飯/甜品及飲品先黎呢客椰子鷄湯，奶白色原鍋上，若然有埋個火爐"慶"住會仲好D，飲到尾都唔怕會變凍左!椰子味道偏淡，反而似淡口版冬蔭湯，酸味偏濃; 而材料有鷄肉 (有鷄味喎)，白菇及車厘茄，再有香芧及其他香料煲成，飲落幾滑口!炒菜要左呢個馬拉盞炒通菜，入口無渣，只帶點微辣，味道幾惹味!小食拼盤包括炸蝦餅，炸魚餅，班蘭葉包鷄及春卷 (各兩件)，連帶有三款醬汁點食個人黎講喜歡炸蝦餅，口感帶點彈牙; 春卷外脆內裏餡料唔太膩!呢個泰式海鮮乾炒河粉，材料豐富，海鮮料包括蝦，青口，魷魚，蟹柳等，再以椰菜，蘿蔔及蛋炒成炒得幾夠乾身，河粉食落條條分明，唔會係一PAT PAT! 另外因為加左蛋一齊炒，增加香口感，配河粉一齊食好味道!  歡喜嘅可以配埋辣椒粉一齊食，少少辣，仲開胃!套餐包飲品，可以叫青檸梳打都唔駛加錢，咁SO當然叫啦，味道唔甜又唔酸，當杯梳打水飲都幾清新; 另外果杯係泰式咖啡，唔太特別，同埋唔夠熱!之前去泰國都無機會食船麵，見呢度餐牌有，就再

同住將軍澳的朋友約食飯地點當然要近翻大家。收工之後，落觀塘就最方便。今日去左離apm 大約五分鐘路程的新點 The Wave！叫二人套餐就唔使諗啦，啱晒適合有選擇困難症的我地。香茅青檸薏米水朋友說要養生，要點熱飲。呢一杯薏米水，只有小小甜，而且薏米可以去水腫，啱晒女士。大頭蝦冬陰公湯至尊小食拼盤叫小食拼盤有一個好處，就係每一款特色嘅小食都可以逐款試一啲。呢度有蝦餅、魚餅、同埋幾款串燒，仲有雞翼。不過串燒有d乾。香辣海鮮粉絲沙律開先嘅份量都幾足，有蝦又有青口，加上粉絲有少少辣，作為一個前菜非常開胃。飛天炒通菜有少少似馬拉盞的感覺，有少少辣，食落又幾惹味。泰式大蝦炒金邊粉超級大碟，炒得好香，所以我同朋友最後都食唔完。以上就係二人套餐的份量，都唔少架！就咁睇我覺得如果細食嘅話，三個女仔都夠食。所以，要食好食的泰國菜，又邊洗去到九龍城呢。喺觀塘又有抵食又大份的泰國菜，坐得又舒服，交通又方便，的確值得一試。

今天來了觀塘探朋友班，順道一齊食lunch，朋友的公司在The Wave 隔離，於是便提議到此覓食。上一樓後，便見到泰妹，就一於試下啦原來這裡的午市套餐有很多款式，飯和湯粉都有很多選擇，還包一杯餐飲。我們叫了海南雞河，及泰式船麵，餐飲叫了香茅青檸薏米水，及泰式熱奶茶。不消三分鐘，已上了飲品，接著便上湯粉，效率非常之高湯粉的份量足，海南雞醃得很入味，肉質嫩滑，好正船粉料足，湯底濃，特別喜歡食肉丸，彈牙可口整體非常滿意，不單經濟實惠，印象也很好，有空一定會再來食飯餐

最近又來觀塘做野，好在我食Lunch 時間都不需太趕，就係THE WAVE 商場1樓食泰式餐廳食下，地方大大連對面都是它們的，而且座位都足夠，剛剛來到都需要取票，時間剛剛好等了2分鐘已有座位。 每月的午餐都有特定午餐 想食下唔同既午餐又真係個個都要黎食下 我眼定定一心都係好想食個海南雞拼咸肉 有飯既套餐同時都有泰式粉 安排好座位不會覺得迫好舒服 青咖哩雞飯 HK$55 一來到熱辣辣又香噴噴，氣味吸引到我要即刻食 個青咖哩個汁濃厚好有椰漿味道豐富又有層次， 甜甜的不辣仲好開胃，雞肉冇骨一啖飯同汁入口，我都好滿意呢個汁好想下次再食。 泰式雙併飯 HK$62雙併又真係正一次過食到2種肉，黃油飯口感不油膩， 這個雙併飯配了三種醬汁，有酸甜醬、辣雞醬、甜豉油， 又黃又滑既雞皮同時吃到肉質嫩滑，份量都足夠剛剛好。 海南雞冇骨啖啖肉很滑而且配醬汁一起吃更美味 每人一個餐都包一杯飲品 好欣賞呢杯熱香茅青檸薏米水，熱住又暖胃好舒服 青檸水都一樣夠開胃 服務不錯有禮，非常多客人仍然笑臉迎人。 食物我覺得好食會再去呀

星期五晚上約咗朋友食泰國菜大約19:30去到, 仲有唔少位剩我同朋友柯打了:1. 炸蝦餅我同朋友都覺得唔好食. 炸蝦餅冇乜蝦味, 而且覺得唔太新鮮, 應該係我食過咁多間泰國菜之中, 最難食嘅炸蝦餅.2. 香葉肉碎生菜包不過不失3. 蝦醬肉碎炒飯唔錯嘅 ......4. 泰式豬濕炒河粉呢個炒河好食, 河粉係用闊果隻, 加上又夠薄. 個獻汁又打得幾好, 食到最後都唔會變水汪汪.總括而言, 食物質素拉上補下之後都算合格. 位置就腳, 喺觀塘地鐵站行大約10分鐘就到但喺九龍區嚟講有更好嘅選擇P.S. 免加一

係觀塘原來除咗熟食市場有好味泰國野食之外，原來呢度都有間好味道泰菜食，但可惜既係佢好早就收鋪我地8:45pm去到，準備坐低就同我地講9點係最後落單，9:30收鋪，叫2人餐都同我地講有炒野會耐d因廚房趕最後落單所以較忙，但都照叫咗2人餐加無骨鳳爪沙律🥗、串燒拼盤，食物好快就上到黎。 呢個海鮮冬陰公湯好好味，唔係好辣，但佢既酸味好夠，海鮮又多一d都唔手緊，大家都飲到嘴舐舐😋😋😋 串燒有（豬、牛、雞）最好食係雞，之後係牛、豬 炸物拼盤就真真常常，都好食既！最失望既係佢既甜品，就係大菜糕（4色糕） 總括嚟講呢餐泰國菜係正既！

平日都頗喜歡起泰國菜，所以這天就選了泰妹這間餐廳。店舖是開放式的，環境乾淨企理，挺舒適。炒金邊粉 |Pad Thai 其實都挺好吃的，河粉不會太濕或太乾，味道都跟在泰國吃的Pad Thai 相似，但配料就比較少。份量而言，女孩子吃的話一個人份量應該剛好或者會有點飽。紅油抄手麵 |除了泰國菜，這裡還有一點上海菜。因為那天病了，所以想叫碗麵來吃，就叫了紅油抽手。抽手味道都正常，偏甜和微辣，但整碟都好像放涼了，所以吃下去有點硬。而麵就是有點災難的，首先麵質太腍，湯非常淡味，而且不是清湯這般簡單，差不多是沒有味。蘿蔔不甜而且挺硬的，所以真的很難吃～

我相約好朋友在放工後到我地公司附近食晚飯, 選擇朋友至愛的泰菜, 就來到泰妹。 晚上7點多, 已經好多人幫襯。**我地兩人齊選擇泰妹至尊二人套餐 $338 有湯 ､小食 ､沙律 ､菜類 ､麵/飯類及飲品, 好豐富。**【冬陰海鮮湯】 冬蔭公湯辣度及酸度適中帶鮮味,原因內有蝦､青口､魷魚等海鮮,我地好兩人好快把湯飲光光呢!**【雜綿串燒小食拼盤】 全拼盤金黃色的,有香脆香芧雞翼及 牛油雞翼､彈牙的蝦餅､香料魚味十足的魚餅, 可惜雞肉串､豬頸肉串､雞腎串,入口特別好韌好難咬, 這串燒應是炸,不是烤,煮得略為乾巴巴。**【泰式海鮮粉絲沙律】 這海鮮粉絲沙律有多款海鮮,全有酸酸辣辣味道,是必選開胃沙律。**【馬拉盞炒通菜】 這通菜炒得很香很惹味,通菜好鮮嫩及少渣。**【泰戌蝦炒金邊粉】 炒金邊粉,內配料豐富有蝦及牙菜等, 並有花生碎點綴。金邊粉入口不濕潤好乾身, 炒得剛剛好,有酸甜味道,十分開胃好食。 若不夠酸,可加添青檸汁呢！**【香芧蝶豆花檸檬梳打】 + 【番石橎沙冰】 香芧蝶豆花檸檬梳打略為淡味, 而番石橎沙冰十分香濃好飲。

黎開觀塘呢邊，平時向都係食工廠大廈上面嘅食肆，宜家竟然成幢大廈翻新左做一個新嘅商場，感覺同D2place有啲似就諗住嚟睇吓有咩食發現其實原來有泰國嘢食就黎開觀塘呢邊平時向都係食工廠大廈上面嘅食肆，而家竟然成幢大廈翻新左做一個新嘅商場感覺同D2place有啲似就諗住嚟睇吓有咩食，其實原來有泰國嘢食就嚟試吓啦！啲侍應都好熱心同我地講有啲乜嘢嘢食係多人嗌嘅，同埋我哋一入嚟就見到好多人都有食火山包好似好吸引，就嗌左火山包 串燒拼盤同埋椰汁雞煲！其實我覺得嘢食就唔錯嘅！不過我哋跟餐仲嗌咗兩個嘢飲，嘢飲就認真麻麻地！首先叫咗個菠蘿特飲，個菠蘿特飲上到嚟個樣都伏伏地嚟！

自從觀塘嘅工廈，開咗好多餐廳之後，來觀塘搵食嘅人越來越多，今日喺附近做開嘢，記得嚟個呢個 The wave商場，一上扶手電梯，就見到呢間「泰妹」，見到有個二人餐幾抵食，就決定食呢間了餐牌$268 ，有湯有菜有小食拼盤，仲有一個飯，甜品同埋飲品，肯定食得飽椰汁雞湯用鐵煲上枱，熱辣辣，份量足。飲入口有蕃茄嘅酸味，同埋椰汁嘅香甜味，雞肉嘅份量亦都唔少，仲配上雜菇，提升整個湯嘅香氣小食拼盤炸蝦餅好好食，外皮炸得好脆口，裏便嘅蝦膠好彈牙班蘭葉包雞拆開之後嘅雞肉仍然嫩滑多汁，仲有陣陣香草嘅香味冇晒米紙卷，用咗炸春卷代替，呢個春卷裏便有芋頭粒，春卷皮咬落卜卜脆，配上芋頭粉粉地嘅口感，一種食物，兩個味覺層次馬拉盞炒通菜火候一流，通菜炒完之後仍然好青綠，食入口仍然有爽脆嘅口感，通菜配馬拉盞，永遠係最佳嘅配搭組合泰式海鮮干炒河粉河粉真係炒得夠乾身，海鮮料豐富，有魷魚，大蝦，青口等等，隻隻都大大隻。泰式奶茶，青檸薄荷葉沙冰（+$12）呢杯泰式奶茶，真係飲得返泰國街邊買嘅嗰種味道，泰式奶茶比較平時飲開嘅甜同埋滑少少，比較重奶香第一次飲青檸薄荷葉沙冰，成杯入口透心涼嘅感覺，適合食完濃味或辣味後用嚟中和一下，微酸

住觀塘附近，一收工就同朋友過黎搵野食。突然好想食泰國菜，就過黎食下。 雖然店鋪唔算好大，但坐得都算舒服。 海南雞飯 $58 油飯夠香又不失泰式既味道。雞肉質嫩滑，啖啖肉好滿足。 菠蘿海鮮炒飯 $98 賣相好靚，超吸睛，肉鬆菠蘿粒同腰果替飯加強左口感。海鮮都相當足料，蝦，青口，魷魚都大大隻，味道唔錯。 馬拉盞通菜 $68 通菜幾新鮮，味道微辣都幾惹味。 椰汁芒果糯米飯 $48 最後叫個甜品，芒果香甜解膩，一個完美句號。

先前呢度多數都係做OUTLET, 今日發現原來已轉左做D 餐廳喇~ 街口間麥記都掉左入黎, 人流應該會多返D~發現有新開餐廳, 又係THAI 菜, 咁又黎試下啦~又係有D 貪心之選, LUNCH 都幾多選擇, 同區價錢黎講都算抵食.然後又見到我既最愛, 香葉肉碎飯$55,. 梗係要叫啦~同埋我係叫左少飯, 有打落張單度, 不過上到黎又好似冇大分別~哈~肉碎份量OK, 可以再辣D, 唔太油, 不過只蛋唔係煎燶邊蛋~ 呢度要扣分~ 朋友叫左. 蛋花黃咖哩軟殼蟹飯, $68軟殼蟹係原只開半, 呢個價錢真心OK!黃咖哩好有椰香, 但份量多左D, 變左湯汁咁~咁多汁會出事, 會食唔停!!! 好邪惡!建議可加D菜呀, 車厘茄之類,咁樣賣相冇咁單調~另外加左個小食, 春卷 $18, NOT BAD 旦又唔係好突出啦~見佢咁平就叫黎試下.XDDD我地重加錢. $12 叫埋特飲菠蘿冰同埋蝶豆花梳打. 咁樣可以食得開心D~ 

今日系apm 行完街，就行過去官塘工廠大廈果邊食泰國菜。點左呢個$338二人餐。冬蔭海鮮湯真是材料十足，仲要隻大頭蝦超大隻，肉又爽口彈牙，仲有蝦，魷魚菇等。湯底微辣鮮甜，每人可以飲2碗飛天通菜炒到好夠味道，又微辣又香。香茅雞翼燒到外脆內嫩，炸蝦餅，魚餅又香又彈牙，雞肉串，豬頸肉又燒到好香口配埋醬汁更加入味。泰式海鮮粉絲沙律，粉絲索晒汁的味道好入味，幾開胃又酸酸辣辣。泰式原隻菠蘿海鮮炒飯，有魷魚，蝦，青口，提子乾，腰果和肉鬆好足料，飯粒又炒到好乾身又好夠味道。呢個套餐真抵食，份量又多兩個人真是食唔晒，足夠三個人吃，仲要系$338唔使加一。